Dagblaðið Vísir - DV - 04.06.1987, Blaðsíða 28

32
FIMMTUDAGUR 4. JÚNÍ 1987.
Tíðarandinn
„Dreymir ekki alla um Porsche,“ sögöu þeir Guömundur R. Guómundsson og Gunnar B.
Gunnarsson.
Hildur Hilmarsdóttir og Ingi Þór Oddsson komu alla leið frá Seyðisfirði til þess að kaupa
sér nýjan bíl. „Það er hins vegar betra að selja eldri gerðirnar úti á landi - vonlaust hérna."
Bílasölumar:
„Draumurinn er Porsche“
Hreinræktaðir kaggar fyrirfinnast líka á sölunum og eiga yfirleitt sína aðdá-
endur. Jóhannes Sæmundsson tók þó fram að hann vildi heldur Porsche.
,.Eg er að hugsa um að bjóða í
þennan." segir ákveðin rödd fvrir
utan bílasöluna Blik. Þar er á ferð-
inni Sigríður Sigurðardóttir ásamt
eiginmanninum Hjálmi Sigurðssyni.
Hjónin hafa staðnæmst við gráan
Daihatsu Charade og í huga Sigríðar
er leitinni loksins lokið.
„Mig vantar svona litla púddu og
"hef verið að kíkja í svona hálfan
mánuð. Nú ætlum við að láta verða
alvöru úr því að gera tilboð. Og ég
ræð. því ég borga.“
Hjálmur er ennþá eitthvað hugs-
andi yfír viðskiptunum.
„Það suðar þegar hurðin er opin,“
leggur hann til málanna en eftir að
Ijað vandamál er"leyst fellur dóms-
orðið. „Ætli þessi tik sé ekki jafngóð
og hver önnur.“
Síðast sést til þeirra hjóna þar sem
þau aka í burtu á bílnum - ein
reynsluferð er nauðsynleg áður en
tilboðið er látið vaða.
Sólin selur ekki
„Veðrið má ekki vera of gott,“ seg-
ir bílasalinn, Haraldur Þór Stefáns-
son. „Bílar seljast ekki í sól.“
Hann er þó ánægður með viðskipt-
in. getur ekki annað því að bílasala
hefur sjaldan eða aldrei verið betri.
Sölurnar eru fullar af notuðum bílum
sem eru til sölu því allmargir eru að
skipta yfir í nýrri árgerðir.
„Þetta er mjög gott núna - meiri-
háttar." heldur Haraldur áfram.
„Allar gerðir af smábílum seljast -
nýrri árgerðirnar - og við seljum
eitthvað í kringum hundrað og fjöru-
tiu til hundrað og fimmtíu bíla á
mánuði. Þetta er miklu meiri sala
heldur en á sama tima í fyrra og
auðvitað eiga nýju tollalögin sinn
þátt í þessu.“
Aðspurður um afleiðingar breyt-
inga á tollum í bílainnflutningi á
markaðinn sjálfan segir Haraldur
það greinilegt að bílaflotinn sé að
endurnýjast.
„Nýir kaupendur eru ekki svo
margir en menn taka sér lán og byrja
hærra en áður. Bílar á verðinu undir
hundrað þúsund seljast síður eða
jafnvel ekki. Salan kemur svo til með
að aukast alveg fram í september en
það er algjört frumskilyrði til þess
að selja að láta bílana standa. Þeir
verða að vera á staðnum því menn
eru hættir að leita í söluskrám."
Allradraumur
„Maður er ekki ungur nema einu
sinni,“ segja þeir félagarnir Guð-
mundur R. Guðmundsson og Gunnar
B. Gunnarsson.
„Það er hraðinn, fegurðin og
snerpan," bæta þeir við og horfa
dreymnum augum á svartan Porsche.
Ekkert vit er í öðru en að flytja slík-
an bíl inn sjálfur að mati Guðmundar
og Gunnars - með því móti má fá
góðan Porsche á sjö hundruð þúsund
krónur.
Til í allt
Á bílasölunni Skeifunni, sem er á
næstu grösum, verður Hallgrímur
Jón Ingvaldsson fyrir svörum.
„Ég held það hafi verið um tólf
þúsund bílar sem voru fluttir inn á
síðasta ári - á móti fjögur þúsund
og átta hundruð árið áður. Þetta eru
mestmegnis nýir bílar en við seljum
hérna frá hundrað og sextíu og upp
í hundrað og áttatíu bíla.“
Skeifusvæðið geymir fjölmargar
bílasölur - Borgarbílasöluna og
Start svo eitthvað sé upp talið - og
fyrir utan er hópur fólks að leita sér
að notuðum bíl til kaups. Þar eru
heilabrotin þung - pælt í góðum og
slæmum kaupum.
„Hafðu mig endilega í huga, ég er
til í allt,“ segir væntanlegur kaup-
andi við einn sölumanninn um leið
og hann hverfur á braut. Annar er
hins vegar þungbrýnni og horfir tor-
trvgginn á bílinn sem honum er
boðinn.
„Hann er heldur gamall, þessi,“ eru
lokaorðin og þar með verður ekkert
úr kaupunum.
Utan af landi
Við Miklatorg eru líka nokkrar
bílasölur og á einni þeirra eru Ingi
Þór Oddsson og Hildur Hilmars-
dóttir. Þau koma alla leið frá Seyðis-
firði í leit að bifreið - ætla að kaupa
nýlegan bíl hérna en selja sinn gamla
úti á landi.
„Það er betra að selja eldri gerðirn-
ar úti á landi,“ segir Ingi Þór.
„Vonlaust að selja hérna nema yngri
bílana.“ Þau segjast vera rétt að
byrja leitina.
„Við erum búin að þræða flestar
sölurnar og verðum hérna fram yfir
helgina. Ef við sjáum eitthvað sem
okkur líst vel á kaupum við bílinn
núna.“
Á flestum stöðum ber bílasölunum
saman um að bílarnir verði að vera
á staðnum - og það jafnvel úti en
ekki í sýningarsal - til þess að selj-
ast. Bílasalan sjálf fer ekki einungis
fram á daginn heldur fara væntan-
legir kaupendur í langar kvöldferðir
milli staðanna þar sem bornar eru
saman bílgerðirnar og gangverðið.
Daginn eftir er svo mætt á staðinn
þegar salan opnar og boðið í þann
Texti: Borghildur Anna
DV-myndir: Brynjar Gauti
Á bílasölunum standa notaðar bifreiðir í löngum röðum og getur verið býsna erfitt fyrir
væntanlega kaupendur að gera upp hug sinn.
Það getur tekið langan tíma að velta fyrir sér kostum og göllum glæsivagnanna og eins gott
að láta sér ekki sjást yfir leynda galla og rispur.