Dagblaðið Vísir - DV - 18.06.1991, Blaðsíða 9
9
ÞRIÐJUDAGUR 18. JÚNÍ 1991.
IJtlönd
Aðskilnaðarstefna Suður-Afríku:
Síðasta hornsteininum velt
F.W. de Klerk, forseti Suður-Afr-
íku, hefur hvatt til þess að haldin
verði íjölilokkaráðstefna til að und-
irbúa nýja stjómarskrá fyrir landið,
nú þegar búið er að afnema síðasta
hornstein aöskilnaðarstefnunnar.
Þing landsins ákvað á fundi í gær að
fella úr gildi lög sem kveða á um að
íbúarnir séu skráðir samkvæmt kyn-
þætti.
„Besta leiðin til að tryggja skjótan
árangur er að taka næsta mikilvæga
skrefið á samningaleiðinni,“ sagði
forsetinn þegar þingheimur hafði
ákveðið með 103 atkvæðum gegn 38
að afnema lögin um skráningu sem
voru sett árið 1950.
George Bush Bandaríkjaforseti og
aörir bandarískir leiðtogar fognuöu
ákvörðun suður-afríska þingsins í
gær og sögðu að fjórum af fimm skil-
yrðum sem Bandaríkin settu fyrir
afnámi viðskiptaþvingana hefði ver-
ið fullnægt.
Fimmta skilyrðið er að allir póli-
tískir fangar verði látnir lausir og er
það viðkvæmt mál. Ríkisstjóm Suð-
ur-Afríku segir að aOir slíkir fangar
hafi þegar verið leystir úr haldi en
Afríska þjóðarráðið ber brigður á þá
fullyrðingu.
Háttsettur embættismaður í
bandaríska utanríkisráðuneytinu
sagði í gær að takast ætti að leysa
þennan ágreining þegar í næsta mán-
uði.
Ef fjölflokkaráðstefnan fer fram
gæti komið til árekstra milli ríkis-
stjómarinnar og Afríska þjóðarráðs-
ins, stærstu samtaka blökkumanna
í Suður-Afríku. Afríska þjóðarráðið
og bandamenn þess hafa sagt að þeir
muni ekki gera neinar tilslakanir í
kröfum sínum um stjórnlagaþing og
bráðabirgðastjóm. Ríkisstjórnin hef-
ur hins vegar sagt að hún muni ekki
leggja niður völd.
Reuter
lýsti yfir þvi í gær að hann hefði
afnumið siðasta hornstein aðskiln-
aðarstefnu rikisstjórnar landsins.
Símamynd Reuter
írakar
sleppa
breskum
fanga
írösk yfirvöld létu í gær lausan
breska verkfræðinginn Douglas
Brand sem dæmdur hafði verið í
lífstíðarfangelsi vegna meintra
njósna. Brand var látinn laus eftir
leynilegar viðræður Saddams Hus-
sein íraksforseta og Edwards Heath,
fyrrum forsætisráðherra Bretlands.
Til að firra bresku stjómina vand-
ræðum var ekki haft samband við
John Major forsætisráðherra fyrr en
Heath hafði fengið tilkynningu frá
Bagdad. Major skrifaði til öryggis-
ráðs Sameinuðu þjóðanna fyrir
tveimur vikum til að biðja fulltrúa
þess að íhuga mál Brands áður en
viðskiptaþvinganir gegn írak yrðu
endurskoðaðar.
Brand var handtekinn í september
síðastliðnum er hann reyndi að flýja
frá írak. Það var um það leyti sem
írakar héldu útlendingum í gíslingu.
Reuter
Eyöniráöstefnan í Flórens:
Nýtt bóluefni
gef ur von
Nýtt bóluefni, sem franskur vis-
indamaður hefur þróað, hefur gefiö
fórnarlömbum eyðniveirunnar.von-
arglætu. En spár um dreifingu sjúk-
dómsins, sem kynntar voru á sjö-
undu alþjóðlegu ráðstefnunni um
eyðni, sem haldinpr í Flórens á ítal-
íu, eru heldur ófögur lesning fyrir
þróunarlöndin.
Franski vísindamaðurinn Daniel
Zagury sagði að fyrstu niðurstöður
sýndu að bóluefnið gæfi líkamanum
að hluta til aftur hæfileikann til að
beijast við eyðni. Rannsókn hans
náði aftur á móti aðeins til sex smit-
aðra sjúklinga.
Zagury lagði áherslu á að gera
þyrfti frekari tilraunir með bóluefn-
ið. Vísindamenn sannfærast sífellt
meira um það að bóluefni gegn
eyðniveirunni verði árangursríkara
í að hægja á útbreiðslu sjúkdómsins
í líkamanum eftir sýkingu fremur en
fyrirbyggjandi aðgerðir.
Embættismaður hjá Alþjóöa heil-
brigðismálastofnuninni sagði á ráð-
stefnunni að ungt fólk og börn í fá-
tækustu löndum heimsins verði helst
fyrir barðinu á eyðni á þessum ára-
tug. Hann sagði að ekki léki vafi á
því að eyðni yrði helsta banamein
ungs fólks á besta aldri. Eyðni yrði
einnig helsta orsök barnadauða á
mörgum svæðum.
Alþjóða heilbrigöismálastofnunin
spáir því að árið 2000 muni tíu millj-
ónir fullorðinna hafa fengið eyðni.
Meira en 90 prósent sýktra verða í
þróunarlöndunum, um helmingur í
Afríku, meira en fjóröungur í Asíu
og tíu prósent í Rómönsku Ameríku.
* í verði á IKEA eldhúsinnréttingu eru hlutir eins og vaskur, blöndunartæki, eldavél og heimilistæki ekki innifalið í verði.
„VERSAL" eldhúsinnréttingin er fjölhæf og
vönduð innrétting sem framleidd er undir ströngu
gæðaeftirliti I# möbeltfakta |.
Til þess að hljóta „MÖBELFAKTA" gæðastimpilinn
þarf viðkomandi framleiðsla að gangast undir röð af
prófum þar sem rannsakaðir eru þættir eins og
ending, handbragð, efni og margt fleira.
„VÉRSAL" eldhúsinnréttingin kostar aðeins
kr. 96.000,-* og fæst til afgreiðslu strax í dag eða
hvenær sem er.
KRINGLUNNI 7 • SIMI 91-686650