Dagblaðið Vísir - DV - 06.02.1986, Blaðsíða 36

36
DV. FIMMTUDAGUR 6. FEBRÚAR1986
Sviðsljós
Sviðsljós
Sviðsliós
Sviðsljós
Það sem mamma vildi
skal nú gert
Karólína í balletthöllinni í Mónakó: „Stærsti draumur mömmu var að
endurreisa ballettinn hérna og ég ætla að láta hann rætast.“
Sú var tíðin að Karólína prins-
essa í Mónakó var uppreisnarsegg-
ur fjölskyldunnar og mörg uppá-
tæki hennar vöktu mikla hneyksl-
un og reiði meðal ættingjanna. En
hún varð eldri og þroskaðri með
árunum og í dag hefur yngri systir-
in, Stefanía, tekið við hlutverki
svarta sauðsins. Karólína er arf-
taki móður sinnar á sem flestum
sviðum og þykir hafa staðið sig
með eindæmum vel hvað það snert-
ir.
„Ég er ákveðin í því að uppfylla
sem flesta draumana sem mamma
átti um framtíð menningarlífs í
Mónakó og einn þeirra er endur-
reisn ballettstarfseminnar sem
núna er á góðri leið með að verða
að veruleika,“ segir Karólína
ákveðin. Mikil listahátið verður
haldin á staðnum nú í sumar og
koma þar fram allir helstu lista-
menn heimsins á hinum ýmsu svið-
um en aðalnúmerið verður stór
sýning ballettsins endurreista.
Beðið er með ðþreyju eftir stund-
inni stóru því ekki skortir staðar-
búa áhugann á aðgerðum Karólínu
sem hefur haft veg og vanda af
öllum undirbúningi. '
„Ég vildi að mamma gæti séð
hvað ég er að gera núna því ekki
var allt svo jákvætt í mínu fari
meðan hún .var enn á lífi,“ segir
þessi eldri dóttir Grace Kelly og
Rainiers fursta.
„Það getur enginn breytt fortíð-
inni og ég trúi því að henni leyfist
að fylgjast með okkur frá æðra
tilverusviði. Það gefur mér styrk
og kraft til að halda áfram á sömu
braut.“
Á öllum fjölskyldumyndum er sonur Karólínu, Andrea, miðpunkturinn
og svo mun vera í daglega lífinu einnig. Tvö þau eldri af börnum Grace
og Rainiers standa þétt saman sem og ætíð, Rainier við hlið þeirra en
Stefanía, skrefi aftar, endurspeglar með því togstreituna sem hún stríðir
við vegna eigin andstöðu við að uppfylla hið hefðbundna prinsessuhlut-
verk.
Ritstjórar að snæðingi. Að vísu var ekkert komið á diskana þegar ljósmyndari DV rakst á þennan fríða
hóp að Hótel Sögu en biðin eftir kræsingunum var örugglega farin að styttast. Frá vinstri er fyrstur
Sigurður Sigurðsson, sem áður var ritstjóri Áfanga, síðan Sigurður Fossan, framkvæmdastjóri Sam-
útgáfunnar, Ólafur Hauksson, ritstjóri Sam, Óli Tynes, ritstjóri fréttablaðs Arnarflugs og áður tímarits-
ins Fólks. Til hægri eru hjónin Elín Káradóttir og Hilmar Jónsson en þau ritstýra Gestgjafanum.
Furður heimsins virðast óendan-
legar og ekki síst fyrir mannfólk sem
er óvenjustutt í annan endann.
Jahérna!
Hann Richard litli Carter var ein
augu þegar foreldrarnir mættu með
hann á kynningarkokkteil fyrir ljós-
myndabók - einkanlega vegna þess
að fyrirsæturnar úr bókinni góðu
mættu á staðinn í sínu fínasta pússi.
Hann lét sér ekki nægja að gefa þeim
auga eins og aðrir karlkynsgestir
heldur elti stíft og starði á þessi
veraldarundur. Haft var á orði að
líklega myndu konur framtíðarinnar
ekki falla síður fyrir honum því sá
stutti verður með tímanum greifi af
Wemyss og það spillir síst fyrir í
ákveðnum umgangskreðsum.