Dagblaðið Vísir - DV - 04.05.1985, Blaðsíða 24

Dagblaðið Vísir - DV - 04.05.1985, Blaðsíða 24
DV. LAUGARDAGUR 4. MAI1985. LISTIN A» VIlWí A IIYI I 1 KVENNA Heimurinn tekur sífelidum stakka- skiptum en samt er þess alltaf, og mun alltaf verða, vænst af þér að þú sért ^. karlmannlegur. Karlmannlegur, jafn- vel þótt þú haf ir ekki vööva eins og Jón Páll eöa sjarma eins og Jón Baldvin. Nú á dögum er almennt litiö svo á að karlinn sé jafningi konunnar. Enda þótt þessi kenning komi heim viö sjálf- stæðiskennd þina má ekki taka hana of bókstaflega. Heilbrigö skynsemi segir þér að þú megir ekki alltaf hafa jafnt frumkvæði á við konuna. Þessari grein er ætlaö það hlutverk að veita þér nokkra leiðsögn á hinum hálu vegum ástarinnar. Við lestur hennar muntu fá nokkra innsýn i sálar- ~ iíf konunnar og fá leiðbeiningar um hvernig hægt sé að láta dást að sér fyr- ir góða siði og prúða framkomu. Einkenni kvenna: Við skulum byrja á því að vlrða með- alkonuna fyrir okkur og lita á helstu eínkenni hennar og hneigðir: 1. Henni geðjast vel að ungum mönn- um og er hún alltaf á hælum þeirra. Henni líöur ekki vel nema í návist þeirra. Hvers vegna? Vegna þess að það er eðli hennar — fyrsta og stærsta hneigð hennar sem konu. 2. Hún metur frelsi sitt mikils og vill njóta kunningsskapar við menn án þess að bindast þeim um of. 3. Henni er minningin um föður sinn "> ákaflega hugstæð og dýrmæt hvort sem hún býr í föðurgarði eður ei. Mað- urinn sem hún elskar þarf að líkjast föður hennar á einhvern hátt, elda jafngóðan mat o.þ.h. 4. Ef hún hefur um nokkra hríð ein- göngu umgengist karla, t.d. unnið á verkstæði eða verið á sjó, er hún venju- lega hispurslaus í umgengni við karl- menn og litt gefin fyrir óþarfa vafn- inga og málalengingar. Þar með er ekki sagt að hún sé laus við alla tilfinn- ingasemi, heldur er átt við að hún gefi sér engan tíma fyrir slíkt. Þar með látum við útrætt um sam- eiginleg einkenni og framkomu kvenna. Við skulum nú beina athygl- inni að konunni sem þú hefur lagt sér- ~* stakan hug á. Það er ekki nóg að þú þekkir hana eins og þú þekkir konur yfirleitt heldur verður þú að kynna þér vandlega allt sem henni viðkemur. Því betur sem þú þekkir hana, þeim mun meiri líkur eru til þess að val þitt heppnist vel. Kynntu þér með öllu mögulegu móti allt sem auðiö er um hana svo sem hvaða starf hún stundar, hver fortið hennar er, hvaða menntun hún hefur hlotið, hvernig hún eyðir frístundum sínum, hverjar stjórnmálaskoðanir hennar eru, hvaða matur henni þykir _ bestur o.s.frv. Gefðu gaum að öllu sem þú kemst á snoðir um, henni viðvíkjandi, allt frá skónúmerinu hennar upp í bankainni- stæðuna. örugg vissa um þetta og ann- að þvíumlíkt mun verða þér dýrmætt leiðarljós í umgengni viðhana. Stefnumöt Þú getur ekki ætlast til þess af nokk- urri stúlku að hún bjóði þér út ef hún þekkir þig ekkert. Láttu ekki deigan síga og reyndu að koma þér í kynni viö hana með einhverju móti. Þú kynnist ekki mörgum stúlkum með því að sitja alltaf heima yfir videoinu. Þú verður að fara á þá staði þar sem ungra stúlkna er von. Tækifærin kunna að bíða þín i skrifstofunni eða verksmiðj- unni þar sem þú vinnur og skaltu ekki láta þau ónotuð. Mættu á V.R. fundina eða gakktu í stjórnmálaflokkinn henn- ar. Gefðu kost á þér til nefndastarfa, taktu þátt i námskeiðum eða gakktu í kirkjukór. Ef þú starfar i stað þess að sitja auðum höndum hljóta margar ungar stúlkur að verða á vegi þinum. Skemmtanir Einsettu þér að Iáta stúlkuna þína aldrei eyða meira fé en hún hefur ráð á. Þú getur gert henni kvöldiö ógleym- anlegt þó þú setjir hana ekki á hausinn fjárhagslega. Hafðu það hugfast að þeir menn sem eru „dýrir í rekstri" missa oft vinstúlkuna sina fyrr en þá grunar. Konum geðjast ekki að eyðslu- sörnum karlmönnum. Einu sinni þótti alveg sjálfsagt að stúlkur byöu vinum sinum til veglegra veisluhalda eða skemmtu sér aleinar. Þar sem menn hafa nú orðið jafnhá eða jafnvel hærri laun en stúlkur er alls