Dagblaðið Vísir - DV - 04.01.1989, Blaðsíða 12
12
MIÐVIKUDAGUR 4. JANÚAR 1989.
Spumingin
Hvernig fannst þér ára-
mótaskaup Sjónvarpsins?
Guðný Matthíasdóttir nemi: Lélegt -
það versta sem ég hef séð.
Birgir Karlsson nemi: Alveg hræði-
lega lélegt.
Sigurjón Grétarsson skifstofumaður:
Eitt það besta sem ég hef séð í langan
tíma.
Sigurður Oddsson ellilífeyrisþegi: Ég
man nú bara ekki nógu vel eftir því
- ég hef sennilega verið farinn að
finna á mér.
Rut Magnússdóttir nemi: Það var
alls ekki nógu gott - þau hafa oft
verið betri.
Einar Jóelsson skýlisvörður: Það var
alveg stórfínt - eitt það besta sem ég
hef lengi séð.
Lesendur
Lýsi eftir „latin-
american“ tónlist
Margar og góðar hljómsveitir hafa tileinkað sér suður-ameriska tónlist. Hér
er ein af mörgum, Jack Parnell „big“-bandið.
Þorgeir hringdi:
Ég hef tekið eftir því að í tímans
rás hefur einstöku sinnum verið
skrifað í lesendadálk DV og kannski
líka hjá Velvakanda Mbl. um skort á
almennilegri tónlist af léttara taginu
hjá þessum útvarpsstöðvum sem nú
láta mest að sér kveða hér. Reyndar
var það einnig svo áður en þær komu
til skjalanna, en maður hélt nú að
þetta lagaðist eftir að stöövunum
fjölgaði. - Svo hefur þó ekki verið.
Ég á hér við alls konar létta en vin-
sæla tónlist sem fólk getur notið án
þess að verða heyrnarskert eða fyll-
ast vanlíðan við hlustun. Stórhijóm-
sveitir, sem léku góöan djass eða
önnur dægurlög fyrr á árum, kunnu
þessa list og enn eru lög þeirra í fullu
gildi. Einnig hafa komið fram stór-
hljómsveitir og aðrir aðilar sem leika
þessa tegund tónlistar en hún er ekki
mikið leikin í útvarpsstöövunum
hér.
Það var þó í Ljósvakanum hjá
Bylgjunni að þessi viðleitni var höíð
uppi en fljótlega var þeirri stöð lok-
að. Ég hef verið að hugleiða hvort
einhver útvarpsstöðin gæti ekki
fengið keyptar upptökur, t.d. frá
Ameríku, þar sem fjöldinn allur er
af þessum svokölluðu „easy-listen-
ing“ stöðvum, og leikið þessar upp-
tökur í stöð sinni hér.
Þetta allt kom mér í hug þegar ég
sat fram eftir nóttu sl. nýársnótt við
að lesa eitthvað af jólabókunum. Það
var mikil kyrrð og ég var að reyna
að finna einhverja útvarpsstöðina
með þægilegri tónlist. Hana var
hvergi að fá svo ég stillti á Keflavík-
urútvarpið rétt einhvem tíma um
4-leytið um morguninn. - Svo er það
kl. 5 að þáttur, sem þeir hafa verið
með í áraraðir einu sinni í viku
a.m.k. hófst, þáttur með „latin-
american" tónlist. Ég var búinn að
gleyma þessum þætti þeirra þar. En
á hann hlustaði ég næsta klukutím-
ann, (þátturinn er aðeins klukku-
tíma langur og á mismunandi tím-
um) - og þarna var þessi frábæra
tónlist eins og við var að búast.
Ég lýsi nú eindregið eftir þessari
tegund tónlistar hjá einhverri af út-
varpsstöðvum okkar og einnig ann-
arri þeirri tónlist sem var og er enn
mjög vinsæl hjá fólki sem vill vand-
aða, létta og sígilda tónlist stór-
hljómsveitanna og frá Suður-Amer-
íku.
