Dagblaðið Vísir - DV - 04.01.1982, Blaðsíða 2

DAGBLAÐIÐ & VÍSIR. MÁNUDAGUR 4. JANÚAR 1982.
2
Rólegustu áramót sem
lögreglan man eftir
Nóg að gera en þó engu meira en venjulega erilsama helgi—Slökkviliðið hafði
þó nóg að gera í sinubrunum og margir komu með brunasár á Slysavarðstof una
„Þetta voru góð áramót. Það var
nóg að gera en þó ekki meira en um
venjulega helgi,” voru þau svör sem
við fengum yfirleitt hjá lögreglunni
víðsvegar um land þegar við höfðum
samband við hana í morgun.
Margir lögregluþjónar sem við
töluðum við sögðu að þetta hefðu
verið ein rólegustu áramót sem þeir
myndu eftir. í nógu hefði verið að
snúast, bæði við að aka fólki á milli
staða og greiða úr vandræðum, en þó
hefði það ekki verið neitt meira en
oft um venjulegar helgar.
S/ysá Vesturlandsvegi
Eina alvarlega slysið varð á
Vesturlandsvegi á móts við Korpúlfs-
staði á nýársdagsmorgun. Þar var
ekið á unga stúlku sem var á gangi á
veginum. ökumaöurinn, sem er
grunaður um ölvun við akstur, tók
stúlkuna upp af götunni og kom
henni fyrir í bíl sínum og ók sjálfur
með hana á Slysavarðstofuna. Sýndi
hann með því mikið ábyrgðarleysi,
því stúlkan var mikið slösuð á höfði,
auk þess sem hún var mjaðmagrind-
arbrotin, fótbrotin og með innvortis
meiðsli.
Mikið að gara á
s/ysavarðstofunni
Á Slysavarðstofunni í Reykjavík
fengu við þær upplýsingar, að þar
heföi verið mikið annríki á nýársnótt.
Fólk hefði þá aðallega komið þangað
með misjafnlega alvarleg brunasár.
Mest hefði borið á sárum eftir blys
sem sprungið hefði í höndum fólks í
stað þess að skjóta marglitum eld-
kúlum út í loftið eins og staðið hafi í
leiðbeiningunum.
Sömu sögu var að segja frá
sjúkrahúsum annars staðar á
landinu. Þar var er ill í sambandi við
brunasár og við töku blóðsýnishorna,
en þó nokkuð margir voru teknir
grunaðir um ölvun við akstur um ára-
mótin.
Sinubrunar um
aUt Suðurland
Slökkviliðið í Reykjavík og ná-
grannabyggðunum á Suðurlandi
hafði nóg að gera um áramótin við að
slökkva sinuelda.
Fyrsta útkallið á nýja árinu hjá
Slökkviliðinu í Reykjavík barst úr
Breiðholti rétt eftir miðnætti. Þar
hafði flugeldur farið inn um glugga á
íbúð, en þegar liðið kom á vettvang
voru íbúarnir búnir að slökkva
eldinn.
Upp úr því var allt liðið í að sinna
útköllum um sinuelda og voru tveir
og þrír bilar í gangi við það langt
fram á morgun. Margir eldar komu
upp í Mjóddinni við Breiðholtið, þeg-
ar flugeldar komu þar niður í þurrt
grasið, og þannig var það víða.
Slökkviliðin á Akranesi, Selfossi
og á fleiri stöðum voru einnig kölluð
út til að slökkva sinueida á nýárs-
nótt. Hvergi urðu skemmdir á
mannvirkjum vegna þessara bruna,
en þó mátti sums staðar litlu muna.
-klp-
Áramótin voru góð að þessu sinni, erill lögreglu ekki meiri en um annasama helgi. Marglitir flugeldar lýstu upp loftið að vanda er gamla árið var kvatt og þvi nýja
fagnað. DV -mynd GVA.
Sandkorn Sandkorn Sandkorn
Sama úr hverri
Keflavíkinni röið
er...
,,Rétt fyrír jólin boðaði
forstjórinn Jón á sinn fund.