kostar eðlilegt að bæði beri kostn- aðinn af skemmtuninni. Samt skaltu ganga úr skugga um álit vinkonu þinn- ar áður en þú stingur upp á slíkri til- högun því að hún kann að vera gamal- dags í því efni. Þegar hún hefur fylgt þér að húsdyr- um þinum eftir einhverja skemmtun- ina, getur þú boðið henni inn í fáeinar minútur ef ekki er orðið of áliðiö. Standið ekki úti á götu eöa i tröppum meðan þið skiljið. Slíkt sæmir ekki fólki sem annt er um mannorð sitt. Gleymdu aldrei að þakka henni fyrir ánægjulega samveru. Ef hún er ánægð bæði með þig og sjálfa sig fer hún strax að hugsa um að b jóða þér út aftur. Gullhamrar Og hvernig getur þú sýnt konu áhuga þinn? Talið er að karimenn séu veikir fyrir gullhömrum en hið sama gildir óvéfengjanlega um konurnar, jafnvel þær sem mest álitið hafa á sjálfum sér. Aö vísu getur þú ekki sagt við hana: „0, hvað þú ert dá- samleg og mikið kvenmenni", en þú getur gefið henni eitthvað áþekkt i skyn með öðrum orðum. Annars eru það gullhamrar fyrir hana aö þú skul- ir eyöa frístundum þínum með henni og vera hrifinn af henni, en það er samt ekki nóg. Þú verður aö beita gullhömrum, en beita þeim það vel ao.þú kitlir hé- gómagirni hennar. Eins og þú veist eru þeir gullhamr- ar jafnan kærkomnastir sem lofa okk- ur fyrir þá eiginleika sem við óskum helst að vera búin. Konur þreytast aldrei á að heyra vikið aö kvenleg- heitum sínum og eru þær flestar sama marki brenndar i þvi efni. Komdu þeirri trú inn hjá henni að hún sé sterk og f aðmlög hennar ðmót- stæðileg. Segðu henni það á þann hátt að hún trúi aö þér sé alvara. Flestar konur halda að þær séu ómótstæðileg- ar. Ein tegund gullhamra er sú að spyrja hana um álit hennar á ein- hverju, leita ráða hjá henni eða óska aðstoðar hennar. Þetta er auðvitað það sama og viðurkenna að hún sé þér meiri. Biddu hana að opna glugg- ann ef hann er fastur i karminum — hún hlýtur a.m.k. að vera nógu mikið kvenmenni til þess. Láttu hana að- gæta útvarpstækið — hún er kannski snillingur i viðgerð slíkra tækja. Ef hún er greind gætir þú rætt við hana um uppáhaldsbækur hennar. Ef hún fylgist með tiskunni (slíkar konur eru til) þá biddu hana að hjálpa þér að velja nýjan frakka. Ef þú hefur augu og eyru hjá þér hlýtur þú að finna fjölda aðferða til að slá henni óbeina gullhamra. Óvissan Fyrr á öldum þegar maðurinn var álitinn óæðri vera en konan og skap- aður fyrst og fremst henni til skemmtunar, varð daðurbósinn til i hópi þess fólks sem ekkert eða Htið þurfti að hafa fyrir lifinu. Hann var tíðast af hefðarfólki kom- inn, hafði notið nokkurrar menntunar og var vel í efnum. Þar sem hann var útilokaður frá virkri þátttöku i störf- um þjóðfélagsins, helgaði hann sig unaöi heimsins. Astir voru leikur hans og hann fór eftir leikreglum sem konan var upp- hafsmaður að. Samkvæmt léttúðug- um og rangfærðum hugmyndum „fyr- irfólksins" voru ástir nokkurs konar veiðar þar sem konan var veiðimað- urinn. Hún valdi sér bráð, elti hana uppi og „sigraðist" að lokum á henni. Konur nutu oft eltingaleiksins betur en lokasigursins. Margar nútímaskáldkonur sem gera ástamál að viðfangsefni sínu leggja mikla áherslu á daðurshneigð karla, en almenningsálitið hefur mjög snúist gegn þeirri skoðun á siðari ár- um. Karlmanninum hefur farið fram síðastliðna öld. Hann hefur tekið sér stöðu við hlið konunnar í hvaða störf- um sem vera skal og nú efast enginn um greind hans eða hæfileika. Konan hefur líka breytt um viðhorf gagnvart karlmanninum. Henni kann að finnast með sjálfri sér að konan sé, þrátt fyr- ir allt, karlmanninum að ýmsu fremri, en engu að síður hefur hún neyðst til að viöurkenna að karlinn sé allt að þvi jafningi hennar. Láttu hana samt aldrei vera i óvissu um það hvort ykkar er sterkara. Fjölskylda hennar Ef stúlkan þin býr enn hjá foreldr- um sinum eða er bundin sterkum f jöl- skylduböndum mun hún áreiðanlega cinhvern góöan veöurdag bjóða þér heim með sér til að kynna þig foreldr- um sínum. Sennilega mun