Dagblaðið Vísir - DV - 02.04.1990, Blaðsíða 28

36
MÁNUDAGUR 2. APRÍL 1990.
Andlát
Vigfús Guðmundsson bóndi, Eystri-
Skógum, Austur-Eyjaíjöllum, lést í
Landspítalanmn 30. mars.
Þorgerðu^ Lárusdóttir frá Heiði,
.^anganesi, til heimilis að Nýbergi,
Keflavík, andaðist í Landspítalanum
aðfaranótt 30. mars.
Jarðarfarir
Sveinbjörn Sigurjónsson magister,
fyrrv. skólastjóri, Smáragötu 12,
verður jarðsettur frá Dómkirkjunni
þriðjudaginn 3. apríl kl. 15.
Sigmundur Sigurbjörnsson frá
Brandagili, Lönguhlíð 19, Reykjavík,
sem lést í Landspítalanum 24. mars,
verður jarðsunginn frá Fossvogskap-
ellu miðvikudaginn 4. apríl kl. 10.30.
ífuttormur Berg, Akureyri, sem lést
28. mars, verður jarðsunginn frá
Akureyrarkirkju þriðjudaginn 3.
apríl kl. 13.30.
Jóhanna Pétursdóttir, áður til heim-
ihs í Ásgarði 115, Reykjavík, sem lést
í Hafnarbúðum 29. mars sl., verður
jarðsungin frá Bústaðakirkju þriðju-
daginn 3. apríl kl. 13.30.
Guðný Guðbergsdóttir, Marklandi 2,
sem lést 18. mars sl. verður jarðsung-
in frá Hafnarfjaröarkirkju þriðju-
daginn 3. apríl kl. 13.30.
Helga Guðmundsdóttir, verður jarð-
sungin frá Dómkirkjunni í Reykja-
vík, þriðjudaginn 3. apríl kl. 13.30.
Ragna Guðmundsdóttir, verður jarð-
sungin frá Fossvogskapellu þriðju-
daginn 3. apríl kl. 13.30.
Sveinn Hupfeldt Árnason, Heiðar-
gerði 50, Reykjavík, er lést af slys-
förum 21. mars, verður jarðsunginn
frá Bústaðakirkju í dag, 2. apríl, kl.
13.30.
Tilkyiiningar
Félagið Svæðameðferð
hefur opið hús í kvöld, 2. apríl, i Súðar-
vogi 7 kl. 20. Gestur að þessu sinni verð-
ur Guðrún Óladóttir reikimeistari. Allir
__jj|Jj£omnir.
Norræn nemakeppni í fram-
reiðslu og matreiðslu
Hin árlega norræna nemakeppni í fram-
reiðslu og matreiðslu var haldin í Sta-
vanger í Noregi 16.-18. mars 1990. Þátt-
takendur frá íslandi voru: Framreiðslu-
Uð: Amar Þór Vilhjálmsson, Hótel Holti,
Gunnar Már Geirsson, Hótel Sögu. Leið-
beinandi: Halldór Malmberg, kennari í
Fjölbrautaskólanum í Breiðholti. Mat-
reiðslulið: Fjóla Guðnadóttir, Bautan-
um/Smiðjunni, Akureyri, Helga Björg
Finnsdóttir, Hótel Óðinsvéum. Leiðbein-
andi: Kristján Sæmundsson matreiðslu-
meistari. Framreiðslunemarnir hlutu 1.
sætið í keppninni og komu því heim til
íslands með bikarinn. Matreiðslunem-
amir hlutu 2. sætið eftir harða keppni
við Dani sem unnu með aðeins tveggja
>Stiga forskoti. íslensku nemamir vöktu
almenna athygli og hrifningu fyrir kunn-
áttu, fagmannleg vinnubrögð og glæsi-
lega frammistöðu.
Húsmæðrafélag Reykjavíkur
Aðalfundur félagsins verður haldinn
miðvikudaginn 4. apríl í Félagsheimilinu
við Baldursgötu 9 kl. 20 stundvíslega.
Þekkir þú þetta
ákvæði umferðarlaga?
„Sá sem ábyrgð ber á skráningarskyldu
vélknúnu ökutæki skal bæta það tjón
sem hlýst af notkun þess enda þótt tjónið .
verði ekki rakið til bilunar eða galla á
tækinu eða ógætni ökumanns."
i-> HEFURÐU HUGLEITT
HVAÐ ÞETTA ÞÝÐIR?

