Dagur - 21.01.1995, Side 11

Laugardagur 21. janúar 1995 - DAGUR -11
um konu sem svona heföi ort fyrir 60
árum? Ef til vill er það vegna skiln-
ings og upplifunar af þessu tagi sem
Davíð höfðaði eins sterkt til kvenna
eins og raun ber vitni og sögur eru af.
Davíó flaug hátt á fjöðrum svörtum,
hann flaug svo hátt að það hlýtur að
hafa verið erfitt aö halda því flugi en
honum tókst það sannarlega í fyrstu
bókum sínum.
Annars er rétt að hafa þaó hugfast
að það er alltaf afstætt hvað þykir gott
því aó dómar eru ætíð byggðir á hefð-
bundnum smekk samtíðarinnar hverju
sinni.“
- Þekktir þú Davíð?
„Ég sá hann aldrei. Ég var í gagn-
fræóadeild Héraðsskólans á Laugum
þegar Davíð dó og hafói ekki oft kom-
ið til Akureyrar en ég man eftir því að
þá var haldin minningardagskrá vegna
andláts skáldsins.
Hins vegar var ákveðin goðsögn
bundin nafni Davíðs og ýmsar sögur
gengu um líf hans og ástir. Valdi á
Kálfaströnd í Mývatnssveit var kunn-
ingi Davíós, fór meðal annars með
honum til Ítalíu. Valdi var bóndi góð-
ur og pössunarsamur sem hafói a!la
jafna ekki áfengi um hönd en það var
sagt í Mývatnssveit að um þaó bil
einu sinni á ári kæmi hann til ráðs-
konu sinnar og segði: „Ása, Ása, hvar
er tappatogarinn? Davíð er kominn.“
En kynni mín af Davíð eru af
skáldinu í gegnum Ijóóin hans. Hvar
og hvenær kynntist ég þeim fyrst?
Einhvem veginn finnst mér ég heyra
pabba raula fyrir mig þegar hann
svæfði mig á kvöldin:
Rokkarnir eru þagnaðir
og rökkrið orðið hljótt.
Signdu þig nú barnið niitt
og sofnaðu rótt.
Lullu, lullu bía
og láttu það ekki sjá,
hvað augun þín eru
yndislega blá.
Seinna raulaði ég þetta ljóó svo
fyrir bömin mín. En ljóð Davíðs seitl-
uðu snemma inn í vitund mína,
Mamma ætlar að sofna, Hrafnamóðir-
in og Brúðarskómir og svo mætti
áfram telja.“
- Það eru þá ljóðin sem þetta
snýst um?
„Já, ég var ákveðinn í því að verk-
ið yrði ekki endursögn á sögum af lífi
Davíðs, án þess aö ég gerói mér grein
fyrir hvernig, hvorki sönnum eóa
lognum eða tilraun til að endurskapa
persónur. Heldur var það ætlun mín
að reyna að lofa skáldinu sjálfu að tala
til okkar í gegnum verkið án frekari
túlkunnar af minni hálfu. I gegnum
ljóðin fáum við eina tækifærið til að
kynnast honum, við fáum aldrei að
hitta hann sem persónu. Þessi ljóó
veróa hins vegar aldrei skilin sam-
ræmdum skilningi, engir tveir skilja
þau á sama hátt, Ijóóin em hafin yfir
staó og tíma.“
- Samt sem áður hlýtur verkið Á
svörtum fjöðrum að vera þín sýn,
þitt val á verk skáldsins?
„Auðvitað, hjá því verður ekki
komistj Davíð yrkir en ég vel úr og
tengi. í ljóðum Davíðs er fjölbreyti-
leiki sem mig langaði til að láta njóta
sín. Annars er þaö andstætt andanum í
skáldskap Davíðs að ætla aó skil-
greina hann. Skilgreiningar þurfa ekki
önnur skáld en þau sem fólk á erfitt
með að skilja. En Davíð hitti samtíö
sína í hjartastað.
Davíð er nýrómantískt skáld og
þar er oft skammt milli hæstu hæöa og
íægsta djúps, Davíð gat verið reiður,
kátur, vonsvikinn, mildur, beygður
eóa bjartsýnn. Tvíeðlið togast á í sál
hans.
Ég erfriðlausi fuglinn
seni finnur sinn villta þrótt...
í hjartanu hálfu er dagur -
í hálfu kolsvört nótt.
Ég vona að verkið endurspegli
þcssar andstæður og leikhúsgestir nái
að upplifa þær. En verkið er ekki aó-
eins þáttur minn og Davíðs, þar við
bætist þáttur leikhússins. Sviðsetning-
in, leikstjóm og túlkun leikara. Allt
hlýtur þetta að hafa áhrif á þann sem
nýtur. Hlutur Þráins Karlssonar Ieik-
stjóra er geysilega stór í þessu verki.
