Dagblaðið Vísir - DV - 25.07.1986, Qupperneq 6

6
FÖSTUDAGUR 25. JÚLÍ 1986.
ViðskiptL
DV
Innflutningurinn:
Um 129%
aukning í
nýjum
fólksbílum
Innflutningur á nýjum fólksbif-
reiðum fyrri helming þessa órs
jókst um tæp 129% miðað við sama
tíma í fyrra. Sala á notuðum bif-
reiðum jókst mun minna eða um
65%.
í ár hafa verið fluttar inn 6.547
nýjar fólksbifreiðar en á sama tíma
í fyrra hafði verið flutt inn 2.861
bifreið. Seldar notaðar fólksbif-
reiðar á fyrri hluta þessa árs eru
373 en voru 226 á sama tíma í fyrra.
Þessi aukning á sölu notaðra
fólksbíla er einkum og nánast al-
veg í bílaumboðunum sjálfum, sem
öll eru komin með bílasölur. Bíla-
salamir, sem eingöngu versla með
gamla bíla, hafa hins vegar orðið
að því er virðist undir í barátt-
unni, enda kvarta þeir flestir sáran
og tala um mun lakari sölu nú en
í fyrra, eins og fram kemur annars
staðar hér á síðunni.
Ef tekin er heildartala yfir kaup
og sölu nýrra og notaðra bíla hefur
hún tæplega tvöfaldast miðað við
sama tíma í fyrra. Á fyrri helmingi
þessa árs er hún 6.884 miðað við
3.590 á sama tíma í fyrra. Inni í
þeirri tölu eru, auk fólksbíla,
sendibílar, vörubílar og annars
konar bifreiðar, svo sem traktorar
og fleira.
Ef litið er á fólksbíla eru það enn
sem fyrr japönsku bílamir sem
mest hefur verið flutt inn af á fyrri
hluta þessa árs. -KÞ
Peningamarkaöur
VEXTIR (%) hæst
Innlán óverðtryggð
Sparisjóðsbækur óbundnar 8-9 Lfa
Sparireikningar
3ja mán. uppsögn 8.5-10 Ab.Lb.Vb
6 mán. uppsögn 9.5-12.5 Ah.Vb
12 mán. uppsögn 11-14 Ab
Sparnaður - Lánsréttur
Sparað í 3-5 mán. 8-13 Ab
Sp. i 6 mán. og m. 9-13 Ab
Ávisanareikningar 3-7 Ab
Hlaupareikningar 3-4 Lb.Sb
Innlán verðtryggð Sparireikningar
3ja mán. uppsögn 1 Allir
6 mán. uppsögn 2.5-35 Lb
Innlán með sérkjörum 8-16
Innlán gengistryggð
Bandarikjadalur 6-7 Ab
Sterlingspund 9-10.5 Ab
Vestur-þýsk mörk 3.5-4 Ab
Danskar krónur 6-7.5 Ab.Sb
Utlán óverðtryggð
Almennir víxlar(forv.) 15.25 Allir
Viðskiptavixlar(forv.)(1) kge og 19.5
Almenn skuldabréf(2) 15.5 Allir
Viðskiptaskuldabréf(1) kge Allir
Hlaupareikningar(yfirdr.) 7-9
Utlán verðtryggð Skuldabréf
Að2.5árum 4 Allir
Til lengri tíma 5 Allir
Útlán til framleiðslu
ísl. krónur 15
SDR 8
Bandarikjadalur 8.25
Sterlingspund 11.75
Vestur-þýsk mörk 6
Spariskirteini
3ja ára 7
4ra ára 8.5
Bára 9
Með vaxtmiðum(4 ár) 8.16
Gengistryggð(5 ár) 8.5
Almenn verðbréf 12-16
Hósnæðislán 3.5
Lifeyrissjóðslán 5
Dráttarvextir 27
VlSITÖLUR
Lánskjaravísitala 1463 stig
Byggingavísitala 272.77 stig
Húsaleiguvísitala Hnkkaði 5%1.júlí
HLUTABRÉF
Söluverð að lokinni jöfnun m.v. 100 nafnverðs:
Eimskip 200 kr.
Flugleiðir 140 kr.
Iðnaðarbankinn 98 kr.
Verslunarbankinn 97 kr.
