Dagblaðið Vísir - DV - 28.11.1992, Blaðsíða 8

8
LAUGARDAGUR 28. NÓVEMBER 1992.
Svipmyndin
Hver var
maöurinn?
Sá sem svipmyndin er af lét sig
dreyma um að verða stjarna á Bro-
adway. Hann hafði hæíileika en
átti enga peninga. En kostnaður við
að setja upp söngleik yrði ekki und-
ir 100.000 dölum.
Af tilviljun hitti hann fjárfestifrá
New Jersey. Hann var reiðubúinn
að leggja fram 25.000 dali. En hann
setti eitt skilyrði. Ástkona hans,
Ginny, yrði að fá að dansa í söng-
leiknum.
Sá sem hér er lýst féllst á það.
Hann neyddist til að nota leiktjöld
sem hentuðu ekki vel. Og það var
ekki sérstaklega vandað til nótna-
bókarinnar. Á allan hátt var reynt
að spara peninga. Söngleiknum var
gefiö nafnið „I’U Sáy She Is!“
Æfingar hófust. Og eftir viku
kom fjárfestirinn með Ginny. Hún
var lagleg en kunni ekki að dansa.
Hún gat ekki náð einföldustu spor-
um. Fjárfestinum einum fannst
hún standa sig vel.
Velgengni...
og hrunið mikla
Frumsýningin gekk vel. Ginny
tók ekki þátt í henni. Einhver að-
standenda söngleiksins hafði gefið
henni lyf sem svæfði hana. Sá sem
hér er lýst fullyrðir að það hafi
ekki verið hann.
En næsta kvöld var hún meö og
dansaði. Fólki var brugðið. Ginny
hélt ekki takti. Við lá aö hún vekti
meiri hlátur en gamanatriðin.
Sá sem svipmyndin er af var sjálf-
ur á sviðinu. En að auki sá hann
um fjölmargt sem tengdist sýning-
unum. Fíárhagurinn var þröngur
og fljótlega þurfti 10.000 dah til við-
bótar svo að halda mætti áfram
sýningunum.
Aftur kom Ginny til hjálpar. Hún
varð ástfangin af einum dansar-
anna. Fjárfestirinn varð viti sínu
fjær. Hann hét því að leggja fram
10.000 dalina ef Ginny yrði rekin.
Sá sem hér er lýst fór á hennar
fund með þessar slæmu fréttir fyrir
hana.
„Hafðu ekki áhyggjur af mér,“
sagði hún. „Ég dansa svo vel að það
verður enginn vandi fyrir mig að
fá starf."
Ginny hætti að koma fram. En
sá sem svipmyndin er af varö fræg-
ur. Hann gat sér frægðar með „Dl’
Say She Is!“ Söngleikiuinn var
sýndur í þrjú ár á Broadway fyrir
fullu húsi.
Nú var hann orðinn fjáður. Þetta
var í lok þriðja áratugarins. Alhr
keyptu hlutabréf. Að sjálfsögðu fór
hann eins aö.
Öhu gilti að vera snöggur þegar
fréttist af góðum bréfum. Einu
sinni hvíslaði einhver stúlka því
að honum að hún hefði heyrt á tal
kunnra fjármálamanna. Sá sem
svipmyndin er af rauk til og keypti
hlutabréf í United Corporation fyr-
ir 160.000 dah.
Árið 1929 sprakk blaðran. Þá varð
kauphallarhrunið mikia. Hann
tapaði öhu fé sínu og varð atvinnu-
laus.
Heimsfrægð
Sá sem hér er lýst hafði byijaö
feril sinn með því að koma fram í
litlum leikhúsum á landsbyggðinni
og þangað leitaði hann nú aftur.
Þar kynntist hann öörum gaman-
leikara, sérstæðum litlum manni
sem gekk með hvítan flibba og
svart shfsi og hafði 50 dah í laun á
viku.
Þeir urðu félagar. Eitt sinn
ákváðu þeir að fara á vændis-
kvennahús í Salt Lake City. Þar
varð konan sem rak það hxifin af
htla manninum. En hann sýndi
henni engan áhuga. Litli maðurinn
kaus heldur að leika við hundinn
hennar aht kvöldið.
Nokkrum árum eftir kauphahar-
hrunið mikla yfirgaf sá sem svip-
myndin er af New York fyrir fuht
og aht. Hann hélt til Hollywood til
að verða kvikmyndaleikari.
Auðvitað tókst honum það. Þar
hlaut hann viðurkenningu. Kvik-
myndahúsgestir hrifust af honum.
AUs lék hann í fjórtán kvikmynd-
um og allar eru þær enn sýndar.
