Dagur - 13.03.1993, Blaðsíða 11
Laugardagur 13. mars 1993 - DAGUR - 11
„Berið hver annars byrðar“
- ráðstefna um málefni atvinnulausra
í samvinnu við landssambönd
launþega og atvinnurekenda
boðar þjóðmálanefnd þjóðkirkj-
unnar til ráðstefnu um málefni
atvinnulausra í Norræna húsinu í
Reykjavík miðvikudaginn 17.
mars nk. Þar verður í senn leitast
við að skilgreina þann mikla
vanda sem atvinnuleysi fylgir og
um leið að skoða nýjar leiðir til
úrbóta, þar sem sjónarmið krist-
innar trúar verða í öndvegi, og
rétturinn til vinnu og gildi vinn-
unnar verða rædd í ljósi hins
kristna mannskilnings. Ráðstefn-
an hefst kl. 13.30 og er öllum
opin og án þátttökukostnaðar.
Kirkjuþing 1992 beindi því til
þjóðmálanefndar að efna til
slíkrar ráðstefnu um leið og þing-
ið hvatti presta, héraðsnefndir og
söfnuði þjóðkirkjunnar til að
veita þeim aukna sálgæslu,
fræðslu og leiðsögn, sem hafa
orðið fyrir barðinu á atvinnu-
leysi. Var nefndinni falið að hafa
samráð við samtök atvinnurek-
enda, launþega, sveitarfélaga og
landssamtök atvinnulausra.
Þjóðmálanefnd hefur haldið
nokkra fundi með allstórum hópi
úr röðum ofangreindra samta'ka
og boðar nú í samvinnu við þau
til ráðstefnu sem hefur að yfir-
skrift orð Páls postula í Galata-
bréfi: „Berið hver annars
byrðar“. Hugmyndin með þeirri
yfirskrift er að kalla í nafni kirkj-
unnar til samstöðu með þeim sem
nú líða fyrir atvinnumissi og leita
leiða til úrbóta sem unnt er að
sameinast um. Ætlunin er að
færa umræðuna um málefni at-
vinnulausra úr þeim farvegi sem
einskorðast við efnahagssamdrátt
og ytri þrengingar og nálgast
umfjöllunarefnið frá jákvæðri
hlið, þar sem kall trúarinnar til
samábyrgðar hljómar og réttur-
inn til að sjá sér og sínum far-
borða og gildi vinnunnar fyrir
andlega og líkamlega heilbrigði
verða skoðuð í ljósi hins kristna
mannskilnings.
í samþykkt Kirkjuþings var
áhersla lögð á „félagslegt réttlæti
á tímum samdráttar“. Þau orð
fela í sér áminningu sem tekur til
víðara sviðs en þess eins sem tak-
markast við atvinnuleysið og þá
sem þess gjalda. En að hafa tæki-
færi til að nýta krafta sína og axla
ábyrgð á framfærslu heimilis og
fjölskyldu með vinnuframlagi
sínu er mörgum spurning um
mannréttindi. Og það er skylda
allra að sameinast um að tryggja
þau mannréttindi eins og önnur.
Heiti þriggja helstu efnisflokka
gefa nokkra hugmynd um við-
fangsefni þessarar ráðstefnu:
„Gildi vinnunnar“, - „Afleiðing-
ar atvinnuleysis og félagsleg
úrræði“ - og „Þjónusta kirkjunn-
ar og stuðningstilboð“. Fyrir-
spurnir verða leyfðar eftir hvern
málaflokk og almennar umræður
í lokin.
Ávörp flytja Hjörtur Eiríks-
son, framkvstj. Vinnumálasam-
bands samvinnufélaganna og
Ögmundur Jónasson, formaður
B.S.R.B.
Fyrirlesarar verða: Pétur Pét-
ursson, heilsugæslulæknir; Hólm-
fríður Gunnarsdóttir, verkefnis-
stjóri vinnuverndarársins; Dr.
Sigurjón Árni Eyjólfsson,
prestur; Eyjólfur Guðjónsson,
fulltrúi fólks í atvinnuleit; Jón
Björnsson, félagsmálastjóri á
Akureyri; Sr. Ólafur Oddur
Jónsson, sóknarprestur; Halldór
Kr. Júlíusson, sálfræðingur; Sr.
Jón Dalbú Hróbjartsson, prófast-
ur og Ragnheiður Sverrisdóttir,
fræðslufulltrúi.
Þjóðmálanefnd kirkjunnar
boðar til þessarar ráðstefnu í
samvinnu við Vinnuveitendasam-
band íslands, Vinnumálasam-
band samvinnufélaganna, Al-
þýðusamband íslands, Bandalag
starfsmanna ríkis og bæja,
B.H.M.R., Kennarasamband ís-
lands, Vélstjórafélag íslands og
Stéttarsamband bænda.
