Dagblaðið Vísir - DV - 16.02.1984, Side 18

ÐV. FIMMTUDAGUR16. FEBRUAR1984
FLÓÐASVÆÐIÐ í
Hér sést hvar Suður/andsvegur er i sundur við bæinn Brú i Austur-
Landeyjahreppi. Stóri-Dimon sést i fjarska en þar er klakastifía sú i
Markarfíjóti sem veidur fíóðunum.
VERSTUFLÓD
SEM UM GETUR
— miklar
skemmdir
á ræktuðu
landi
Flóðin á Suðurlandi eru í rénun.
Hvenær vegasamband kemst aftur í
samt lag er aftur á móti ekki gott aö
segja um. I gær var unnið að því að
losa um klakastífluna í farvegi
Markarfljóts við Dímon og jafnframt;
unnið að því að styrkja varnargarðinn
þar.
Alls er Suðurlandsvegur rofinn
meira og minna á tveggja kílómetra
kafla austur frá brúnni á Hólmalænu
við bæinn Leifsstaði í Austur-Land-!
eyjahreppi. Vatnavextimir hafa
valdið gífurlegum skemmdum, bæði á
ræktuöu og óræktuðu landi. Þá hafa
girðingar á stóru svæði gjöreyðilagst.
Þegar blaöamenn DV komu á flóða-
svæðið í gær varð fyrsta hindrunin á
vegi þeirra við fyrrnefnda brú á
Hólmalænu. Þar hafði vatn grafið und-
an veginum viö vesturenda brúarinnar
og myndað skarö sem ófært var öörum
en gangandi vegfarendum. Vegurinn
var þó ekki alveg í sundur, smájarð-
vegsbrú hékk enn saman yfir skaröinu
að hluta en sífellt var aö hrynja úr
henni.
Til að komast austur á aðalflóöa-
svæðið fengu blaðamenn far meö
björgunarsveitinni í Landeyjum sem
var með torfærubifreið til flutninga á
fólki sem þurfti nauösynlega að
komast austur yfir. öslaði hún sem
leið lá austur að bænum Brú en þar var
vegurinn í sundur á stórum köflum.
Stefnan var þá tekin i norðurátt yfir
tún í landi Brúar en fátt benti til þess
aö þetta væru tún sem slegin hefðu
verið síöastliðiö sumar.
Allt land þarna var á kafi í vatni
fyrir utan hvað nokkrar eyrar stóðu
upp úr. I dýpstu álunum var vatns-
Skarðið nær yfir veginn að mestu en örlitiljarðvegsbrú lafir enn uppi. Leifs-
staðir i baksýn.
dýptin aö minnsta kosti hálfur annar
metri og þá ber að taka tillit til þess að
nokkuö hafði sjatnað frá því sem mest
var.
Torfærutröllið komst yfir allar
hindranir án vandræða og þegar komiö
var austur yfir kom önnur torfærubif-
reið sem tók við þeim farþegum sem
ætluðu aö halda áfram austur á
bóginn.
Blaðamenn héldu hins vegar sömu
leiö til baka með björgunarsveitar-
mönnum og fylgdust meö er fóður-
flutningabifreiö, sem lokast hafði inni
milli tveggja skarða í veginn, var
komið á öruggan stað. Tókst sú
björgun giftusamlega og að henni
lokinni var haldið aftur yfir túnin á
Brú, upp á veginn og að brúnni á
Hólmalænu.
Aldrei áður hafa orðiö jafnmiklir
vatnavextir þama í Landeyjunum og
sýnist sitt hver jum um orsakir þeirra.
-SÞS
Bændur hyggja að túnum sinum en hætt er við að mörgum þætti fullblautt á. Stóri-Dímon ibaksýn.