Dagblaðið Vísir - DV - 28.01.1995, Blaðsíða 8
8
LAUGARDAGUR 28. JANÚAR 1995
Vísnaþáttur
Jakob
Thorarensen
Jakob Thorarensen fæddist 18.
maí 1886 á Fossi í Hrútafirði í Vest-
ur-Húnaþingi en ólst upp á Strönd-
um. Jakob nam trésmíði í Reykja-
vík 1905-9 og tók sveinspróf í þeirri
iðn 1910. Fyrri hluta ævinnar
stundaði hann húsgagnasmíði en
upp úr fertugsaldri helgaði hann
sig ritstörfum einvörðungu. Jakob
gaf út ein 10 ljóðasöfn um æfi sína
og fjölda smásagnasafna.
Víst er það að siðleysi hvers konar
hefur aukist ár frá ári og guð og
góðir siðir lítils eða einskis metnir.
Er þessi ályktun Jakobs máske
ekki svo ólíkleg skýring á þessari
hnignun:
Heldur ætla ég þessa þjóð
þróttar minni í dyggðum,
síðan fjandinn fór úr móð
Fróns í öldnu byggöum.
Kannski skýrir næsta vísa það
hvers vegna vísnaþátturinn fær
inni og tórir þrátt fyrir að hvar-
vetna bíði göfugar vísdómsgreinar
sem ekki er fært að birta vegna
plássleysis:
Ansi reynist rúmfrekt hér
ruglið bjána og hengsla.
Allt sem birta blöðum ber,
bíður vegna þrengsla.
Gott er að geta tekið forskot á
himnarikissæluna. Svo kveður
Jakob:
Hún er slík að sveinninm sá,
sem að nýtur Fríðar,
hann á enga heimting á
himnaríki síðar.
Snuðrar mjög um mammonsbúr
margur lána-seppi,
en skatnar fæstir skilst mér úr
Skilamannahreppi.
Trúi ég að eitthvað hafi gasprið og
gusugangurinn verið hjá þeim
kappa er Jakob yrkir svo um:
Þennan oft við undrumst mann,
öfugt snið hans mundi,
guð hefði átt að gera hann
að geltnum sveitahundi.
Eins og tíðarandinn er i dag meðal
neyslufíkla og mammonsdýrkenda
í samtíð vorri á þessi aldarfars-
lýsing engu síður við nú en þá:
Vísnaþáttur
Valdimar Tómasson
Eitthvað hefur íhaldssemin angrað
Jakob bónda er hann kveður svo
um hin yngri skáldmenni af skóla
Magnúsar Ásgeirssonar:
Mánnkyn hryggist margan veg
myrkur byggir geiminn;
efnishyggjan ógurleg
yfir skyggir heiminn.
Einn sé prófstíll allra þar:
Engum bót skal mæla
þeim, er Magnúss þýöingar
þrjóskast við að stæla.
Úrræði Jakobs eru reynandi ef ekki
sést önnur leið:
Oft er lífsins úfinn mar.
Ást og hatri ei lyndir.
Eina leið til auðmýktar
er, að drýgja syndir.
Vísu þessa hina næstu hripaði Jak-
ob niður í bankabiðstofu er hann
leit yfir hjörðina þar. Hafa grun-
semdir hans kannski átt við rök
að styðjast og margur stendur í
þessum sporum er innt skal af
hendi úttekt af greiðslukortum eft-
ir jólamánuðinn. Vísan hljóðar svo:
Margt skáldmenniðvar og er hald-
ið þeim veikleika að flýja raun-
veruleikann og dægurþrasið og
hverfa á vit dagdrauma og duttl-
unga. Svo kveður Jakob:
í þagnar sal ég hlusta á hljóm,
sem hjartað þráir dýpst.
í lundum drauma lifir blóm
en lífs í reynd ei þrífst.
Mörg eru mannameinin og best er
að sneiða hjá óþægindum sem þeim
er þessi síðasta vísa greinir frá:
Alls kyns mæða manninn slær,
mörg er sálar kreppa;
ólukka er að elska tvær
og annarri þurfa að sleppa.