Íþróttir
®>TOYOTA Tákn um gœöi
“ÍDSK^ourb1ll
Sýnum um helgina
nýjan bíl frá Toyota
STARLET
Starlet er fáanlegur bæði 3 og 5 dyra.
Verð frá kr. 939.000 á götuna.
Bráðskemmtilegur bíll. Reynsluakstur.
Snarpur ☆ Lipur ☆ Hagkvæmur
Opið laugardaginn 13. mars frá
kl. 10.00-17.00, sunnudaginn 14. mars frá
kl. 13.00-17.00.
Bílasalan Stórholt
Óseyri 4, sími 23300.
Úrvalsdeildin í körfubolta:
Tindastóll vann Blika en
verður að treysta á sigur
Snæfellinga gegn KR
Tindastóll vann sanngjarnan
og öruggan sigur á Breiðabliki
í Digranesi á fímmtudags-
kvöldið í Úrvalsdeildinni í
körfubolta, 75:114, en Blik-
arnir eru fallnir í 1. deild. A
sama tíma tapaði KR fyrir
Skallagrími í Borgarnesi,
58:55, og því verða Tindastóls-
menn að vona að KR tapi einnig
nk. sunnudag fyrir Snæfelli til
þess að sleppa við aukakeppni
við það lið sem lendir í öðru
sæti í 1. deild um setu í Úrvals-
deildinni keppnistímabilið
1993-94. Grindavík tryggði sér
sæti í úrslitakeppninni með
sigri á Snæfelli í Stykkishólmi,
73:106. Lið ÍBK og Hauka eru
einnig komin í úrslitakeppnina
en Snæfell verður að vinna KR
á sunnudag til að tryggja sér
sæti í úrslitunum.
Leikurinn var aðeins jafn í
byrjun en þá þá tóku Stólarnir
frumkvæðið eftir að Blikarnir
höfðu komist yfir 19:16 en Páll
Kolbeinsson fór úr liði á fingri í
byrjun leiksins og varð að fara á
slysavarðstofu til að „redda mál-
inu“ og lék ekki meira eftir það.
Bandaríkjamaðurinn Foster fékk
þrjár villur snemma í leiknum og
lék ekki meira með þar til í seinni
hálfleik en þriðja villan var sókn-
arvilla sem hann var mjög ósáttur
við. Það var hins vegar Valur
Ingimundarson ásamt ungu leik-
mönnunum í Tindastól sem hélt
liðinu á floti í fyrri hálfleik og lið-
ið var yfir í hálfleik, 37:40 og
gerði Valur 18 af þeim stigum.
Hittnin var því frekar slök en
þess ber að geta að mótstaða
Blikanna var oft á tíðum ekki
burðug.
Foster kom svo aftur inn á í
síðari hálfleik og jókst þá for-
skotið hægt og örugglega og
mátti sjá á stigatöflunni 50:63,
50:69, 53:7.1 og 59:84 og Sauð-
krækingar komnir með örugga
forystu. Stigahæstur í liði Tinda-
stóls var Valur Ingimundarson
með 40 stig og skoraði hann
þriggja stiga körfu er 3 sekúndur
voru til leiksloka, Ray Foster var
með 21 stig, Ingvar Ormarsson
17, Björgvin Reynisson 8, Hinrik
Gunnarsson 8, Ingvi Þór Rúnars-
son 7, Stefán Sveinsson 7, Karl
Jónsson 4 og Kristinn Baldvins-
son 2. Hjá Blikum var Joe
Wright allt í öllu og jafnframt
stigahæstur með 38 stig en þeir
urðu snemma í leiknum fyrir
blóðtöku er Grissom meiddist á
ökla og var ekki með í seinni
hálfleik. Valur Ingimundarson
var mjög ánægður í leikslok,
sagði að ungu mennirnir hefðu
skilað sínu hlutverki í leiknum og
það hefði verið mjög ánægjulegt
að þeir skyldu allir skora.
SV/GG
Knattspyrna:
Firma- og
félaga-
keppni Þórs
Laugardagana 20. og 27. mars
nk. verður haldin firma- og félaga-
keppni knattspyrnudeildar Þórs í
innanhússknattspyrnu. Keppnin
fer fram í íþróttaskemmunni.
Þátttöku skal tilkynna í Hamar
í síma 12080 fyrir kl. 19.00
fimmtudaginn 18. mars nk.
Norðlenskir dagar
Verðlaunagetraun
Takið eftir!
Svona er myndagátan rétt.
Lausnir sendist til:
Norðlenskir dagar,
Ingvi Guðmundsson
Kaupfélag Eyfirðinga
600 Akureyri
Veitt verða ein verðlaun:
Vöruúttekt í einhverri matvöruverslun KEA
að upphæð kr. 8.000.-