„Þú hefur nú unnið hér hjá
fyrirtækinu i 20 ár. í tilefni af
dyggri þjónustu hefur fyrir-
tækið ákveðið að bjóða ykkur
hjónunum í mánaðarferð til
Florida f febrúar, ef það
hentar,” sagði forstjórinn.
Harla glaður þakkaði Jón
fyrir boðið. Rauk hann síðan
í símann og hringdi heim í
konuna. „Gætirðu hugsað
þér að koma með mér til Flor-
ida innan tiðar og vera þar íj
nokkrar vikur?” spurði Jón. |
„Já. Það veit sá sem allt
veit. Ég er orðin dauðleið á
þessu öllu saman. Það væri
yndislegt, en með leyfi, hver
er maðurinn?” spurði frúin.
Heimsborgarinn
kunni leiðakerfi |
vagnanna
Ólufur Hansson, prófessor, .
er nýlega látinn. Hann kenndi
lengst af sögu við Mennta-!
skólann í Reykjavík. Hann1
var hámenntaður og'
fjölfróður, enda minnið
óbrigðult, en einkennilega
athugull um ýmislegt það,
sem mörgum þótti minna
máli skipta. Hann gat
áreiðanlega ekkert að þessu
gert, enda fyrirhafnarlaust.
Þekkt er sagan af því, þeg-
ar nemendur hans földu eitt
sinn kött i skólastofu i
kennslustund hjá Ólafi. Eirði
kisi ekki í haldinu og stökk
fram gólfið.
Ólafur opnaði dyrnar fyrir
kettinum, eins og fyrir tignum
gesti, hleypti honum út ogj
sagði eins og við sjálfan sig:
„Hvað er kötturinn á Bók-
hlöðustig 8 B að gera hérna?” ’
Þeir voru lengi sam-
kennarar og miklir vinir Bogi
Ólafsson og Ólafur. Ritaði
Ólafur að jafnaði í
Mánudagsblaðið, sem Agnar
Bogason á og ritstýrir. Meðal
annars skrifaði hann eitt sinn
þrjár opnugreinar um ættir
Sturlungu. Hundruð nafnal
eru þar nefnd og grein gerð
fyrir tengdum og venzlum,
skyldleika og staðarnöfnum.
Aldrei þurfti hann að gripa til
bókar við þessa ritsmið.
Ólafur Hansson var
óvenjulegt glæsimenni,
heimsborgari hinnar sönnu,
látlausu virðingar. Hannj
fylgdist náið með stækkun'
Reykjavíkur á einfaldan hátt.
Hann kunni leiðakerfil
strætisvagnanna auðvitað
utanbókar.
Hvimleiður er
Kristófer
„Má ég tala við
Kristófer?” spurði hressileg
rödd, þegar svarað var i
simann um tiuleytið kvöld eitt'
uppi í Hlíðum. Svaríð var
stutt og laggott: „Hér erj
enginn Kristófer”.
„Er Kristófer við?” varj
spurt í sama sima um tólf-j
leytið. „Hér býr alls enginnj.
Kristófer.”
j „Já, afsakið, má ég ónáða
Kristófer?” spurði röddin um'
kl. tvö eftir miðnætti.
Titrandi af bræði svaraði
'fórnarlambið: „t eitt skipti
fyrir öll. Það er enginn
helvítis Krístófer hér.”
Brothljóð f simtólinu.
Tiu minútum seinna
hringdi siminn. „Já, halló.
Kristófer hér. Hefur nokkuð ,
veríð spurt um mig?”
Samtök atvinnu-
rekkjunauta
Það er mat Menningar-
stofnunar Bandaríkjanna á
íslandi, að áhrifamáttur þess
á gesti í NATO-ferðum aðj
dveljast nætursakir i flug-
móðurskipi, sé á við tylft
hernaðargreina. Þetta mat
kom alveg óneitanlega ýmsum
á óvart, sem notið höfðu þess-
arar gestrisni, þegar Ólafur
Ragnar Grímsson, veifaði á
Alþingi i haust skýrslu um
þetta atriði og fleiri.