INNANHÚSS-
ARKITEKTÚR
í frítíma yðar með bréfaskriftum
Engrar sérstakrar undirbúningsmenntunar er krafist til
þátttöku. Spennandi atvinna eða aðeins til eigin nota.
Námskeiðið er m.a. um húsgögn og húsgagnaröðun, liti,
lýsingu, list, þar tilheyrir listiðnaður, gamall og nýr stíll,
blóm, skipulagning, nýtísku eldhús, gólflagnir,, vegg-
klseðningar, vefnaðarvara, þar tilheyrir gólfteppi, hús-
gagnaefni og gluggatjöld ásamt hagsýni o.fl.
Eg óska án skuldbindingar að fá sendan bækling yðar um
INNANHÚSS-ARKITEKT-NÁMSKEIÐ
Nafn .........................
Heimilisfang .........................
Akademisk Brevskole A/S
Jyllandsvej 15 9 Postboks 234
2000 Frederiksberg • Kobenhavn • Danmark
Matgæðingur vikunnar__pv
Sinnepsgrafiim lax
„Ég hef mjög gaman af að elda, helst eitthvað villt
og þá fisk, t.d. lax og silung. Fyrir nokkrum árum
rakst ég í dönsku blaði á þessa uppskrift að sinneps-
gröfnum laxi sem mér fannst vera góð tilbreyting frá
hefðbundnum gröfnum laxi enda hefur þessi forréttur
vakið mikla athygli rneðal gesta,“ sagði Þorbergur
Karisson verkfræðingur og matgæðingur vikunnar.
Þorbergur ætlar að kenna lesendum að sinnepsgrafa
lax sem hann segir að sé einfalt að gera. „Það má
hafa þennan lax sem forrétt en einnig er hann tilval-
inn sem viðbót á kalt hlaðborð," sagði Þorbergur.
„Þrátt fyrir að laxveiöi á síðasta ári hafi verið með
minnsta móti hjá sumum eiga ef til vill einhverjir einn
eftir í frystikistunni. Sumir hafa fengið nóg af reyktum
laxi og gröfnum á hefðbundinn hátt með dilli, salti og
sykri og þetta er þá góð tilbreyting," sagði Þorbergur
ennfremur.
Sinnepsgrafinn lax
1-1,5 kg laxaflak (beinlaust)
2 msk. gróft salt
nýmalaður pipar
ljóst dijonsinnep
1-1,5 dl púðursykur
1 dl gul sinnepskorn sem legið hafa um hálfa klukku-
stund í köldu vatni
Lítið eitt af púðursykri til skreytingar
Fjariægið þau bein sem kunna að vera í flakinu með
lítilli töng eða flísatöng. Stingið fiskinn með gaffli. Strá-
iö salti yfir flakið og malið pipar yfir. Smyrjið um 'A-V,
cm þvkkt lag af sinnepi á flakið og stráið púðursykri
yfir. Látið drjúpa vel af sinnepskornunum og hyljið
flakið með þeim. Látið standa í kæliskáp yfir nótt.
Nokkur vökvi kemur úr fiskinum og sinnepinu. Mér
hefur reynst best að setja þykkan álpappír undir flak-
ið og bretta hann upp á jöðrum áður en ég byrja að
koma kryddinu fyrir í kæliskápnum.
Laxinn er nú „veiddur" upp úr álbakkanum og kom-
ið fyrir á fati. Stráið púðursykri í rönd eftir miðju flak-
inu til skrauts og berið fram.
Með laxinum á mjög vel viö að hafa sellerípickles
og hér er uppskrift að honum.
'A skrælt hnúðsellerí
vatn, salt
1 dl 18% sýrður rjómi
1 dl rjómi
sítrónusafi
salt og pipar
Skerið selleríið niður í smáa stöngla á stærð við eld-
spýtur. Bregðið þeim í sjóðandi, léttsaltað vatn. Takið
upp og látið kólna og drjúpa vel af þeim í sigti. Þeytið
Þorbergur Karlsson er matgæðingur vikunnar.
rjómann og biandið sósu úr honum og sýrða rjóman-
um. Bragðbætiö með sítrónusafa, salti og pipar. Bland-
ið næstum öllum sellerístönglunum varlega út í sós-
una og skreytið með þeim sem afgangs eru.
