Dagblaðið Vísir - DV - 06.11.1989, Page 10

Utlönd
Baker-áætlunin
samþykkt
ísraelsmenn hafa samþykkt til-
lögur Bandaríkjanna, svokallaða
Baker-áætlun, um viðræður ísra-
elsmanna og Palestínumanna um
hugsanlegar kosningar á herteknu
svæðunum. Samþykktin var þó
gerð með fyrirvörum er fréttaský-
rendur telja að Bandaríkjamenn og
Palestínumenn geti ef til vill ekki
sætt sig við.
Hið tólf manna innra ráðuneyti
ísraelsstjórnar samþykkti í gær
fimm liöa áætlun James Bakers,
utanríkisráðherra Bandaríkjanna,
um að fulltrúar ísraelsmanna og
Palestínumanna hittist í Kaíró í
Egyptalandi til að ná samkomulagi
um kosningar á herteknu svæðun-
um.
Heimildir segja að ísraelsmenn
hafi sett það eftirfarandi skilyrði
fyrir samþykkt; aö fyrirhugaðar
viðræður snúist eingöngu um
hugsanlegar kosningar; að þeir
þyrftu ekki að eiga samningavið-
ræður við þá fulltrúa Palestínu-
manna er þeir teldu hafa of náin
tengsl viö PLO, Frelsissamtök Pa-
lestínu; aö í viðræðunefnd Palest-
ínumanna verði eingöngu íbúar
vesturbakkans og á Gaza-svæðinu,
ekki frá austurhluta Jerúsalem né
þeir er búi erlendis; Bandaríkja-
menn lýsi opinberlega yíir skilyrð-
islausum stuðningi við afstööu
ísraelsmanna; Bandaríkjamenn og
Egyptar lýsi yfir stuðningi sínum
við að grundvallaratriði Camp
David-samkomulagsins verði und-
irstaða viðræðnánna og að ákveðið
verði á fundi í Kaíró hvort um frek-
ari fundi verði að ræða.
Bandarískir embættismenn vilja
ekki tjá sig um meint skilyrði ísra-
elsmanna. En Radwan Abu-Ayash,
stuðningsmaður PLO í austurhluta
Jerúsalem, sagði skilyrðin vera
„tálma í vegi friðar". Kvaðst hann
telja að Bandaríkjamönnum sem
og Palestínumönnum myndi án efa
þykja erfitt að samþykkja þau.
Reuter
Rene Muawad, hinn nýi forseti Líbanons, sver embættiseið sinn í gær.
Símamynd Reuter
Líbanon:
Aðsetur patríarka
fyrir árás
Kristnir harðlínumenn réðust í
gærkvöldi inn í aðalbækistöðvar
patríarks maróníta og sýndu hon-
um lítilsvirðingu. Neyddu þeir
patríarkann, Nasrallah Butros
Sfeir, til að kyssa mynd af Aoun,
yfirmanni herafla kristinna í Líb-
anon. Árásarmennirnir tóku niður
mynd af Jóhannesi Páli II páfa og
hengdu upp mynd af Aoun í stað-
inn.
Áður höfðu mótmælendurnir,
um hundrað talsins, sungið slagorð
til stuðnings Aoun og veifað spjöld-
um með myndum af honum. Einnig
kveiktu þeir smáelda í nokkrum
skrifstofuherbergjum.
Talið er að þetta hafi verið fyrsta
árásin á leiötoga valdamestu kirkju
kristinna af kristnum sjálfum í
sögu Líbanons nútímans.
Mótmælendurnir voru greinilega
reiðir Sfeir fyrir að hafa ekki lýst
yfir samstöðu með Aoun þegar
hann mótmælti forsetakjöri líb-
anska þingsins í gær og friðar-
áætlun Arababandalagsins.
Kristnir harðlínumenn héldu í
morgun áfram að mótmæla kjöri
hins nýja forseta, Rene Muawad,
sem er hófsamur maróníti. Hundr-
uð manna óku um gotur austur-
hluta Beirút og höfðu þeir límt
myndir af Aoun á bíla sína. Skutu
þeir upp í loftið í mótmælaskyni
og hvöttu til allsherjarverkfalls.
Sem leiðtogi bráöabirgðastjórnar
kristinna lýsti Aoun yfir þingrofi á
laugardaginn til að forsetakjörið
færi ekki fram í þinghúsinu í Beir-,
út. Þingmenn komu þá saman í
flugstöð í norðurhluta landsins til
að kjósa forseta og greiða atkvæöi
um friðaráætlun Arababandalags-
ins. Hún var samþykkt mótat-
kvæðalaust. Aoun kallaði hinn ný-
kjörna forseta leikbrúðu og hét því
að halda áfram baráttu sinni til að
hrekja alla sýrlenska hermenn á
brott.
Þrátt fyrir alþjóðlegan stuðning
getur Muawad ekki komið í for-
setahöllina í austurhluta Beirút né
farið um svæði kristinna án þess
að hætta lífi sínu.
Samskipti Muawads við Sýrland
eru góð og forseti Sýrlands, Hafez
al-Assad, var fyrsti erlendi leið-
tóginn sem óskaði hinum nýja for-
seta til hamingju. Flestir aðrir
arabaleiðtogar voru einnig fljótir
aö lýsa yfir stuðningi sínum við
Muawad.