Sandkorn hefur góöar
heimiidir fyrir því, að einn sé
sá maður sem lét sér hvergi
bregða við þessar upplýsing-
ar. Jón E. Ragnarsson,
hæstaréttarlögmaður, hafði
þvert á móti orð á þvi við
suma fyrri ferðafélaga sína,
að timi væri til kominn að|
stofna félag atvinnumanna í
pólitiskum ferðalögum,
‘Association of professional
political travellers.
Jón mun hafa farið sina
fyrstu ferð i ofangreinda veru
árið 1958, og jafnan siðan
verið aufúsugestur í ferðum,
sem miða að aukinni vest-
rænni samvinnu. Nafnalisti
yfir slika ferðalanga virðist:
vera feimnismál. Er þvi ekki
ástæða til að birta hann án
heimildar, ef af stofnun félags
verður.
Naumast þarf að minna
Jón á að hann og hans félagar
jvoru ekki brautryðjendur ij
ipólitiskum ferðalögum.
Leiðir þeirra lágu i austur.
Bragi Sigurðsson. |
á>
„Feðgarnir” Láki og Gosi, ráða sér
vart fyrir kæti er Láld hefur gert sér
grein fyrir þvi að Gosi er ekki lengur
spýtukall. DV-mynd Bjarnleifur.
Gosi f rum-
sýndur við
stormandi
undirtektir
áhorfenda
Barnaleikritið Gosi var frumsýnt sl.
miðvikudag við stormandi lukku
áhorfenda, sem klöppuðu leikendum
lof í lófa með langvinnum fagnaðar-
látum. Söguna um Gosa þekkja flestir.
Hún er eftir ítalann Collodi. Brynja
Benediktsdóttir færði söguna í leik-
form og leikstýrði sýningunni
jafnframt.
DV-menn brugðu sér á
„generalprufuna” og af því sem þar
bar fyrir augu var ekki að sjá annað en
þar færi lipurt stykki. Valinkunnir
leikarar eru i stærstu hlutverkunum og
frammistaða Árna Blandons í hlutverki
Gosa mjög sterk. Hreyfingar hans eru
allar afar sannfærandi svo og öll
túlkun hans á tréstráknum. Föður
Gosa, Láka, leikur Árni Tryggvason.
Með önnur stór hlutverk fara þeir
Sigurður Sigurjónsson i hlutverki'
Flökkujóa, Margrét Ákadóttir sem
Hulda, Anna Kristín Arngrímsdóttir
sem Kisa, Hákon Waage sem Refur,
Flosi Ólafsson í hlutverki Loga leikhús-
stjóra, Andri örn Clausen sem leikur
ára og Sigrún Edda Björnsdóttir sem
leikur stelpu.
Undirtektir áhorfenda á
frumsýningunni þurfa ekki að koma á
óvart því viðbrögð þeirra er voru á
„generalprufunni” báru sýningunni
glöggt vitni. Tóku þau vel í orð Brynju
Benediktsdóttur, leikstjóra, er hún
sagði: „Krakkar, viljið þið gera það
fyrir mig að hlæja hátt ef ykkur finnst
eitthvað fyndið.” Áttu börnin bágt
með að stilla sig þegar mest gekk á. Er
ekki að efa að leikritið á eftir að njóta
mikilla vinsælda. -SSv.
75 ára af-
mæli Núps-
skóla í dag
Héraðsskóiinn á Núpi á 75 ára af-
mæli í dag. Það voru þeir bræður
Sigtryggur og Kristinn Guðlaugssynir
sem fengu samþykkta tilraun til skóla-
reksturs á aukasafnaðarfundi i Núps-
kirkjusöfnuði árið 1906.
Skólinn var rekinn sem einka-
stofnun mcð ríkisstyrk til að byrja
með. Árið 1930 var síðan samþykkt
með lögum að gera skólann að héraðs-
skóla. Fyrir 20 árum yfirtók ríkissjóður
allan rekstur skólans og hefur séð um
hann síðan.
í tilefni afmælisins verður efnt til
hátíðar nk. laugardag og hefst hún með
guðsþjónustu kl. 13.30. Eru gamlir
nemendur svo og allir velunnarar
velkomnir til hátíðarinnar. -SSv.