Dagblaðið Vísir - DV - 15.05.1986, Blaðsíða 5

DV. FIMMTUDAGUR 15. MAl 1986.
5
Stjórnmál Stjórnmál Stjórnmál Stjórnmál
DV spyr
á Siglufirði:
Hverju viltu spá um úrslit
bæjarstjórnarkosninganna?
Hanna Þóra Benediktsdóttir: „Mín
spá er sú að þetta fari nákvæmlega
eins og síðast, að D-listinn fái 4,
A-listi 1, B-listi 2 og G-listi 2.“
Kári Hreinsson: „Sjálfstæðisflokkur-
inn nær hámarki 3 mönnum og missir
því einn mann. Framsókn stendur í
stað, fær aftur 2, A fær 1 og ég hef
það á tilfinningunni að Flokkur
mannsins hirði einn af G-listanum.“
.mmmnmm 1 Tts*
Ægir Jóakimsson: „Þetta verður ná-
kvæmlega eins og síðast. Það er helst
að Sjálfstæðisflokurinn eigi fullt í
fangi með að halda sínu fjórða
manni.“'
Steingrímur Kristinsson: „Sem sjálf-
stæðismaður vil ég fá 5 menn af
D-lista en það tel ég útilokað. Ég
held frekar að baráttan standi um
fjórða mann á D og þann þriðja á G.“
Jóna Björg Þórhallsdóttir: „Ég held
að D-listinn fái aftur 4 menn, það er
helst að G-listinn geti komið í veg
fyrir það, hann verður sterkur. A fær
1 og B-listi 2 og ég spái Flokki
mannsins ekki miklu fylgi.“
Guðný Friðriksdóttir: „Mér finnst
einhvem veginn sem þetta verði líkt
og síðast. En sem sjálfstæðismaður
vil ég að við fáum fimmta manninn
en það verður mjög erfitt.“
Síldarárin voru á Siglufnði
Siglufjörður er langþekktasti síldar-
bær landsins. Þegar hvað mest var af
aðkomufólki á síldarárunum komst
íbúatalan upp í 3100. Nú búa um 2000
manns á Siglufirði. Sildin er ekki leng-
ur í aðalhlutverki heldur loðnan. Þar
er fullkomnasta loðnuverksmiðja í
heimi, sú tölvustýrða hjá SR. Siglu-
fjörður varð kaupstaður 1918 en
verslun hófst þar 1788. Mörg snjóflóð
hafa skollið á bæinn, það mannskæð-
asta árið 1919. Þá fórust 19 manns.
Frekar úrkomusamt er á Siglufirði en
logn og stillur einkenna veðrið.
Strákagöngin vom opnuð 1968. Á
meðal þekktra Siglfirðinga má nefha
Ólaf Ragnarsson bókaútgefanda, Jón
Skaftason borgarfógeta og Ólaf G.
Einarsson alþingismann. Nú, og síma-
númer hjá Húseiningum „er í síma-
skránni" eins og segir í auglýsingunni.
-JGH
Siglufjörður. Þar er fullkomnasta loðnuverksmiðja I heimi, þessi tölvustýrða
hjá Síldarverksmiöjum ríkisins. DV-mynd JGH
M-listinn:
Fjármálin á
réttan kjöl
„Við hjá Flokki mannsins setjum á
oddinn að fjármálum bæjarins verði
komið á réttan kjöl. Það er verið að
greiða margar milljónir á ári í vexti
og dráttarvexti og lán em í vanskil-
um,“ sagði Þórir Stefánsson, annar
maður á M-listanum, lista Flokks
mannsins á Siglufirði.
„Við viljum að ekki verði farið út i
nein stórverkefiii á meðan verið er að
koma fjármálum bæjarins á hreint en
leggja verður þó upp úr því að klára
þau verkefhi sem byrjað er á svo þau
drabbist ekki niður. Gatnagerð er þó
orðin mjög brýnt verkefni sem verður
að takast á við.“
Þórir sagði að Flokkur mannsins
ræki ekki beinan flokkspólitískan
áróður. „Við viljum fyrst og fremst fá
breytingar til hins betra í bænum og
fá meiri samvinnu og samstöðu um
lausn bæjarmála. Eins og þetta er
núna fer alltof mikill tími í rifrildi og
ströggl um einstök mál.“
-JGH
E"zzp <- W -á
Þórir Stefánsson, skipar annaö sætið
hjá Rokki mannsins. DV-mynd JGH
A-listinn:
Stórátak í
gatnagerð
„Við jafhaðarmenn viljum auðvitað
að sífellt sé staðið á verði og vakað
yfir atvinnulífinu, að möguleikar bæj-
arins séu kynntir út á við og fyrirtæki
löðuð að. Jafhframt að létta mönnum
að stofna ný fyrirtæki og stækka þau
sem fyrir eru með ívilnunum á opin-
berum gjöldum bæjarins. Eins er orðið
mjög brýnt að bæta afkomu bæjarsjóðs
og bæjarfyrirtækja með miklu aðhaldi
Kristján L. Möller, efsti maður
A-listans á Siglufirði. DV-mynd JGH
og endurbótum í rekstri,“ sagði Krist-
ján L. Möller, efsti maður A-listans,
lista Alþýðuflokksins á Siglufirði.
