Dagur - 13.03.1993, Blaðsíða 3
Laugardagur 13. mars 1993 - DAGUR - 3
Fréttir
Eins og fram kom í Degi í gær samþykktu forsvarsmenn Vegagerðarinnar að ganga til samninga við Eystein Þ.
Yngvason um sjóflutninga á Eyjafirði með Árnesi, gamla flóabátnum Baldri, sem þessi mynd sýnir.
Sæfari kominn á söluskrá
Eyjafjarðarferjan Sæfari er
komin á söluskrá hjá Ragnar
Johansen & Co. í Noregi.
Dagur hefur undir höndum
afrit úr söluskrá þessa skipa-
miðlara í Noregi sem staðfestir
þetta.
Þar kemur fram að söluverð
skipsins er 2.250.000 norskar
krónur, eða um 21 milljón króna.
Dagur hefur heimildir fyrir því
að sá skipamiðlari í Noregi, sem
hafði milligöngu um sölu skipsins
til íslands á sínum tíma, telji að
hægt sé að selja Sæfara fyrir mun
hærra verð í Noregi.
í gærmorgun var ráðgerður
fundur vegamálastjóra með Guð-
mundi Bjarnasyni, fyrsta þing-
manni Norðurlands eystra, um
ferjumálið og trúlega verður
fundur þingmanna kjördæmisins
um það á mánudag. óþh
Skjaldarvík:
Stöðugildum verði fækkað
Á fundi bæjarstjórnar Akur-
eyrar nk. þriðjudag munu
málefni dvalarheimilis aldraðra
í Skjaldarvík væntanlegá verða
rædd, en ákveðið hefur verið
að fækka stöðugildum þar úr
21,9 í 17. Töluverður halli varð
á rekstri Skjaldarvíkur á liðnu
ari.
Fyrir liggur skýrsla rekstrar-
ráðgjafa um reksturinn í Skjald-
Iðntæknistofnun:
Tveir nýir starfsmenn
með aðsetur á Akureyri
Ákveðið hefur verið að Iðn-
tæknistofnun ráði tvo nýja
starfsmenn, sem hafi aðsetur á
Akureyri. Starfsmennirnir
munu jafnframt stunda
kennslu við Háskólann á
Akureyri og hafa þar aðsetur.
Á undanförnum árum hefur
Iðntæknistofnun lagt aukna
áherslu á samstarf við fyrirtæki
utan höfuðborgarsvæðisins og
reynt að koma til móts við þarfir
þeirra. Að sögn Emils B. Karls-
sonar hjá Iðntæknistofnun hyggst
Iðntæknistofnun bæta þjónustu
sína við fyrirtæki á Akureyri og
nágrenni með ráðningu starfs-
mannanna tveggja. Starfs-
mennirnir verða einkum í sam-
starfi við fyrirtæki í almennum
matvælaiðnaði og í fullvinnslu
sjávarafurða. Einnig er þeim ætl-
að að byggja upp tengsl við fyrir-
tæki á öðrum sviðum, eins og
málmiðnaði og efnaiðnaði.
„Starfsmennirnir munu hafa
takmarkaða kennsluskyldu við
Háskólann á Akureyri og hafa
þar starfsaðstöðu. Þeir munu
kenna við rekstrardeild og sjávar-
útvegsdeild skólans," segir Emil
B. Karlsson. ój
„Hið ímyndaða barn, hið raunverulega barn“:
Málþing að Hótel KEA
í dag verður haldið málþing að
Hótel KEA á Akureyri er ber
yfiskriftina „Hið ímyndaða
barn, hið raunverulega barn“.
Magnús Ólafsson, yfirlæknir
Heilsugæslustöðvarinnar á Akur-
eyri, setur málþingið kl. 9.30.
Olafur Ólafsson, landlæknir er
fyrstur fyrirlesara og fjallar um
uppeldisaðstæður barna á 20.
öldinni
„Nýja barnið, aukin fjölskyldu-
vernd og bætt samskipti" er dag-
skrárliður þar sem Karólína
Stefánsdóttir, fjölskylduráðgjafi,
og Hjálmar Freysteinsson,
heilsugæslulæknir, eru frummæl-
endur.
Að afloknu kaffihléi er komið
að aðalfyrirlesara málþingsins,
Janna Strömberg, sem er sænsk-
ur sálfræðingur og „psykoter-
apeut“, sem hefur um árabil unn-
ið meðferðar- og handleiðslustörf
við heilsugæsluþjónustuna í
Stokkhólmi. Hún hefur víða
haldið fyrirlestra m.a. um með-
göngusálfræði og þróun tilfinn-
ingalffs hjá verðandi foreldrum.
Fyrirlesturinn verður fluttur á
sænsku og ber yfirskriftina „Hið
ímyndaða barn, hið raunverulega
barn“. Stefnt er að því að dreifa
íslenskum útdrætti í upphafi
þingsins, ef mögulegt er, og
umræður fara fram að fyrirlestri
Strömbergs loknum. Lökaorð
málþingsins eru síðan Ólafs H.
Oddssonar, héraðslæknis. ój
arvík þar sem eru lagðar til leiðir
til hagræðingar í rekstri.
Málefni Skjaldarvíkur voru
rædd á fundi félagsmálaráðs 26.
febrúar sl. og þar var samþykkt
að fækka þurfi um 4,8 stöðugildi í
Skjaldarvík, „en endurráða
starfsmenn að öðru leyti til allra
almennra starfa á heimilinu án
skiptingar eftir verkefnum“.
