Dagblaðið Vísir - DV - 20.10.1986, Side 2

2
MÁNUDAGUR 20. OKTÓBER 1986.
Stjómmál
Albert hlaut langflest
atkvæði í fyrsta sæti
Geir Haarde og Sólveig Pétursdóttir ný þingmannsefni
Albert Guðmundsson iðnaðarráð-
herra verður áfram fyrsti þingmaður
Reykvíkinga. Hann hlaut langflest
atkvæði í fyrsta sæti í prófkjöri Sjálf-
stæðisflokksins um skipan framboðs-
lista flokksins í Reykjavík við næstu
þingkosningar.
Albert hlaut 2.374 atkvæði í fyrsta
sæti. Friðrik Sophusson, varafor-
maður flokksins, hlaut 1.360 atkvæði
í sama sæti en Birgir ísleifur Gunnars-
son 891 atkvæði.
Þingmenn flokksins röðuðust í fimm
efstu sætin. Friðrik Sophusson hlaut
annað sæti, Birgir Isleifur Gunnarsson
þriðja sæti, Ragnhildur Helgadóttir
fjórða og Eyjólfur Konráð Jónsson,
sem flutti sig úr Norðurlandskjördæmi
vestra, náði fimmta sæti.
Guðmundur H. Garðarsson hlaut
kosningu í sjötta sæti. Guðmundur sat
á þingi sem aðalmaður kjörtímabilið
1974 til 1978. Varaþingmaður varð
hann árið 1967.
Geir H. Haarde, aðstoðarmaður fjár-
málaráðherra, hafnaði í sjöunda sæti.
Hann vantaði aðeins eitt atkvæði til
að ná Guðmundi H. Garðarssyni. Geir
er nú varaþingmaður.
Sólveig Pétursdóttir lögfræðingur
Atkvæði talin undir stjóm Valgarðs Briem.
hlaut áttunda sæti. Hún hefur ekki
áður tekið þátt í prófkjöri. Haldi Sjálf-
stæðisflokkurinn fylgi sínu kemst
Sólveig á þing:
Jón Magnússon lögmaður lenti í
níunda sæti. Með stórsigri flokksins
kæmist hann á þing.
María E. Ingvadóttir viðskiptafræð-
ingur hlaut tíunda sæti.
Vilhjálmur Egilsson, hagfræðingur
VSÍ, hlaut ellefta sæti.
Prófkjörið er bindandi fyrir fyrstu
ellefu sæti listans. Alls kusu 6.576
sjálfstæðismenn. 354 þeirra gerðu hins
vegar seðil sinn ógildan, ýmist með
því að kjósa færri en átta, sem var
lágmark, eða fleiri en tólf, sem var
hámark.
Esther Guðmundsdóttir hlaut tólfta
sæti, Bessí Jóhannsdóttir þrettánda
sæti, Ásgeir Hannes Eiríksson íjórt-
ánda sæti og Rúnar Guðbjartsson
fimmtánda sæti.
Athyglisvert er að Albert Guð-
mundsson er í níunda sæti sé heildar-
atkvæðamagn skoðað. Birgir Isleifur
fékk samtals flest atkvæði í prófkjör-
inu en Friðrik næstflest.
-KMU
Albert Guðmundsson:
Þetta er stórsigur
,.Þar sem ég stefndi að því að vera
áffam fyrsti þingmaður Reykvíkinga
er þetta stórsigur, reyndar miklu meiri
sigur en ég átti von á,“ sagði Albert
Guðmundsson, sem hlaut fyrsta sæti.
- Fannst þér einhver öfl vinna gegn
þér í þessu prófkjöri?
„Það er ekkert nýtt mál en ég vil
ekkert vera að fjölyrða um það. Ég
er mjög ánægður með útkomuna. Út-
koman er spegilmynd af þeirri miklu
vinnu sem mínir stuðningsmenn, und-
ir forystu'dóttur minnar, hafa lagt í
þetta.
Ég er þakklátur öllum þeim sem
hafa unnið með mér að þessu. Þetta
var erfitt verkefni. Þetta er búið að
vera erfitt sumar, með öllum þeim
skrifúm og vitleysu sem hefur verið
þyrlað upp í kringum mig, þannig að
það var margfalt starf sem þurfti að
vinna miðað við það sem hefur þurft
hingað til.
