Dagblaðið Vísir - DV - 06.11.1989, Blaðsíða 12
12
Útlönd
MÁNUDAGUR 6. NÓVEMBER 1989.
250 saknað
eftir fellibyl
Fjóram skipverjum af banda-
ríska borunarskipinu Seacrest var
bjargaö úr sjónum gær, tveimur
dögum eftir aö skipinu hvolfdi á
Thailandsflóa í fellibyl. Alls vora
um borö níutíu og sjö manns, sex-
tíu og fjórir Thailendingar og þrjá-
tíu og þrír útlendingar. En rúmlega
tvö hundruð og fimmtíu manns er
saknað í kjölfar fellibyljarins sem
sökkti mörgum fiskibátum og eyöi-
lagði sjávarþorp áður en hann
breytti um stefnu út á Andaman-
haf. Átján thailenskum sjómönn-
um var bjargað um helgina. Leit
að eftirlifendum hélt áfram í gær-
kvöldi og nótt.
Um átta þúsund manns misstu
heimili sín og höfðust margir viö í
bráðabirgðaskýlum settum saman
úr íjölum og bárujárni. Lægt hefur
á þessum slóðum en flóð varð á
mörgum stöðum. Ekkert símasam-
band var á milli Bangkok og suður-
hluta Thailands í gær og járn-
brautarférðir lágu niðri.
Tvö hundruð og fimmtiu manns er saknað eftir að fellibylur gekk yfir
suðurhluta Thailands og Thailandsflóa á föstudaginn. Þessi langferðabif-
reið fauk út af veginum í veðurofsanum. Símamynd Reuter
Lawson setti
Thatcher úrslitakosti
Nigel Lawson, fyrrum fjármála-
ráðherra Bretlands, sagði í gær að
hægt hefði verið aö koma í veg fyr-
ir afsögn hans ef Thatcher forsæt-
isráöherra hefði látið efnahagsráð-
gjafa sinn, Sir Alan Walters, fjúka.
Lawson, sem verið haföi fjármála-
ráðherra í sex ár, átti í deilum við
Walters um stefnuna í efnahags-
málum og lét af störfum þann 26.
október.
UmmæU Lawson koma á sama
degi og Thatcher sagði í blaðavið-
tali að hún myndi ef til vill ekki
sækjast eftir forsætisráöherraemb-
ættinu fimmta kjörtímabil sitt, þ.e.
í kjölfar næstu kosninga. Kosning-
ar eru áætlaðar um mitt ár 1992,
þegar þriðja kjörtímabil Thatcher
rennur út.
Lawson kvaðst hafa sagt forsæt-
isráðherranum að hann myndi láta
af störfum nema efnahagsráðgjaf-
inn yrði rekinn fyrir árslok. Thatc-
her sagði í síðustu viku að hún vissi
ekki hví Lawson hefði sagt af sér
og að hún hefði gert allt sem í henn-
ar valdi stóð til að haldg í hann.
Lawson kvaðst hafa gert ráðher-
ranum ljósa afstöðu sína en aö ef
til vill hefði Thatcher ekki trúað
því að hann myndi gera alvöru úr
hótun sinni að hætta.
Afsögn Lawson í síðasta mánuði
leiddi til mikils þrýstings bæði frá
stjórnarandstöðu sem og flokks-
félögum forsætisráðhefra og um-
ræður og deilur um framtíð hennar
í leiðtogahlutverki íhaldsmanna
hófust. í viðtaU á sunnudag kvaðst
hún ef til vill munu víkja úr emb-
ætti en ekki fyrr en að loknum
næstu kosningum.
Forsætisráðherrann nefndi ekki
hvern hún vildi fá sem sinn arftaka
en fréttaskýrendur vora fljótir til
að nefna þá er líklegir hljóta að
teljast, s.s: Sir Geoffrey Howe, fyrr-
um utanríkisráðherra og núver-
andi varaforsætisráöherra og Mic-
hael Heseltina, fyrrum vamar-
málaráðherra.
Reuter
Talið er að fimmtán þúsund austur-þýskir flóttamenn hafi flúið um helgina og er fjöldi flóttamannanna nú farinn
að nálgast tvö hundruð þúsund. Þessir ungu piltar voru meðal þeirra sem komu til V-Þýskalands frá Prag með lest
um helgina. Simamynd Reuter
Austur-Þýskaland:
Aukið ferðafrelsi
- ráðherra hvetur til afsagnar stjómmálaráðsins
Menningarmálaráðherra Austur-
Þýskalands, Hans-Joachim Hoff-
mann, hvatti í gær til þess að stjórn-
málaráð austur-þýska kommúnista-
flokksins segði af sér. Á sama tíma
tilkynntu stjórnvöld þar í landi um
frjálsari ferðalög erlendis. Kom þessi
tilkynning í kjölfar gífurlegs fólks-
flótta frá Austur-Þýskalandi til Vest-
urlanda síðustu vikur, ekki síst um
nýliðna helgi. Talið er að síðustu tvo
sólarhringa hafi allt að flmmtán þús-
und a-þýskir flóttamenn farið yfir
landamærin til vesturs í gegnum
Tékkóslóvakíu.
Það var innanríkisráðherrann, Fri-
edrich Dickel, sem tilkynnti um auk-
ið ferðafrelsi A-Þjóðverja til útlanda.
