Dagblaðið Vísir - DV - 22.09.1987, Blaðsíða 17

ÞRIÐJUDAGUR 22. SEPTEMBER 1987.
17
íþróttir
Mikið áfall hjá 1. deildar liði Fram í handknatdeik:
Egill kjalkabrotinn
Hannes frá í nára
- Hannes Leifsson missir af 4-6 leikjum. Egill frá í mánuð?
„Eg hef átt í þessum nárameiöslum
í tvo mánuði. Þau tóku sig fyrst upp
þegar ég keppti á Norðurlandamóti
lögreglumanna í Danmörku. Þetta eru
þrálát meiðsli en ég held ég geti sagt
að ég sé á batavegi" sagði Hannes
Leifsson, handknattleiksmaður úr
Fram, í viðtali við DV.
Hannes Leifsson gekk til liðs við
Fram í sumar eftir að hafa leikið með
Stjömunni í nokkur ár og verið einn
af sterkustu leikmönnum liðsins. Af
þessu má vera ljóst að meiðsli Hannes-
ar koma til með að veikja Framliðið
en stutt er í að íslandsmótið fari að
hefjast.
„Ég fer til læknis í dag í rannsókn
og ég vona að hún leiði gott í Ijós. Það
er alveg ljóst að ég kem til með aö
missa af 4-6 fyrstu leikjum Fram á
íslandsmótinu. Síðastliðinn hálfan
mánuð hef ég tekið mér algjöra hvíld
frá handbolta," sagði Hannes.
„Ég hef einnig verið frá vinnu vegna
meiðslanna í tvær vikur. Ég verð að
drífa mig í slaginn að nýju því það er
ömurlegt og óþolandi að sitja heima
og gera ekki neitt,“ sagði Hannes Leifs-
son að lokum.
Egill kjálkabrotinn
„Ég veit ekki hve lengi ég verð frá
æfingum og keppni en það er Ijóst að
þetta mun taka töluverðan tíma,“
sagði EgiII Jóhannesson í samtali við'
DV í gærkvöldi. Egill kjálkabrotnaði
fyrir nokkrum dögum og mun örugg-
lega missa nokkra leiki með Fram í
1. deildinni. Meiðsli þeirra Hannesar
og Egils geta sett strik í reikninginn
hjá Fram en liðið hefur óneitanlega
orðið íyrir mikilli blóðtöku.
-JKS
• Egill Jóhannesson er kjálkabrotinn
og missir af fyrstu leikjum Fram í 1.
deiidinni sem hefst 30. septembr.
• Hannes Leifsson á við meiósli aö
stríöa i nára og mun ekki leika fjóra
til sex fyrstu leiki Fram í 1. deild.
• Tony Knapp sést hér stjórna landsliðsæfingu fyrir nokkrum árum. Til
vinstri á myndinni er Sigurður Jónsson, Sheffield Wednesday, en til hægri
er Atli Eðvaldsson, Bayer Uerdingen, fyrírliði íslenska landsliðsins.
Knapptil íslands?
- það segir norska dagblaðið VG
Norska dagblaðið Verdens Gang
skýrði frá því í gær að Tony Knapp,
sem um helgina var rekinn frá Brann,
hafi fengið tilboð um að þjálfa íslenska
landsliðið í knattspymu.
Blaðið segir ennfremur að Ellert B.
Schram, formaður KSÍ, sé kominn til
Noregs til að ræða málin við Knapp.
Blaðið leitar álits Tony Knapps í gær
en hann hefur látið hafa það eitt eftir
sér að hann vilji ekki tjá sig um málið.
• Tony Knapp þjálfaði íslenska
landsliðið í nokkur ár og var mjög
umdeildur landsliðsþjálfari. Litlar lík-
ur verður að telja á því að Knapp verði
boðin landsliðsþjálfarastaðan en hann
náði þó viðunandi árangri með lands-
liðið á sínum tíma. -SK
„Með kveðjum
frá Torfasyni“
Kristján Bemburg, DV, Belgiu;
Öll stærstu dagblöð Belgíu fara lof-
samlegum orðum um frammistöðu
Guömundar Torfasonar í leiknum
gegn gamla félaginu sínu, Beveren, um
helgina. Guðmundur skoraði sigur-
mark Winterslag og jafnframt eina
mark leiksins.
„Með kveðjum frá Torfasyni," sögðu
tvö dagblöð í fyrirsögnum þegar fiallað
var um leik Beveren og Winterslag í
gær. Flest dagblaðanna gefa Guð-
mundi tvo í einkunn sem þýðir að
hann hafi átt góðan leik. Þegar 7 um-
ferðum er lokið í 1. deild belgísku
knattspymuxmar hefur Winterslag
hlotið 6 stig, er um miðja deild.
-JKS
Greg Norman ennþá bestur
Ástralíumaðurinn, Greg Nor-
man, er enn talinn fremsti kylfing-
ur heims. Hann er í efsta sætinu á
lista yfir þá bestu og hefur hlotið
1278 stig. Spánverjinn frægi, Sever-
iano Ballesteros, er í öðru sæti og
saumar að Norman með 1191 stig.
Bemhard Langer, Vestur-Þýska-
landi, er þriðji með 1161 stig. Þessir
sæti er loks Bandaríkjamaður,
Curtis Strange, með 922 stig.
• Bandaríkjamaðurinn Gary
Hallberg, sigraði á Milwaukee-open
golfmótinu sem lauk í gær. Hallberg
lék á 269 höggum. Jaíhir í öðm og
þriðja sæti urðu þeir Wayne Levi,
Bandaríkjunum, og Robert Wrenn,
landi hans, á 271 höggi.