(1) Við kaup á viðskiptavíxlum og við-
skiptaskuldabréfum, af þriðja aðila, er
miðað við sérstakt kaupgengi, kge, hjá
flestum bönkum og stærri sparisjóðum.
(2) Vaxtaálag á skuldabréf til uppgjörs
vanskilalána er 2% bæði á verðtryggð
og óverðtryggð lán. Skammstafanir:
Ab = Alþýðubankinn, Bb = Búnaðar-
bankinn, Ib = Iðnaðarbankinn, Lb=
Landsbankinn, Sb = Samvinnubankinn,
Úb = Útvegsbankinn, Vb=Verslunar-
bankinn, Sp = Sparisjóðimir.
Nánari upplýsingar um pengamark-
aðinn birtast í 0V á fmrnrtudöítitm.
Nýir bílar uppseldir
- á meðan sala á gömlum bílum dregst saman
Bílaviðskipti ganga mjög glatt þessa
daga hér á landi, það er að segja hjá
bílaumboðunum. Er svo gott sem
ómögulegt að fá nýjan bíl þar sem
engir em til í umboðunum nema þá
einn og einn og þá af fínustu, bestu
og dýrustu gerð. Hefur staðan verið
þessi hjá þeim flestum síðustu tvo
mánuði.
Hjá bílasölunum, það er að segja
þeim sem höndla með gamla bíla, er
hljóðið hins vegar sýnu verra, hjá allf-
lestum. Tala sumir þeirra um 35%
minni sölu en í fyrra.
En hver skyldi ástæðan vera fyrir
þessu?
Svarið er fyrst og fremst tollalækk-
unin sem varð á bílum í febrúar
siðastliðnum. Þá lækkuðu nýir bílar
um 30%. Þessi lækkun skilaði sér hins
vegar ekki að fullu í kaupum og sölu
á gömlum bílum. Fyrst eftir tollalækk-
unina kom hún að einhverju leyti fram
í verði á gömlum bílum en nú eru
þeir komnir upp í sama eða svipað
verð og þeir voru fyrir lækkunina.
„Kaup og sala á gömlum bílum hefur
færst yfir til bílaumboðanna sjálfra,
sem öll eru komin með bílasölur,"
sagði einn bílasalanna sem DV ræddi
við. „Þeir taka gömlu bílana upp í og
bjóða svo hagstæð greiðslukjör. Fólki
virðist þykja þetta þægilegri við-
skipti," bætti hann við.
Forsvarsmenn bílaumboðanna, sem
DV ræddi við, voru sammála um það
að fyrstu viðbrögð fólks við tollalækk-
uninni hefðu verið þau að fara af stað
til að grípa gæsina á meðan hún gæf-
ist og fá sér nýjan bíl. Það eins og
treysti því ekki að tollalækkunin
myndi vara. Þessi skoðun virðist ríkja
enn.
SV ræddi við nokkra aðila hjá um-
unum og bílasölunum.
-KÞ

Salir bílaumboðanna, þar sem nýir bílar eru hafðir til sýnis, standa nú flestir galtómir. Þama hefur þó verið rennt skrifborði til að reyna að sinna óþreyjufull-
um viðskiptavinum. Dv-mynd KAE
Bílaumboðin í sjöunda himni
Forsvarsmenn bílaumboðanna eru í
sjöunda himni þessa daga, enda hefur
salan sjaldan verið meiri. Er um að
ræða helmingsaukningu hjá sumum
og rúmlega það miðað við síðasta ár.
Hjá flestum þeirra er ekki til einn ein-
asti nýr bíll og hefur ekki verið svo
síðustu vikur. Er víðast hvar biðtími'
eftir nýjum bílum frá tveimur mánuð-
um upp í sjö.
Ágúst Ragnarsson, markaðsstjóri
Töggs hf., sagði söluna það sem af
væri þessu ári vera 150 bíla miðað við
74 allt árið í fyrra. Þá væru á leiðinni
til landsins 50 nýir Saab og væru þeir
allir gengnir út. Biðtími eftir nýjum
bíl væri allt upp í fimm mánuði. Hins
vegar væru forsvarsmenn fyrirtækis-
ins að reyna að fá fleiri bila og hraðari
afgreiðslu frá verksmiðjunni ytra til
að geta annað eftirspum. Vonaðist
Ágúst til að það tækist.