Reuter
Að loknum þingkosningum í Grikklandi:
Enginn flokkur
með meirihluta
Andreas Papandreou, leiðtogi grískra sósíalista, hvatti til samvinnu vinstri
manna i samsteypustjórn i kjölfar niðurstöðu þingkosninga sem fram fóru
í gær. Enginn einn flokkur náði meirihluta á þingi. Simamynd Reuter
Leiðtogi grískra hægri manna, Konstantín Mitsotakis, greiðir atkvæði í þing-
kosningunum sem fram fóru á sunnudag. Simamynd Reuter
Þegar búið var að telja 94 prósent
atkvæða í þingkosningunum, sem
fram fóru á Grikklandi í gær, var
ljóst að Frjálslynda demókrata-
flokknum, hægri mönnum, hafði
ekki tekist að ná meirihluta á þingi.
Flokkurinn hlaut 46,4 prósent at-
kvæða og 148 menn kjörna á þing
miðað við rúmlega 44 prósent og 145
þingmenn í kosningunum í júní síð-
astliðnum. Til að hljóta meirihluta
þarf eitt hundrað og fimmtíu þing-
sæti og einu betur. Fréttaskýrendur
segja það næsta ómögulegt að hægri
menn geti hlotið meirihluta, þrjú
þingsæti, í lokatalningu.
Sósíalistaflokkur Andreas Pap-
andreous, fyrrum forsætisráðherra,
hlaut 40,8 prósent og 128 þingsæti en
39 prósent og 125 þingmenn síðastlið-
ið sumar. Kommúnistar töpuðu
einna mest í þessum kosningum,
hlutu 10,8 prósent og 21 sæti miðað
við 13 prósent og 28 sæti í júní. Þau
þrjú sæti, sem eftir eru, féllu i hlut
sjálfstæðra frambjóðenda. Það ber
aö taka fram að fyrrnefndar tölur eru
ekki lokatölur þar sem enn átti eftir
að telja sex prósent atkvæða snemma
í morgun.
Fréttaskýrendur segja að nú bendi
allar líkur til þess að stærstu flokk-
arnir hefji samningaviðræður um.
samsteypustjórn - eða efnt verði til
kosninga í þriðja sinn á einu ári.
Leiðtogi Nýja demókrataflokksins,
Konstantín Mitsotakis, viðurkenndi
í gær að flokki sínum hefði ekki tek-
ist að ná meirihluta en þetta er í
annað sinn á þessu ári sem það mis-
tekst. „Grikkland stendur á tíma-
mótum en ég er bjartsýnn á að lausn
á þessum vanda fmnist,“ sagði hann
í viðtali við blaðamenn. „Við munum
gera allt sem í okkar valdi stendur
til að landið sé ekki án leiðsagnar."
Leiðtogar þriggja stærstu flokk-
anna - Nýja demókrataflokksins,
Sósíalistaflokksins og Kommúnista-
flokksins - fá allir stjómarmyndun-
arumboð. Takist þeim ekki að mynda
samsteypustjórn verða kosningar í
þriðja sinn í Grikklandi þetta árið,
ef til vill þann 7. desember næstkom-
andi. En þangað til lausn finnst á
stjómmálaástandinu í Grikklandi,
annaðhvort með stjórnarmyndunar-
sammngum eða kosningum, mun
forseti hæstaréttar, Yannis Grivas,
sitja í embætti forsætisráðherra.
Papandreou, leiðtogi Pasok-flokks
sósíalista, kvaðst ánægður með
frammistöðu flokks síns í kosning-
unum og hvatti til samvinnu vinstri
manna í stjórnarmyndun. Papandre-
ou, sem var forsætisráðherra frá ár-
inu 1981 til júní í sumar, mátti þola
mikið tap í kosningunum í júní. Síð-
an þeim lauk hefur hann verið mikið
í sviðsljósinu vegna einkamála sinna
og meintrar spillingar. En nú bættu
sósíahstar við sig þremur þingsæt-
um.
Það voru kommúnistar sem töpuðu
einna mest í kosningunum. Segja
fréttaskýrendur að þeir hafi reitt
marga stuðningsmenn sína til reiði
í sumar er þeir mynduðu samsteypu-
stjórn með hægri mönnum. Markmið
þeirrar stjórnar var að kanna meinta
spillingu í stjórn Papandreous.
Fréttaskýrendur telja að niður-
stöður kosninganna þýði aukinn
þrýsting á kommúnista að íhuga
samstarf við sósíalista. Kommúnist-
ar hafa sagt að samstarf viö Pasok-
flokkinn komi ekki til greina á með-
an forsætisráðherrann fyrrverandi
sé við stjórnvölinn þar.
Æth Papandreou sér að ná meiri-
hluta á þinginu þarf hann að vinna
á sitt band kommúnista auk tveggja
afþeim þremur sjálfstæðu frambjóð-
endumsemunnuþingsæti. Reuter
Píanósnillingurinn Vladimir
Horowitz lést í gær í New York, 85
ára að aldri. Tónlistarunnendur úm
allan heim syrgja nú snillinginn sem
var aðeins þriggja ára þegar móðir
hans hóf að kenna honum á píanó í
Kænugarði.
Horowitz var sex ára gamall þegar
hann hóf formlegt nám í píanóleik.
Foreldrar hans mátu hæfileika hans
en ólu hann ekki upp eins og undra-
barn. Ef byltingin hefði ekki orðiö
1917 hefði Horowitz helgað líf sitt
tónsmíðum. Hann varð konsertpían-
isti í staðinn til að geta séð fyrir fjöl-
skyldu sinni sem missti allar eigur
sínar í byltingunni.
Þegar Horowitz fór frá Sovétríkj-
unum 1928 hét hann því að snúa aldr-
ei aftur. Það gerði hann þó 1986 og
var það sigurfór. Upptakan af tón-
leikum hans í Moskvu hefur rokselst
síðan.
Reuter
Horowitz á æfingu fyrir tónleikahald i Bretlandi 1982.
Simamynd Reuter
Vladimir Horowitz látinn