t
MINNINGARKORT
Evrópsk djasskeppni
í annarri viku septembermánaðar nk.
verður haldin í tólfta skipti alþjóðleg
keppni ungra djasstónlistarmanna.
Keppnin er skipulögð af samtökunum
Jazz Hoeilaart Intemational í Belgíu og
fer fram í nágrenni Brussel. Keppnin er
opin öllum djasstónhstarmönnum 30 ára
og yngri. í boði em vegleg verðlaun og
ýmis tækifæri til að koma fram. Nánari
upplýsingar em veittar á skrifstofu Fé-
lags íslenskra hljómlistarmanna að
Rauðagerði 27.
Fundur um hrossarækt
Fræðslufundur verður haldinn um
hrossarækt í Félagsheimili Kópavogs,
Fannborg, kl. 20.30 mánudaginn 2. apríl.
Gestir fundarins og ræðumenn verða,
Þorkell Bjarnason hrossaræktarráðu-
nautur, Sigurður Haraldsson, Kirkjubæ,
Haraldur Sveinsson, formaður Hrossa-
ræktarsambands Suðurlands, Ingimar
Sveinsson, kennari á Hvanneyri, og einn-
ig mun Sveinn Guðmundsson frá Sauöár-
króki svara fyrirspurnum.
Danskir bókadagar
í Kringlunni
Danskir bókadagar veröa í Norræna hús-
inu dagana 29. mars til 2. apríl með fyrir-
lestmm um menningarlíf, bækur og
bókaútgáfu í Danmörku. Dagskráin hefst
í kvöld, fimmtudag, kl. 20.30 með fyrir-
lestri um danska myndhst og menningu
sem Frederik Stjernfelt flytur. Fyrirlest-
urinn nefnist „Dansk kunst og kultur pá
det senaste“. Laugardaginn 31. mars kl.
16 verður kynning á dönskum bókum frá
1989 sem danski sendikennarinn Keld
Gall Jorgensen annast. Gestur á kynn-
ingunni verður danski rithöfundurinn
Hehe Stangemp og segir hún frá ritstörf-
um sínum og les upp. Sunnudaginn 1.
apríl kl. 16 heldur Auöur Leifsdóttir fyr-
irlestur um ævi og ritstörf Tove Ditlevse.
Fyrirlesturinn er fluttur á dönsku.
Dönskum bókadögum lýkur á mánudags-
kvöld kl. 20.30 meö fyrirlestri um stefnu-
mörkun í danskri bókaútgáfu.
Tónleikar
Tónleikar í Norræna húsinu
Tónhstarskólinn í Reykjavík heldur tón-
leika í Norræna húsinu kl. 20.30 þriðju-
daginn 3. apríl nk. Tónleikamir em fyrri
hluti einsöngvaraprófs Hlífar Káradóttir
sópran, frá skólanum. Á efnisskránni em
sönglög eftir Gluck, Schubert, Brahms,
Strauss, Wihiam Wajton, Samuel Barber,
Frank Bridge, Karl Ó. Runólfsson og aría
eftir Dvorák. Lára Rafnsdóttir leikur með
á píanó. Hlíf hefur stundað nám við söng-
deild Tónlistarskólans frá 1983 og hafa
Sieglinde Kahmann og Rut Magnússon
verið kennarar hennar. Aðgangur að tón-
leikunum er ókeypis.
Fundir
Kvenfélag Háteigssóknar
heldur fund þriðjudaginn 2. apríl kl. 20.30
í Sjómannaskólanum. Gestur fundarins
verður biskupsfrú, Ebba Sigurðardóttir,
og mun hún segja frá ferð þeirra hjóna
til Brasihu í haust. Kaffi dmkkiö.
Kvenfélag Háteigssóknar
heldur fund þriðjudaginn 3. apríl kl. 20.30
í Sjómannaskólanum. Gestur fundarins
verður biskupsfrú Ebba Sigurðardóttir
og mun hún segja frá ferð þeirra þjóna
til Brasilíu í haust. Kaffiveitingar.
Kvenfélag Laugarnessóknar
Afmælisfundur félagsins verður haldinn
í safnaðarheimhi kirkjunnar mánudag-
inn 2. apríl kl. 20. Fjölbreytt skemmtidag-
skrá og góðar veitingar. Mætum vel.
