Árbók Hins íslenzka fornleifafélags - 01.01.1895, Page 24

„Bær Þórodds g-oðau.
—-ta—»
Svo hefir lengi verið litið á, sem það segði sig sjálft, að
»bær Þórodds goða«, sá er jarðeldurinn vofði yfir árið 1000, hafi
verið á Hjalla og hvergi annarstaðar. Þetta er eðlilegt, því í
sögum er hans hvergi annarstaðar getið. Enda hefir vissan um
þetta þótt svo óyggjandi, að börn eru látin læra það með biflíu-
sögunum. Og engum hefir, svo jeg viti, sýnzt þörf á að rann-
saka það mál frekar. Það er samt þörf á því. Það er ætlan
mín, byggð á ástæðum, sem eigi er gangandi fram hjá, að sd
»bær Þórodds goða«, sem í hœttu var fyrir jarðeldinum, hafi ver-
ið að Rrauni en eigi að Hjalla. Á þetta, og ástæðurnar fyrir
því, benti jeg með fáum orðum í ritgjörð minni »um þriðjunga-
mót«, sem prentuð er í Tímariti Jóns Pjeturssonar 1. og 2. hefti.
Sú ritgjörð fjekk harðan dóm hjá Kaalund; og þó hann væri
raunar órökstuddur, gat hann valdið því, að fáir veitti ritgjörð-
inni eftirtekt. Enda er Dr. Þorvaldur Thoroddsen sá eini, sem
getur hennar (sjá Andvara 1884 bls. 18. neðanmáls), og er jeg
honum þakklátur fyrir það. Ritgjörðin var nú fyrsta tilraun
mín, og dettur mjer ekki í hug að jafna henni við rit vísinda-
manna. En hún vekur samt athygli á ýmsu sem eigi væri
vanþörf að rannsaka nákvæmar; og þar á meðal er þetta: um
bæ Þórodds goða. Vil jeg nú leitast við að skýra það mál
betur.
Yfirlit yfir ástæður mínar er þetta:
1. Það hefir ekki legið nœrri, að jarðeldur hlypi d bœinn
Hjalla.
2. Jarðeldur hefir hlaupið að bœnum Hrauni.