„Á heiðskíru vetrarkvöldi er heillandi til lofts aö líta í skini stjarna, tungls
og norðurljósa," segir með mynd frá bréfritara.
Njótum náttúrunnar
Ingvar Agnarsson skrifar:
A daginn blasir við augum fjalla-
hringurinn, víður og blár. Flestar
gerðir fjallmyndunar ber fyrir augu;
Eldfjall frá nútíð með jökul á tindi
blasir við í norðvestri, síbjört líparít-
fiöll, blágrýtisfiöll með láréttum
berglögum, móbergsfiöll mynduð
undir jökli, stapafiöll með kistu á
tindi, bunguvaxnar dyngjur o.fl.
Fjölbreytni landslagsins er nær
óendanleg.
Á heiðskírum vetrarkvöldum blas-
ir viö himinn með öllum sínum íogru
furðum; norðurljós braga um hvelf-
inguna í síbreytilegri litadýrð, mán-
inn líður áfram stillilega á göngu
sinni um jörðu og breytir stöðugt um
útht frá kvöldi til kvölds, er ýmist
aö minnka eða stækka. Stjörnur
blika hundruðum og þúsundum
saman, hvert sem litið er, í ljómandi
litadýrð, hvítar, gular, rauðar, bláar
og í öllum blæbrigðum þar á milli.
Við ættum sem oftast að fara á staði
sem hátt ber til að njóta þeirra dá-
semda sem þar mæta augum, hvort
sem er að degi eða kvöldi, því að þær
vekja sál okkar til hrifningar og til-
finningar fyrir því sem æðra er og
hærra stendur daglegu amstri.
Að láta heillast af fegurð og mikil-
leika náttúrunnar á himni og jörðu
er mjög til sálubóta. Á slíkum stund-
um erum við næmari en ella fyrir
áhrifum frá hinum æðsta mætti sem
stööugt leitast við að laða okkur í átt
til sín og hefia okkur um stund upp
úr hversdagsleikanum. Á hrifning-
arstundu á góðviðrisdegi eða undir
alstirndum himni erum viö í nánu
sambandi við hinn mikla mátt og
njótum heilluð þeirra andartaka sem
sú nálægð veitir.
Bjórinn í búðirnar
Ágúst Guðmundsson skrifar:
Þegar bjórinn áfengi kemur á
markaðinn hinn 1. mars nk. er viö-
búið að mikill handagangur verði hjá
mörgum þegar þeir ætla að prófa
hinn nýja mjöð sem nú verður frjáls
til sölu hér eftir áratuga bann. Ég er
hræddur um að þetta mál sé ekki
nógu vel undirbúið af hálfu þeirra
sem þarna fara fyrir.
Eitt vil ég t.d. benda á og það er
að bjórinn ætti strax að setja í allar
venjulegar matvöruverslanir eða
a.m.k. allar hinar stærri eins og
matvörumarkaðina, því hann á eftir
að koma þangað hvort eð er fyrr eða
síöar. Það er miklu affarasælla að
láta hann vera þar frá byrjun heldur
en að fara að vekja upp eitt nýtt
deilumál enn þegar þess verður kraf-
ist.
Það væri líka miklu minna áber-
andi að hafa bjórinn í matvörumörk-
uðunum strax í byrjun þegar hann
er settur á markaðinn heldur en að
hafa svo eftirsóttan drykk í útsölum
ÁTVR eingöngu. Fólk venst þessum
drykk eins og hverri annarri vöru-
tegund ef svo er gert, en heldur áfram
að líta hana homauga ef hún er gerð
að einni áfengistegundinni í viðbót
við allar hinar með því að hafa bjór-
inn eingöngu í ríkinu. - Takið nú
mark á orðum mínum og látið setja
bjórinn í verslanir strax 1. mars,
þótt ekki væri nema til prufu.