„Þetta er aftur forsenda fyrir stórá-
taki í varanlegri gatnagerð sem við
ætlum út í. Það verk verður að vinn-
ast með áhlaupi, fljótt og vel, og
greiðast á löngum tíma. Til að standa
straum af því viljum við að möguleik-
ar verði kannaðir á fjármagni með
sölu skuldabréfa. Margir stórverktak-
ar búa við verkefhaskort og þvi ætti
að vera hægt að fá góð tilboð.
Þá leggjum við áherslu á að vinna
annan bæjarfiilltrúann aftur af íhald-
inu og um það snýst kosningabaráttan
hér á Siglufirði."
B-listinn:
Nýfyrirtæki
og hlúa að
þeim sem
fyrir eru
„Atvinnumálin hljóta alltaf að koma
númer eitt, þau eru forsenda alls ann-
ars. Við ætlum að styðja við bakið á
núverandi fyrirtækjum og halda því
góða atvinnuástandi sem hér er núna.
Jafnframt að auka fjölbreytnina með
því að koma á fót smáiðnaði," sagði
Skarphéðinn Guðmundsson, efsti
maður B-listans, lista Framsóknar-
flokksins á Siglufirði.
..Umhverfis- og gatnagerðarmál eru
hér mjög i brennidepli. Við stefnum
að miklum framkvæmdum á næsta
kjörtímabili. Þetta er mjög brýnt og
vilji fólksins greinilegur fyrir þessu.
Við framsóknarmenn viljum sjá
auknar byggingar á íbúðarhúsum á
félagslegum grunni, bæði til leigu og
eignar. Er þetta mjög knýjandi því nú
er skortur á húsnæði í bænum. Éinnig
stefhum við að undirbúningi á bygg-
ingu nýs grunnskóla, viljum hlúa
betur að íþrótta- og æskulýðsmálum
og erum hlynntir áframhaldandi bygg-
ingu dvalarheimilis aldraðra. Síðast
en ekki síst ætlum við að vinna þriðja
inanninn í kosningunum."
-JGH
Skarphéðinn Guðmundsson, efsti
maður B-listans. DV-mynd JGH
Þau eru í framboði
Listi Alþýðuflokksins
1. Kristjón L. Möller
2. Regína Guðlaugsdóttir
Ólöf Kristjánsdóttir
4. Jón Dýrfjörð
5. Viktor Dorkelsson
(j. Margrét Friðriksdóttir
7. Kristinn Halldórsson
S. Rögnvaldur Þórðarson
9. Steingrímur Sigfusson
10. Björn Þór Haraldsson
11. Amar Ölafsson
12. Hrafnhildur Stefánsdóttir
i:i. Auður Sigurgeirsdóttir
14. Guðmundur Davíðsson
15. Anton Jóhannsson
10. Hörður Hannesson
17. Ámundi Gunnarsson
18. Krla Ólafsdóttir
Listi Framsóknarflokksins
1. Skarphéðinn Guðmundsson
2. Ásgrímur Sigurbjömsson
0. Freyr Sigurðsson
4. Guðrún Hjörleifsdóttir
5. Ásdís Magnúsdóttir
0. Steinar Ingi Eiríksson
7. Aðalbjörg Þórðardóttir
8. Sveinbjöm Ottesen
9. Sveinn Þorsteinsson
10. Karolína Sigurjónsdóttir
11. Sveinn Bjömsson
12. Kolbrún Daníelsdóttir
1.1. Bjámev Þórðardóttir
14. Svetrir Jónsson
15. Guðrún Ólöf Pálsdóttir
10. Halldóra S. Jónsdóttir
17. Sverrir Sveinsson
18. Bogi Sigurbjömsson
Listi Sjálfstæðisflokksins
1. Bjöm Jónasson
2. Axel Axelsson
II. Guðmundur Skarphéðinsson
4. Omar Hauksson
5. lngibjörg Halldórsdóttir
0. Bit;gir Steindórsson
7. Kristín Halldórsdóttir
8. Hnukur Jónsson
9. Rósa H. Hrafnsdóttir
10. Georg Ragnarsson
11. lngvar Kr. Hreinsson
12. Bvlgja Hauksdóttir
i:l. Itiifn Sveinsson
14. Anna L. Hertervig
15. Matthías Jóhannsson
10. Konráð Baldvinsson
17. Óli J. Blöndal
18. Knútur Jónsson
Listi Flokks mannsins
1. Einar Karlsson
2. Þórir Jóhann Stefánsson
;l. .Vlagnús Traustason
