Morgunblaðið - 09.04.2000, Page 2

2 SUNNUDAGUR 9. APRÍL 2000
MORGUNBLAÐIÐ
FRÉTTIR
Fjölgun í
Húsdýra-
garðinum
HUÐNURNAR Rák og Fiða báru
þremur litium sætum kiðlingum 2.
aprfl sl. Kiðlingarnir sem um er
að ræða eru 2 hafrar (hvítur, grá-
höttóttur) og ein huðna (svart-
flekkótt). Heilsast þeim öllum vel
og mikið líf er í fjárhúsinu.
Geitur á Islandi eru í útrým-
ingarhættu og eru þær einungis
rétt rúmlega 400 talsins. Það er
athyglivert við þennan burð að
kiðlingarnir þrír eru allir mis-
munandi á litinn sem endur-
speglar litarafbrigði íslenska
geitastofnsins.
Flugvirkjar óánægðir með friðarskylduákvæði kjarasamninga
Vilja endurheimta verkfalls-
rétt gagnvart þriðja aðila
FLUGVIRKJAR í Flugvirkjafélagi íslands sem
vinna hjá Flugleiðum, 156 að tölu, hafa ekki verk-
fallsrétt gagnvart þriðja aðila, sem skýrir það
hvers vegna boðað verkfall 13. apríl nær aðeins
til 30 til 40 flugvirkja í vinnu vegna reglulegs
flugs hjá Flugleiðum. Kjör flugvirkja Flugleiða í
störfum hjá þriðja aðila eru þau sömu og í vinnu
við vélar Flugleiða.
Flugvirkjar samþykktu ákvæði um friðar-
skyldu í samningum sem gerðir voru fyrir um sjö
árum en að sögn Emils Eyjólfssonar, formanns
samninganefndar Flugvirkjafélags Islands, verð-
ur reynt að fá endurheimtan verkfallsrétt gagn-
vart erlendum verkefnum og þriðja aðila í þeim
viðræðum sem nú standa yfir milli félagsins og
Samtaka atvinnulífsins fyrir hönd Flugleiða.
Ástæðu þess að flugvirkjar samþykktu
ákvæðið um friðarskylduna segir Emil hafa verið
þá að flugvirkjar hefðu viljað leggja sitt af mörk-
um til að byggja upp viðhaldsaðstöðu Flugleiða
fyrir erlend flugfélög. Flugvirkjar hefðu tekið
þátt í fjárfestingu í flugskýli Flugleiða í Keflavík
fyrir erlendar vélar með því að skerða kjör sín
og fyrirgera verkfallsrétti sínum. Oánægja með
ákvæðið hefði ekki komið upp fyrr en nokkrum
árum eftir að samningurinn var gerður, enda
voru verkefni fá fyrstu árin, að sögn Emils.
Morgunblaðið/Jim Smart
Sjdmannadagurinn í Reykjavík
Færeyskt kappróðr-
arlið í heimsókn
RÁÐHERRA sjávarútvegsmála í
Færeyjum, Jorgen Niclasen, lands-
stýrismaður í fiskivinnumálum, mun
verða heiðursgestur á sjómannadeg-
inum í Reykjavík 4. júní nk. Með
honum fylgir færeysk kappróðrar-
sveit sem etja mun kappi við íslenskt
kappróðrarlið.
Guðmundur Hallvarðsson, for-
maður sjómannadagsráðs, segir að
Niclasen sé búinn að staðfesta komu
sína á sjómannadaginn, en þetta er í
annað skipti sem fenginn er aðili að
utan sem tengist sjávarútveginum
sem heiðursgestur. Á síðasta ári
kom hingað John Prescott, aðstoðai’-
forsætisráðherra Bretlands. Nicla-
sen mun m.a. flytja ávarp við höfnina
á sunnudeginum og taka þátt í minn-
ingarathöfn um drukknaða sjómenn
í Fossvogskirkjugarði að morgni sjó-
mannadags.
Ásamt Niclasen er reiknað með
færeyskri kappróðrarsveit á sjó-
mannadaginn og segir Guðmundur
að smala eigi saman í sveit til að
keppa á móti henni. Hann segir Fær-
eyinga taka kappróðurinn mjög al-
varlega, enda taki þeir sér marga
daga í undirbúning fyrir kappróður-
inn sem fram fer á Olafsvökunni, og
lýst er í útvarpi eins og kappleik í
knattspyrnu.