Aðalfundur Kattavinafélags
Islands
var haldinn 25. febrúar 1990 að Hallveig-
arstöðum. Núverandi stjóm skipa: For-
maður: Sigríður S. Heiðberg. Varafor-
maður: Þorvaldur H. Þórðarson. Gjald-
keri: Ingibjörg Tönsberg. Ritari: Soffia
Sigurjónsdóttir. Meðstjómendur: Gróa
Ingibergsdóttir, Magnús Sveinsson.
Varamenn: Svanborg Jónsdóttir og Svan-
hhdur Ólafsdóttir.
Meiming
mszœmmximá
Ur leikritinu „Hjartatrompett'
Hver á að ráða?
Yfirlýstur tilgangur með stofnun íslenska leikhúss-
ins er að sögn þeirra, sem að því standa að koma á
svið íslenskum leikritum og kynna nýja höfunda.
Fyrsta verkefni hópsins er Hjartatrompet eftir Krist-
ínu Ómarsdóttur, leikrit í þremur þáttum, sem sýnt er
í leikhúsi Frú Emilíu í Skeifunni 3c. Kristín er senni-
lega þekktari fyrir ljóð sín og smásögur, en þó hefur
eitt verk eftir hana verið sett á svið, einþáttungurinn
Draumar á hvolfl, sem fékk verðlaun í samkeppni í
lok kvennaáratugar og var sýndur á Litla sviði Þjóð-
leikhússins, 1987.
í Hjartatrompet má greina viss höfundareinkenni,
draumkennda firringu, og ljóðrænan texta, sem vísar
á fyrri verk Kristínar, en hún hefur engu að síður
fært sig töluverðan spöl frá fjarstæðukenndum stíl
Drauma á hvolfl í átt að ákveðnara raunsæi.
Samskipti persónanna í þessu nýja leikriti byggjast
á gagnkvæmri spennu og valdatafli þar sem einn þyk-
ist hafa ráð annars í hendi sér og mega skáka til að vild.
Togstreita á milli karls og konu og eftirsjá eftir æsku
og þokka er inntak verksins, ásamt uppreisn æskunn-
ar, sem alveg eins má yfirfæra á hvers konar andóf
gegn kúgun og bælingu. Aðalpersónan, Lára, gengur
svo langt að viðurkenna ekki framgang tímans og gera
allt til að stöðva óhjákvæmilega þróun.
Höfundur er þó alls ekki að segja ofurraunsæja sögu,
heldur les áhorfandinn oftar en ekki á milli línanna
og getur í eyðurnar. Það sem ein persóna segir við
aðra í verkinu er ekki síður ætlað til að hafa áhrif á
eða til að klekkja á þriðja aðila.
Lára er lykilpersóna í verkinu, hún er ekkja og býr
með uppkomnum fóstursyni sínum, Helga. Hann hegð-
ar sér að ýmsu leyti eins og krakki, ekki hvað síst
vegna þess að hún vill halda honum hjá sér sem allra
lengst.
Hákon heitir mágur Láru sem kemur og fer eins og
honum þóknast. Hann er harðsoðinn og illskeyttur en
Láru hefur ekki tekist að rífa sig lausa frá honum og
það notfærir hann sér óspart.
Þetta samskiptamynstur kemur smám saman í ljós.
En strax í upphafsatriði verksins er kominn hvati að
átökum og uppgjöri þegar Lára kemur með unga
stúlku inn á heimilið. Hún verður þeim öllum örlaga-
valdur.
Um heiminn utan veggja heimilisins varðar persón-
urnar lítið. Lára fer að vísu til vinnu og kaupir inn
og Hákon virðist alltaf óttast eftirför, þegar hann kem-
ur, sem bendir til að hann bralli fleira en gott þykir.
En að öðru leyti vísar verkið allt inn á við og engin
þjóðfélagsmynd er gefin. Þetta fólk lifir í lokuðum
Leildist
Auður Eydal
heimi og berst þar við sínar eigin tilfinningar og ástríð-
ur.
Lára er í upphafi í þungamiðju en dofnar og fjarlæg-
ist þegar líður á verkið. Guðlaug María Bjarnadóttir
leikur hana og vinnur af innsæi og næmri útsjónar-
semi skýra persónu úr hlutverkinu.
