Dagblaðið Vísir - DV - 28.01.1995, Blaðsíða 10
10
LAUGARDAGUR 28. JANÚAR 1995
íslenska óperan vaknar til lífsins:
Gamall draumur að
syngja á móti Diddú
- segir Ólafur Ámi Bjamason sem syngur hlutverk Alfredos í La Traviata
„Þetta er í annað skiptið sem ég
syng í íslensku óperunni, hið fyrra
var á listahátíð er ég söng hlutverk
hertogans í Rigaletto eftir Verdi. Ég
stökk þá inn í uppfærslu sem gesta-
söngvari. Einnig söng ég í uppfærslu
á La Bohem í Borgarleikhúsinu og
kom þá líka inn í sýningu. Þetta er
í fyrsta skipti nú sem ég er með í
sýningu frá upphafi," segir Ólafur
Árni Bjamason tenór sem nú er
kominn heim til að syngja hlutverk
Alfredos í La Traviata í íslensku
óperunni. Þar syngur Ólafur Árni
aðalhlutverkið á móti Sigrúnu
Hjálmtýsdóttur. Frumsýning verður
10. febrúar. La Traviata var áður
sett upp hjá íslensku óperunni fyrir
ellefu árum og þá sungu Garðar
Cortes og Ólöf Kolbrún Harðardóttir
aðalhlutverkin.
Ólafur Árni býr í Þýskalandi þar
sem hann hefur starfað undanfarin
ár en hann hefur nú ákveðið að flytja
til Ítalíu með vorinu ásamt eiginkonu
sinni, Margréti Ponzi, og tveimur
börnum, Ástríði, 4ra ára, og Bjarna
sem er átján mánaða. „Ég ætla að
búa á Ítalíu í framtíðinni."
Gekkvelí keppni
Ólafur Árni vakti mikla athygli sl.
haust er hann tók þátt í keppni ungra
tenórsöngvara í Svíþjóð, Jussi Björl-
ing keppninni, og lenti í fjórða til
flmmta sæti. Ólafur Árni hlaut þriðju
verðlaun í keppni ungra söngvara í
New York í byrjun síðasta árs og eft-
ir þá góðu frammistöðu var honum
boðið að syngja fyrir stjórnendur
Metropolitian-óperunnar. Þá söng
Ólafur Árni á afmælistónleikum
söngkonunnar Marilyn Horne í,
Carnegie Hall og fékk mikið lof fyrir
m.a. frá hinum heimsþekkta söngv-
ara Pavarotti. Undanfarin ár hefur
Ólafur Árni verið fastráðinn hjá
Musik Theater im Revier im Gels-
enkirchen.
Ólafur Árni kom frá New York fyr-
ir viku en hann hélt tónleika í Stam-
ford í Connecticut þar sem Ólafur
Vignir Albertsson lék undir. „Ég átti
síðan að halda tónleika í New York
en var svo óheppinn að fá vírus og
missti röddina. Eg varð því að fresta
þeim tónleikum," útskýrir söngvar-
inn.
í læri hjá
meistaranum
Eftir að Ólafur Ámi söng fyrir
stjómendur Metropolitian-óperunn-
ar fékk hann styrk til að fara til ítal-
íu og vinna hjá meistara Nicola Resc-
igno. „Hann er mjög frægur stjórn-
andi, starfaði yfir þrjátíu ár í Texas,
og kynnti t.d. Placido Domingo fyrir
Bandaríkjamönnum auk þess að
vera besti vinur Mariu Callas. Það
má lengi telja fræga fólkið sem unnið
hefur með honum,“ segir Ólafur Árni
sem fékk aö starfa með meistaranum
í sex vikur. Ég óskaði eftir því við
hann að koma hingað til lands og
stjóma tónleikum mínum og Sinfón-
íuhljómsveitar íslands 23. júní nk.
Mér var að berast svar frá honum
þar sem hann lýsir yfir áhuga á að
koma, tilboðið fannst honum spenn-
andi enda hefur hann aldrei komið
hingað fyrr.“
Ólafur Árni Bjarnason syngur hlutverk Alfredos í La Traviata sem frumsýnd verður I íslensku óperunni 10. febrúar.
DV-mynd GVA
Ólafur Árni segist vera búinn að
segja upp starfi sínu hjá Gelsenkirc-
hen. Hins vegar mun hann taka að
sér gestahlutverk þar á næsta ári.
Þá hefur hann í höndunum tilboð um
aö leika í Madama Butterfly í Köln
í haust. „Einnig mun ég syngja aftur
Stamford, hlutverk Alfredo í La Tra-
viata þannig aö nóg er að gera hjá
mér á næstunni."
í mörgum
hljómsveitum
Ólafur Árni ólst upp í vesturbæn-
um, hann er fæddur 18. júní 1962 og
stundaöi nám í hárgreiðslu og tækni-
teiknun viö Iðnskólann í Reykjavík
samtímis því sem hann stundaöi nám
í Tónlistarskóla íslands í klassískum
gítarleik. Hann lék með mörgum
hljómsveitum á sínum yngri árum
og var í m.a. í hljómsvéit í Hagaskóla
ásamt þeim Braga Ólafssyni, Friöriki
Erhngssyni og Einar Erni Benedikts-
syni sem síðar voru þekktir sem Syk-
urmolar.
