Dagur - 21.12.1991, Blaðsíða 23

„Þunginn og hráleikinn
eru svo heillandi“
- segja Baldvin og Jóhann úr thrash/dauðarokkssveitinni Exit
Mörgum til mikillar hrellingar hef-
ur svokallað thrash/death þunga-
rokk skotið djúpum rótum hér á
íslandi líkt og víða annars staðar
í heiminum og á það ekki hvað
síst við um byggðir hér norðan
heiða. Mörgum til hrellingar segir
maður, því vægast sagt eru nei-
kvæðar raddir í garð þessarar
tónlistar háværar og spara henni
ekki kveðjurnar.
En það er nú einu sinni svo að
það eru tvær hliðar á öllum mál-
um og það sem einum kann að
mislíka það líkar öðrum. Því
miður hefur sú staðreynd hins
vegar ekki verið viðurkennd af
þeim sem horn hafa í síðu
thrash/death þungarokks og
þungarokks yfir höfuð, því mál-
flutningur þeirra er oftast ein-
hliða, fullur af fordómum og skiln-
ingsleysi. Þarf ekki annað en að
nefna dæmalausar kenningar
ýmissa „trúarhópa" um að rokk-
arar séu handbendi djöfulsins,
sem bruggi sinn illa seið til að
hremma saklausar sálir, hneppa
þær í viðjar þunglyndis, eiturlyfja
og sjálfsmorðshugleiðinga. Er
þessi málflutningur jafn sannfær-
andi eins og að halda því fram að
ástin, göfugasta tilfinning
mannsins, væri í raun bölvun
vegna allra sjálfsmorðanna sem
beint eða óbeint tengjast henni.
En burtséð frá heimspekileg-
um vangaveltum, þá leitaði
Poppskrifari Dags til einnar af
efnilegri thrash/death sveitum
Akureyrar, Exit, í þeim tilgangi
m.a. að heyra þeirra hlið á mál-
inu og að fræðast um hvað sé
svo heillandi við tónlistina. Exit er
skipuð þeim Baldvin Ringsted
gítarleikara, Jóhanni Elvar
Tryggvasyni söngvara, Magnúsi
Magnússyni trommur, Aðalsteini
Jóhannssyni bassa og Þormóði
Aðalbjörnssyni söngur.
Hitti Popþskrifari þá tvo fyrst-
nefndu og tjáðu þeir honum í
upphafi að Exit hafi orðið alvöru
hljómsveit fyrir rösku ári. Komu
þeir fyrst fram á minningartón-
leikunum um Steinþór Stefáns-
son 12. nóvember í fyrra og var
þá aðeins liðin vika frá því þeir
sömdu fyrsta lagið sitt. Eru þeir
allir úr Glerárskóla nema Þor-
móður, sem kom seinna í hljóm-
sveitina og varð Exit til þar innan
dyra. Nafnið fengu þeir af skilti
einu sem skein skært þegar Ijós-
in voru slökkt í kjallara skólans.
Reyndar segjast þeir hafa hug á
því nú að breyta nafninu, þar
sem þeim finnst það ekki passa
alveg við tónlistina.
Aðspurðir um hvers vegna
þungarokk eða thrash/death rokk
sé þeirra uppáhaldstónlist, en
ekki einhver önnur tónlist, segja
þeir að það sé einfaldlega vegna
þess að meiri kraftur og þungi í
bland við hráleika sé meira
spennandi en annað og að í
thrash/death sé svo mikið um
kaflaskipti sem eru svo heillandi.
Er þeir Baldvin og Jóhann (eða
Balli og Jói) voru inntir eftir hljóm-
sveitum semþeir hafa mest
dálæti á svöruðu þeir að þær
væru margar, allt frá Ozzy
Osbourne, Dio og Iron Maiden til
Metallica, Megadeth, Pestilence,
Paradise lost og Death.
