Dagblaðið Vísir - DV - 25.03.1991, Blaðsíða 22

22
MÁNUDAGUR 25. MARS 1991.
Meiming
Pétur Gautur er leikrit sem
alltaf á erindi á leiksvið
- segir Ingvar E. Sigurðsson, annar tveggja leikara sem leikur Pétur Gaut
Ingvar E. Sigurðsson í hlutverki Péturs Gauts ásamt Steinunni Ólínu Þorsteinsdóttur sem leikur Sólveigu.
DV-mynd GVA
Þeir sem sáu stuttmynd Óskars
Jónassonar SSL 25 sem sýnd var í
Sjónvarpinu fyrir rúmri viku þekktu
sjálfsagt Ingvar E. Sigurðsson sem
fór með eitt aðalhlutverkið. Þegar
þessi sama kvikmynd var sýnd í
Regnboganum í fyrra vissu örugg-
lega fáir hver Ingvar var. í dag vita
allir sem hafa fylgst meö leikhúsun-
um í vetur hver Ingvar er.
Ingvar lék eitt þriggja hlutverka í
Ég er meistarinn sem er eftirtektar-
verðasta íslenska leikritið sem frum-
sýnt hefur verið á þessu ári og hefur
leikritið vakiö mikla athygli og um-
tal. Þegar átti að hætta sýningum á
leikritinu samkvæmt áætlun var
Leikfélagi Reykjavíkur ekki stætt á
því vegna mikillar aðsóknar sem sást
meðal annars í því að hundruð
manna voru á biðlista þegar áætluö
síðasta sýning var auglýst.
Ingvar leikur þessa dagana í tveim-
ur leikritum því auk þess að leika í
Ég er meistarinn leikur hann Pétur
Gaut ásamt Amar Jónssyni í sam-
nefndu leikriti sem er opnunarleikrit
í breyttu Þjóðleikhúsi, Þessi tvö
stóru hlutverk sem Ingvar hefur
leikið í Borgarleikhúsinu og Þjóð-
leikhúsinu í vetur er stórt og mikið
stökk fyrir ungan leikara sem er að
byrja feril sinn. Ingvar var því feng-
inn í stutt spjall um þessi tvö leikrit
og þær persónur sem hann túlkar.
Hann var fyrst spurður hvort hinar
miklu vinsældir leikritsins Ég er
meistarinn hefðu komið honum á
óvart.
„Það kom mér alls ekki á óvart aö
leikritið yrði vel sótt. Þótt Ég er
meistarinn sé eftir ungan og óþekkt-
an rithöfund er hér um mjög gott
leikrit að ræða. En að það yrði eins
vinsælt og raun ber vitni kom mér á
óvart.“
- Þegar ákveðiö var að hætta við að
hætta, varstu þá ekki byrjaður aö
æfa Pétur Gaut?
„Það var tekin snögg ákvörðun um
að byrja aftur og það var'erfitt að
kyngja þvi í fyrstu. Þegar fariö er að
æfa í jafnstóru verki og Pétur Gautur
er er maður hættur að hugsa um
annað. Það ruglar því dálítið fyrir
manni að fara að æfa afjur upp leik-
ritið. En það gekk vel að æfa nýja
leikkonu upp, Bryndís Petra var fljót
að komast inn í verkið og æfingar
upp á nýtt gengu mun betur en ég
átti von á.“
- Em ekki mikil viðbrigði að fara
úr þriggja leikara verki af litla sviði
Borgarleikhússins og yfir í hið fjöl-
menna leikrit Pétur Gautur?
„Jú, það er allt öðruvísi. Þessi tvö
leikrit eru mjög ólík í allri uppsetn-
ingu. Þar að auki er textinn í Pétri
Gaut í bundnu máli sem gerir það
að verkum að þú ert með gjörólíkan
texta.“
- Á Pétur Gautur erindi inn í nútí-
maleikhús?
„Pétur Gautur hefur alltaf átt er-
indi í leikhús. Þar er að finna þær
spurningar sem ávallt leita á mann-
inn. Hver erum við? Hvert emm við
aö flýja? Hvert viljum við komast?"
- Nú eruð þið tveir sem leika Pétur
Gaut, þú og Amar Jónsson?
