Dagblaðið Vísir - DV - 23.01.1988, Blaðsíða 36

48
LAUGARDAGUR 23. JANÚAR 1988.
Skák
Einvígi Kortsnojs og Jóhanns Hjartarsonar:
Máttur reynsluimar gegn þrótti æskunnar
í dag, laugardag, veröa áskor-
endáeinvígin í Saint John í Kanada
formlega sett en fyrstu skákimar
verða tefldar 'á morgun. Fjórtán
stórmeistarar hafa unniö sér rétt
til keppninnar en auk þeirra má
búast við að skákmenn hvaðanæva
úr heiminum flykkist til Kanada
því að mikið verður um að vera:
Opin mót af öllum styrkleikagráð-
um, fjöltefli, heimsmeistarakeppni
í hraðskák, auk þess sem kjörið
tækifæri gefst til að berja meistar-
ana augum.
Sigurdór Sigurdórsson, blaða-
maður DV, verður á staðnum og
fylgist grannt með gangi mála en
þó einkum og sér í lagi einvígi Jó-
hanns Hjartarsonar við Viktor
Kortsnoj. Þetta er í fyrsta skipti
sem íslenskur skákmaður kemst
svo langt í heimsmeistarakeppn-
inni síðan Friðrik Ólafsson tefldi á
átta manna áskorendamóti 1959.
Jóhann er nú í hópi sextán sterk-
ustu skákmanna heims og takist
honum að sigra Kortsnoj þrengist
hringurinn í átta menn að heims-
meistaranum undanskildum.
Margreyndur mótherji
Jóhann á ekki öfundsvert hlut-
skipti fyrir höndum. Andstæðingur
hans, Viktor Kortsnoj, hefur ára-
tugareynslu að baki og fjölmörg
einvígi, m.a. þrjú við Anatoly
Karpov um heimsmeistaratitilinn.
Enginn stórmeistaranna fjórtán í
áskorendaeinvígjunum hefur náð
að safna slíkri reynslu í sarpinn
sem Kortsnoj. Hins vegar hefur
„áskorandinn grimmi” eöa „Viktor
hræðilegi”, sem hann er ýmist
nefndur, meyrnað með árunum.
Hann er ekki sama vægðarlausa
hörkutóhð. Nú er hann orðinn 56
ára gamall og kominn af besta
skákaldri. Þó svo hann hafi mar-
goft sannað á síðari árum að
skáksnilhn eigi sér engin aldurs-
mörk verður ekki framhjá því litið
að með árunum hefur hann orðið
mistækari. Enginn veit hvernig
skap hans verður í Kanada.
Flótti Kortsnojs frá Sovétríkjun-
um 1976 ofli miklu fjaðrafoki en
fram að þeim tíma er óvíst að þorri
fólks á Vesturlöndum hafi vitað
nokkur deiU á manninum. Hann
var staddur í Amsterdam er hann
ákvað að snúa ekki aftur tíl heima-
lands síns. Lengi hafði hann átt í
orðahnippingum við sovésk skák-
yfirvöld en steininn tók úr er hann
lét nokkur þung orð falla í viðtali
við franskan fréttamann. Þá mat
hann stöðuna þannig að heimferð
jafngilti skákbanni um óákveðinn
tíma. Reyndar hafði hann lengi
haft áform um að setjast að á Vest-
urlöndum en í Amsterdam lét hann
slag standa.
Breyttar aðstæður virtust hafa
góð áhrif á taflmennsku hans. Á
næstu árum lét hann mjög að sér
kveða og einkum ef hann átti í
höggi við sovéskan stórmeistara
virtist hann fá útrás fyrir samsafn-
að hatur í garð sovéskra yfirvalda.
Aumingja Polugajevsky er enn að
taka út sína refsingu!