Næst spjölluðum við vítt og
breitt um fordómana sem
Poppskrifara var tíðrætt um hér í
upphafi. Voru þeir Balli og Jói
sammála um að fordómarnir
væru byggðir á sandi og að
mikils misskilnings gætti hjá
þeim sem gagnrýndu Thrash/
deathrokk. Að vísu væru
einhverjar hljómsveitir erlendis
sem meintu það þegar þær
syngja um að dýrka Satan og
þess háttar, en hjá nær öllum
hafi þeta verið eingöngu til að
vekja á sér athygli og storka fólki.
Hins vegar sé það nú orðið úrelt
að þeirra mati að vera með slíka
texta og þeim dytti aldrei í hug að
semja slíka, hvað þá að vera
með einhver dulin skilaboð í
þeim um einhverja vitleysu eins
og haldið er fram úti.
Þá segir Jói ennfremur að ef
allar íslensku thrash/death sveit-
irnar semdu íslenska texta við
lögin eins og þeir í Exit gera,
myndu fordómarnir örugglega
vera minni. (Það kom nefnilega
fram hjá þeim félögum að flestar
ef ekki allar aðrar sveitir á borð
við Exit eru eingöngu með enska
texta.) Þá bentu þeir félagar á
það, sem er örugglega rétt, að
þeir sem mest gagnrýndu, hefðu
minnst hlustað og því væri gagn-
rýnin léttvæg.
Það er því ekki úr vegi að
hvetja alla sem þetta íesa til að
kynna sér thrash/death rokk áður
en skoðun er mynduð á því,
þ.e.a.s. ef menn á annað borð
hafa áhuga á að mynda sér
skoðun, því það er nefnilega
betra að hafa enga skoðun
heldur en einhverja sem byggð
er á fordómum og vanþekkingu.
Að lokum skal þess getið að
Exit er á meðal 22 annarra hljóm-
sveita á spólu sem kallast
SNARL 3. Heitir lagið þeirra á
spólunni Spilafíkn og er hún
fáanleg í KEA.
Exit: Frá vinstri, Jón Elvar, Baldvin, Magnús, Aðalsteinn og Þormóður.
Laugardagur 21. desember 1991 - DAGUR - 23
!|f{? Frostrásin FM 98,7
Útvarp á Noröurlandi með aösetur á Akureyri.
Góð tónlist allan sólarhringinn ★ Getraunir ★ Auglýs-
ingar ★ Fréttapunktar ★ og ótalmargt skemmtilegt.
Frostrásin FM 98,7
Sími 11657 * Útvarp með sál.
Veaia fiölda áskorana kernur I
Jón Hiattason aftur oj; arita
bókina sína Hernámsánn a
Akureyri og Eyjafirðr
í dag kl.10.00-21.00
TÖI
iKVAL
Yfirvélstjóra vantar
á Aron ÞH 105 frá 1. janúar 1992.
Upplýsingar í símum 96-42015 og 96-41492.
Sjúkraliðar!
Sjúkraliða vantar að sjúkra- og eilideild Horn-
brekku Ólafsfirði.
Umsóknarfrestur er til 20. janúar 1992.
Nánari upplýsingar gefa hjúkrunarforstjóri eöa for-
stöðumaöur í síma 96-62480.
AKUREYRARBÆR
Sundlaug Akureyrar
Laust er til umsóknar starf sundlaugarstjóra
við Sundlaug Akureyrar.
Starfiö er fólgið í yfirumsjón meö daglegum
rekstri, verkstjórn, mannaráðningum, fjármálum
og fl.
Æskilegt er aö umsaekjandi hafi reynslu í stjórnun
og rekstri fyrirtækja.
Einnig er laust til umsóknar starf kvenbað-
varðar við Sundlaugina.
Ráöið veröur í störfin frá 1. febrúar 1992.
Laun samkvæmt kjarasamningi STAK og Akur-
eyrarbæjar.
Upplýsingar um störfin gefa íþrótta- og tóm-
stundafulltrúi í síma 22722 og starfsmannastjóri
Akureyrarbæjar í síma 21000.
Umsóknarfrestur er til 7. janúar 1992.
Umsóknareyðublöð fást í starfsmannadeild Akur-
eyrarbæjar Geislagötu 9.
Starfsmannastjóri.