Dagblaðið Vísir - DV - 16.01.1995, Blaðsíða 12
12
MÁNUDAGUR 16. JANÚAR 1995
Spumingin
Finnst þér rétt að koma
á tilvísanakerfi til
sérfræðinga?
Bergþór Magnússon: Nei, ég er á
móti því.
Pétur Blöndal: Nei, ég er ekki alveg
sammála því.
Júlíus Stephensen: Ég er á móti því.
Jakob Jóhannsson: Já, mér finnst
þaö.
Jón Már Þorvaldsson: Já, mér finnst
þaö rétt ráðstöfun. Heimilislæknar
geta ráðiö fram úr mörgu sem sér-
fræðingar gera.
Þorsteinn Magnússon: Alls ekki,
bara til aö auka óþægindi.
Lesendur
i------------------
Vélsleðamenn
gerist félagar
Sævar Reynisson, form. Landssam-
bands ísl. vélsleðamanna, skrifar:
Landsamband íslenskra vélsleða-
manna, skammstafaö LÍV, var stofn-
að 1984 í Nýjadal á Sprengisandi.
Þeir sem að þessu stóðu voru vanir
fjallamenn sem höfðu ferðast um
hálendi landsins árum saman.
í lögum félagsins er gert ráð fyrir
að stjórn þess flytjist á milli lands-
hluta á tveggja ára fresti, og eru nú
sex ár síðan stjórnin hefur setið á
suðvesturhomi landsins. Núverandi
stjórn er staðsett þar og mun það
vera samdóma álit allra þeirra sem
að þessum málum standa að nauð-
synlegt sé að breyta lögum LÍV,
þannig að framvegis verði stjórn
staðsett á höfuðborgarsvæðinu. - Er
væntanleg tillaga að lagabreytingu í
þessa veru á næsta aðalfundi.
Á þessu nýbyrjaða ári munum við,
í stjórn LÍV, hefja samstarf við Björg-
unarskóla Landsbjargar og SVFÍ, um
að haldnir verði skemmti- og
fræöslufundir um vélsleðamennsku.
Á þessum fundum verða fyrirlesarar
úr hópi reyndra vélsleðamanna og
björgunarsveitarmanna sem ræða
um mál sem koma öllum vélsleða-
mönnum til góða. Sérstaklega er þess
vænst, að þeir sem minna eru vanir
og tiltölulega sjaldan fara í vélsleða-
ferðir mæti á þessa fundi. Aðgangur
verður ókeypis að þessum fundum
og verða þeir auglýstir nánar í fjöl-
miðlum.
Stjórnin hefur nú skipulagt mikið
starf á komandi vetri. Af því helsta
má nefna: mánaðarleg fréttabréf fé-
lagsins, Sleðafréttir. Vandað ársrit
félagsins, Vélsleðinn, er nú nýkomið
út og hefur verið sent félögunum. -
Síðan verða haldnir félagsfundir í
Skíðaskálanum í Hveradölum í jan-
Vélsleðamenn þurfa að fylgjast með hagsmunum sínurn á mörgum vigstöðv-
um.
úar og febrúar og jafnvel síöar ef fé-
lagar hafa áhuga á. í aprílbyrjun
verður haldið landsmót í Kerlingar-
fjöllum og munu reyndir vélsleða-
menn sjá til þess að farnar verði
hópferðir í Kerlingarfjöll undir leið-
sögn reyndra manna.
Það er mjög mikilvægt að allir þeir
sem eiga vélsleða og stunda þetta
skemmtilega áhugamál gerist félagar
í landssambandinu, LÍV. Ekki er nóg
að félögum sé sent fréttabréf og upp-
lýsingar um sportið, heldur skiptir
miklu máli, að vélsleðamenn myndi
sterka heild til að tryggja hagsmuni
sína. Vélsleðamenn þurfa að fylgjast
með hagsmunum sínum á mörgum
vígstöðvum, þar sem fjallaö er um
þeirra málefni. - Fulltrúar vélsleða-
manna sitja í nefndum á vegum Nát-
úruverndarráðs og Umferðarráðs,
svo eitthvað sé nefnt.
