Dagblaðið Vísir - DV - 04.01.1989, Blaðsíða 2

2
MIÐVIKUDAGUR 4. JANÚAR 1989.
Fréttir
Krónan lækkuð með BandaríkjadoIIar:
Enn frekari lækkun
dollars á næstunni?
- tekjur útflytjenda á Japansmarkað hækka um 8 prósent þegar doflarinn stendur 1 stað
Með 4 prósent gengisfellingu er
skráð gengi Bandaríkjadollars nú
örlítið lægra en það var eftir 3 pró-
sent lækkun krónunnar við stjómar-
myndunina í september. Gengi ann-
arra mynta er hins vegar mun
hærra. Japanska yenið er nú skráð
á rúmlega 8 prósent hærra verði,
pundið á tæplega 8 prósent hærra
verði og þýskt mark kostar nú um
6,5 prósent meira en eftir gengisfell-
inguna í september.
Eins og sjá má af þessu hafa tekjur
útflytjenda til Evrópu og Asíulanda
aukist umtalsvert á sama tíma og
gengisfelhngin nær ekki að hifa tekj-
ur þeirra sem flytja út á Bandaríkja-
markaö upp í það sem þær voru í
september. ;
Mikil lækkun dollarans
Ástæðan fyrir þessu er að Banda-
ríkjadollar hefur lækkað mikiö að
undanfómu gagnvart öðrum mynt-
um. Gengisskráningin á íslandi er
miðuð viö ákveðna myntkörfu þann-
ig að ef dollarinn lækkar gagnvart
öðmm helstu myntum lækkar hann
gagnvart íslensku krónunni og aðrar
myntir hækka til mótvægis.
Eftir að hafa fallið um 50 prósent
gagnvart japanska yeninu frá sept-
ember 1985 til byrjunar síðasta árs
náði dollarinn ekki að hækka sig um
nema tæp 3 prósent á síðasta ári.
Að undanfornu hefur hver fjár-
málamaðurinn á fætur öðram komið
fram og spáð þvi að dollarinn eigi
eftir að falla enn frekar á fyrstu
mánuðum þessa árs. Nú síðast bætt-
ist Greenspan, fyrram seðlabanka-
stjóri Bandaríkjanna, í hóp þeirra.
Hann spáir því að dollarinn muni
fara niður í um 110 yen sem þýðir
um 11 prósent lækkun.
Ef taka má mið af viðbrögðum rík-
isstjómarinnar við falh dollarans frá
því í september má því allt eins bú-
ast við lækkun krónunnar samhhða
lækkun doharans. Gengisskráning á
íslandi hefur yfirleitt verið miðuð við
núllpunktinn í útreikningum Þjóð-
hagsstofnunar á afkomu frystingar-
innar. Hún hefur stærstan hluta af
sínum tekjum í dollurum og því
þrýstir lækkun hans á gengiö.
-gse
Þróun á gengi nokkurra gjaldmiðla
Jan. 1989 - 3. Jan. 1989 (Jan. = 100)
4
2
0
-2
-4
-6
Dollar Pund Mark Yen
Eftir mikið fall dollarans frá september 1985 hélt hann verð-
gildi sínu nokkuð vel á síðasta ári þótt sveiflur hafi verið. Eins
og sjá má af þessu línuriti hafði hann hækkað meira frá ára-
mótum en aðrar myntir í september þegar gengið var fellt um
3 prósent.
Til áramóta seig hann hins vegar um rúm 4 prósent á meðan
aðrar myntir hækkuðu um 1,5 til 2,5 prósent. Þetta var ástæða
þess að ríkisstjórnin felldi gengið í gær.
Ómar Kristjánsson, aðaleigandi Útsýnar:
„Verður ekki bæði
sleppt og haldið“
„Gerðu svo vel, Valur, hér er stóllinn þinn.“ Valur Árnþórsson tók formlega
viö starfi bankastjóra Landsbankans af Helga Bergs í gær. Hann sat ekki
lengi i stólnum og vermir nú annan norður i landi. DV-mynd GVA
Valur Amþórsson situr fyrir norðan:
Bankaeftirlitið óskar svara
„Það er vonandi að Ingólfi Guð-
brandssyni fari að skiljast að hann
er búinn að selja fyrirtækið. Það
verður ekki bæði sleppt og haldið þó
að það þyki stundum þægilegt."
Svo segir í bréfi sem Ómar Kristj-
ánsson, aðaleigandi og forsijóri
Ferðaskrifstofunnar Útsýnar hf„
hefur sent frá sér, þar sem hann
skýrir frá sínum sjónarhóh aðdrag-
anda og ástæður þess að þeir feðgar
Andri Már og Ingólfur Guðbrands-
son létu af störfum hjá Útsýn hf.
