Dagblaðið Vísir - DV - 07.01.1991, Blaðsíða 9

MÁNUDAGUR 7. JANÚAR 1991.
Völdum rænt á Haiti í morgun:
Foringi dauða-
sveitanna lýsir
sigforseta
Roger Lafontant, leiðtogi manna
sem fylgdu Jean-Claude Duvalier,
fyrrum forseta, að málum, lýsti því
yfir í morgun að hann hefði tekið öll
völd í landinu. Þá höfðu borist fréttir
af tveggja stunda skotbardaga við
forsetahöllina.
„Ég er nú forseti lýðveldisins,“
sagði í tilkynningu frá Lafontant í
útvarpinu á Haiti í morgun. Tilkynn-
ingin var ekki lengri og engar frek-
ari skýringar gefnar.
Ertha Pacal Trouillot hefur verið
bráðabirgðaforseti Haiti síðustu
mánuði. Hún átti aö víkja úr embætti
í næsta mánuði fyrir prestinum Je-
an-Bertrand Aristide sem vann
glæstan sigur í forsetakosningum
þann 16. desember. Trouillot sagði í
morgun að hún ætlaði að víkja úr
forsetastóli fyrir Lafontant. Hún var
þá enn í forsetahöllinni.
Ekki er vitað nú hvar Aristide er
niðurkominn en talið er að hann sé
enn í höfuðborginni Port-au-Prince.
Engar fréttir var að hafa af valdarán-
inu í erlendum sendiráðum í höfuð-
borginni í morgun og þar virtust
menn ekkert vita hvaö var að gerast.
Lafontant kom heim úr útlegð í
júlí í sumar. Hann var áður innan-
ríkisráðherra hjá Duvalier og er tal-
inn bera ábyrð á miklum manndráp-
um lögreglunnar í valdatíð Duvali-
ers. Þegar við komu Lafontants til
landsins var gefin út fyrirskipun um
handtöku hans en lögreglan hefur
ekki sinnt fyrirmælum yfirboðara
sinna.
Almennt er taliö að Lafontant hafi
verið yfirmaður leynilegra dauða-
sveitá forsetans. Hann hefur þó alltaf
neitað ásökunum í þá veru. Lafont-
ant bauð sig fram í forsetakosning-
unum en var vikið frá þátttöku af
tæknilegum ástæðum. Hann hefur
hvað eftir annað lýst því yfir að Ar-
istide taki ekki við embætti en jafn-
framt sagt að hann ætlaði sér ekki
að beita valdi til að hrekja hann frá
völdum.
Reuter
Presturinn Jean-Bertrand Aristide hafði sigur í forsetakosningum i desemb-
er. Hann átti að taka við völdum í næsta mánuði en flest bendir til að svo
verði ekki. Simamynd Reuter
8
9
Útlönd
Ástralía:
Átta drepnir
íhrottaleg-
umfjöl-
skylduerjum
Lögreglan i Ástraliu rannsakar
nú tvö morðmál þar sem svo virð-
ist sem fjölskylduerjur hafi leitt
til þess að átta menn féllu í val-
inn. Málin eru ekki tengd en hafa
vakið óhug í Ástralíu nú rétt að
lokinni jólahátiðinni.
Annað málið virðist hafa
sprottið af deilum vegna forræðís
yfir bami. í þvi tilviki skaut mað-
ur fyrrum eiginkonu sina, unga
dóttur þeirra, fyrrverandi
tengdafoður og aö lokum sjálfan
sig eftir að hafa deilt yið konuna
um bamið.
í hinu tilvikinu létu fiórir einn-
ig lífið en morðinginn hefur ekki
fundist. Það gerðist í borginni
Adelaide og var í fyrstu talið að
um eldsvoða hefði verið aö ræða.
í eldinum fórst kona og þrjú börn
hennar.
Þegar lögreglan fór að rann-
saka málið kom í ljós að fórn-
arlömbin höföu öll verið bundin
og kveikt í húsinu. Ekki er vitað
um ástæðuna fyrir þessum morð-
um en talið er að þau séu hliðstæð
hinum fyrri. Enn hefur þó enginn
verið handtekinn.