Fram kemur í samþykkt félags-
málaráðs að það muni fá þeim
starfsmönnum sem láta af störf-
um í Skjaldarvík önnur störf. Þá
kemur fram að félagsmálaráð sé
ekki tilbúið til endurráðningar
eða tilfærslu einstakra starfs-
manna að sinni, en samþykkt var
að fela forstöðumanni og deildar-
stjóra öldrunardeildar að kanna
hug starfsmanna í Skjaldarvík til
tilfærslu í önnur störf. óþh
Blönduvirkjun:
Ekki óarðbær fjárfesting
- þótt henni fylgi greiðslubyrði næstu árin
Þorsteinn Hilmarsson upplýs-
ingafulltrúi Landsvirkjunar
segir virkjunina ekki óarðbæra
fjárfestingu, sé til langs tíma
litið. Haft er eftir Magnúsi
Gunnarssyni í DV nýlega að
Blönduvirkjun sé ein af mörg-
um óarðbærum fjárfestingum
sl. 10-12 ár. í blaðinu er jafn-
framt yfírlit yfír áætlaðan
vaxta- og fjárfestingakostnað
sl. 10-12 ár í hinum ýmsu
greinum sem kallaðar eru
óarðbærar í blaðinu. Þar er
Blönduvirkjun dýrust með 15
milljarða, en fískeldi og sjávar-
útvegur með 10 milljarða hvor
grein.
Þorsteinn sagði í samtali við
Dag að ákvörðun um byggingu
Blönduvirkjunar á sínum tíma
hafi byggst á orkuspám. „Orku-
spárnar eru það eina sem menn
hafa í höndunum þegar ákveðið
er hvenær er þörf á nýrri virkjun.
Spárnar reyndust rangar, ekki
bara á íslandi, heldur víðar á
Vesturlöndum. Það er m.a.
vegna vaxandi sparneytni í notk-
un rafmagnstækja og rafhitun á
landinu er minni en búist var við,
m.a. vegna fólksflutninga. Þegar
Blönduvirkjun var ákveðin sáu
menn fram á 4-6% aukningu á
, orkunýtingu á ári, en nýjasta orku-
1 spá gerir ráð fyrir 2% aukningu
næsta áratuginn", sagði Þor-
steinn.
„í Ijósi þess hvernig orkueft-
irspurn hefur þróast þá búum við
við þær aðstæður að ekki er þörf
fyrir afkastagetu Blönduvirkjun-
ar að sinni. Það er ekkert óeðli-
legt að ný vatnsaflsvirkjun nýtist
ekki fyrstu árin, en eins og horf-
urnar eru í dag geta þessi fyrstu
ár orðið nokkuð mörg. En þetta
er mannvirki sem kemur til með
að skila arði og getur enst í 100
ár. Það er alltof fljótt að segja að
þessi virkjun sé óarðbær fjárfest-
ing.“
Þorsteinn segir það mjög hag-
stætt að hafa Blönduvirkjun sem
mótvægi við framleiðsluna á
Suðurlandi og Blönduvirkjun
styrki kerfið, sem sé öryggis-
atriði, t.d. nú þegar stórfelldar
viðgerðir fara fram í Búrfells-
virkjun og a.m.k. ein vél af sex er
alltaf úti. Blanda bæti upp fyrir
samdráttinn í framleiðslu við
Búrfellsvirkjun.
Þorsteinn sagði að það verði að
viðurkennast að það taki óeðli-
lega langan tíma að fullnýta
Blönduvirkjun fyrir almennan
markað, en ef eitthvað gerðist í
stóriðjumálum, t.d. ef reist yrði
álver, þá noti það miklu meiri
orku en Blönduvirkjun framleiði.
Blönduvirkjun hafi að vísu verið
hugsuð til rafmagnsframleiðslu
fyrir almennan markað.
„En því ber ekki að neita að
hún skapar greiðslubyrði núna
næstu árin án þess að mikið komi
á móti í bili. Við höfum lagt fram
peninga sem við fáum ekki til
baka strax, það dregst um nokk-
ur ár. En það er alltaf matsatriði
hvort fjárfesting sem á sér stað of
snemma er offjárfesting.“
Þorsteinn segir orkusölu úr
landi tæknilega mögulega skv.
þeim rannsóknum sem hafa verið
gerðar og að það virðist vera fjár-
hagslega hagkvæmt. En þá sé
verið að tala um framtíðina,
kannski 2005 eða 2007 og óvíst
hvernig að slíku yrði staðið. sþ
O HELGARVEÐRIÐ
Veðurspá Veðurstofu (slands
greinir frá sunnan og suðaust-
an kalda um allt Norðurland
nú í morgunsárið. Er líður á
daginn snýst vindáttin til aust-
urs og í kvöld og nótt verður
hann allhvass af norðaustri
með rigningu. Á sunnudaginn
verður komin suðaustanátt á
ný og hlýtt verður áfram.
Gæludýrasýning
15.-19. mars 1993
...vikuna 15.-19. mars verða til sýnis í
versluninni ýmsir óvenjulegir skrautfiskar.
Til dæmis Ferskvatnsskata,
Diskus og Kónga Pleco.
Auk þess sýnum við dverghund, stóran
páfagauk, kanarífugla, dverghænur o.fl.
Meðan á sýningunni stendur veitum við
10% afslátt á öllum vörum verslunarinnar.
Gæludýraverslun Norðurlands
Hafnarstræti 20, sími 12540.