Þorbergur ætlar að skora á Ingvar Ágústsson, líf-
efnafræöing hjá Síldarútvegsnefnd, að vera næsti
matgæðingur. „Ingvar er mikill snillingur að búa til
úr síld sem við íslendingar erum ekki nógu klárir í.
Ég vona að hann komi með góðar ráðleggingar varð-
andi hana,“ sagði Þorbergur Karlsson.
Hinhlidin
Þorramatur í uppáhaldi
-segir Jóhannes Stefánsson, framkvæmdastjóri Múlakaffis
A þorranum er háannatími hjá
Jóhannesi Stefánssyni, fram-
kvæmdastjóra Múlakaffis. „Við er-
um búnir að vera með full kör í
íjóra mánuði og erum núna að
byrja að moka út,“ segir Jóhannes
sem á næstunni fer alla leið til
Noregs með þorramat handa ís-
lendingum þar.
Jóhannes hefur verið í veitinga-
bransanum frá því að hann var
sextán ára og kveðst ekki þekkja
annað starf. Múlakaífi hefur verið
rekið af fiölskyldu hans í nær 33
ár. Áður voru það helst verkamenn
og vörubílstjórar sem sóttu staðinn
en nú koma þangað menn úr öllum
stéttum sem vilja fá „heimilismat",
eins og Jóhannes orðar það.
Fullt nafn: Jóhannes Stefánsson.
Fæðingardagur og ár: 1. maí 1956.
Maki: Guðný Guðmundsdóttir.
Börn: Jón Örn, 14 ára, og Guðríður
María, 11 ára.
Bifreið: Toyota Carina ’93.
Starf: Framkvæmdastjóri.
Laun: Þokkaleg.
Áhugamál: Líkamsrækt klukkan
hálfsjö á morgnana og ferðalög inn
á hálendið á Félaganum sem er
vélsleðinn minn. -
Hefur þú unnið í happdrætti eða
lottó? Áldrei.
Hvað finnst þér skemmtilegast að
Jóhannes Stefánsson.
gera? Að ferðast á vélsleðanum.
Hvað finnst þér leiðinlegast að
gera?- Mér finnst ekkert leiðinlegt.
Uppáhaldsmatur: Þorramatur.
Uppáhaldsdrykkur: Léttmjólk og
vodka og tonic.
Hvaða íþróttamaður stendur
fremstur í dag? Magnús Scheving.
Það er engin spuming.
Uppáhaldstímarit: Veiðimaðurinn.
Hver er fallegasta kona sem þú
hefur séð fyrir utan maka? Það er
erfitt að svara þessu.
Ertu hlynntur eða andvígur ríkis-
stjórninni? Hlynntur.
Hvaða persónu langar þig mest að
hitta? Árnold Schwarzenegger.
Uppáhaldsleikari: Arnold Schwarz-
enegger.
Uppáhaldsleikkona: Judie Foster.
Uppáhaldssöngvari: Raggi sót.
Uppáhaldsstjórnmálamaður: Eng-
inn sérstakur.
Uppáhaldsteiknimyndapersóna:
Engin sérstök.
Uppáhaldssjónvarpsefni: Fréttir og
veður.
Uppáhaldsmatsölustaður: Minn
eiginn.
Hvaða bók langar þig mest að lesa?
Ég er enginn bókaormur og les
aldrei.
Hver útvarpsrásanna finnst þér
best? Bylgjan.
Uppáhaldsútvarpsmaður: Jón Axel
Ólafsson.
Hvort horfir þú meira á Sjónvarpið
eða Stöð 2? Stöð 2.
Uppáhaldssjónvarpsmaður: Ingvi
Hrafn Jónsson.
Uppáhaldsskemmtistaður: Kaffi
Reykjavík.
Uppáhaldsfélag í íþróttum: KR.
Stefnir þú að einhverju sérstöku í
framtíðinni? Ég stefni að því aö
þrauka.
Hvað gerðir þú í sumarfríinu? Ég
tók ekkert sumarfrí.