Stefán Sandholt, sölustjóri Heklu
hf., sagði að þeir hefðu verið bíllausir
í tvo mánuði. „Þetta eru lífleg við-
skipti þessa daga,“ sagði hann. Þeir
væru búnir að selja hótt í níu hundruð
bíla það sem af væri þessu ári miðað
við um 600 síðasta ár. Á leiðinni til
landsins væru á þriðja hundrað bílar.
Væru um 200 þeirra þegar gengnir út.
„Eftirspumin eftir okkar bílum er
miklu meiri en við þorðum að láta
okkur dreyma um,“ bætti hann við.
Hjá Hallgrími Gunnarssyni, for-
stjóra Ræsis, var svipaða sögu að
segja. Eftirspumin hefði aukist mjög
og salan. Hins vegar lægju þeir aldrei-
með bíla heldur tækju pantanir sem
þeir síðan afgreiddu. Þeir væm með
ákveðinn kvóta af bílum sem þeir
fengju til ráðstöfunar árlega. Vegna
eftirspumarinnar væm þeir nú að
reyna að auka þennan kvóta. Hall-
grímur sagði að biðtími eftir Mercedes
Benz væri um það bil fjórir mánuðir,
það færi þó eftir tegundum. Bætti
hann því við að sumum fyrirspyrjend-
um þætti biðtíminn of langur og hættu
við af þeim sökum.
Hilmar Böðvarsson, sölustjóri Jöf-
urs, sagði aukningu þar gífúrlega.
Þeir væm búnir að selja 500 bíla það
sem af væri þessu ári. Allt árið í fyrra
hefðu þeir selt 200. Þeir væm að fá til
landsins um 100 Skoda og væm þeir
nánast allir uppseldir. Einnig væm á
leiðinni allmargir Chrysler og Dodge
bílar. Þeir væm allir löngu uppseldir
og bið eftir slíkum bílum væri sjö
mánuðir.
Svipaða sögu var að segja hjá Bíla-
borg. Þórir Jensson forstjóri sagði að
þeir hefðu verið bíllausir i tvo mán-
uði. 120 bílar væm á leiðinni til
landsins í næsta mánuði. Þeir væm
allir seldir. Þeir sem kæmu til hans í
dag að panta bíl gætu ekki fengið
hann fyrr en í nóvember, desember,
slík væri eftirspumin. Væm þeir af
þeim sökum að reyna að fá viðskipta-
aðila sína til að senda þeim fleiri bíla
en áður hefði verið samið um.
-KÞ
35 prósent samdráttur
hjá sumum bílasölum
Bílasalar þeir sem versla með gamla
og notaða bíla kvarta sáran þessa
daga, allflestir að minnsta kosti. Hefur
salan dregist saman, hjá sumum allt
að 35% miðað við sama tíma í fyrra.
„Hjá okkur er salan um 35% lakari
en hún var á sama tíma í fyrra,“sagði
Þorvaldur Jensson hjá Bílasölunni
Bliki í samtali við DV. „Skýringin er
einfaldlega sú að notaðir bílar lækk-
uðu ekki í samræmi við tollalækkun-
Hann sagði að hluta af þessum sam-
drætti mætti og rekja til þess að
bílaumboðin væru öll komin með bíla-
sölur og þessi viðskipti virtust vera
öll að færast til þeirra. Fólki þætti
þægilegra að selja gamla bílinn sinn
og kaupa þann nýja á einum og sama
staðnum.
Einar Pálmason hjá bílasölunni
Bílahöllinni hafði sömu sögu að segja.
fyrra. Ástæðan er einfaldlega sú að
verð á gömlum bílum er of hátt,“ sagði
hann.
Ingimar Sigurðsson hjá Braut tók í
sama streng og sagði að hreyfingin
hjá þeim væri greinilega minni en í
fyrra.
Þeir voru þó sýnu borubrattari bíla-
salamir við Miklatorg. Guðfinnur
Halldórsson hjá Bílasölu Guðfmns
og Halldór Snorrason hjá Aðalbílasöl-
unni sagðist ekki sjá betur en hún
væri heldur meiri en í fyrra ef eitthvað
væri. „Innflutningur á bílum hefur
aukist mjög upp á síðkastið og þar af
leiðandi eru fleiri gamlir bílar sem
bætast á sölulista," sagði Halldór. „Ég
hef ekki orðið var við minnkandi sölu
þótt gamlir bílar séu komnir aftur upp
í það verð er þeir voru fyrir tollalækk-
unina.
-KÞ