Næstu ár þekkja svo alUr: Einvígi
við Karpov í Baguio á Filippseyjum
1978 þar sem á ýinsu gekk bæði
utan og innan skákborðsins og svo
miklu tflþrifaminna einvígi við
Karpov í Merano 1981. Síðan hefur
Kortsnoj eftirlátið sér yngri manni
baráttuna við Karpov - Garrí Ka-
sparov - en sjálfur hefur hann
verið aðsópsmikUl á alþjóðlegum
mótum. Kortsnoj hefur ávallt teflt
mikið enda er skáklistin líf hans
og yndi.
Bestur fyrir tuttugu árum
Kortsnoj fæddist í Leningrad 23.
júlí 1931 og ólst upp í sárri fátækt.
Foreldrar hans skildu að skiptum
er hann var mjög ungur. í fyrstu
var hann í umsjá móður sinnar,
píanóleikara, sem engin húsgögn
átti nema rúm og borð, stól, skáp
og spegilbrot, hafði aukinheldur
píanó á leigu. Hún varð að senda
soninn til íjölskyldu föðurins því
að hún gat hvorki fætt hann né

Einvígi Jóhanns Hjartarsonar og Viktors Kortsnoj hefst í Saint John í
Kanada á morgun, sunnudag. Kortsnoj býr að mestri reynslu allra og
verður að teljast sigurstranglegri en Jóhann er á uppleið og hver veit
nema hann komi höggi á áskorandann fyrrverandi.
klætt. Þar var Viktor, í faðmi pól-
skrar ömmu sinnar, til tíu ára
aldurs. Faðir hans, verkfræðingur
og bókmenntakennari, kvæntist
fljótlega aftur.
Hörmungar stríðsins hafa eflaust
sett sitt mark á piltinn. Veturinn
1941 varð hann að sjá á bak föður
sínum sem fórst á vígstöðvunum.
og nokkrum mánuðum seinna varð
hann sjálfur ásamt nágranna sín-
um að draga látna ömmu sína þvert
yfir bæinn til hinstu hvflu. Eftir
það var hann í umsjá stjúpmóður
sinnar.
Mannganginn lærði Kortsnoj sex
ára gamall en það var ekki fyrr en
að stríðinu loknu sem áhuginn fór
að vakna fyrir alvöru. Hann fékk
þjálfun í ungherjahöllinni í Len-
ingrad og árin 1947 og 1948 varð
hann unglingameistari Sovétríkj-
anna. Hann var útnefndur stór-
meistari í lok ársins 1954 og átta
árum síðar vann hann sér fyrst
réttinn tfl að tefla í áskorenda-
keppninni.
Á árunum 1964-1967 var Kortsnoj
efstur á fjölmörgum sterkum skák-
mótum en sjálfur hefur hann sagl:
tvö mót árið 1968 vera sín bestu.
Skák
Jón L. Árnason
Hið fyrra var í Wijk aan Zee í byrj-
un ársins, þar sem Kortsnoj vann
átta fyrstu skákir sínar og sigraði
með yfirburðum; hiö síðara er
millisvæðamótið á Palma de Mall-
orca er hann sigraði með vinningi
meira en Larsen og Spassky og
vann þá báða í innbyrðis skákum.
Kortsnoj hefur alla tíð verið
þekktur fyrir vinnusemi sína og
hvergi unir hann sér betur en við
skákrannsóknir. Sú saga var sögð
af honum á skákmótinu í Wijk aan
Zee í fyrra að á einum frídeginum
hefði hann sest við taflborðið á
hótelherbergi sínu kl. ellefu að
morgni og ekki staðið upp aftur
fyrr en kl. eitt að nóttu. Um leið
er hann sérlega skapandi skák-
maður. Hann endurtekur ekki
sjálfan sig en er sífellt að brydda
upp á einhverju nýju Að viðbættu
baráttuþrekinu gerir þetta hann að
einum áhugaverðasta skákmanni
heims. Hann er frægur fyrir enda-
taflsflmi og Timman hefur látið
eftir sér að engin tefli miðtöfl betur.