Fyrir utan það að prófkjörið var
sjálft þannig skipulagt að það var er-
fitt fyrir mjg Stór hluti stuðnings-
mannahóps míns er utan Sjálfstæðis-
flokksins, þó að það séu sjálfstæðis-
menn. Þetta er óflokksbundið fólk sem
ekki hafði aðgang að prófkjörinu.
Þannig að það má segja að með þess-
ari útkomu hafi sá stuðningshópur,
sem vann að þessu, unnið þrekvirki.
Ég átti von á því að halda fyrsta
sætinu. Ég sá engan sem gat beint
ógnað því sem einstaklingur. En ég
sá margt annað, sem hafði gerst áður,
sem gat ógnað því að ég héldi áfram
í stjómmálum.“
- Sé atkvæðamagn samanlagt skoð-
að lendir þú í níunda sæti. Hvemig
skýrir þú þetta?
„Það er hægt að þrengja prófkjörið
þannig að aðeins þeir sem em á laun-
um hjá Sjálfstæðisflokknum í Sjálf-
stæðishúsinu megi kjósa. Þá hefði ég
líklega lent í síðasta sæti,“ svaraði
Albert. -KMU
Albert Guðmundsson og Davið Scheving Thorsteinsson takast i hendur á Bro-
adway í gær þar sem þeir sýndu íslenskan fatnað.
Geir H. Haarde með konu sinni, Ingu Jónu Þórðardóttur, og tveggja ára gam-
alli dóttur þeirra, Helgu Láru, á heimili þeirra í gær. DV-mynd KAE
Geir H. Haarde:
Get ekki verið
annað en ánægður
Guðmundur H. Garðarsson á heimili sinu i gær. DV-mynd KAE
Guðmundur H. Garðarsson:
Hef fengið
breiðan stuðning
„Ég er mjög ánægður með minn
hlut, get ekki verið annað,“ sagði
Geir H. Haarde, sem hafhaði í sjöunda
sæti.
„Ég er með rúmlega tvo þriðju að
heildaratkvæðamagni og lendi í sæti,
sem ætti að vera öruggt, miðað við
síðustu úrslit.
Ég vonast til þess að listinn í heild
sé sigurstranglegur. Ég fagna því að
tmg og kraftmikil kona skuli vera
komin í hóp þingmannsefna,“ sagði
Geir.
-KMU
Eyjótfur Konráð Jónsson:
Kominn heim
„Úrslit prófkjörsins finnst mér ágæt
og er mjög ánægður með minn hlut.
Ég hafði mjög gaman af að taka þátt
í þessu prófkjöri.
Hlut kvennanna hefði ég viljað hafa
meiri - vil gjaman hafa konumar
meira með í myndinni. Reyndar held
ég að þéssum prófkjörum þurfi að
breyta með einhveijum hætti því þau
em gengin sér til húðar eins og þau
eru í dag - með gegndarlausum fjára-
ustri og fleira. Ég bjóst alls ekki við
að fá svo góðan stuðning á þessum
skamma tíma sem ég hafði til umráða.
Sérstaklega þótti mér mikils virði sá
meðbyr sem ég fann hjá fólki sem á
varla til hnífs og skeiðar.
En ég get ekki annað en verið á-
nægður með þennan árangur og mér
finnst vænt um að vera kominn heim.“
Eyjólfur Konráð: Get ekki annað en
verið ánægður.
„Ég hef ástæðu til að halda að ég
hafi fengið mjög breiðan stuðning. Og
ég er mjög þakklátur því fólki sem
studdi mig,“ sagði Guðmundur H.
Garðarsson, sem hafhaði í sjötta sæti.
„Það er ekki nokkur vafi á því að
fjölmargir stuðningsmenn Péturs Sig-
urðssonar unnu fyrir mig í þessu
prófkjöri. Ég hef einnig ávallt notið
mikils stuðnings verslunarmanna hér
í Reykjavík, sem eru mjög virkir í
Sjálfstæðisflokknum.
Ég átti von á að mjög naumt yrði á
milli þeirra, sem skipa myndu 5. til 9.
sæti. Hins vegar kom það mér ekki á
óvart að þingmenn flokksins hlytu
örugga kosningu í efii sæti listans,“
sagði Guðmundur.
-KMU