Reuter
Bardagar halda áfram í Sómalíu:
Uppreisnarmenn hafa
blásið til lokasóknar
Uppreisnarmenn í Sómalíu segjast
hafa hafið lokasóknina gegn Mo-
hamed Siad Barre forseta í höfuð-
borginni Mogadishu. Þótt fréttir af
ástandinu í landinu séu óljósar þá
virðist flest benda til að mjög þrengi
nú að forsetanum og liðsmönnum
hans.
Menn forsetans halda enn ílugvell-
inum í Mogadishu. Uppreisnarmenn
sækja nú að vellinum með öllu sínu
liði en þeir hafa yfir nokkrum bryn-
vörðum bifreiöum aö ráða auk fót-
gönguliðs. Mannfall hefur verið mik-
iö, ekki hvað síst meðal óbreyttra
borgara í höfuðborginni en átökin
hafa ekki breiðst til annarra lands-
hluta.
Siad Barre hefur verið við völd í
Sómaliu frá árinu 1969 og er einn
þeirra þjóðarleiðtoga Afríku sem
hefur setið einna lengst á valdastóli.
Barre er fyrrum yfirmaður í her-
num. Hann er um áttrætt og rændi
sjálfur völdum í landinu á sínum
tíma.
Um langt árabil hefur Barre í raun
aðeins haft höfuðborgina á valdi sínu
en andstæðingar hans stjórnað að
mestu öðrum landshlutum. Þess
vegna hefur Barre verið kallaður
„borgarstjórinn í Mogadishu" þótt
hann hafi átt að heita forseti landsins
alls.
Átökin í Sómalíu hafa nú staðið í
tíu daga og menn forsetans hafa stöð-
ugt orðið að láta undan síga þótt þeir
hafi varist vel við flugvöllinn. Stjóm-
málaskýrendur í Afríku segja að nú
sé aðeins tímaspursmál hvenær
Barre verður að gefast upp því að
hann hafi í reynd misst öll völd í
landinu.
Uppreisnarmenn fullyrtu í gær að
Barre væri flúinn úr landi en í morg-
un létu þeir enn sem forsetinn væri
á flugvellinum enda hefur fréttin um
flótta hans hvergi fengist staðfest.
Fjöldi útlendinga flúði frá Sómalíu
á laugardaginn með flugvélum frá
Bandaríkjunum og Ítalíu. Þá lá flug-
völlurinn undir stöðugum árásum
og ekki tókst að halda fólksflutning-
unumáframígær. Reuter
Þrátt fyrir harða bardaga um flugvöllinn í Mogadishu hafa nokkrar flugvél-
ar komist þaðan með flóttamenn. Þar á meðal eru erlendir borgarar og
einnig nokkrir menn úr liði Siad Barre forseta. Simamynd Reuter
Brenndi þrjár dætur
sínar til bana
Lögreglan í Cliftonville í Kent á
Englandi telur fullyíst að faðir
þriggja stúlkna hafi brennt þær til
bana í bíl sínum. Maðurinn lét einn-
ig lífið í eldinum.
Faðirinn hét John Roy og var refsi-
fangi. Hann fékk að heimsækja fiöl-
skyldu sína um jólin. Vitni segja að
hann hafi hellt einhverjum vökva
yfir bílinn þar sem dætur hans voru,
settist sjálfur inn og kveikti í.
Elsta dóttirin var sjö ára en sú
yngsta 18 mánaða. Roy skreiö út úr
bílnum í ljósum logum en lést þegar
hann var kominn út.
„Málið er enn í rannSókn. Ef grun-
ur okkar reynist réttur er þetta ör-
ygglega eitt hörmulegasta atvik sem
ég hef haft spurnir af,“ sagöi tals-
maðurlögreglunnar. Reuter
gítarskóli
®**ÖLAFS GAUKS
Innritun hefst í dag
og fer fram daglega á virkum dögum kl. 14.00-17.00
í skólanum, Stórholti 16, sími 27015.
# #'
uTSaí LAJ N IFULLUM GANGI

LAUGALÆK SÍMI 33755