Möguleikar Jóhanns
Þessi lofrulla um Viktor Kortsnoj
gæti bent til þess að möguleikar
Jóhanns í einvíginu væru hverf-
andi. Vissulega verður ekki farið í
grafgötur með það að Kortsnoj er
slyngur skákmaður og svo sannar-
lega er hann sigurstranglegur í
einvíginu. Á hitt ber þó einnig að
líta að hann er kominn af léttasta
skeiði, Jóhann er á uppleið og ein-
vígið er aðeins sex skákir. í svo
stuttu stríði getur allt gerst. Sjálfur
hefur Kortsnoj látið hafa eftir sér
í viðtali að hann telji mesta þýðingu
hafa í svo stuttu einvígi hvor verð-
ur fyrri til að vinna. Mér segir svo
hugur um að takist Kortsnoj aö ná
forystunni snemma muni hann
ekki lina tökin en komi Jóhann á
hann höggi í byrjun muni taflborð
þeirra leika á reiðiskjálfi.
Jóhann er aðeins 23ja ára gamall
og árangur hans á liðnu hausti
bendir til þess að hann sé í örri
framför. Hann hefur reyndar teflt
lítið síðustu mánuði og erfitt er því
að geta sér til um það hvort hann
hafl fengið bakslag í seglin, eins og
stundum á sér stað, eða hvort byr-
inn stendur enn. Nú eru rétt fjögur
ár frá því að Jóhann „sló í gegn”
svo um munaði er hann sigraði
óvænt á Búnaðarbankaskákmót-
inu og náði stórmeistaraáfanga.
Hann var útnefndur stórmeistari
árið eftir en sigur hans á milli-
svæðamótinu í Szirak í Ungverja-
landi í ágúst í fyrra er þó
tvímælalaust besti árangur hans á
skákferlinum til þessa. í saman-
burði við mótherjann, Viktor
Kortsnoj, hefur Jóhann tekið út
sinn skákþroska fyrr - Kortsnoj
var orðinn þrítugur er hann tefldi
fyrst í áskorendamóti - og enginn
vafi er á því að hann á framtíðina
fyrir sér, burtséð frá úrslitum í ein-
víginu í Kanada.
Sveit Samvinnuferða bikarmeistari Reykjavíkin*
Eins og kunnugt er af fréttum spil-
uöu ferðaskrifstofusveitirnar til
úrslita í bikarkeppni Bridgesam-
bands Reykjavíkur um síðustu helgi.
Sveit Samvinnuferða sigraði sveit
Pólaris nokkuð örugglega í 64 spila
leik og endurtók því sigur sinn frá
því í fyrra. Bikarkeppni Bridgesam-
bands Reykjavíkur er ung að árum
og er þetta í annað sinn sem hún er
haldin. í fyrra tóku 24 sveitir þátt en
þátttakan í ár var nokkru minni eða
16 sveitir.
Helgi Jóhannsson, forstjóri Sam-
vinnuferða, er sá eini sem spilað
hefur í báðum sveitunum en algjör
endurnýjun fór fram á sveitinni.
Úrshtaleikurinn var mjög fjörugur
og mikið um stórar sveiflur enda
mikil umsetning í leiknum sem end-
aði 164-110 fyrir Samvinnuferðir.
Hér er skemmtilegt spil úr annarri
lotu á rólegu nótunum.
A/A-V 9432
1082
10976
76
G6
D963
KD852
43
D75
Á75
3
ÁKG1098
AK108
KG4
ÁG4
D52
í lokaða salnum sátu n-s Svavar
Björnsson og Hrannar Erlingsson,
en a-v Guðmundur Páll Arnarson og
Símon Símonarson.
Sagnir gengu þannig:
Austur Suður Vestur Norður
1L 1G pass pass
pass
Vestur spilaði út tígli og þar með
var suður kominn með sex slagi og
tapaði 50.
I opna salnum var meiri barátta;
en þar sátu n-s Sævar Þorbjörnsson
og Karl Sigurhjartarson, en a-v Matt-
hías Þorvaldsson og Ragnar Her-
mannsson:
Austur Suður Vestur Norður
1L ÍG 2T pass
3L pass pass pass
Bridge
Stefán Johnsen
Og þá kemur spurningin? Hvort
vilduð þið heldur spila sókn eða vörn
í þremur laufum?