Verjum símanúmer okkar
Helgi skrifar:
Nú áformar Póstur og sími að
breyta upp á sitt eindæmi öllum
símanúmerum landsmanna. Fólk
sem hefur haft sín númer mann fram
af manni skal fá ný. Fyrirtæki skulu
prenta öll bréfsefni upp á nýtt, og
auglýsingaskilti landsmanna skulu
verða úrelt.
Allt þetta hefur gífurlegan kostnað
í för með sér og hann leggst á við-
skiptavinina, fólkið í landinu. Þetta
er þó ekki það versta. Það sem verra
er að öll símtöl lengjast. Að meðal-
tali lengist hvert símtal, og einnig
þau þar sem samband fæst ekki, um
eina og hálfa sekúndu. - Þar sem
milljarðar símtala fara fram á hveiju
ári fer þarna gríðarlegur tími í súg-
inn.
Símar verða mun lengur upptekn-
ir, erfiðara verður að ná tLL fyrir-
tækja og fólki verður minna úr verki.
Hinar fyrirhuguðu breytingar koma
því ilia við alla landsmenn.
Nú er fólki nóg boöið. - Rísum upp
og mótmælum. Tökum okkur saman
um að draga úr símnotkun, hringjum
ekki í 03 eða 04 o.s.frv. - Ætti það að
sýna forsvarsmönnum Pósts og síma
fram á alvöru málsins.
Þjófur í kirkjugarði
Ingunn Jónsdóttir tiíslason skrifar:
I DV sem út kom 17. desember sl.
gat að líta brot úr bók eftir Friðrik
Þór Friðriksson kvikmyndagerðar-
mann, undir yfirskriftinni „Brota-
löm“. - Þar lýsir hann því hvernig
hann varð sér úti um aukatekjur
þegar hann var í vinnu í kirkjugörð-
um Reykjavíkur.
Orðrétt segir þar: „Einhverju sinni
fékk ég þá snjöllu hugmynd að safna
öllum kopar, sem fyrirfyndist í Foss-
vogskirkjugarði, bijóta hann og
bræða og selja síðan.... Eftir heillar
nætur strit höfðum við gjörsamlega
hreinsað allan kopar úr garðinum,
hvort sem það voru stafir, krossar,
styttur, englar eða dúfur. ... Við
bræddum koparinn, seldum og feng-
um gott verð fyrir.“
DV áskilur sér rétt
til að stytta
aðsend lesendabréf.
I Fossvogskirkjugarði. - Koparlaus
kirkjugarður?
Nú vill svo einkennilega til að á
þessari „snjöllu" hugmynd eru tvær
hliðar. - Koparstyttur í kirkjugarði
eru venjulega vottur um virðingu og
umhyggju fólks fyrir minningu ást-
vina sinna. Mér og fjölskyldu minni
varð því ónotalega við fyrir nokkrum
árum, þegar koparstyttu var rænt
af leiði sem okkur er kært. Um svip-
að leyti urðu ýmsir fyrir viðlíka
reynslu, svo segja má, að kopar hafi
verið „gjörsamlega hreinsaður" úr
garðinum eins og komist er aö orði
í ofannefndri klausu.
Við höfum velt því fyrir okkur,
hver hafi orðið örlög þessa litla lista-
verks, sem var eftir Magnús Á. Árna-
son. En hér er e.t.v. skýringin? Lög-
reglunni tókst nefnilega aldrei að
upplýsa máhð - hefur kannski ekki
hugkvæmst að byrja á því að yfir-
heyra starfsmenn kirkjugarðsins.
Þar sem tahð var viö hæfi í DV að
auglýsa umrædda bók, með því að
lýsa umræddum koparstuldi, eru
þessar hnur stílaðar til birtingar með
fyrirspurn um hvert unnt sé að snúa
sér í svo sérstæðu máli.
Lesendasíöa DV vonar að hér með
sé vísbendingum komið á framfæri
til rannsóknaraðila málsins frá bréf-
ritara sjálfum.