Dódó er leikin af Þórdísi Arnljótsdóttur. í þessu hlut-
verki þarf að koma til skila svolítið einfeldningslegri
einlægni og löngun stúlkunnar tii að gera öllum til
hæfis án þess að gera hana of barnalega eða kjána-
lega. Persónan var að mörgu leyti vel unnin og túlkun
Þórdísar var oft einlæg þó að ekki tækist henni með
öllu að forðast slíka takta.
Konurnar tvær eru mun litsterkari en karlmennirn-
ir í leikritinu.
Halldór Björnsson er í hlutverki Helga sem helst
vill leika sér allan daginn. Halldór kom ágætlega til
skila sálarástandi þessa fullorðna barns. Þórarinn
Eyfjörð er hinn harðsóðni Hákon, oft mjög snöfur-
mannlegur, en í heild kannski fullléttur á bárunni til
þess að tök hans á Láru og sú ógn sem af honum á
að stafa yrði áþreifanleg.
Pétur Einarsson hefur leikstýrt verkinu sem í heild
er prýðilega unnið. Umgjörð, sem Ingileif Thorlacius,
hönnuður leikmyndar, hefur gert, dýpkar merking-
una, þar sem blóðrauður litur og svartur eru ríkjandi
og val leikmuna og búningar, sem Halla Helgadóttir
hannaði, styðja heildarhugmyndina.
Vonandi tekst íslenska leikhúsinu að koma upp fleiri
leikritum eftir unga höfunda í framtíðinni, höfunda,
sem eiga framtíð fyrir sér. Sýning eins og Hjartatromp-
et er gott innlegg í leiklistarlífið í borginni. Þetta er
vel unnin sýning, aðstandendum sýningarinnar góður
skóli og höfundi ómetanlegt að sjá fullunnið hugverk
sitt komið á sviö.
íslenska leikhúsið sýnir i Skeifunni 3c:
HJARTATROMPET
Höfundur: Kristín Ómarsdóttir
Leikstjóri: Pétur Einarsson
Leikmynd: Ingileif Thorlacius
Búningar: Halla Helgadóttir
Lýsing: Pétur Einarsson
-AE
Fjölmiðlar
Þeir fjölmörgu sem hafa gaman
af spurningaleikjum urðu eflaust
fyrir sárum vonbrigðum á föstu-
dagskvöld. Þá tókst Ríkissjónvarp-
inu að klúðra beinni útsendingu frá
skemmtilegustu spumingakeppni
sem hefur verið í sjónvarpi fy rr og
síöar. Þaö er spuraingakeppni fram-
haldsskólanna.
í fyrstu hófst útsending langt á
eftir áætlun og þegar hún loks hófst
var hljóðiö með þvílíkum eindæm-
um að sjaldan eða aldrei hefur verið
boðið upp á slíkt. Ekki tókst að
bjargahljóðinu og hætt var við út-
sendinguna, enda var hljoðið von-
laust með öllu ogsjálfsagt ekkert
annað að gera en hætta.
Mistök
Það erhins vegar stórfurðulegt að
sjónvarpið skuh ekki ráða viö beina
útsendingu milli húsa hér í Reykja-
vik. Nú er það ekki svo að þetta
hafi verið í fyrsta sirrn sem reynt
var að senda beint út. Það má hins
vegar ætla aö þeir sem unnu að út-
sendingunni hafi ekki tekið þátt i
beinni útsendingu fyrr. Sá sem þetta
ritar veit ekki enn hvernig keppnin
fór. Þó þykist ég viss um að Mennta-
skólinn við Sund hafi sigrað.
Spurningakeppni Ómars Ragn-
arssonar, á Stöð 2, hefur skánað eft-
ir að fyrirkomulagi hennar var
breytt. Það er samt ekki nóg gert.
Hraðaspurningarnar eru kauðsleg-
ar. Þar sem Ómar hefúr ákveðið að
hafa þáttinn með svipuðu sniði og
hann hefur áður gert hefði hann átt
að ganga alla leið ogjafnvel lengra
og hafa sama hátt á með hraða-
spuraingarnar og gert er í spurn-
ingakeppni framhaldsskólanna.
Þá er orðabókin alltaf leíðinleg og
greinilega haldið í þáttunum af
þrjóskunni einni saman.
SigurjónM.Egilsson