Brennur, blys
og sprengingar
Eiríkur skrifar:
Um sl. áramót var ekki minna um
brennur og sprengingar en áður,
kannski ívið meira ef eitthvað er. Ég
er ekki að amast við þessum sið sem
fest hefur rætur hér á landi. En það
er annað sem þessu fylgir og verður
að fara aö taka á svo að hægt sé að
segja að við séum ekki alveg utan og
ofan við siðuð þjóðfélög í þvi sem
fellur undir eftirlit með galskapnum.
Eins og allir vita er múgur og marg-
menni viö brennúrnar á góðu kvöldi
eins og hér var á síðasta gamlársdag.
En þarna er eitt og annað áð gerast
í mannmergðinni, það eru t.d. hættu-
legar sprengingar sem sumir eru
með og vilja endilega leysa upp í
hvelli þarna inni í þrönginni. - Þetta
ætti að vera hægt að koma í veg fyr-
ir ef fólk, sem næst þessum sprengju-
geggjurum stendur, er samtaka um
að benda viðkomandi á að fram-
Þar sem blys og flugeldar eru tendr-
aðir við brennur eiga þeir greiðan
aðgang að fólki í mannþrönginni.
kvæma verknaðinn utan mannþvög-
unnar.
Þarna eru einnig litlir krakkar með
blys og stjörnuljós og standandi í
mannþrönginni, þar sem hver treðst
um annan þveran, verða oftar en
ekki slys, sem betur fer ekki stórslys
þótt þau geti einnig gerst, en mikið
um skemmdir á úlpum og öðrum
fatnaði úr viðkvæmu og eldfimu efni.
Þá er aö minnast á flugeldana sem
þjóta framhjá fólki sem við brenn-
urnar stendur og á engan veginn
gott með að forða sér þótt það vildi
því þarna er þétt staðið og það verður
því að taka hverju sem að höndum
ber í mannþrönginni.
Ég legg eindregið til aö mun strang-
ari reglur verði settar fyrir næsta
gamlárskvöld. t.d. gegn notkun flug-
elda, blysa og annarra sprengiefna
þar sem brennur eru leyfðar svo að
forða megi frá hættu sem af þessu
getur stafað og til að auka ánægjuna
af annars skemmtilegum og þjóðleg-
um sið sem felst í þvi að koma saman
við hverfisbrennuna þar sem árið
brennur út.
Áramótaskaupið
G.H.R. hringdi:
Ég vil lýsa ánægju minni yfir all-
góðu, jafhvel góðu, áramótaskaupi
í ríkissjónvarpinu um þessi ára-
mót Við í fiölskyldunni vorum
ánægð með að þar sást nú ekkert
klám, aldrei þessu vant, ekkert per-
sónulega meiðandi nema eitt og það
var atriðið um fyrrverandi hæsta-
réttardómara. Hefði því veriö
sleppt eða dregiö úr því, þannig að
ekki hefði veriö klifaö á því heföi
skaupið fengið einkunnina 10 hjá
okkur.
Ennfremur var skaupið gott aö
því leyti að þarna voru ekki lærðir
leikarar á ferðinni. Þeir hafa ekk-
ert aö gera þar sem grín er uppi-
staðan og alls ekki í sjónvarpi.
Leikarar eru ágæth' í útvarpi og á
leiksviði, þar sem þeir eiga líka
heima, en sjónvarp er ekki þeirra
vettvangur, því miöur.
Vonandi heldur Sjónvarpið
áfram á sömu braut um næstu ára-
mót og leyfir svokölluðum amatör-
um aö spreyta sig. Undir góöri
stjóm geta þeir verið Qári góðír.
Flestir geta verið sammála um að
sá er hermir eftir þeim Ólafi Ragn-
ari Grímssyni, Steingrími Her-
mannssyni og Halli fréttamanni er
alveg sér á parti fyrir góð tilþrif -
einkum þegar svo er komið að
hann er jafnvel betri en Hallur
sjálfur!