Árið 1986 hóf hann söngnám hjá
tengdamóður sinni, Guðrúnu Tóm-
asdóttur, og síðan hjá Sigurði De-
metz við Nýja tónlistarskólann
1987-88. Það var einmitt Guðrún sem
hvatti hann til að leggja sönginn fyr-
ir sig og það varð úr að Ólafur Árni
hélt til Bandaríkjanna þar sem hann
lærði söng hjá Klöru Barlow við Indi-
ana University í Bloomington. „Ég
fór í margs konar iðnnám til að fá
námslán en þau fengust ekki út á
tónhstamám þá.“
Kærkomið tækifæri
Ólafur Árni segir að það hafi lengi
staðið til að hann tæki þátt í upp-
færslu hér heima. „Það getur verið
erfitt að gefa sér tíma þegar maður
er fastráöinn annars staðar," segir
hann. „Núna fékk ég tækifæri til
þess að komast frá, gat fengið þriggja
mánaða frí til að syngja á móti Diddú
en það hefur mig lengi langað til.
Staða íslensku óperunnar hefur ver-
ið óviss og því var erfitt að ákveða
langt fram í tímann. Síðan hringdi
Ólöf Kolbrún Harðardóttir í mig og
spurði hvort ég hefði þennan tíma
lausan. Raunar ætlaði ég að fara til
Leipzig og syngja í Carmen en haföi
ekki gefið endanlegt svar þannig að
ég gat breytt því. Mig langaði mikið
til að vinna með í uppfærslu á verki
frá A til Ö í stað þess að stökkva inn
í miðja uppfærslu eins og ég hef gert
áður. Ég hef alltaf verið gestur í sýn-
ingum hér á landi,“ segir Ólafur
Árni.
Æfingar á fullu
Æfingar á La Traviata hófust á
milli jóla og nýárs. Kolbeinn Ketils-
son mun taka við af Ólafl Árna í lok
mars en hann er einnig að koma fram
í fyrsta skipti í aðalhlutverki hér á
landi. Ólafur Árni fór til Bandaríkj-
anna um áramótin en kom hingað
aftur 17. janúar og þá hófust æfingar
á fullum krafti.
„Æfmgarnar hafa gengið mjög vel.
Þó aðstæöur séu ekki fyrsta flokks
þá er mjög skemmtilegt aö vinna
hér. Það leggjast allir á eitt um að
gera eitthvað virkilega gott. Maður
tekur eftir í stóru húsunum í útlönd-
um hversu rútíneraðar sýningar eru
og fólk er nánast hætt aö fá frumsýn-
ingarfiðring. Hér kappkosta allir viö
að gera vel og það skapar ákveðna
stemningu. Fólkið hér er líka svo
kraftmikið."
Ólafur Árni söng þetta sama hlut-
verk, Alfredo í La Traviata, í Palma
á Mallorca í fyrravor. „Það var mjög
skemmtilegt. í Palma eru settar upp
ijórar til fimm óperur á ári og þá eru
fengnir gestasöngvarar. Ég fékk
þetta boö í gegnum umboðsaðila
minn, Colombia Artist."
Söngelsk fjölskylda
Ólafur og Margrét kona hans, sem
einnig er söngkona, hafa notað dag-
ana hér heima til að fara í sundlaug-
arnar á hverjum degi. „Það er svo
yndislegt að komast í heita pottinn.
Börnin elska að svamla í heitu vatn-
inu.“
Ólafur, segir að fjölskyldan sé mjög
sátt við að flytjast til Italíu enda sé
Margrét hálfítölsk. „Ég hef nánast
ekkert verið á Ítalíu og þarf að ná
ítölskunni betur. Það eru fá en mjog
stór og góð óperuhús á Ítalíu og ég
vona að maður fái eitthvað að gera
enda hefur mér verið sagt að það sé
skortur á ungum tenórum þar,“ segir
Ólafur.
Margrét er aðalgagnrýnandi Ólafs
og hann segir að þau syngi oft saman
heima. „Við höfum því miður ekki
sungið saman opinberlega enn þá en
hver veit. Margrét hefur sungið ís-
lensk ljóðalög á tvennum tónleikum
í Dortmund og í Gelsenkirchen. Þjóð-
verjar eru mjög hrifnir af íslandi og
öllu sem þaðan kemur.“
Mikil samkeppni
Sigurvegari Jussi Björling keppn-
innar var Kínveiji en Ólafur Árni
segir að margir góðir söngvarar séu
að koma frá Austurlöndum. „Þetta
er mjög skipulagt fólk og það vinnur
allt öðruvísi en við frá Vesturlönd-
um. Samkeppnin er mjög mikil í
heiminum og á sama tíma hallar
undan fæti hjá stórum óperuhúsum.
Það er veriö að spara á öllum sviðum
og líka -í óperuhúsunum. Hins vegar
finnst mér söngvarar margir vera
miklu betri núna en áður og því er
samkeppnin mjög hörð,“ segir Ólafur
Árni Bjarnason sem óperuunnendur
munu sjá á sviði íslensku óperunnar
eftir nokkra daga.