Segja fréttskýrendur þetta mestu
rýmkun á ferðafrelsi Austur-Þjóð-
veija í fjörutíu ára sögu Þýska al-
þýðulýðveldisins. Dickel sagði að all-
ir þegnar A-Þýskalands myndu hafa
rétt til vegabréfs og vegabréfsáritun-
ar til ferða erlendis innan þrjátíu
daga. Ef mikið lægi við væri hægt
að útvega vegabréfsáritun innan
þriggja daga eða jafnvel skemur,
sagði Dickel. „Við viljum veita öllum
borgurunum tækifæri til aí ferðast
hvert sem þeir kjósa,“ sagði hann.
Tilkynningin kemur í kjölfar þess
að eitt hundrað og áttatíu þúsund
A-Þjóðveijar hafa nú flúið til Vestur-
landa það sem af er ári. Flóttamenn-
irnir segjast treysta varlega loforð-
um nýja leiðtogans um umbætur og
aukið lýðræði. Austur-þýsk yfirvöld
leyföu ferðir flóttamanna yfir landa-
mærin til Tékkóslóvakíu eftir aö
hafa lokað þeim fyrir ailri umferð.
Þar að auki gáfu stjórnöld í A-Þýska-
landi tékkneskum yfirvöldum heim-
ild til að hleypa öllum flóttamönnun-
um áfram vestur á bóginn. Frétta-
skýrendur telja þó ólíklegt að aukið
ferðafrelsi muni stöðva hinn mikla
fólksflótta.
í fréttum ADN, hinnar opinberu
fréttastofu, var haft eftir menningar-
málaráðherranum, Hoffmann, að all-
ir átján meðlimir stjórnmálaráðsins
ættu að víkja til að veita hinum nýja
flokksleiðtoga, Egon Krenz, tækifæri
til að koma í framkvæmd lýðræðis-
legum umbótum. Þetta er í fyrsta
sinn sem háttsettur kommúnisti hef-
ur hvatt til þess að stjómmálaráðiö
segi af sér síöan hinar víðtæku mót-
mælaaðgerðir og gífurlegi fólksflótti
hófst fyrr á árinu. Fijálslyndir demó-
kratar, sem alla jafna hafa fylgt
kommúnistum að málum, hafa einn-
ig hvatt til þess að stjómmálaráðið
segi af sér. Krenz sagði á fostudag
að fimm elstu menn í ráðinu myndu
víkja fljótlega.
Hoffman sagði að þörf væri á nýrri
ríkisstjórn hið fyrsta. Ummæli hans
koma í kjölfar fjöldagöngu hálfrar
milljónar A-Þjóðverja um götur
borga landsins um helgina þar sem
farið var fram á aukið lýöræði og
fijálsar kosningar.
Reuter
Flugumferð til
Færeyja lömuð
Flugumferð til og frá Færeyjum
lamaðist í morgun þegar slökkvi-
liðsmenn á flugvellinum í Vogum
efndu til samúðarverkfalls með
fjörutíu starfsmönnum Flugfélags
Færeyja sem verið hafa í verkfalli
síðan samningaviðræður fóru út
um þúfur fyrir ellefu dögum.
Á laugardaginn reyndu verkfalls-
menn að koma í veg fyrir að skrif-
stofufólk flugfélagsins flytti varn-.
ing til og frá vélunum. Það hafði
þó aðeins í fór með sér hálftíma
seinkun fyrir vél Maerskflugfélag-
ins til Kaupmannahafnar þar sem
flugliðarnir sáu sjálfir um hieðsl-
una eftir að lögreglan hafði skorist
í J.eikinn.
Formaður alþýðusambandsins,
Ingeborg Vinther, sagði í sjón-
varpsviðtali í gærkvöldi að ákveðið
hefði verið að boða víðtækara verk-
fall þar sem lögreglan hefði hindr-
að verkfallsverði í störfum sínum
á laugardaginn og flugliðar hlaðið
vélina.
Um síðustu helgi efndu slökkvi-
liðsmenn til sólarhrings samúðar-
verkfalls með starfsmönnum flug-
félagsins með þeim afleiðingum að
flugumferð til og frá Færeyjum lá
niðri allan sunnudaginn. I þetta
skipti hefur ekki verið ákveðið
hversu lengi slökkviliösmenn eiga
að vera í samúðarverkfalli. En á
meðan liggur. öll umferð véla með
tíu farþega eða fleiri niðri.
Flugleiðir aflýstu tveimur ferð-
um til Færeyja í síðustu viku vegna
samúðaraögerða íslenskra flug-
vallarstarfsmanna. Neituðu þeir að
afgreiða flugvélar til Færeyja. í
Danmörku hefur einnig verið boð-
að samúðarverkfall en það verður
þó ekki fyrr en í lok þessarar viku
sem það getur hafist.
Eftir að verkfallið hófst í Færeyj-
um hefur Flugfélag Færeyja skráð
sig í Félag atvinnurekenda á Fær-
eyjum. Þaö þýðir að alþýðusam-
bandið þarf að semja við nýjan að-
ila eftir að hafa reynt að ná samn-
ingum við flugfélagið í fimm mán-
uði.
Félag atvinnurekenda krefst þess
að aðalsamningarnir milli alþýðu-
sambandsins og félags atvinnurek-
enda liggi til grundvallar viðræð-
um um nýjan samning. Alþýðu-
sambandið vill hins vegar aðeins
miða við samninginn við flugfélag-
ið sem rann út 1. maí síðastliðinn.