Þar segir hann að 1. janúar 1986
hafi Þýsk-íslenska eignast ásamt
þremur einstaklingum 50 prósent í
Útsýn hf. Um þetta hafi verið samið
í október 1985. Það hafi einnig fylgt
með í þessum samningum að Þýsk-
íslenska eignaðist fyrirtækið smátt
og smátt uns síðustu 10 prósentin
hafi verið keypt af Ingólfi rétt fyrir
áramótin síðustu.
Síðan rekur Ómar hvemig ósam-
komulag myndaðist milli hans og
Andra Más eftir að Andri var orðinn
framkvæmdastjóri sölu- pg markaðs-
mála í haust er leið. Ómar segist
hafa viljað hafa hönd í bagga með
daglegum rekstri fyrirtækisins. Það
mislíkaöi Andra. Svo fór aö Andri
afhenti Ómari uppsagnarbréf á fundi
þeirra 30. desember og sagðist hætta
störfum ef Ómar léti ekki af afskipt-
um sínum af störfum Andra.
Ómar segist hafa komist að því fyr-
ir tilviljun morguninn eftir að Andri
Már væri búinn að panta sér far til
Spánar 2. janúar á vegum annarrar
ferðaskrifstofu. Segir Ómar þetta
vera óheilindi og því hafi ekki verið
um annað að ræða en að þeir feðgar
hættu störfum hjá fyrirtækinu. Segir
Ómar að Andri Már sé undir sterk-
um áhrifum frá foður sínum. Þá seg-
ir Ómar að nokkrir af hótelsamning-
um Útsýnar á Spáni hafi ekki fundist
í skjölum Andra en þeir hafi fengist
sendir frá Spáni í fyrradag.
Ómar vísar því á bug að Ingólfur
hafi verið með þriggja ára starfs-
samning við Útsýn hf. Samningur
hans hafi rannið út um áramót. Af-
skipti Ingólfs af daglegum rekstri
Útsýnar hf. á síðasta ári hafi verið
sáralítil. Hann hafi þó verið stjómar-
formaður og annast svokallaðar
heimsreisur fyrirtækisins.
Loks segist Ómar vera vongóður
um að langflest starfsfólk Útsýnar
hf. haldi áfram störfum fyrir fyrir-
tækið og aö nú fáist vinnufriður til
að þjóna viðskiptavinum fyrirtækis-
ins. -S.dór
Þórður Ólafsson, yfirmaður
bankaeftirhtsins, hefur sent Val
Amþórssyni og formanni bankaráðs
bréf þar sem spurt er hvort Valur
hafi sagt fyrri störfum lausum þegar
hann tók formlega við stöðu banka-
stjóra. Er vísað til ákvæða bankalaga
þar sem skýrt er kveðið á um aö
bankastjórar megi ekki hafa með
höndum launuð störf eða setu í
stjórnum fyrirtækja jafnframt því
sem þeir gegna stöðu bankastjóra.
„Ég get aðeins staðfest að ég hef
sent Val og formanni bankaráðs
þetta bréf. Þeir hafa ekki svarað því
enn enda fór það frá okkur í gær.
Annað vil ég ekki um þetta segja að
svo stöddu," sagði Þórður Ólafsson
viðDV.
Lúðvík Jósepsson, sem sæti á í
bankaráði, sagðist ekki hafa séð bréf-
ið en sagði að formaður bankaráös
hefði ítrekaö það við Val að hann
mætti skilyrðislaust til starfa strax
eftir áramót og hafi fyrrnenfd
ákvæði bankalaganna verið ítrekuð.
Hafi ekki verið boðað til bankaráðs-
fundar vegna málsins.
„Bankaráði hefur aldrei verið til-
kynnt um annaö en að Valur Arn-
þórsson tæki við á tilsettum tíma og
þá hefði hann losað sig viö fyrri störf.
Hvenær bankastjóri tekur sér frí er
hans mál og bankastjóranna, en okk-
ur hefur ekki verið tilkynnt um ann-
að fyrirkomulag við ráðningu Vals
en það sem gilda á samkvæmt banka-
lögum,“ sagði Lúðvík við DV.
Valur Amþórsson situr nú á skrif-
stofu KEA á Akureyri en ekki náðist
samband við hann í morgún.
-hlh
/
Júlíus Sólnes um hugsanlega stjómarþátttöku:
Viðræður í næstu viku
Að sögn Júlíusar Sólnes, for-
manns Borgaraflokksins, verða
viðræður ríkisstjómarinnar við
Borgaraflokkinn um hugsanlega
ríkisstjómarþátttöku hans að hefl-
ast í næstu viku.