þér ekki geðjast að þeim í fyrstu því allir hafa óbeit á að vera til sýnis. Nútfmakonunni geðjast akki að daðurbósum. Reyndu að umbera og vera vin- gjarnlegur við fjölskyldu hennar jafn- vel þótt þér veitist það erfitt. Stattu aldrei uppi i hárinu á fjölskyldunni hversu mjög sem hún gefur tilefni til Leggðu þig í framkróka við að koma þér vel við hvern einstakling, sérstaklega innan fjölskyldunnar, og reyndu að stofna til vináttu og aflaðu þér trausts. Ef pabbi hennar býr til góðan mat, skaltu láta það í ljósi við hann. Þú verður einnig að láta i ljósi áhuga á gigtarköstum hans. Spyrðu hann allt- af um líöan hans þegar þú hittir hann og hlustaðu á kveinstafi hans án þess að láta á þér sjá að þér leiðist slíkur vaðall. Gleymdu ekki að koma þér vel við börnin á heimilinu þvi þau gætu gert þér lifið leitt. Þótt þú farir að verða tiður gestur á heimilinu máttu ekki ganga að því sem gefnu að heimafólkið sýni þér alltaf fulla gestrisni. Mundu að þú kostar það tima, peninga og fyrir- höfn. Sýndu að þú kunnir að meta það sem fyrir þig er gert. Borðaðu jóla- kökuna brosandi þótt þú hafir and- styggð á rúsinum. Komdu aldrei á heimili hennar tómhentur. Færðu þeim köku, sælgæti eða jafnvel video- spólu með alira nýjasta Dynasty- þættinum. Ef faðir stúlkunnar hefur haft mik- ið fyrir að matbúa handa þér, skaltu ekki telja fyrir neðan virðingu þina að hjálpa honum með uppþvottinn. Prjónaðu trefil á mömmu gömlu eða gerðu hvaðeina sem þér dettur í hug til að þðknast þessum ófreskjum. Eftir nokkrar heirnsóknir mun þér vera orðið að fullu ljóst hvort fjöl- skyldan veitir þér viðtöku eða hafnar þér. Reyndu að vera þolinmóður áfram að koma þér vel viö alla þð þér sé sýndur kuldi. Þau bera ekki endi- . lega til þín kala, kannski hefðu þau kosið aðra framtið dðttur sinni til handa en að giftast á unga aldri. Ef einhver munur er á þjóðfélagsaðstöðu ykkar getur þú ef til vill vegið þann mun að einhverju leyti upp með ynd- isþokka þínum. Þú skalt að minnsta kosti alltaf vera kurteis og vingjarn- legur. Hjönabandið Ef allt hefur gengið að óskum hjá ykkur ættuð þið að vera trúlofuð eða jafnvel gift innan nokkurra mánaða frá fyrstu kynnum. Þð að hún hafi beðið þín er ekki þar með sagt að þú getir hagað þér eins og þér sýnist. Sí- vaxandi fjöldi skilnaða milli hjóna sannar það best að margir karlar fara að haga sér að eigin geðþótta strax eftir giftinguna. Það er ekki nauðsynlegt að færa konunni sinni morgunverð i rúmið áður en hún fer í vinnuna eða bíða með inniskóna upp- hitaða þegar hún kemur heim á kvbld- in en þaö hjálpar. Það þarf að hlúa aö konunni sinni heima og rcyna að skemmta henni. Ef hún er nútíina- sinnuð hjálpar hún þér eflaust annað slagið við heimilisstörf og gleymdu aldrei að sýna henni þakklæti þitt. Það er ekki eðli konunnar að vinna lýjandi heimilisstörf og slepptu henni algjörlega við þau ef hún á von á barni. Hugsaðu fyrst um hana, þú kemur á eftir. Mörgum konum finnst yndislegt að ganga f heimaprjónuðum peysum og sýna oft stoltar í vinnunni eða á fundum og segja: „Sjáðu hvað maðurinn minn er góður i höndun- um." Þetta ætti hverjum eiginmanni að finnast sjálfsagt að gera, en til eru þeir eiginmenn sem vinna úti og í því tilfelli er í lagi að láta konuna ganga í búðarpeysu. Mundu bara að þú ert ekki korninn i örugga höfn þó hringur- inn sé á fingri þér. Þú verður að vinna að því með ráðum og dáð að hjónabandið gangi vel og að konan þin haldi áfram að elska þig. Niðurlag Vonandi hafa þessar leiðbeiningar orðið einhverjum ungum manni að gagnL Þær eru unnar upp úr bók sem nokkuð er komin til ára sinna og þurfti ýmislegt að færa i stílinn. A þessum tímum jafnréttis var ekki hægt að birta allt ðbreytt en flest i þessari góðu bók stendur enn fyrir sínu. Konur eru og verða konur og ef þú beitir lagni, ennþá betri konur. GHar. Or bókinni „Listin að vinna hylii karlmanna" (með örlitlum breytingum).

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.