Dagblaðið Vísir - DV - 17.12.1992, Blaðsíða 22

30
FIMMTUDAGUR 17. DESEMBER 1992.
öf fjölskyjd
VEIÐIVORUR
GOTT TÆKIFÆRI
Til sölu lítið fyrirtæki með mikla tekjumöguleika.
Hentar vel einstaklingi eða samhentum hjónum.
Verð 1,5 milljónir.
Áhugasamir leggi inn nafn og símanúmer á DV,
merkt „Fyrirtæki 8499", fyrir 22. des. '92.
Saga landsmóta
UMFÍ1909-1990
„Madur yrði aó lilaupa á
fullri feró og láta skeika
að sköpuðu um endalokin,
livort maður laumaðist
œlandi út af vellinum eóa
kcemist i mark"_ (Saga
landsmóta UMFI)
Bókin er 544 síður
í stóru broti með
hátt í 700 ljósmyndum
Fæst í bókaverslunum
Ellert B. Schram.
Bókin er merk
heimild um sögu
landsmóta UMFÍ
sem er snar þúttur
í íþrótta- ogfélags-
lífi landsmanna á
þessari öld. Þetta
er stórskemmtileg
lslandssaga í nýju
Ijósi.
Glæsileg gjöf
SA TlmÚMFÖT
Popp
Kuran Swing: Kuran Swing:
Góður stof udjass
Djass er leikinn á marga vegu og er mismunandi
aðgengilegur. Sumt er það flókið að það er aðeins fyr-
ir þjálfuð tónlistareyru að meðataka, annað er létt og
leikandi og höfðar til breiðs hóps og slík er tónlist
Kuran Swing á ágætri geislaplötu sem nýlega leit dags-
ins ljós. Þar leikur hljómsveitin þekkta íslenska slag-
ara og einnig mikið af frumsömdu efni sem komið er
til skila án alls rafmagns og minnir tónlistin oft á tónl-
ist sem eldri meistarar á borð við Django Reinhard,
Stéphane Grappelli og Sven Asmussen urðu þekktir
fyrir og ekki er hún verri fyrir það. Auk þess bera
meðlimir Kuran Swing gott skynbragð á það sem þeir
eru að gera og eru sum sólóin sem aðallega eru í hönd-
um Szymon Kuran og Björns Thoroddsen frábær og
útkoman verður leikandi og léttur djass sem allir, sem
hafa á annað borð yndi af tónlist, ættu að hafa gaman
af.
í fyrstu er ekki laust við að gömlu slagararnir, sem
Hljómplötur
Hilmar Karlsson
eru eftir Jón Múla Árnason, Sigfús Halldórsson, Hall-
björgu Bjamadóttur og Óðin G. Þórarinsson, veki
mesta athygli enda sérlega góð meðhöndlun hjá hljóm-
sveitinni en eftir að hafa hlustað nokkuð á plötuna
fara gæði þeirra laga, sem meðlimir sveitarinnar hafa
samið, að koma betur og betur í ljós. í lagasmíðinni
fara fremstir í ílokki Bjöm Thoroddsen og Ólafur Þórð-
Kuran Swing. Létt, leikandi og áreynslulaus tónlist.
arson. Lög þeirra er auðvelt að aðgreina enda tónlistar-
legt uppeldi þeirra ólíkt. Björn hefur nær eingöngu
leikið djass frá því hann hóf að leika opinberlega en
Ólafur hefur lengstum leikið með Ríó-tríóinu sem er
þekkt af annarri tónlist en sveiflutónlist. Gott dæmi
um stíl Bjöms er byrjunarlagið í vetrargaröinum, sér-
lega skemmtilegt lag með góðum leik og það einkenn-
ir kannski lög Bjöms í heild hversu frjálsir spilararn-
ir geta leyft sér að vera. Lög Ólafs eru ekki alveg eins
melódísk en þegar honum tekst best upp, eins og í
Gullkálfi og Römm er sú taug, tekur sveitin vel við sér.
Eins og áður segir em Szymon Kuran og Björn Thor-
oddsen mest áberandi en aðrir í hljómsveitinni, Ólaf-
ur, Magnús Einarsson og Þórður Högnason, skila sínu
einnig vel og eiga ekki sístan þátt í að allt fellur saman
í heild sem ánægjulegt er að hlusta á.