4. Ólafvu- Þór Haraldsson
5. Vilborg Traustadóttir
0. Birgitt<\ Pálsdóttir
7. Þórður Andersen
8. Gísli H. Elíasson
9. Trausti Breiðfjörð Magnússon
Listi Alþýðubandaiagsins
1. SigurðurHlöðvesson
2. Brvnja Svavarsdóttir
;l. Hafþór Rósmundsson
4. Svava Baldvinsdóttir
5. Þormóður Birgisson
0. Ríkey Sigurbjömsdóttir
7. Þorleifúr Halldórsson
8. Ingunn Jónsdóttir
9. Kristján Matthíasson
10. Kolbrún Eggertsdóttir
11. Hörður Júlíusson
12. Kristján Rögnvaldsson
13. Hinrik Aðalsteinsson
14. Hannes Baldvinsson
15. Flóra Baldvinsdóttir
16. Vilhelm Friðriksson
17. Þórunn Guðmundsdóttir
18. Kolbeinn Friðbjamarson
Sigurður Hlöðversson, efsti maður
G-listans. DV-mynd JGH
G-listinn:
Halda áfram
forystunni
„Við leggjum auðvitað áherslu á að
klára þau stórverkefhi sem við erum
þegar með í gangi, eins og byggingu
dvalarheimilis aldraðra, íþróttahúss-
ins, grasvallarins og endurbyggingu
húss fyrir tónlistarskólann. Það verk-
efni sem mest aðkallandi er að byrja
á er gatnagerðin, við stefnum á að í
lok næsta kjörtímabils verði 80%
gatna í bænum með bundnu slitlagi.
Þetta er mjög brýnt," sagði Sigurður
Hlöð''ersson, efeti maður G-listans,
lista Alþýðubandalagsins á Siglufirði.
„Að sjálfeögðu byggjast allar fram-
kvæmdir á traustu atvinnulífi, að
fyrirtækin gangi vel og um þau þarf
að standa vörð. Staða fyrirtækja hér
í sjávarútvegi er mjög erfið, sérstak-
lega einkafyrirtækjanna. Síldarverk-
smiðja ríkisins og Þormóður rammi
standa sig hins vegar vel.
Nú, og þá er það ekki síst kappsmál
hjá okkur alþýðubandalagsmönnum
að ná 3ja manni inn og halda áfram
forystu í meirihlutanum." -JGH
Bjöm Jónasson, efsti maður D-listans.
DV-mynd JGH
D-listinn:
Fá hreinan
meirihluta
„Við setjum á oddinn að standa vörð
um þau fyrirtæki sem við höfum og
viðhalda þannig góðu atvinnuástandi
hér á Siglufirði. En mál málanna í
kosningunum er samt gatnagerðin og
umhverfismál. Þar ætlum við að gera
stórátak. Jafnframt þarf að klára
íþróttahúsið og byggingu þjónustu-
íbúða fyrir aldraða," sagði Bjöm
Jónasson, efeti maður D-listans, lista
Sjálfetæðisflokksins á Siglufirði.
„Við sjálfetæðismenn setjum stefn-
una alfarið á hreinan meirihluta, að
vinna fimmta manninn í kosningun-
um. Við væntum þess að Siglfirðingar
treysti okkur fyrir stjóm bæjarins
næsta kjOTtímabil. Mikil óeining hefur
verið í núverandi meirihluta sem sam-
settur er af Alþýðuflokki, Framsókn-
arflokki og Alþýðubandalaginu. Og
ekki batnar það með einu vinstra
framboðinu í viðbót, Flokki mannsins.
Núverandi meirihluti sprakk í raun
eftir fyrsta árið og það er kominn tími
til að gefa honum frí,“ sagði Bjöm
Jónasson. -JGH
Orsltt síðast
Á Siglufirði búa tæplega 2000 manns.
Úrslit í síðustu kosningum, vorið 1982,
urðu þessi:
A 206 atkv. 1 mann
B 238 atkv. 2 menn
D 413 atkv. 4 menn
G 289 atkv. 2 menn
Þessir vom kjömir: Jón Dýrfjörð
(A), Bogi Sigurbjömsson (B), Sverrir
Sveinsson (B), Bjöm Jónasson (D),
Birgir Steindórsson (D), Axel Axelsson
(D) Guðmundur Skarphéðinsson (D),
Kolbeinn Friðbjamarson (G) og Sig-
urður Hlöðvesson (G). -JGH