Dagblaðið Vísir - DV - 17.01.1986, Qupperneq 5

DV. FÖSTUDAGUR17. JANÚAR1986.
5
Formanni félags flugumferðarstjóra:
Hótaö uppsögn fyrir
að tala við blaðamann
— flugmálastjóri hlustaði á hljóðritun afsímtalinu
Formaður Félags íslenskra flugum-
ferðarstjóra, Hjálmar D. Arnórsson,
hefur fengið áminningarbréf frá flug-
málastjóra, Pétri Einarssyni, fyrir að
tala við blaðamann DV í vinnutíma.
„Við rannsókn á ástæðum sem ollu
töfum á innanlandsflugi þriðjudags-
morguninn 7. janúar síðastbðinn
kom í ljós að þér í vinnustöðu í flug-
turni töluðuð við blaðamann um leið
og þér eruð að stjórna flugvallarum-
ferð.
Sú hegðan hlýtur að teljast óafsak-
anleg með tilliti til þeirrar öryggis-
gæslu, sem þér vinnið vegna flugs,“
segir í áminningarbréfmu.
I niðurlagi bréfsins segir:
„Með hliðsjón af framansögðu og
fyrri áminningarbréfum til yðar hlýt-
ur að vera fullt tilefni til uppsagnar.
Mál yðar hefur verið sent sam-
gönguráðuneytinu til umfjöllunar."
Blaðamaður DV hringdi að morgni
þriðjudagsins 7. þessa mánaðar í
formann Félags flugumferðarstjóra,
sem þá var við vinnu í flugturninum,
til að afla frétta um meint skipulögð
veikindaforföll eða aðrar aðgerðir
flugumferðarstj óra.
Það kemur hins vegar á óvart að
flugmálastjóri skuli geta hlustað á
þetta símtal af segulbandsupptöku.
„Hver einasta vinnustaða hjá flug-
umferðarstjórum er tengd við segul-
band,“ sagði Pétur Einarsson flug-
málastjóri er DV spurði hvernig
hann gæti vitað um þetta símtal.
„Allt sem þeir tala í síma fer inn á
segulband. Tveir símar, á kaffistofu
og setustofu flugumferðarstjóra, eru
þó ekki tengdir segulbandi. Þeir vita
um þetta sjálfir," sagði flugmála-
stjóri.
Hann sagði að símtölin væru hljóð-
rituð vegna rannsóknar mála þar
sem mjög mikilvægt væri að vita
hvað gerðist ef eitthvað bæri út af.
„Allir símar hjá okkur í flugturnin-
um eru hljóðritaðir," sagði Hjálmar
D. Arnórsson.
Meðal flugumferðarstjóra hefur
gengið orðrómur um að þessar hljóð-
RÆÐA VIÐ
MATTHÍAS
— f lugumf erðarstjórar
óttast ekki að verða reknir
Fulltrúar flugumferðarstjóra
gengu á fund Matthíasar Bjarnason-
ar samgönguráðherra klukkan tíu í
morgun til að ræða hina alvarlegu
deilu sína við Pétur Einarsson flug-
málastjóra.
Takist Matthíasi ekki að finna
lausn á deilunni má búast við enn
harðari átökum. Flugumferðarstjór-
ar munu þá grípa til varnar-aðgerða,
sem þeir hafa boðað, en það er stöðv-
un þjónustu við allt flug nema
sjúkra- og neyðarflug.
Flugumferðarstjórar óttast ekki þá
hótun að þeim verði sagt upp, eins
og Reagan Bandarikjaforseti gerði
við bandaríska flugumferðarstjóra
fyrir nokkrum árum. Þeir segja að
aðstæður hérlendis séu frábrugðnar
þeim sem voru í bandaríska dæminu.
íslenskir flugumferðarstjórar eru
um 80 talsins. Forsvarsmenn þeirra
telja ólíklegt að hægt verði að útvega
flugumferðarstjóra erlendis frá í
staðinn vegna alþjóðasamtaka flug-
umferðarstj óra. Flugumferðarstj órar
yfir 60 landa, þar á meðal nær allra
ríkja á Vesturlöndum nema Banda-
ríkjanna, eru í alþjóðasamtökunum.
Bandaríkin eru hins vegar ekki af-
lögufær, 'að áliti félags íslenskra
flugumferðarstjóra.
Talið er að eitt og hálft ár taki að
þjálfa nýja flugumferðarstjóra.
-KMU.
SKðRA ENN Á ÞÁ
AÐ HÆTTA ÞESSU
— segir Pétur Einarsson
„Þetta kom mér mjög á óvart. Ég
er mjög ánægður með þessar stuðn-
ingsyfirlýsingar. Þetta er einsdæmi
í Islandssögunni," sagði Pétur Ein-
arsson flugmálastjóri um yfirlýsingu
77 starfsmanna Flugmálastjórnar
sem DV greindi frá í gær.
„Ég vil skora enn einu sinni á flug-
umferðarstjóra að hætta þessu og
fara að vinna á eðlilegan hátt. Eins
og ég hef áður sagt tel ég að þessi
deila standi ekki um neitt,“ sagði
Pétur.
„Okkur sýnist að sá aðili, sem helst
ætti að vera að stuðla að sáttum, það
er flugmálastjóri, geri í því að magna
deiluna," sagði Jón Árni Þórisson,
stjórnarmaður í félagi flugumferðar-
stjóra.
„1 stað þess að setjast niður og leita
sátta magnar hann deiluna með
hótunarbréfum og tilkynningum,
eins og tilkynningu um bann við
viðræðum á vinnustað, sem ég hélt
að tíðkaðist bara í austantjaldsríkj-
um.
Á sama tíma er hinn aðilinn að
gefa frest á frest ofan til að reyna
að ná samkomulagi án þess að til
vandræða komi,“ sagði Jón Árni.
-KMU.
ritanir væru víðtækari á vinnustaðn-
um þessa dagana.
„Við höfum óljósan grun um að öll
samtöl okkar í turninum séu hler-
uð,“ sagði Hjálmar.
-KMU.
-<----------------------m.
Hjálmar Arnórsson, formaður
Félags íslenskra flugumferðar-
stjóra, með áminningarbréfið frá
flugmálastjóra.
DV-mynd: GVA.
GREIÐENDUR
A bakhlið launamiðans eru prentaðar
leiðbeiningar um útfyllingu einstakra
reita launamiðans. Þar kemur m.a.
fram að í reit 02 á launamiða skuli telja
fram allar tegundir launa eða þóknana
sem launþegi fær, ásamt starfstengdum
greiðslum svo sem:
1. verkfærapeninga eða verkfæra-
gjald,
2. fatapeninga,
3. flutningspeninga og greiðslu far-
gjalda milli heimilis og vinnu-
staðar.
Greidda fæðispeninga skal telja fram í
reit 29 ásamt upplýsingum um vinnu-
dagafjölda viðkomandi launþega.
Frestur til að skila launamiðum rennur
út þann 20. janúar. Það eru tilmæli
að þér ritið allar upplýsingar rétt
og greinilega á miðana og vandið
frágang þeirra.
RÍKISSKATTSTJÓRI