Sviösmyndin hans er einföld en mér
fínnst hún vel við hæfi. Skáldið er í
heiðurssæti, ekki maðurinn Davíó,
umhverfi hans eða lífsmynstur heldur
ljóðið. Leikritið er ein heild, samfelld
sý'ning byggð á tuttugu og einu atriði.
Ég hef fylgst með æfingum og hef
haft mikla ánægju af því að fylgjast
með persónunum lifna vió túlkun leik-
aranna. Nú veit ég aö þaó er ekki aó-
eins þolinmæöisverk að skrifa, hvaó
þá að reyna aó koma hugsunum ann-
ars manns á framfæri í gegnum sig,
heldur er leikstjóm og leikur gífurlegt
þolinmæðisverk og ögun. Mér sýnist
að þau ætli að koma þessu mjög vel til
skila.
Auðvitaó er hægt að gefa ákaflega
misjafna tilfinningu fyrir skáldi með
þessu móti. Þessi sýning er ekki hugs-
uð sem úrval eða sýnisbók úr ljóðum
Davíðs heldur er ætlunin að sýna
ákveóinn sálarspegil, sem engan veg-
inn má skiljast svo þröngum skilningi
sem brot úr persónulegu lífi Davíðs
heldur sem ákveðið viðhorf til lífsins.
Annars er það áhorfenda að
skynja og skilja. Ég ætla ekki aó troða
upp á þá neinum ákveðnum skilningi
og allra síst fyrir fram. Ef þeir ná að
lifa sig inn í sýninguna og njóta henn-
A Leikstjórinn og höfundurinn
ráða ráðum sinum. Þráinn Karlsson
og Erlingur Sigurðarson.
ar þá er það vísbending um að sæmi-
lega hafi til tekist að koma anda
skáldsins og ljóðum á framfæri. Ljóð-
um um...
ástina...
Ég get verið ástfanginn út ífingur-
gónia,
- einkanlega á vorin: Það er best.
gleðina...
Ég gleðst, því að gleðin er mín.
Eg geng ekki í munkanna spor.
Eg elska ástanna vín
og œskunnar hlœjandi vor.
útþrána...
Ég vilfarajara eitthvað
langt langt í burt.
Svo enginn geti að niér sótt,
enginn til mín spurt.
og einveruna...
Eg á ekki lengur leið nteð neinum, -
lífsþrá mín dofnar vinir hverfa sýn.
þess vegna vonleysið...
Við kofadyrnar sér dauðinn hreykir
og dinglar yfir ntér Ijánum.
En kringum mig ótal drýsildjöflar
dansa á tánum.
og vonina...
Framundan finnst mér ég inn í
fagra heinia sjál...
Sé ég, sé ég, til Logalanda
þar seni vorsins englar anda
í óslökkvandi glœður
og krýnd og heilög ástin eina
öllum löguni rœður.
Þetta em tilfinningar sem blunda í
hverri sál. Hver og einn hlýtur því að
mæta sjálfum sér þegar hann sest nið-
ur í Samkomuhúsinu og ætti aó finna
samhljóm með skáldinu í eigin sál.“
- Leikrit sem byggt er nær
eingöngu á ljóðum hlýtur að hafa
nokkra sérstöðu?
„Já, það segir sig sjálft að þetta er
ekki „venjulegt“ leikrit með ákveðinni
framvindu og fléttu.
Þá komum við enn og aftur að því
að þetta á ekki að vera endursköpun á
persónu Davíðs eða endursögn á at-
burðum úr lífi, heldur tilraun til að
túlka á sviói þaó líf sem ljóðin geyma,
því að ljóðið er líf, og lífið er ljóó.“
KLJ
Aðalfundur
Golfklúbbur Akureyrar boöar til aðalfundar
laugardaginn 28. Janúar nk. að Jaðri ki. 14.00.
Auk venjulegra aðalfúndarstarfa samkvæmt lögum
félagsins, verður tekin fyrir tillaga til lagabreytinga
sem liggur frammi á fundarstað.
Stjórnin.
Kaffihlaðborð
alla sunnudaga
PKafiBrlv
Lindin við Leiruveg
sími 21440.
_____________________r
Húsavíkurkaupstaður
Leikskólastjóri
Staða leikskólastjóra við nýjan leikskóla sem verið
er að koma á fót hjá Húsavíkurkaupstað er hér
með auglýst laus til umsóknar.
Leikskólastjóra er ætlað að koma til starfa sem fyrst og
taka þátt í að skipuleggja hinn nýja leikskóla. Sam-
kvæmt lögum nr. 78/1994 um leikskóla skal leikskóla-
stjóri hafa menntun leikskólakennara.
Laun samkvæmt kjarasamningum leikskólakennara.
Umsóknum skal skila á bæjarskrifstofuna á Húsavík,
Ketilsbraut 9, 640 Húsavík fyrir 1. febrúar nk.
Upplýsingar veita bæjarstjóri eða bæjarritari í síma 96-
41222.
Bæjarstjórinn á Húsavík.
unnat
16) 22214.
Krónunni,