Dagblaðið Vísir - DV - 19.08.1995, Blaðsíða 8

8
LAUGARDAGUR 19. ÁGÚST 1995
Vísnaþáttur___\ .
Svarið
bresta
mig ei má
Þorsteinn Sveinbjarnarson hét
maöur og var frá Hesti í Borgar-
firöi. Þorsteinn fæddist 24. júní
1730. Þorsteinn var launsonur
Sveinbjarnar Egilssonar í Innri-
Njarövík og Guðrúnar Nikulás-
dóttur í Vogum. Þorsteinn var tek-
inn í Skálholtsskóla 1753 og lauk
stúdentsprófi 6. maí 1756. í fyrstu
starfaö hann semm skrifari Brynj-
ólfs Sigurössonar, sýslumanns í
Hjálmholti, og síðar sem skrifari
Skúla Magnússonar landfógeta.
Þorsteini var lýst á þessa leið. „Síra
f Þorsteinn var álitlegur að sjá, fjör-
maður og harður af sér, harðsinna,
snögglyndur, einaröur og aðsjáll í
meira lagi, en stóð vel í embætti
sínu og var vel gáfaður." Þorsteinn
var kunnur af sálmum sínum en
hann átti sálma í Leirgerði er út
kom snemma á 19. öld.
Síra Þorsteinn varð fyrir því
óhappi árið 1801 að brann hjá hon-
um hey og tók út bát sem hann
átti og hann brotnaði. í bréfi til
Stefáns amtmanns Stephensens
minnist síra Þorsteinn á þetta svo:
Steinn er hrelldur þó ei Þór
þann viö skaðann búna;
vindur, eldur, vötn og sjór
veitast að mér núna.
Eitt sinn mætti Þorsteinn manni
á förnum vegi og þekkti hann ekki
prest og spurði hvaðan hann væri.
Þorsteinn svaraði með þessari vísu:
Þú mátt hafa vit í vösum,
vel ef skilur orð mín sljó,
bær minn frísar freyddum nösum
ferömikill en latur þó.
En prestur sá aö maðurinn hvik-
aði við kvað hann og:
Svarið bresta mig ei má,
mér er best að þegja.
Ég á hesti heima á,
hreint er best að segja.
Um tíma var sýslumaður í Borg-
arfirði Jón Espólín og bjó þá í Þing-
nesi og var sóknarbarn síra Þor-
steins. Jón mæltist til að prestur
kvæðist á við hann og byrjaöi svo:
Gerum okkur gaman þá,
get ég þess enginn hamli;
viljið þér koma aö kveðast á
klerkur Þorsteinn gamh?
Síra Þorsteinn svaraði svo:
Aldrei saup ég suptungs-vin,
svo ég yrði kenndur,
allt fór það í Espólín
á því svona stendur.
Belgdi hann í sig Boðn og Són,
bragir hans það sýna;
una verð ég elsku Jón,
örbirgð viður mína.
Síra Þorsteinn átti gamlan reið-
hest sem hann sendi vini sínum er
Halldór hét og þar með þessar vís-
ur:
Læst ég vanda legstaöinn
- lengi klárinn þénti mér.
Halldór gróf hann Mjóna minn
matlystugur niöri í sér.
Nægjast mun mér, nær ég veit,
nú fyrir hestinn dáðugan,
kominn vera í kristinn reit,
í kviðinn Halldórs gráðugan.
Það var siður presta fyrrum að
bera jafnan hempur sínar og riðu
þeir í þeim í feröalögum. Á efri
árum síra Þorsteins tóku ungir
prestar að skrýðast litklæðum og
þá í öllum regnbogans htum. Þá
kvað Þorsteinn:
Sunnanstiftis sjást nú klerkar
svartir fáir;
þeir eru orðnir grænir, gráir,
gulir, rauðir, hvítir, bláir.
Vísnaþáttur
Valdimar Tómasson
Síðasta visa sem Þorsteinn kvað
var er hann fór í hinsta sinni til
kirkju. Var þá Þorsteinn löngu
hættur að þjóna, háaldraður og
hafði þá sest að á eignarjörö sinni,
Hlíðarfæti í Svinadal. Var hann þá
sóknarbarn Jóns skálds Hjaltalín.
Síra Þorsteinn var þá hrumur orð-
inn svo að styöja varð hann á hest
er hann fór til kirkju í síðasta sinn.
Þá er Þorsteinn sté af baki tók síra
Jón Hjaltahn mót honum og leiddi
hann inn í kirkjuna. Þannig vildi
th að síra Þorsteinn hrasaði og
kvað hann þá:
Fótum mínum förlast þol,
til falls ég núna leiðist;
þeir hafa lengi borið bol.
Brúkað flestallt eyðist.