„Ég sé engan tilgang meö því að
tala um einhvers konar óskil-
greindar viöræður fram eftir árinu.
Menn gætu þá eins veriö að gæla
við það út kjörtímabiliö. Því verða
þessar viðræður að hefjast í næstu
viku eða ekki,“ sagði Július.
Að sögn JúÚusar mun Borgara-
flokkurinn setja niðurfellingu mat-
arskatts, minnkun skattlagningar
og uppstokkun í rikisfiármálum á
oddinn í málefnaviöræðum.
-SMJ
Ferðaimðstööin:
Andri Már
verður
Að sögn Sigurðm- Garðarsson-
ar forstjóra og annars eigenda
Ferðamiðstöðvarinnar hf. er
Andri Már tngólfsson, fráfarandi
framkvæmdastjóri Útsýnar, nú á
Costa del Sol aö reyna að ná
samningum þar fyrir Ferðamið-
stöðina hf. á næsta sumri.
„Hann kemur heim í vikulokin
og þá mun ég hætta sem forstjóri
og Andri tekur við. Það er mein-
ingin hjá okkur aö hefja ferðir til
Costa del Sol næsta sumar ef
samningar nást," sagöi Sigurður
Garðarsson, forstjóri Ferðamið-
stöðvarinnar. Hann og Sigurður
Öm Sigurðsson eru aðaleigendur
Ferðamiðstöövarinnar hf.
Sigurður Garðarsson sagöi þaö
rétt að þeim feðgum, Ingólfi og
Andra, hefði verið boðin aðild að
Ferðamiðstööinni hf. án fjár-
skuldbindinga. Aðspurður hvort
til greina kæmi að þeir keyptu
hlut í feröaskrifstofunni sagði
hann aö það væri of snemmt að
segja til um það vegna þess hve
málin hefðu gengið hratt fyrir sig
að undanfomu.
Ferðamiðstöðin hf. hefur verið
og verður áfram með ferðir til
Benidorm á Spáni. Fullyrða má
að enginn ferðaskrifstofumaður
íslenskur hefur jafnsterk og góð
sambönd á Costa del Sol og Ing-
ólfur Guðbrandsson en hann hef-
ur verið með feröir þangað í
meira en 30 ár. Fyrir hans tilstilli
hefur Útsýn náð samningum við
marga af eftirsóttustu gististöð-
unum þar syðra.
-S.dór
Pylsusali
færður á
lögreglustöð
„Það var eins og lögreglan hefði
ekkert þarfara að gera á nýárs-
nótt en að elta pylsusala um allan
bæ og handtaka þá. Hún gat varla
sinnt brýnustu útköllum á meðan
pylsusalaatið stóð yfir,“ sagði
Sverrir Friðþjófsson, sem rekur
pylsuvagn í Austurstræti. Lög-
reglan lokaði vagni hans á nýárs-
nótt og færði hann niður á lög-
reglustöð þar sem lesið var yfir
honum úr helgidagalöggjöfinni.
Samkvæmt henni er bannað að
stunda sölu af þessu tagi á nýárs-
dag. Einnig þurfti lögreglan að
loka pylsuvagninum í Lækjar-
götu.
„Þeir komu að pylsuvagninum
hjá mér kl. 3.30 á nýársnótt og
kváðust myndu loka honum þar
sem ekki væri leyfi til sölu,“ sagði
Sverrir. „Mitt leyfi segir hins veg-
ar að þaö megi vera opið til kl. 4
og þar er ekki getið neinna und-
antekninga. Ég spurði þá hvort
þeir hefðu ekkert þarfara að gera
en að ganga á milii pylsuvagna.
Þeir sögöu að mér kæmi þaö ekki
við og höfðu síöan samband viö
varðstjóra. Hann fyrirskipaði aö
ég skyldi handtekinn og færður á
stöðina. Það var gert og þar var
ég bókaður. Síðan las varðstjóri
yfir mér úr helgidagalöggjöfinni
í síma.“
Sverrir sagði að undanfamar
vikur hefði lögreglan verið á
vakki í kringum pylsuvagnana
um það leyti sem ætti að loka
þeim á nóttunni. Sæi hún til þess
að þeir væra ekki opnir mínútu
lengur en reglugerðin segöi til
um. Með þessu teldu lögreglu-
þjónarnir sig vera að stuöla að
því að fólk héngi ekki lengi í mið-
bænum, heldur færi heim.
-JSS