„Pétur Gautur er í leikritinu ungur
og hann er gamall. í leikgerðinni sem
Þjóðleikhúsið sýnir byrjum við á
Pétri Gaut í útlöndum, leið hans ligg-
ur síðan heim til Noregs, þar sem
hann mætir persónum úr æsku.
Minningar birtast honum og þar kem
ég til sögunnar í fyrsta sinn og er
aðeins í kaflanum þegar hann er
ungur í Noregi og má segja að ég sé
inni í leikritinu í tvo klukktíma. Arn-
ar er aftur á móti inni á sviði allan
tímann."
- Er Pétur Gautur gott leikrit?
„Mér fínnst Pétur Gautur frábært
leikrit. Það hefur allt sem prýöa þarf
gott leikhúsverk.“
- Nú var sú ákvörðun tekin að láta
semja nýja tónlist við Pétur Gaut,
þegar til er klassísk tónlist við leik-
ritið sem allir þekkja?
„Það hefði verið skrýtið að hafa
gömlu tónlistina við þessa upp-
færslu. Þegar Pétur Gautur er frum-
sýndur í Noregi, þá er það Grieg sem
semur tónlist fyrir þá sýningu og
henni var ekkert frekar ætlað að
vera við aðrar uppfærslur. Sú tónlist
er alveg frábær þótt sagt sé að Ibsen
hafi ekki aldrei verið ánægður með
hana.“
- Nú hafa farið fram miklar breyt-
ingar á Þjóðleikhúsinu, Hefur sú
breyting einhver bein áhrif á leikar-
ana á sviðinu?
„Nú hef ég ekki áður leikið í Þjóö-
leikhúsinu, þannig að ég get ekki
boriö það saman viö hvernig var
áður en sviðsopið sjálft hefur verið
stækkað og þegar salurinn breytist
breytast hljómgæðin, vonandi til
batnaðar?
- Er ekki einstakt að fá strax á fyrsta
vetri sem atvinnuleikari jafnstór og
góð hlutverk og þú hefur fengið?
„Jú, auðvitað er það frábært en um
leið er þaö heppni að fá að starfa
með jafnhæfileikamiklum leikstjór-
um og Kjartani Ragnarssyni og Þór-
hildi Þorleifsdóttur."
- Hvað tekur við þegar þessum leik-
vetri lýkur?
„Hvað næsti vetur ber í skauti sér
veit ég ekki. Það er langt liðið á vet-
urinn og Pétur Gautur gæti verið
tekinn upp aftur næsta vetur en í
sumar mun ég leika í kvikmyndinni
Inga Ló á grænum sjó sem leikstýrt
er af Ásdísi Thoroddsen. Þar leik ég
eitt af aðalhlutverkunum, ungan sjó-
mann sem heitir Skúli. Kvikmynda-
tökur munu fara fram á Vestfjörðum
og í Reykjavík."
-HK
Frumsýning á Dal hinna blindu 1 kvöld:
Erf itt en skemmtilegt að leika með lokuð augu
- segir Kjartan Bjargmundsson, einn leikaranna
í kvöld frumsýnir leikhópurinn
Þíbylja verkið Dalur hinna blindu
sem er unnið upp úr smásögu eftir
H.G. Wells. „Það var í haust sem leik-
hópurinn kom saman og ákvað að
gera leikgerð eftir þessari smásögu.
Eftir að hugmyndir höfðu verið skrif-
aðar niður tók leikstjórinn, Þór Tuli-
níus, við og skrifaði leiktextann,"
segir Kjartan Bjargmundsson sem
er einn tíu leikara sem taka þátt í
sýningunni.
Leikritið segir frá feðgum sem
brotlenda flugvél sinni hátt uppi í
grösugum dal, lokuðum frá hinni
svokölluðu siðmenningu. íbúar dals-
ins eru allir blindir og hafa verið þaö
í nokkrar aldir. Leikritið greinir síð-
an frá samskiptum feðganna og hins
blinda samfélags.
Þar sem flestir leikaramna leika
blindar manneskjur þurfti góðan og
langan undirbúning og var Asgerður
Siguröardóttir blindrakennari feng-
in til að aðstoða og í raun að kenna
Eins og sjá má á þessari mynd eru leikararnir, sem leika blinda, með lok-
uð augu.
leikurunum að haga sér eins og blint
fólk gerir.
„Við vorum æfð í að vera blind.