-SK
„VHdu ekki missa ferð
til handbottaeyjunnar"
- Víkingar leika heima og heiman gegn Liverpool
„Það varð að samkomulagi á milli
félaganna að leika heima og að heim-
an. Leikmenn Liverpool vildu ekki
undir neinum kringumstæðum missa
af ferð til þessarar stórkostlegu hand-
boltaeyju, eins og þeir komust að
orði,“ sagöi Hallur Hallsson, formaður
handknattleiksdeildar Vikings, í sam-
tali við DV í gær.
Víkingar buðu Liverpool aö leika
báða leikina ytra eða báða hér á landi
en löngun leikmanna að komast til
íslands varð yfirsterkari.
Eins og kunnugt er drógust Víkingar
á móti enska liðinu Liverpool í Evr-
ópukeppni meistaraliða í handknatt-
leik. Fyrri leikur liöanna verður í
Liverpool næstkomandi sunnudag og
halda Víkingar utan á laugardaginn.
Seinni leikurinn verður í Laugardals-
höllinni sunnudaginn 4. október kl.
20.30.
Englendingar hafa fram að þessu
ekki verið hátt skrifaöir í handbolta-
heiminum. Islensk félagslið hafa áður
lent á móti enskum félagsliðum og
hafa íslensku liðin ávallt farið með
öruggan sigur af hólmi. Víkingar eru
með fimasterkt lið og má því ætla að
leið þeirra í aðra umferð keppninnar
verði greið.
„Við reiknum með að þetta enska lið
kunni ekki mikið fyrir sér á hand-
knattleikssviðinu þó að maður eigi
aldrei að vanmeta andstæðinginn.
Heimavöllur Liverpool er minni en lög
gera ráð fyrir og er hann af þeim sök-
um á sérstakri undanþágu hjá alþjóða
handknattleikssambandinu," sagði
Hallur Hallsson ennfremur.
„Við fórum utan með okkar sterk-
asta lið. Það er þó spumingarmerki
með Sigurð Gunnarsson sem er að ná
sér af meiðslum. Siguröur lék þó um
helgina með liðinu á ReyKjavíkurmót-
inu. Hann er allur á batavegi," sagði
Hallur Hallsson að lokum.
-JKS
• Björgútfur Lúðviksson, fram-
kvæmdastjórl GR, fékk þann
heiður að opna nýja golfvöllinn
t Kjósinni og gefa honum nafn.
Áöur en Björgúlfur sló upphafs-
högglð hér á myndinnl gaf hann
veitlnum nafnið Hvammsvöllur.
Og eins og sjó mó eru tilburðirn-
ir ekki amalegir.
DV-mynd G. Bender
Sá nýjasti
fékk nafnið
Hvammsvöllur
„Ég get alveg fullyrt að ef vel
verður aö málum staöið hér á
næstu árum, sem ég efa ekki, þá
verður hér einn allra skemmtileg-
asti niu holu golfvöllur á landinu,“
sagði Björgúlfur Lúöviksson,
framkvæmdasfióri Golfldúbbs
Reykjavíkur, í samtali við DV en
á dögunum sló Björgúlfur fyrsta
höggið á nýjum golfvelli viö
Hvamm í Kjós. Björgúlfur gaf vell-
inum nafn og heitir hann
Hvammsvöllur.
Það er hinn þekkti kylfingur,
Ólafur Skúlason, framkvæmda-
sfióri Laxalóns, sem er maðurinn
á bak við hinn nýja golfvöll. FjTsta
mótið á golfvellinum, Laxalón-
open, stendur nú yfir og eru
verðlaun glæsáleg. Geta kylfingar
skráö sig til keppni í sima 667023
en mótið stendur yfir í nokkum
tíma.
„Þetta vallarstæði er mjög glæsi-
legt og margar holumar em
virkilegar golfholur. Framtiðin er
björt varðandi þennan völl og
framtak þeirra Laxalónsmanna til
mikillar fyrirmyndar," sagði
Björgúlfúr en hann lék í fyrsta
„hollmu“ ásamt Björgvin Þor-
steinssyni, landsliðseinvaldi í golfi.
Eins og fram hefúr komið í frétt-
um geta íþróttamenn og unnendur
útivistar hugsað sér gott til glóðar-
innar. Að Hvammi í Hvammsvík
er hægt að komast í góða veiði því
í lítUli fiöm era um 1650 regn-
bogasilungar sem taka eins og
þorskar. Þá er ætlunin að koma
upp hestaleigu, seglbrettaaðstöðu
og einnig að bjóða knattspymu-
unnendum upp á góðan knatt-
spymuvöIL
-SK
UEFA-maðurínn
var a-þýskur
Eins og frara hefúr komið í frétt-
um vora Valsmenn í meira lagi
óhressir með rússneska dómarann
sem dæmdu Evrópuleik þeirra
gegn Wisraut Aue í Austur-Þýska-
landi í siðustu viku.
Nú er komiö fram að eftirlits-
maður UEFA á leiknum var
heimamaður, Austur-Þjóövetji.
Valsmenn eru i meira lagi óhressir
með þetta og eru jafrivel taldar lík-
ur á því að þeir sendi harðoröa
kvörtun til UEFA vegna málsins.
Þess má geta aö auk þess að
dæma illa var dómarinn með sýn-
ingu í boltameöferð á leið sinni til
búningsherbergja. Klöppuðu
áhorfendur honum lof i lófa og
drengur einn færði honum blóm-
vönd.