Annað árið í röð verður sjómanna-
dagurinn í Reykjavík haldinn sam-
hliða
Hátíð hafsins í samstarfi sjó-
mannadagsráðs og Reykjavíkur-
hafnar. Dagskráin stendur yfir í tvo
daga og segir Guðmundur að verið
sé að gera sjómannadaginn og Hátíð
hafsins að fastri uppákomu í borg-
inni, sem einnig verði ferðamanna-
væn.
Rúnar Norð-
urlanda-
meistari
RÚNAR Alexandersson varð
Norðurlandameistari í fjölþraut á
Norðurlandamótinu í áhaldafím-
leikum í Helsinki í Finnlandi á
föstudagskvöld.
Rúnar hlaut samanlagt 53.700
stig. Hann varð lang efstur -
næstur kom Norðmaðurinn Tor
Einar Refsnes með 52.000 stig.
Rúnar fékk 8.550 stig á gólfi, 9.000
á bogahesti, 9.100 í hringjum,
8.800 á stökki, 9.050 á tvíslá og
9.200 á svifrá.
MORGUNBLAÐINU í dag
fylgir 16 síðna blað frá Félagi
íslenskra bókaútgefenda í til-
efni af viku bókarinnar.
Vegna mistaka birtist þessi
tilkynning í blaðinu í gær og er
beðist velvirðingar á því.
Bjarni Tryggvason geimfari er vinsæll hjá ungu kynslóðinni í Kanada
Siglir með
víkinga-
skipinu
í sumar
Ottewa. Morgunblaðið.
BJARNI Tryggvason geimfari áformar að
koma t.il íslands í sumar og sigla með víkinga-
skipinu Islendingi áleiðis til Kanada. Bjarni
tók þátt í hátfðahöldum í Ottawa í vikunni í
tilefni af þúsund ára afmæli landafundanna
og í tilefni þess að 125 ár eru liðin frá því að
fyrstu fslensku vesturfararnir settust að í
Nýja-fslandi við strendur Winnipeg-vatns.
Um 350 börn voru viðstödd hátfðahöldin í
Menningarsafninu í Ottawa og fór ekki á milli
mála ánægja þeirra með að Bjarni skyldi vera
meðal þeirra og heilsa upp á þau. Bjarni fékk
t.d. áberandi meira klapp en stjórnmálamenn-
irnir sem fluttu ræður við athöfnina. Skólar
hafa óskað eftir að fá Bjarna í heimsókn og
hann hefur orðið við þeim óskum. Morgun-
blaðið slóst í för með honum í Riverview Al-
ternative-skólann í Ottawa þar sem honutn
var vel fagnað.
Kemur tvisvar til íslands í ár
Nemendur í skólanum hafa undanfarnar
vikur verið að læra um ísland og um víkinga-
tímabilið. Krakkarnir eru búnir að smiða eins
konar vikingaskip t kennslustofunni og hafa
búið til vopn og víkingabúninga. Spurningar
nemendanna til Bjarna fjölluðu hins vegar
fæstar um víkingatímann heldur um geim-
ferðir. Bjarni kom því þó að, að hann hefði
fæðst á Islandi og væri þvf sannur afkomandi
víkinganna.Bjarni kom til íslands fyrir tveim-
ur árum ásamt börnum sínum og eiginkonu
og dvaldist hér í 10 daga. Hann sagði að þetta
hefði verið frábær ferð. „Ég áforma að koma
til íslands í júní í sumar og aftur í september.
Ég vonast eftir að geta tekið börnin mín með
mér því þau skemmtu sér afar vel síðast þeg-
ar við komum. Heimsókn mín í september
tengist verkefni sem ég er að vinna að í
tengslum við Háskólann. í júní áforma ég að
sigla á víkingaskipinu íslendingi.
Ég vona að mér gefist tækifæri til að taka
þátt í siglingu skipsins til Ameríku. Líklega
fer ég ekki með alla leið því áætlað er að
ferðalagið taki sex vikur. Eins og staðan er
núna vona ég að ég geti verið um borð eina
viku í upphafi ferðar og kannski eina viku í
Iok hennar.“
Morgunblaðið/Golli
Bjarna Tryggvasyni geimfara var vel fagnað þegar hann kom í heimsókn til barnanna í Riverview
Álternative-skólanum á föstudag. Þau höfðu um margt að spyrja.