Bókasafnið - 01.03.1990, Side 28

Bás Bókasambands íslands á bókastefnunni í Gautaborg ífyrra. Talið frá vinstri: Óþekktur gestur frá Noregi, Sigurður Svavarsson
íslenskukennari, Anna Einarsdóttir, verslunarstjóri hjá Máli og menningu, Halldór Guðmundsson, útgáfustjóri Máls og menningar,
Einar Kárason rithöfundur, Þórdís Þorvaldsdóttir borgarbókavörður, Kristín Bjarnadóttir, blaðamaður íGautaborg, Guðrún Magn-
úsdóttir, bókavörðuríNorræna húsinu, MargrétGuðmundsdóttir, gjaldkeriíNorrænahúsinu, FriðrikRafnsson, fréttaritariútvarps,
og Lars-Áke Engblom, forstjóri Norræna hússins. (Myndin er í eigu Önnu Einarsdóttur.)
stæði í brennidepli stefnunnar árið 1990 en árið 1989 var
þegar helgað Danmörku. Varð úr að Bókasamband
íslands stæði að lítilli forkynningu á stefnunni 1989 og
hófst undirbúningur snemma á því ári. Mjög fljótlega
gekk Norræna húsið til liðs við Bókasambandið og tóku
þau á leigu á sérstökum tilboðskjörum tvo samliggjandi
sýningarbása, samtals 27 m2, þar sem annars vegar var
sýning sem að stóðu nokkrir aðilar frá Bókasambandinu
og hins vegar landkynning og upplýsingastarfsemi ýmiss
konar sem Norræna húsið stóð að. Undirbúningsnefnd
Bókasambandsins skipuðu: Anna Einarsdóttir, f.h. bóka-
útgefenda, Steinunn Sigurðardóttir, f.h. rithöfunda, og
Þórdís Þorvaldsdóttir borgarbókavörður. Frá Norræna
húsinu voru Guðrún Magnúsdóttir bókavörður og Lars-
Áke Engblom, forstöðumaður hússins. Ég held að ýkju-
laust megi segja að þessi kynning á stefnunni í Gautaborg
dagana 7.-10. september hafi tekist með ágætum og lofi
góðu um framhaldið 1990 þegar ísland verður í sviðsljós-
inu.
Eins og fram hefur komið áttu Danir leikinn 1989,
stóðu sig með mestu prýði, ekki síður en Finnar árið áður,
og slógu þeim jafnvel við að því er varðar bókabíla. Danir
sýndu sem sé stolt og prýði danska bókabílaflotans, hinn
geysistóra bókabíl borgarbókasafns Kaupmannahafnar en
hann er þeirrar náttúru að sé stutt á hnapp má þenja hann
út á þverveginn með aðstoð þrýstiloftsbúnaðar. Verður
hann þá á stærð við sum íslensk bókasöfn. Væri sem hæg-
ast hægt að efna til dansleiks inni á gólfinu fyrir framan
bókahillurnar enda er oft efnt til dagskrár í bíl þessum sem
raunar er tengivagn og hægt að losa frá dráttarbílnum og
skilja eftir þar sem þörf er á bókasafni hverju sinni.
Ekki voru það þó bara Danir og íslendingar sem voru
sýnilegir á þessari stefnu. Eins og fram hefur komið var
þetta í fimmta sinn sem bóka- og bókasafnastefnan var
haldin í Gautaborg og var fimm ára afmælisins minnst
með miklum glæsibrag. Gafst þeim sem hana sóttu kostur
á að sækja meira en 80 skipulögð dagskráratriði og skoða
sýningar 800 aðila: bókasýningar, sýningar frá þjónustu-
miðstöðvum bókasafna, sýningar á tölvukerfum, sýn-
ingar tengdar starfsemi ýmissa menningarstofnana, upp-
lýsingabása bókavarðafélaga, bókavarðaskóla o.s.frv. á
sýningarsvæði sem var um 8.000 m2 og 80 af hundraði
sýningaraðila voru beint og óbeint tengdir bókum. Þar
voru bókaútgefendur skiljanlega fyrirferðarmestir. Lá við
á stundum að erfitt væri að ná áttum í öllu þessu og raunar
var eina umkvörtunarefnið á þessari stefnu að þar væri
eilítið of mikið af öllu - ekki síst gestum!
Það væri að æra óstöðugan að fara hér að tíunda allt það
sem stefnan 1989 hafði upp á að bjóða eða telja upp alla þá
300 sem áttu þátt í dagskrárliðunum 80. Svavar Gestsson
menntamálaráðherra og Einar Kárason rithöfundur voru
fulltrúar okkar íslendinga við eina dagskrá. í snjallri
kynningarræðu fór ráðherrann nokkrum orðum um fimm
norræna rithöfunda sem þar komu fram: Dag Solstad frá
Noregi, en honum voru veitt bókmenntaverðlaun Norð-
urlandaráðs 1989, Einar Kárason, Kristinu Lugn frá
Svíþjóð, Deu Trier Morch frá Danmörku og Rosu
Liksom frá Finnlandi. Komst Svavar Gestsson m.a. svo
28
BÓKASAFNIÐ