Bókasafnið - 01.03.1990, Qupperneq 25

Inga Lára Birgisdóttir bókasafnsfræðingur, Borgarbókasafni
Börn og bækur 1989
Fyrsta barnabókavikan hér á landi var vikuna 22.-28.
október, fyrstu viku vetrar, í skólum, bókasöfnum,
bókabúðum og fjölmiðlum. Átakið hlaut nafnið Böin og
bækurog átti Félag íslenskra bókaútgefenda hugmyndina
í tilefni af 100 ára afmæli þess árið 1989.
Fjölmargir aðilar sameinuðust um undirbúning vik-
unnar og var markmið hennar að vekja athygli á bókum,
hvetja börn og unglinga til bóklestrar og foreldra til að
gefa betri gaum að lestri barna sinna. Hafist var handa við
undirbúning í júní 1989. I undirbúningsnefnd áttu sæti
fulltrúar frá menntamálaráðuneytinu, Málrækt ’89, Ríkis-
útvarpinu, Félagi íslenskra bókaútgefenda, almennings-
bókasöfnum og skólasöfnum, Rithöfundasambandi Is-
lands og íslandsdeild alþjóða barnabókaráðsins (IBBY).
Barnabókavikan var jafnframt málræktarvika í skólum
því ákveðið var að átakið færi fram á sama tíma og sérstök
móðurmálsvika stæði yfir í skólum.
Strax kom fram mikill og góður vilji hjá fulltrúum í
undirbúningsnefnd til að gera barnabókavikuna sem best
úr garði. Félag íslenskra bókaútgefenda lét hanna mjög
skemmtilegt veggspjald með „tröllamynd“ eftir Brian
Pilkington og var því dreift í skóla, bókasöfn, verslanir og
víðar. Einnig var gefin út dagskrá vikunnar og hún send
öllum grunnskólanemum með fleygum orðum um lestur,
ætluð börnum og foreldrum.
Barnabókavikan hófst með opnunarhátíð í Utvarps-
húsinu við Efstaleiti sunnudaginn 22. október og var
henni útvarpað beint á rás 1. Sýning á bókum fyrir börn
og unglinga var opnuð og m.a. ávarpaði forseti íslands,
Vigdís Finnbogadóttir, gesti. Brúðubíllinn var með
leiksýningu fyrir utan Utvarpshúsið og var það framlag
vel þegið af yngri börnunum. Mikill tjöldi barna sótti
opnunarhátíðina og vegna mannfjölda er hætt við að
bókasýningin hafi farið fram hjá mörgum og þess vegna
hefði e.t.v. verið betra að hafa sér dagskrá fyrir yngri
börnin. Hátíðin hafði samt tilætluð áhrif, þ.e. að vekja
athygli almennings á átakinu tíörn og bækur ’89. Vegna
mikillar aðsóknar var ákveðið að hafa bókasýninguna
opna fyrir almenning helgina á eftir og komu margir til að
skoða hana þá.
Grunnskólanemum var boðið að skoða bókasýninguna
virka daga vikunnar og var hún reyndar framlengd sökum
mikillar eftirsóknar. Á bókasýningunni var sýnt úrval
bóka fyrir börn og unglinga, einnig var leikið á hljóðfæri,
leikarar lásu úr bókum og lætur nærri að rúmlega 4.500
skólakrakkar hafi komið að skoða sýninguna.
Ríkisútvarpið bauð fram aðstoð sína við að koma aug-
lýsingum um dagskrá barnabókavikunnar á framfæri
endurgjaldslaust og munar um minna, sérstaklega fyrir
félítil bókasöfn. Einnig var efni tengt vikunni flutt bæði í
útvarpi og sjónvarpi. Aðrir fjölmiðlar birtu margir hverjir
fréttatilkynningu um barnabókavikuna og annað efni sem
tengdist þessu átaki.
í grunnskólum var efnt til samkeppni meðal nemenda
um ritgerð, smásögu eða ljóð um efnið Börn og bækur
eða Heimur án bóka. Félag íslenskra bókaútgefenda og
menntamálaráðuneytið stóðu að þessari samkeppni og
barst fjöldinn allur af hugverkum í keppnina. Um 20 nóv-
ember sl. höfðu borist verk frá u.þ.b. 50 skólum og eftir
að bestu verkin hafa verið valin mun Félag íslenskra bóka-
útgefenda veita vegleg bókaverðlaun í þremur aldurs-
flokkum.
Rithöfundar gerðu víðreist þessa viku til kynningar og
upplesturs úr bókum sínum og fóru m.a. í skóla, bóka-
söfn, barnaheimili og bókaverslanir. Ekki er vitað hversu
mörg börn hlustuðu á rithöfunda í barnabókavikunni en
dæmi eru um að rithöfundur hafi talað við 1000 börn þessa
viku. Á fundi undirbúningsnefndar kom fram ósk um að
rithöfundar tækju ekki fullt gjald þessa viku fyrir upp-
lestur en samkvæmt bókun, sem gerð var á fundi í stjórn
Veggspjald barnabókavikunnar. Brian Pilkington teiknaði
myndina.
BÓKASAFNIÐ
25