Dagblaðið Vísir - DV - 04.12.1987, Blaðsíða 8

8
FÖSTUDAGUR 4. DESEMBER 1987.
DV
Útlönd
Mikill fögnuður braust út meðal aðstandenda bæði gislanna og fanganna
þegar tilkynnt var að samningar hefðu tekist i nótt. Símamynd Reuter
Samkomulag
við fangana
Ólafur Axnarson, DV, New York:
í nótt tókst sanvkomulag milli
stjórnvalda og k'ábanskra fanga sem
haldið hafa um níutíu gíslum í fang-
elsi í Atlanta í Georíu. Var öllum
gíslunum sleppt samstundis.
Samkomulagið, sem er í átta liðum,
felur meðal annars í sér að flestir
Kúbumennimir fá annað hvort land-
vistarleyfi í Bandaríkjunum eða
þeim verður geflnn kostur á að flytja
til þriðja lands. Kúbumönnunum
verður ekki refsað á neinn hátt fyrir
uppreisnina. eignatjón eða gíslatök-
una.
Gíslarnir voru allir heilir á húfi og
vel á sig komnir. Urðu miklir fagnað-
arfundir þegar þeir gengu út úr
fangelsinu því að ættingjar margra
þeirra höföu hreiðrað um sig fyrir
utan bygginguna og margir höfðu
beðið þar alla ellefu dagana sem
umsátriö um fangelsið stóð.
Vill skýra mann-
réttindi út fyrir
sovéska leiðtoganum
Ólafor Amarson, DV, New York:
Ronald Reagan Bandaríkjaforseti
sat í gærdag fyrir svörum hjá aöal-
fréttamönnum fiögurra stærstu
sjónvarpsstöðva Bandaríkjanna.
Þetta kom í kjölfar einnar klukku-
stundar langs viðtals við Mikhail
Gorbatsjov, aðalritara sovéska
kommúnistaflokksins, sem sjón-
varpað var í Bandaríkjunum
síðastliðið mánudagskvöld.
Svo virðist sem leiðtogarnir tveir
standi nú í baráttu um að fá ai-
menning í Bandaríkjunum á sitt
band, síðustu dagana fyrir leið-
togafundinn sem hefst í Washing-
ton á mánudag.
Reagan sagðist í gær enn vera
sama sinnis og þegar hann flutti
ræðu sína um að Sovétríkin væru
veidi hins illa. Hann sagðist ekki
treysta Sovétmönnum um of og
hann myndi aldrei skrifa undir af-
vopnunarsamning til þess eins að
skrifa undir og vona síöan að allt
yrði í lagi. Sagði hann nauðsynlegt
að skýr ákvæði væru um að samn-
ingnum yrði framfylgt.
Reagan sagðist hafa gengið frá
samningaborðinu í Reykjavík
vegna þessa atriðis ogeinnig vegna
þess að Sovétmenn hefðu gert kröf-
ur um aö geimvarnaáætluninni
yrði fórnað.
Reagan sagði að afvopnunarmál
yrðu aðeins eitt atriði af mörgum,
Ronald Reagan ætlar að skýra mannrettindi fyrir sovéska leiðtoganum.
Símamynd Reuter
sem hann myndi ræða við sovéska
leiðtogann. Lofaði forsetinn því að
leggja mikla áherslu á mannrétt-
indamál og sagðist hann vona að
hægt væri að hjálpa Gorbatsjov að
ná fram sínu Glasnost með því að
skýra út fyrir honum hvað raun-
veruleg mannréttindi væru.
Um Afganistan sagði Reagan að
Bandaríkin myndu ekki hætta að
senda frelsissveitum þar vopn fyrr
en tryggt yrði að fólkið í landinu
fengi að kjósa sér stjórn.
Varðandi stöðu mála í Evrópu
sagði forsetinn að á þessu stigi
væri ekki inni í myndinni að fækka
í hefðbundnum hersveitum Banda-
ríkjanna í Evrópu. Áður en slíkt
gerðist yrðu Sovétríkin að
stórfækka í sínum heraíla í álfunni.
Reagan sagðist sannfærður um
að hann og Gorbatsjov myndu hitt-
ast aftur á næsta ári í Moskvu til
að ræða um niðurskurð á lang-
drægum eldflaugum.
Harmagrátur fjölskyldu, en einn meðlimur hennar var skotinn er hann beið
í biðröð eftir því að fá að kjósa á sunnudaginn var. Simamynd Reuter
Haiti
Stjómin ásökuð
um þjóðarmorð
Einn af frambjóöendum til emb-
ættis forseta Haiti, kristilegi demó-
kratinn Sylvio Claude, kom úr felum
í gær og hélt blaöamannafund rétt
hjá forsetahöllinni.
Hann lét falla þung orð um frammi-
stöðu herstjórnarinnar, ásakaði
hana um þjóðarmorð, en að minnsta
kosti 35 manns létu lífíö á sunnudag
er kosningum sem halda átti var
hleypt upp.
Einnig endurtók hann hvatningu
sína um allsherjarverkfall og al-
menna óhlýöni við stjórnvöld ef ekki
færu fram kosningar hið snarasta,
en á sunnudag var kosningum frest-
að.
„Ríkisstjórnin hefur staðið fyrir
þjóðarmorði og við æskjum þess að
alþjóðlegar friðargæslusveitir verði
sendar hingað til að tryggja öryggi
þegnanna og að kosningar verði
haldnar reglulega.“
Fregnir hafa borist frá New York
þess efnis að Henri Namphy, forseti
herforingjastjórnarinnar, hafi sagt í
símtali við Javier Perez de Cuellar,
aöalritara Sameinuðu þjóðanna, aö
hann myndi afsala sér völdum í
hendur borgara 7. febrúar og að
kosningar færu fram fyrir þann
tíma.
Viðbrögð Bandaríkjanna við því að
kosningum var aflýst á sunnudag
voru að stöðva alla hernaðaraðstoö
við Haiti. Nú hefur fulltrúadeild
Bandaríkjaþings samþykkt að öll
efnahagsaðstoð verði stöðvuð þar til
kosningar hafa farið fram á eyjunni.
Margir fulltrúar vildu ganga enn
lengra svo sem að setja vopnasölu-
bann á Haiti og senda friðargæslu-
sveitir þangaö.