Morgunblaðið - 23.02.2000, Síða 4

4 MIÐVIKUDAGUR 23. FEBRÚAR 2000
MORGUNBLAÐIÐ
FRÉTTIR
Fundur Norrænu umhverfísráðherranna í gær
Senda breskum stjórnvöldum
yfirlýsingu vegna Sellafield
UMHVERFISRÁÐHERRAR
Norðurlanda sendu frá sér sameig-
inlega ályktun í gær þar sem þeir
lýsa yfir áhyggjum sínum vegna
frétta af lélegum öryggismálum
kjamorkuendurvinnslustöðvarinnar
í Sellafield.
Yfirlýsingin verður send breskum
stjómvöldum og þar segir meðal
annars að ráðherramir hafi alvarleg-
ar áhyggjur af þeim fréttum sem
hafa borist af öryggismálum í Sella-
field og benda á að endurvinnsla á
kjarnorkueldsneyti sé ein helsta or-
sök mengunar af völdum geisla-
virkra efna í Norður Atlantshafi.
Umhverfisráðherrarnir funduðu í
Kaupmannahöfn í gær og var málið
tekið upp að frumkvæði Sivjar Frið-
leifsdóttur. Siv segir, í samtali við
Morgunblaðið, að full samstaða hafi
verið meðal ráðherranna um að
bregðast hart við þeim fréttum að
öryggismálin séu í ólestri í Sellafield.
„Við sendum frá okkur ályktun,
sem er byggð að hluta til á bréfinu
sem ég sendi John Prescott á föstu-
daginn. Þetta var mjög góður fundur
og góð umræða sem við áttum um
málið. Allir norrænu umhverfisráð-
herrarnir telja hér um mjög alvar-
legar fréttir að ræða og hafa núna
sent frá sér ályktun og aukið þrýst-
ing á bresk stjómvöld um að finna
lausnir."
Siv ítrekar hversu gífurlegt hags-
munamál það sé fyrir okkur Islend-
inga, vegna hagsmuna okkar í sjáv-
arútvegi, að hafið sé áfram hreint við
íslandsstrendur. Við séum með
hreinasta haf í heimi og viljum halda
þeirri stöðu.
Vakti athygli á losun þrávirkra
lífrænna efna í hafið
Umhverfisráðherra sat einnig tíu
ára afmælisfund NESCO, Norræna
umhverfisfjármögnunarsjóðsins, í
gær og flutti erindi þar sem hún
ræddi meðal annars málefni norður-
heimskautssvæðisins.
„Það er alveg ljóst að NESCO hef-
ur mikilvægu hlutverki að gegna þar
sem hann styður við ýmis umhverfis-
verkefni. Þar má nefna til dæmis að
minnka losun á þrávirkum lífrænum
efnum út í hafið, en við höfum fengið
upplýsingar um það að þrávirk líf-
ræn efni sem fara út í hafið safnast
saman á norðlægum slóðum. Okkur
er það því mikið kappsmál, þessum
ríkjum á norðurheimskautssvæðinu,
að tekið verði duglega á þessum mál-
um,“ segir Siv Friðleifsdóttir.
Spáir
hvass-
viðri og
snjókomu
VEÐURSTOFAN spáði suð-
austan hvassviðri og stormi um
18-23 metra á sekúndu sunnan-
og vestanlands í gærkvöld og
fram eftir nóttu með snjókomu
víða um land. í dag er útlit fyrir
hvassri suðvestanátt á sunnan-
verðu landinu með slydduéljum
og hvassri norðanátt á Vest-
fjörðum. Búast má við að færð
farin að spillast víða um land.