Eg var til dæmis leiddur um allt
Borgarleikhúsið og yfir í Kringluna
með bundið fyrir augum og það er
óhætt að segja að það hafi verið
skrýtinn tilfinning. Maður skynjar
öll hljóö öðruvísi en þegar maður sér
hlutina og til að mynda gat ég að litlu
leyti gert mér í hugarlund hvar ég
var staddur," segir Kjartan um
fyrstu reynslu sína af því að geta
ekki séð.
Aðspuröur sagði Kjartan að leikar-
arnir væru meö augun límd aftur á
sýningum en sæju aðeins því sjálf-
sagt myndi allt fara úr skorðum við
allar skiptingar ef svo væri ekki.
„Uppfærslan á leikritinu hjálpar líka
til því mjög dimmt er á sviðinu og í
nokkrar mínútur er meira að segja
aldimmt." Kjartan kvað það vera
erfitt að leika svona með lokuð aug-
un en á móti kæmi að það væri
skemmtileg glíma og mikil reynsla.
Dalur hinna blindu verður frum-
sýndur í kvöld í Lindarbæ. Næstu
þrjár sýningar verða á miðvikudags-
og fimmtudagskvöld og svo annan í
páskum. -HK
Bragi Sveinsson heldur hér á
veggspjaldi sem auglýsir Lista-
hátið æskunnar. Teikningin er
eftir hann. DV-mynd BG
Þingfundur æskunnar í Al-
þingishúsinu er meðal þess sem
áætlað er að gera á víðtækri
Listahátíö barnanna sem haldin
verður 20.-28. apríl í Reykjavík.
Geysifjölbreytt dagskrá með þátt-
töku bama og unglinga er fyrir-
huguö og er óhætt að segja að
börnin ráði ferðinni þessa viku.
Myndlistarsýningar á verkum
barna verða víða en sú stærsta
veröur í Gerðubergi. Tónleikar
verða einnig víða, meðal annars
í íslensku óperunni. í Ásmundar-
sal verður listasmiöja þar sem
bömin vinna með arkitektum en
einnig er stefht að listasmiðjum
í tengslum við dagskrá Listasafns
íslands og í safni Ásgríms Jóns-
sonar, Gerðubergi og Norræna
húsinu. Kvikmyndahús borgar-
innar munu taka þátt í vikunni
og verða barna- og unglinga-
myndir sýndar daglega. Rokktón-
listin fær einnig sinn skerf og er
stefnt að rokktónleikum daglega
í Púlsinum og tónleikum á Lækj-
artorgi að kvöldi síðasta vetrar-
dags.
Aðeins hefur verið stiklað á
stóru en úölmargt annaö verður
börnum og unglíngum til
skemmtunar og fróðleiks. Hátíð-
ardagskrá verður í Borgarleik-
húsinu 20. apríl, dagskrá sem
verður síðan endu^tekin viku síð-
ar í lok Listahátíðarinnar.
Um leið og Listahátíðinni er
ætlaö að hvetja börn og foreldra,
fóstrur og kennara til áfram-
haldandi gróskumikils starfs á
þessu sviði þá er hún einnig
nokkurs konar uppskeruhátíð
þar sem börn og unglingar sýna
sköpunarverk sín sem þau hafa
unnið að í vetur.
Tímamótaverk
á Sauðárkróki
Þórh. Ásmundsson, DV, Sauöárkróki:
Timamótaverk heitir nýtt leik-
rit eftir Hilmi Jóhannesson sem
Leikfélag Sauðárkróks hefur haf-
ið æfingar á. Hilmir samdi þetta
leikrit gagngert að beíðni Leik-
félagsins í tilefni 50 ára afmælis
þess á þessu ári. Leikstjórn er í
höndum Elsu Jónsdóttur og verö-
ur frumsýning í upphaf Sæluviku
þann 7. april. Að sögn Elsu er hér
um lauflétt verk að ræða. Það
gerist á fundi hjá leikfélagi úti á
landi og gæti það gerst hjá hvaða
áhugaleikfélagi sem er. Tíma-
mótaverk er ekki staðfært og ekki
farið aftur í sögu Leikfélagsins
eins og sumir hafa getið sér til
um. Persónur og leikendur eru
ellefu talsins. Höfundurinn,
Hilmir Jóhannesson, segir að
tími sé til komínn að setja þennan
titil á verk sitt því hingað til hafi
hann ekki samiö neitt annað en
tímamótaverk.