Fljótt á littið virðast n-s eiga fimm
varnarslagi, tvo á spaða, einn á
hjarta, einn á tígul og einn á lauf.
En er hægt að ná þeim öllum?
Suður spilaði út spaðaás og hugsaði
málið. Hélt síðan áfram með spaða-
kóng og síðan meiri spaða. Virðist í
lagi því hann eyðileggur innkomu
blinds á tromp áður en tígli er spil-
að. En austur drap heima á drottn-
ingu og spilaði tígli. Suður er
endaspilaður þegar hann drepur á
tígulás. Hann reyndi að spila laufi,
en þá hvarf trompslagurinn ogsagn-
hafi fékk níu slagi.
En er þá ekki hægt að bana spilinu?
Jú, með því að spfla út hjarta í fyrsta
eða öðrum slag. Sagnhafi fær að vísu
slag á drottninguna en sú innkoma
gagnar honum ekki því hann á eftir
að spila á tígulhjónin. Það virðist
hreint slagtap að gera það en líklega
á suður að finna vörnina. Ef austur
á aðeins tvö hjörtu er líklega ekki
hægt að bana spilinu.
Sveit Samvinnuferða græddi því 2
impa á spilinu, sem var aðeins dropi
í hafmu.
Frá úrslitaleiknum. Frá vinstri: Sævar Þorbjörnsson, Jakob þulur, Björn
Eysteinsson og forstjórar ferðaskrifstofanna, Karl Sigurhjartarson, Pólaris,
og Helgi Jóhannsson, Samvinnuferðum, þungt hugsi í sögnum.
Bridgefélag Hafnarfjarðar
Mánudaginn 11.01. voru spilaðar
níunda og tíunda umferðin í sveita-
keppni félagsins og er staðan eftir
þær eftirfarandi:
sæti sveit stig
1. Valgarðs Blöndal 191
2. Kristófers Magnúss. 188
3. Drafnar Guðmundsd. 182
4. Sigurðar Steingrímss. 179
5. Ólafs Gíslasonar 164
6. ÓlafsTorfasonar 157
7. Þórarins Sófussonar 150
Sunnudaginn 27. desember sl. var hiö
árlega jólamót Bridgefélags Hafnar-
fjarðar og Sparisjóðs Hafnarfjarðar
haldið. Spilaður var tvímenningur
með Michell fyrirkomulagi og mættu
alls 60 pör til keppni, 30 í hvom rið-
il. Úrslit urðu eftirfarandi:
N-S riðill
1. sæti Sigurður Emilsson -
Albert Þorsteinsson 533 stig
2. sæti Vilhjálmur Sigurðsson -
Þráinn Sigurðsson 523 stig
3. sæti Ólafur Ólafsson -
Hallgrímur Sigurðsson 521 stig
4. sæti Einar Sigurðsson -
Björgvin Víglundsson 511 stig
5. -6. sæti Bragi Hauksson -
Sigtryggur Sigurðsson 478 stig
5.-6. sæti Gunnar Þorkelsson -
Lárus Hermannsson 478 stig
A-V riðill
1. sæti Ragnar Björnsson -
Ármann Lámsson 536 stig
2. sæti Gylfi J. Gylfason -
Jóhannes Ellertsson 516 stig
3. sæti Jón Þorvarðarson -
Björn Halldórsson 498 stig
4. sæti Sverrir Kristinsson -
Hrólfur Hjaltason 482 stig
5. sæti Gunnlaugur Óskarsson -
Sigurður Steingrímsson 477 stig
6. sæti Guðmundur Thorsteinsson -
Gísli Steingrímsson 465 stig
SJjóm Bridgefélags Hafnarfjarðar
þakkar öllum spilurum þátttökuna
og sérstakar þakkir fær Sparisjóður
Hafnarfjarðar fyrir veittan stuðning
við framkvæmd mótsins.