Þegar var orðið þungfært um
Bröttubrekku um kvöldmatar-
leytið í gær og skafrenningur
var á Norðurlandi og á Vopna-
fjarðarheiði.
j Ljósmynd/Yann Kolbeinsson
ísmáfur í Sandgerði
UM siðustu helgi fannst fullorðinn ísmáfur í Sandgerð-
ishöfn. Afar sjaldgæft er að finna fullorðna ísmáfa upp
við landsteinana, en þessi hánorræna máfategund sést
hér nær árlega að vetrarlagi. Flestir ísmáfar halda til á
sjó norðan við landið og fylgja yfirleitt hafísnum. Stöku
sinnum elta fuglar þó veiðiskip inn í hafnimar, en það
em yfirleitt ungir fuglar sem bera talsverst svart í
fjöðrunum. Það er því afar sjaldan sem tækifæri gefst
til að skoða þessa snjóhvítu, fullorðnu fugla sem ætíð
gleðja fuglaskoðara.
Landssíminn og Tal hf.
Beiðni um lokun
rúmlega 1.600
GSM-síma
LANDSSÍMANUM bárust 1.187
beiðnir á síðasta ári um að loka fyr-
ir svokölluð IMEI-númer í GSM-
símum sem annaðhvort höfðu týnst
eða verið stolið. Tilkynningar bár-
ust Tali hf. um 450 stolna eða týnda
GSM-síma á sama tímabili. Kristján
Þorláksson, tæknifulltrúi hjá Tali,
kveðst hafa grun um að skipulagður
þjófnaður eigi sér stað á GSM-sím-
um hérlendis og stór hluti þeirra sé
seldur úr landi.
Landssíminn hefur tækni til að
finna út svokallað IMEI-númer í
GSM-síma sem notandi tilkynnir að
hafi verið stolið. Landssíminn getur
lokað IMEI-númerinu og verður þá
síminn öllum gagnslaus, jafnt í
GSM-kerfi Landssímans og Tals,
en þó ekki erlendis.
Olafur Stephensen, forstöðumað-
ur upplýsinga- og kynningarmála
hjá Landssímanum, segir að beiðnir
um lokanir á GSM-símum á síðasta
ári hafi verið 1.187 sem er rúmlega
1% af GSM-notendum Landssím-
ans. í fjórðungi tilvika fundust sím-
amir aftur.
Kristján Þorláksson, tæknifull-
trúi hjá Tali hf., segir að um tíu til-
kynningar berist að meðaltali á dag
um týnda eða stolna síma. Á síðasta
ári bárust tilkynningar vegna 450
síma en heildarfjöldi notenda hjá
Tali er um 40.000. Tal getur ekki
lokað IMEI-númerum en Kristján
starfar í samvinnu við lögregluna
við að hafa uppi á stolnum símum
sem eru í notkun með öðru sím-
korti. „Það er alltof lítið um að það
takist að hafa uppi á símunum á ný.
Mér dettur helst í hug að það sé
skipulagður þjófnaður á GSM-sím-
um hér á landi og þeir séu sendir úr
landi. Þótt IMEI-númerinu sé lok-
að hér á landi er hægt að nota sím-
ana erlendis. Við finnum í mesta
lagi fjóra síma af hverjum tíu sem
týnast eða er stolið,“ segir Kristján.

21$ m&M
u r
Vinnan
ekki hafín
VALGERÐUR Sverrisdóttir, ráð-
herra iðnaðar- og viðskiptamála,
kvaddi sér hljóðs við upphaf þing-
fundar í gær til að greina frá því að
óhjákvæmilega yrðu tafir á því að
skýrsla um stjórnunar- og eigna-
tengsl í atvinnulífinu, sem óskað var
eftir í haust að yrði gerð, yrði lögð
fyrir þingið. Kom fram í máli Val-
gerðar að vinna við skýrsluna hefði
enn ekki hafist og að hún gæti ekki
lofað því að skýrslan lægi fyrir lok
þings vorið 2001, bæði sökum þess
hversu tímafrek vinna við skýrsluna
yrði og hve kostnaðarsöm hún yrði,
en áætlað er að kostnaður verði um
14 milljónir króna en ekki er gert ráð
fyrir fjárframlagi til þeirrar vinnu í
fj árlögum þessa árs.
