Bókasafnið - 01.03.1990, Blaðsíða 26

Rithöfundasambandsins, var ekki orðið við þessari ósk.
Olli það nokkurri óánægju því að ljóst er að margar stofn-
anir, sem hér eiga í hlut, t.d. skólar, bókasöfn og barna-
heimili, hafa ekki næg fjárráð til að greiða fyrir slíka kynn-
ingu.
f mörgum bókabúðum var stillt út barna- og unglinga-
bókum, veggspjöldum og ýmsu efni dreift og rithöfundar
komu í heimsókn til að lesa upp úr verkum sínum í
sumum þeirra. Morgun einn í miðri viku var ofanrituð á
leið í vinnu og tók þá eftir því að hver strætisvagninn á
fætur öðrum sem fram hjá ók var fullur af börnum á leið í
bæinn. Við nánari athugun kom í ljós að áfangastaður
barnanna var bókaverslun ein hér í borg sem einmitt bauð
upp á upplestur rithöfunda þennan sama morgun. Börnin
og starfsmenn dagvistarstofnana hafa augljóslega talið
ferðalagið þess virði.
Bókasöfnin í landinu létu ekki sitt eftir liggja. Skóla-
söfnin fengu send hvatningarbréfog veggspjald vikunnar
og mikið starf fór fram á þeim flestum, bæði í tengslum
við barnabókavikuna og móðurmálsátakið sem var á
sama tíma, eins og áður segir. Nokkur skólasöfn leituðu
samstarfs almenningsbókasafna varðandi efnisöflun og
má sem dæmi nefna að í einum skóla í Reykjavík var lögð
áhersla á þjóðsögur og fór bróðurparturinn af „barnaút-
gáfu“ þjóðsagna Jóns Árnasonar í eigu Borgarbókasafns í
útlán á skólasafnið.
Almenningsbókasöfnin og skólasöfnin fengu upplýs-
ingar varðandi Börn og bækur hjá bókafulltrúa ríkisins
sem einnig sendi söfnunum „hugmyndabanka" þar sem
komið var inn á kynningar, útstillingar, hugmyndir um
viðburði á bókasöfnum o.fl. Efni af þessu tagi er mjög
gagnlegt bókasöfnunum því að oft er eins og það gleymist
að gera söfnin meira aðlaðandi og aðgengilegri fyrir gesti.
Þetta hlýtur ekki síst að vera mikilvægt á almennings-
bókasöfnum og vil ég því minna á fyrrnefndan blöðung
sem nýtist ágætlega þótt ekki sé verið að vinna að ein-
hverju sérstöku kynningarátaki.
Mikil ánægja var með þessa uppákomu í almennings-
bókasöfnum og var mikið starf unnið við að gera vikuna
sem best úr garði. Bókafulltrúa ríkisins bárust upplýs-
ingar frá 25 söfnum og kemur þar fram að margt var gert
til að örva lestur barna og unglinga þessa viku. Sögu-
stundum og safnkynningum Qölgaði og gott samstarf var
við dagvistarstofnanir. Aðstaða barna í bókasöfnunum
var víða bætt og aukið var við barnabókakost á mörgum
söfnurh. Lánþegum fjölgaði og útlán jukust. Boðið var
upp á upplestur rithöfunda, sögumenn komu í heimsókn,
fyrirlestrar voru fluttir og efnt til ýmiss konar samkeppni.
í mörgum almenningsbókasöfnum var vikan sekta- og
afnotagjaldslaus og á sumum stöðum var unnið í sam-
vinnu við t.d. tónlistarfélög, skáta og leikhópa. Nokkur
dæmi verða tekin hér um starfsemi safnanna í barnabóka-
vikunni:
í Bæjar- og héraðsbókasafninu á Selfossi fengu starfs-
menn til liðs við sig grunnskólanema, tónlistarskóla-
nema, skáta og félaga úr Leikfélagi Selfoss og komu alls
um 160 einstaklingar fram. Uppákomur voru daglega á
safninu og þegar dagskrá hvers dags var lokið var boðið
upp á heitt kakó og meðlæti. Sett var upp sýning á mynd-
verkum eftir grunnskólanema, einnig voru sýndar gamlar
lestrarbækur og skriffæri. Efnt var til getraunar með
spurningum úr barnabókum og voru verðlaunin auðvitað
bækur.
í Bókasafn Vestmannaeyja komu tveir sagnamenn og
sögðu börnunum sögur. Þar var líka haldin myndasam-
keppni sem fór þannig fram að nemendur völdu sér bók
og að lestri loknum teiknuðu þeir nýja bókarkápu. Verð-
laun voru veitt fyrir bestu kápuna, ein fyrir hvern árgang.
í Bókasafni Kópavogs voru settar upp nokkrar sýn-
ingar og hvern dag var höfundur dagsins kynntur með
mynd, æviágripi og uppstillingu bóka. Áhersla varlögð á
að lesa upp úr bókum án mynda og segja sögur, aðallega
eftir eldri höfunda eða þá þjóðsögur.
í Borgarbókasafni Reykjavíkur var sögustundum
fjölgað í öllum fjórum barnadeildum safnsins og að auki
voru hafðar sögustundir í bókabíl. Alls mættu um 1000
börn í skipulagða dagskrá en að auki komu mun fleiri
börn á safnið þessa viku en endranær. Haldnar voru
myndbandasýningar og tekin var sú stefna að sýna ein-
göngu myndir sem gerðar eru eftir bókum. Reynt var að
sinna upplýsingaþjónustu bctur í barnadeildunum og
ýmislegt var útbúið til dreifingar, s.s. bókalistar, bóka-
merki og barmmerki.
Opið hús var í almenningsbókasöfnum víða um land
laugardaginn 28. október, síðasta dag barnabókavikunn-
ar. Söfnin buðu upp á sérstaka dagskrá og bornar voru
fram veitingar. Misjafnlega tókst til. Á landsbyggðinni
var víða mjög góð þátttaka en ekki er sömu sögu að segja
af höfuðborgarsvæðinu. Flest almenningsbókasöfnin í
Reykjavík og nágrenni fengu rithöfunda í heimsókn en
fleira var í boði fyrir börn þennan dag á öðrum stöðum í
borginni og þess vegna var þátttaka minni en búist hafði
verið við.
Starfsmenn almenningsbókasafna víðs vegar um landið
voru mjög ánægðir með barnabókavikuna. Vinnan var
mikil en bæði skemmtilcg og gefandi.
Þegar á heildina er litið verður ekki annað sagt en að
barnabókavikan Börn og bækur hafi tekist mjög vel og
með samsdlltu átaki ætti að vera hægt að halda áfram á
sömu braut, eins og reyndar margir hafa stungið upp á.
Mætti kannski hugsa -sér að í næstu barnabókaviku yrði
umfjöllunin afmörkuð meira, t.d. lestur unglinga, fræði-
bækur fyrir börn o.fl.
Köttur úti í mýri
setti upp á sér stýri.
Uti er ævintýri.
SUMMARY
Children and books 1989
The Association of Icelandic Publishers which celebrated its centenary
last year sponsored, in joint effort with other governmental and public
organizations, a children‘s books week between 22-28 October 1989.
The event which received the title Children and books 1989 started with
an opening ceremony attended and addressed by the president of Ice-
land. The book week included exhibitions, media announcements and
advertisements and presentations by authors. Book shops also partic-
ipated by staging similar special features. Public libraries all over the
country made special arrangements and programs for children. The
agenda ofa few selected libraries, mostly in the greater Reykjavík area, is
sampled and described.
26
BÓKASAFNIÐ