Verðhækkanir
vinsjkistjórna
Kristján hringdi:
Það má merkilegt vera, hvernig
almenningur lætur sig hafa það
þegar vinstri stjórnir ráða hér,
þá hvorki æmtir fólk né skræmt-
ir þegar verðhækkanir dynja yfir.
Þannig var það í síðustu vinstri
rikisstjóm, og eins er þaö nú
undir vinstri stjórn borgarmeiri-
hlutans. Það eru hækkuð leik-
skólagjöld sem nemur um 30%
og enginn segir neitt! Sama gildir
um holræsagjald í Reykjavík. -
Svo þegar íhaldsmeirihlutinn
kemst að, líkt og nú er um rikis-
stjórn, eru alhr snælduvitlausir
þótt nauðsyn beri til að hækka
opinber gjöld og skatta. Ein-
kennileg afstaða!
Tilffærsla greiðslu-
kortaftímabila
Björn Ái-nason hringdi:
Það nær ekki nokkurri átt að
sumar verslanir og þjónustu-
stofnanir leyfi sér að hringla með
greiðslukortatímabilin. Síðast í
morgun (fimmtud. 12. janúar)
auglýstu nokkrar verslanir að nú
hæfist nýtt greiðslukortatímabil
hjá þeim. Þetta ruglar korthafa
veralega og maður veit aldrei
hvenær maöur getur lokað upp-
gjöri hjá sér þegar þetta gengur
svona fy rir sig. Greiðslukortafyr-
irtækin ættu að banna þessa mis-
notkun á kortunum, og láta alla
halda sig við 17. hvers mánaðar.
Þorsteinispilaðút?
Ármann hringdi:
Ég get, ekki betur séð en um það
hafi þeir utanríkisráðherrann og
forsætisráðherrann sammælst,
að spila Þorsteini Pálssyni sjáv-
arútvegsráðherra út ef svo má
segja. Þegar forsætisráðherra
tekur undir þá ákvörðun utan-
ríkisráðherra að mæta ekki á
fund sjávarútvegsráöherra
Kanada - með því segjast sjálfur
ekki mæta á ráðstefnu þá sem hér
var boðað til um fiskveiðimál,
verður ekki litið á samstöðu þess-
ara tveggja ráöherra öðruvísi en
að verið sé að refsa Þorsteini.
Ummæli hans eru þó allrar at-
hygli verð og mun skynsamlegri
en hinna tveggja í jíessu sam-
bandi. - Þetta er e.t.v. byrjunin á
útstrikunum ráðherraefna fyrir
Sjálfstæðisfiokkinn eftir kosn-
ingar?
Ófullkomnarsjón-
varpsfrétftir
A.Þ.Á. hringdi:
Það er ekkert vit í því að hafa
fréttatima sjónvarpsstöðvanna
svona hvorn ofan í öðrum. Sjón-
varpiö (eða þá Stöð 2 ef Sjónvarp-
ið sér ekki hagkvæmnina) ætti
að flytja kvöldfréttir kl. 22 og
hafa þá heila klukkustund fyrir
fréttirnar. I dag eru sjónvarps-
fréttir mjög ófullkomnar og stutt-
ar, þetta 15-20 mínútur mest,
sundurlausar og fálmkenndar.
99-15-00
Lesendaþjónusfta
DVopinallan
sólarhringinn
Til að mæta lesendum DV og
öðrum sem vilja koma á framfæri
skoðunum sinum á einu eða öðru
í umræðu dagsins bjóðum við
þeim að hringja inn til blaðsms i
síma 99 -15 - 00 og skilj a eftir talað
mál eða skilaboð. Þjónusta þessi
er opin allan sólarhringinn. í
þessu númeri má heyra frekari
upplýsingar um framkvæmdina.
Mínútan kostar kr. 39,90.
- Eins og áður áskilur DV sér
rétt til að stytta aðsend lesenda-
bréf og skilaboð gegnum símann.
- Fastur símatími fyrir lesendur
er að venju milli kl. 14 og 16 í
aðalsímanúmeri DV, 563 2700.
(
(
<
i
i
í
í
i
i
<
i
4
4
4