Þingmenn Samfylkingar, sem fóru
í haust fram á það að viðskiptaráð-
herra fæli samkeppnisráði að endur-
skoða úttekt sína frá því í desember
1994 um stjórnunar- og eignatengsl í
íslensku atvinnulífi, lýstu mikilli
óánægju sinni með þessar upplýs-
ingar og bentu á að ráðherrar væru
skv. þingskaparlögum ætlaðar tólf
vikur til að vinna skýrslur, sem Al-
þingi hefði beðið um, og leggja fyrir
þingið. Hér væri um lagalega skyldu
að ræða en nú liti svo út sem þing-
menn sæju ekki umrædda skýrslu
fyrr en kannski 2002, skýrslu sem
beðið hefði verið um 1999.
Borgarstjóri tekur vel í hugmyndir Eimskipafélagsins um Skuggahverfíð
SELTjARNAR-
NES
,Gæti orðið
spennandi
byggð“
INGIBJÖRG Sólrún Gisladóttir,
borgarstjóri Reykjavíkur, tekur
vel í hugmyndir stjórnenda
Eimskipafélags íslands um skipu-
lagningu íbúðarhverfis á fyrrver-
andi athafnasvæði félagsins í
Skuggahverfinu við Skúlagötu. í
samtali við Morgunblaðið sagði
Ingibjörg Sólrún að nú þegar
stæðu yfir viðræður á milli
Eimskipafélagsins, borgar-
skipulags og borgarverkfræðings
um skipulag svæðisins.
„Þær hugmyndir sem ég hef
séð eru mjög áhugaverðar og það
er vonandi að það geti komist
góður gangur í þetta á þessu
ári,“ sagði Ingibjörg Sólrún
Gísladóttir. „Þetta gæti orðið
mjög spennandi byggð og ég hef
sagt þeim (stjórnendum Eim-
skipafélagsins) að borgin sé til-
búin að koma inn í ákveðna þró-
unarvinnu á þessu svæði á meðan
verið er að ljúka skipulagsþætti
málsins."
Lóð Eimskipafélags íslands hf.
afmarkast af Skúlagötu að norð-
an, Lindargötu að sunnan,
Frakkastíg að austan og Klappar-
stíg að vestan. Ingibjörg Sólrún
Gisladóttir borgarstjóri tekur
undir þær skoðanir stjórnenda
Eimskipafélagsins sem fram
komu í Morgunblaðinu í gær, að
sjálfsagt sé að skoða stærra
svæði en bara svæði Eimskipafé-
lagsins í þessu tilliti, og er þá
helst iitið á svæðið á milli Lindar-
götu og Hverfisgötu.
Metnaðarfullt
verkefni
Ingibjörg Sólrún sagði ljóst að
þetta væri mjög metnaðarfullt
verkefni enda væri þarna verið
Eimskipsmenn vinna að
undirbúningi deiliskipulags
fyrir lóðina en óska eftir að
skipulagið nái að Hverfisgötu
að tvinna saman nýrri og gamalli
byggð.
„Eg sé fyrir mér að þarna
verði að mestu íbúðabyggð, en á
svæðinu næst Skúlagötunni verði
blönduð byggð,“ segir borgar-
stjórinn.
Að sögn Ingibjargar Sólrúnar
gæti byggð þarna í Skuggahverf-
inu styrkt miðborgina, en fyrstu
tillögur gera ráð fyrir um 250
íbúðum á því svæði sem skipu-
leggja á.
„Þetta verður fjölbýlis-
húsahverfi með sérbýlisyfir-
bragði, því þarna er gert ráð fyr-
ir mjög glæsilegum íbúðum."
Ingibjörg Sólrún Gísladóttir
sagði að áður en nokkuð yrði
ákveðið um framtíðarskipulag
svæðisins yrðu tillögurnar kynnt-
ar fbúum þess.