Tregasveitin - Tregasveitin:
Gleðigjafar íslenskra blúsgeggjara
Hvemig sem ég reyni man ég ekki eftir því að hrein-
ræktuð íslensk blúsplata hafi verið gefin út fyrr en
nú þegar Tregasveitin lætur í sér heyra með sam-
nefndri plötu. Centaur gaf reyndar fyrir nokkrum
ámm út plötu sem lítið bar á. En stefnan á henni var
frekar blúsrokk en hreinræktaður blús. Þá gáfu Vinir
Dóra út kassettu meö blús fyrir tveimur árum eða
svo. Hún kom út í takmörkuðu upplagi og fór því
óvíða. - Vinir Dóra mættu gjarnan gefa kassettuna
út aftur og þá jafnframt á plötu. Blúsvinir þægju það
með þökkum.
En sem sagt: allt bendir til að Tregasveitin ríði á
vaðið í blúsplötugerð hér. Platan er níu laga. Tvö em
innlend. Annað er eftir Pétur Tyrfingsson. Hitt samdi
Guðmundur, sonur hans. Hin lögin sjö em frá Vestur-
heimi, eftir kappa úr úrvalsdeild blústónlistarinnar.
Auðvitað er mestur fengur að fmmsömdu lögunum.
Það er því miöur afar sjaldgæft að íslensk blúslög séu
gefin út. Helst að Magnús Eiríksson hafi sent slíka
ópusa frá sér á plötum Mannakorns.
Á heildina litið kemst Tregasveitin vel frá sinni
fyrstu plötu. Guðmundur Pétursson ber að sjálfsögðu
af í hljóðfæraleiknum. Pétur karlinn stendur sig einn-
ig með ágætum. Sóló hans eru einföld og nett og fingra-
Hljómplötur
Ásgeir Tómasson
leikfiminni í hóf stillt. Þá syngur Pétur blúsinn einnig
ágætlega, sér í lagi sitt eigið lag, Broken Heart Blues.
- Aðrir Tregasveitarmenn eiga einnig bærilegan dag
og skila góðu verki. Síðan platan var hljóðrituö hafa
reyndar orðið bassa- og trommuleikaraskipti í hljóm-
sveitinni.
Það er því ástæða til að óska Tregasveitinni til ham-
ingju með að vera loksins búin að senda fyrstu plöt-
una sína á markaðinn. Vonandi eiga þær eftir að verða
fleiri í framtíðinni.
Graíík-Sí ogæ:
Þögnin rof in
Hljómsveitin Grafík hefur fengið hlustendur sína til
að lyfta brúnum allnokkrum sinnum á ferlinum.
Sennilega lyftust brúnir þó aldrei hærra en þegar plat-
an Leyndarmál kom út fyrir fimm árum. Á henni kom
Andrea Gylfadóttir fyrst fram á sjónarsvið popps og
rokks, nýútskrifuð úr Söngskólanum. Ekki spillti fyrir
að á plötunni var hvert lágið ööru betra. Leyndarmál
Hljómplötur
Ásgeir Tómasson
var að mati þess er þetta ritar besta plata ársins 1987
og raunar ein sú besta sem var gefin út hér á landi á
níunda áratugnum.
Rúnar Þórisson og Rafn Jónsson, þeir einu sem hafa
starfað með Grafík frá upphafi, ijúfa nú þögnina sem
ríkt hefur síðan Leyndarmál kom út. Á Sí og æ eru
áfján lög. Þar af fjórtán áður útgefin. Nýju lögin fjögur
eru dæmigerð Grafík-lög. Þeirra áheyrilegast er Minn-
ingar sem sómt hefði sér vel á Leyndarmáli um árið.
Hin eru einnig vel yfir meðallagi að gæðum. Vel var
við hæfi að fá Helga Björnsson, gamla Grafíksöngvar-
ann, nú í Síðan skein sól, til að syngja lagið Sóhn skín.
Litlu er hægt að kvarta yfir við val á áður útgefnu
Ein siðasta útgáfan af Grafík, en þá var Andrea Gylfa-
dóttir söngvari hljómsveitarinnar.
efni. Rúnar og Rafn völdu þá leið að hafa með það sem
mestra vinsældir hefur hlotiö með Grafík. Sí og æ er
því frekar það sem kallað er í enskumælandi löndum
Greatest Hits en Best Of. Það er að segja safn vinsæl-
ustu laga en ekki bestu. Hins vegar er það klárt mál að
í mörgum tilfellum hefðu lög af Sí og æ sloppið í gegn-
um síu Rúnars og Rafns ef þeir heföu valið á plötuna
þá tónhst sem þeir telja besta meö Grafík. Lög eins
og Prinsessan, Þúsund sinnum segðu já og Presley,
svo að dæmi séu tekin.
Vonandi er Sí og æ ekki svanasöngur hljómsveitar-
innar Grafíkur. Þótt ekki hafi hún verið áberandi hin
síðari ár sýnir hún og sannar með nýju lögunum ijór-
um að hún á fullt erindi við rokkunnendur enn þann
dag í dag. Það lifir lengi í gömlum glæðum.