Hann varð líka kunnur golfleik-
ari. Besta árangri sínum náði hann
á golfveUi í San Francisco. Eftir
sextíu og fjögur högg var komið að
sjöundu holu. Kúlan skyldi slegin
af hæð. í nágrenninu var mikið um
slæmar hindranir.
Vinur hans mælti með því að
hann notaði jámkylfu númer
fimm. Sá sem svipmyndin er af
taldi það ráð. Hann náði fullkomnu
höggi! Kúlan flaug eitt hundrað
fimmtiu og fimm metra og rann
beint í holuna. Hann haföi náð holu
í höggi!
Blöðin fréttu af þessu. Sagt var
frá afrekinu undir stórum fyrir-
sögnum á íþóttasíðunum. Frétta-
menn hringdu í þann sem hér er
lýst og hann hét þeim því að sýna
sig aftur á vellinum eftir nokkra
daga.
Þegar hann kom á völlinn var þar
fyrir hópur áhugasamra áhorf-
enda. Ásamt fréttamönnum söfn-
uðust þeir saman við sjöundu hol-
una. í það sinni náði hann þangaö
í tuttugu og einu höggi. Hann sagöi
sjálfur að því hefði mátt þakka hve
vel honum gekk með „púttið".
Það voru einstök geta hans og
leikhæfileikar sem færðu honum
velgengni. En hann fékk líka að-
stoð bræðra sinna. Saman tóku
þeir öllum öðrum fram á sínu sviði.
Hann var líka þekktur sem einn
frægasti vindlareykingamaður
heims.
Hver var hann?
Svarið er á bls. 56
Matgæðingur vikuimar_e
Finnskt
matbrauð
„Finnar boröa brauð með öllum
máltíðum, það er hreinlega ekki
lagt á borð öðruvísi en bera fram
brauð. Þessa uppskrift, sem ég gef
hér, lærði ég af móöur minni. Þetta
er matarmikið og gott brauð sem
ég baka oft,“ segir Astrid Öm Aöal-
steinsson, húsmóðir á Vopnafirði,
matgæðingur vikunnar aö þessu
sinni.
Astrid er frá Finnlandi og fannst
tilvalið aö gefa lesendum uppskrift
að finnsku matbrauði.
Það sem þarf
í matbrauðið þarf:
21 mjólk eða vatn
2 msk. salt
75 g ger
1350 g rúgmjöl
1400 g heilhveiti
2 dl haffamjöl
500 g hveiti
egg og mjólk
Mjóirhringir
Vökvinn þarf að vera volgur þeg-
ar gerið er sett út í stóra skál, má
Astrid örn Aðalsteinsson.
alls ekki vera of heitur (þægileg
velgja ef putta er stungið í). Þá era
eggin sett í og hrært. Þá er þurrefn-
unum bætt í hveiju á fætur öðra
og deigið hnoöað í skálinni (sem
þarf að vera vel stór). Gott er að
væta haframjölið áður en því er
bætt í. Deigið er hnoðaö þar til það
losnar frá skálinni. Þá er smá-
hveiti stráð yfir deigið, stykki lagt
yfir skálina og deigið látið hefast í
um klukkustund.
Þá er deigið tekið og flatt út í
smáskömmtum. Gerðir era um 3
sentímetra þykkir deighringir sem
ekki era stærri en rúmlega 20 sentí-
metrar í þvermál (gott að miða við
pottlok). Úr deiginu fást þannig
10-12 brauð.
Ofninn er hitaður í 225 gráöur.
Fyrst era tvö brauð sett inn neðst
í ofninn, hvort á sína plötuna, og
látin bakast í 6-7 mínútur. Aö því
loknu era brauðin færð upp í miðj-
an ofh og ný brauö sett neðst. Þann-
ig era brauðin bökuð í aðrar 6-7
mínútur og síðan koll af kolli þar
til öll brauðin hafa verið bökuð.
Athugið að þau lyfta sér lítið. Ekki
þarf að nota blástursofh þó að fleiri
en eitt brauð séu inni í einu.
Þegar brauðin era bökuð er gott
að pensla þau með eggi og mjólk
sem hrært hefur verið saman og
leggja yfir þau stykki meðan þau
kólna. Astrid segir þessi brauð góð
með öllum mat.
Astrid skorar á Svandísi Hannes-
dóttur, bamfóstra á Vopnafirði, að
vera matgæðingur næstu viku.
