Dagblaðið Vísir - DV - 25.07.1989, Qupperneq 25

ÞRIÐJUDAGUR 25. JÚLÍ 1989.
25
Gervisykur
119 krón-
um dýrari
Kona kom til DV og sagði að sér
væri farið að ofbjóða hvað íslenskir
neytendiir létu bjóða sér.
Sagðist hún hafa farið nýlega í
Hagkaup úti á Nesi. Þar sá hún 90 g
pakkningar af Hermesetas gervi-
sykri á 299 kr. Hún sjálf hafði hins
vegar nýlega keypt nákvæmlega
sams konar vöru á 180 kr. í Fjarðar-
kaupum í Hafnarfirði. Þarna er um
119 króna verðmismun að ræða.
„Það er hreint ótrúlegt hvað fólk
lætur bjóða sér hér,“ sagði konan.
„Ég verð margoft vör við verðmis-
mun sem þennan. Þegar ég kvarta í
þessum verslunum er sagt að um
nýja sendingu sé að ræða. En fyrr
má nú vera hækkunin við eina send-
ingu. Fólk ætti að gæta miklu betur
að því hvað það er að borga fyrir
vörur."
-gh
Eru bakarar að flýta sér eitthvað óvenju mikið þessa dagana til að kom-
ast fyrr úr vinnunni?
Ill,i bökuð
brauð
Maður hringdi með kvartanir
yfir illa bökuðu brauði frá tveimur
brauðframleiöendum. Tvisvar í
sömu vikunni lenti hann í því að
fá hálfhrá brauð. í fyrra skiptið var
um hafrabrauð frá Myllunni að
ræða og í seinna skiptið var það
gróft samlokubrauð frá Samsöl-
unni sem reyndist vera hálfhrátt.
„Þegar ég opnaði brauðpokann
fannst mér vera einhver skrítin
lykt af brauðinu. Er betur var að
gáð reyndist brauðið vera hrátt í
miðjunni og eins og khstur við-
komu. Mér fannst skrítið að þetta
skyldi henda mig tvisvar sömu vik-
una og spyr því hvort bakarar séu
að flýta sér eitthvað óvenju mikið
þessa dagana til að komast fyrr úr
vinnu á daginn," sagöi hinn óá-
nægði neytandi.
-gh
Það er ekki nóg að fötin, sem við kaupum, séu falleg. Það verður að vera hægt að þrifa þau lika.
Einnota
tískufatnaður
- reynist ekki merkilegri en bréfservíetta við hreinsun
í nýjasta tölublaði Neytenda-
blaðsins er athyglisvert viðtal við
Guöjón Jónsson, formann Félags
efnalaugaeigenda. í þessu viðtali
vekur hann athygli á að um þessar
mundir er mikið af lélegum efnum
í tísku. Segist hann geta nefnt dæmi
um tískufatnað sem vart getur tal-
ist nema einnota. Við hreinsun
reynist efnið í fhkinni ekki vera
merkilegra en bréfservíetta.
Segir Guðjón að erfíðara sé en
áður að ná blettum úr flíkurn því
þær séu svo viðkvæmar að efnið
hreinlega þoli ekki efnablöndur
sem nota þarf við slíka hreinsun.
Segir hann mikilvægt að fólk segi
frá því hvað eigi að hreinsa á fhk-
inni en hendi ekki bara poka af
fotum inn í hreinsun. Með því megi
koma í veg fyrir ýmis leiðindi.
Brögð eru að því að föt eru með
lélegum leiðbeiningum um leyfi-
legan þvott og stundum vantar ah-
ar upplýsingar þar að lútandi.
Kemur þá fyrir að efnalaug tekur
flík til hreinsunar á ábyrgð versl-
unarinnar sem seldi hana.
Neytendur
Á öðrum stað í Neytendablaðinu
er sagt frá því að fólk komi oft til
kvörtunarþjónustunnar með mál
þar sem hellt hefur verið yfir flík
eða brennt gat á fhk á skemmti-
stöðum. Er vakin athygh á því að
tiltekin veitingahús bera ekki
ábyrgð á skaðanum heldur sá sem
honum veldur. Er fólki því ráðlagt
að fá nafn þess aðila og semja við
hann um bætur.
Það er því mikilvægt að vera
vandlátur þegar flík er keypt. Ekki
er nóg að hún líti vel út heldur
þarf hka að vera hægt að þrífa
hana. Fólk ætti ekki að kaupa fhk-
ur með engum leiðbeiningum um
hreinsun.
Samvinna er það sem gildir þegar
farið er f hreinsun til að sem bestur
árangur náist. Nú, og svo er um
að gera að spara dýrustu og fínustu
flíkurnar þegar farið er á hin fjör-
ugri öldurhús því oft þarf htið til
að hellist úr glasi eða að sígaretta
rekist í næsta mann. -gh
Lífsstfll
ER SMAAUGLYSINGA
BLAÐIÐ
SÍMINN ER