-hlh
Hinhliðin
Skemmtilegast í
stofunni heima
- segir Sigurður B. Stefánsson, stórkapelán Stórstúku íslands
„Bindindis.dagurinn var fyrst
haldinn í fyrra og tókst þá vel. Til-
gangur hans er meðal annárs að
vekja fólk til umhugsunar um það
sem snýr að bindindi og jákvæðum
lífsstíl. Við viljum vekja foreldra til
umhugsunar um uppeldi bama
sinna og styrkja vímulausa ímynd
fjölskyldunnar," segir Sigurður B.
Stefánsson, stórkapelán Stórstúku
íslands, en bindhidisdagur fjöl-
skyldunnar er í dag. Stórstúka ís-
lands stendur að deginum í sam-
starfi við Ungmennafélag íslands
og Hjálparstofnun kirkjunnar.
Sigurður játar að stundum fyllist
templarar svartsýni og finnist bar-
áttan vonlaus en það sem haldi
starfinu gangandi sé þrátt yfir allt
óbilandi bjartsýni á betra ástand í
áfengismálum.
„Við viljum ekki boða bönn. Viö
viljum færa félagsskapinn nær
fólkinu og boða góða ímynd tengda
vímuleysi. Við höfum náð nokkr-
um árangri í þeim efnum,“ segir
Sigurður sem hefur verið banka-
maður í 7 ár og alltaf verið bindind-
ismaður. Hann sýnir á sér hina
hliðina að þessu sinni.
Fullt nafn: Sigurður Benedikt Stef-
ánsson.
Fæðingardagur og ár: 5. október
1967.
Maki: Enginn eins og er.
Böm Engin heldur.
Bifreið: Ford Sierra 1988.
Starf: Bankamaður, starfa í ís-
landsbanka.
Laun: Þokkaleg.
Áhugamál: Félagsstörf, sérstak-
lega þau sem tengjast bindindis-
málum. Svo hef ég áhuga á íþrótt-
um.
Sigurður B. Stefánsson.
Hvað hefur þú fengið margar réttar
tölur í lottóinu? Hef einu sinni feng-
ið fiórar tölur réttar.
Hvað finnst þér skemmtilegast að
gera? Að sinna störfum í þágu
templara. Þá er starfið í bankanum
líka áhugamál.
Hvað fmnst þér leiðinlegast að
gera? Að leysa úr vandamálum
annarra.
Uppáhaldsmatur: Steiktur ham-
borgarhryggur með brúnuðum
kartöflum.
Uppáhaldsdrykkur: Vatn og kaffi.
Hvaða íþróttamaður finnst þér
standa fremstur í dag? Knatt-
spymumaðurinn Amar Gunn-
laugssson.
Uppáhaldstímarit: Ég hef gaman
að öllum viðskiptatímaritum, til að
mynda Fijálsri verslun.
Hver er fallegasta kona sem þú
hefur séð? Claudia Erdorf, þýsk
vinkona mín.
Ertu hlynntur eða andvígur ríkis-
stjórninni? Ég held ég sé orðinn
andvígur henni.
Hvaða persónu langar þig mest til
að hitta? Helmut Kohl, kanslara
Þýskalands.
Uppáhaldsleikari: Clint Eastwood
er alltaf góðm-.
Uppáhaldsleikkona: Meryl Streep.
Uppáhaldssöngvari: Sgríöur Bein
teinsdóttir.
U ppáhaldsstj órnmálamaður:
Steingrímur Hermannsson.
Uppáhaldsteiknimyndapersóna:
Roadrunner, sá sem segir bara bíb-
bíb.
Uppáhaldssjónvarpsefni: Fréttir,
íþróttir og breskir og kanadískir
framhaldsþættir.
Ertu hlynntur eða andvigur veru
varnarliðsins hér á landi? Andvíg-
ur.
Hver útvarpsrásanna finnst þér
best? Eins og stendur þá er FM 95,7
efst á blaði.
Uppáhaldsútvarpsmaður: ívar
Guðmundsson.
Hvort horfir þú meira á Sjónvarpið
eða Stöð 2? Eg horfi mun meira á
Sjónvarpið,
Uppáhaldssjónvarpsmaður: Ólöf
Rún Skúladóttir.
Uppáhaldsskemmtistaður: Stofan
heima hjá mér.
Uppáhaldsmatsölustaður: Geri
ekki upp á milli þeirra.
Uppáhaldsfélag í íþróttum: ÍA.
Stefnir þú að einhveiju sérstöku í
framtíðinni? Að sinna þeim
markmiðum sem ég hef sett mér
og að halda mínum lífsstíl.
Hvað gerðir þú i sumarfríinu? Ég
ferðaðist vítt og breitt um landið
en var þó aðallega í Galtalækjar-
skógi.