Á NÆSTA SÖLUSTAÐ
Matgæðingur vikuimar
Indverskur
veislumatur
„Ég ætla að bjóöa upp á ind-
verska chilirétti sem eru mjög góð-
ir og einfaldir. Það er mikið af góðu
kryddi í þessum réttum sem gefa
skemmtilegt bragð. Mér finnst
mjög gaman að prófa nýja og
spennandi rétti stöku sinnum,"
segir Steinunn Ásmundsdóttir,
húsmóðir og matgæðingur vikunn-
ar. Að sögn Sólveigar Eiríksdóttur
sem skoraði á Steinunni er hún
mikill hstakokkur. „Mér finnst
gaman að elda svona mat,“ segir
matgæðingurinn og tekur það fram
að þessir réttir, sem hún gefur hér
uppskriftir að, séu báðir lagðir á
borð í einu og allir borða sig sadda
og glaða.
Indverskar rækjur
3 msk. oha
3 laukar, sneiddir
2 græn chilialdin, kjarninn tekinn
úr og síðan söxuð
2-3 sm engiferbiti
1/2 tsk. chiliduft (má sleppa)
1 tsk. turmeric
örhtiö salt
250 g frosnar rækjur
Olían hituö á pönnu og kryddið
hitað með. Þá er laukurinn steiktur
þar til hann er glær og mjúkur.
Áríðandi er að hafa mikinn hita á
pönnunni. Frosnu rækjurnar sett-
ar út í og steikt í mesta lagi í þrjár
mínútur og hrært vel á meðan.
Að sögn Steinunnar er þetta ein-
faldur réttur sem nota má sem
skyndiveislumat hvenær sem er.
Linsubaunaréttur
6 negulnaglar
Steinunn Ásmundsdóttir er mat-
gæðingur vikunnar. DV-myndJAK
6 kardimommur
3 sm kanhstöng
1 laukur, saxaður
3 sm engifer
1 grænn chih
1 hvítlauksgeiri
1/2 tsk. gara masala
250 g rauðar linsur (sem ekki þarf
að leggja í bleyti)
salt
safi úr einni sítrónu
Olía hituð og negulnaglar og
kardimommur steikt þar til krydd-
ið bólgnar. Þá er lauknum bætt út
á, síðan engifer, chih, hvítlauk og
garam masala. Látið malla í um það
bh fimm mínútur. Loks eru lins-
urnar settar í pottinn og steiktar í
mínútu, þá er saltað örlítið og loks
er vatni bætt út í þannig að rétt
fljóti yfir. Suðan er látin koma upp
og látið malla í tuttugu mínútur.
Sítrónusafmn er kreistur yfir um
leið og rétturinn er borinn á borð.
Rétturinn á að þykkna en má ekki
verða of þykkur.
Þá ætlar Steinunn að gefa upp-
skrift að ræta sem er nokkurs kon-
ar gúrkusalat og passar mjög vel
með þessum mat. Taka má fram
að gúrkan er oft útvötnuð með því
að salta hana í nokkrar mínútur
en Steinunni flnnst það ekki skipta
máli.
Ræta
100 g gúrka (hálf stór)
3,5 dl hrein jógúrt (2 dósir)
50 g vorlaukur (má nota graslauk
eða blaðlauk og þá ríflegt)
1 grænn chili (kjarninn Ijarlægður,
saxaður)
Gúrkan er sneidd þunnt og allt
blandað saman, geymt í kæli
nokkra stund áður en lagt er á borð
og skreytt með fallegu grænu.
Með þessu öhu er gott að hafa
hýðishrísgrjón, brauð og mango
chutney.
Steinunn ætlar að skora á Hildi
Sveinsdóttur félagsráðgjafa að vera
næsti matgæðingur. „Hún er rosa-
lega góöur kokkur á hvaða sviði
sem er.“
Hinhliðin
Leiðinlegast að ryksuga
- segirÁgústÞorsteinsson, framkvæmdastjóri Reykjavíkurmaraþons
„Að vera framkvæmdastjóri
Reykjavíkurmaraþonsins er orðið
hehsársstarf, svo viðamikh er
keppnin orðin nú á dögum," sagði
Ágúst Þorsteinsson, framkvæmda-
/stjóri Reykjavíkurmaraþonsins.
Ágúst hefur í nægu að snúast þessa
dagana, því Reykjavíkurmaraþo-
nið fer fram á morgun, sunnudag-
inn 20. ágúst.
„Ég hef áöur starfað sem fram-
kvæmdastjóri maraþonsins, árin
1988 og 1989, og hef verið viðloð-
andi þessa keppni frá upphafi,"
sagöi Ágúst.
Fullt nafn: Ágúst Þorsteinsson.
Fæðingardagur og ár: 6. mai 1957.
Maki: Anna Þórunn Halldórsdóttir.
Börn: Tvö, Halldór Ágúst og Guð-
finna.
Bifreið: Subaru Legacy, árgerð ’90.
Starf: Framkvæmdastjóri Reykja-
víkurmaraþons.
Laun: Viðunandi.
Áhugamál: Hlaup, frjálsar íþróttir,
golf, stangveiði og fuglaskyttirí.
Hefur þú unnið í happdrætti eða
lottói? Já, en ekki stóran vinning.
Hvað finnst þér skemmtilegast að
gera? Að fara í veiðimennsku,
stangveiðina eða skyttirí.
Hvað finnst þér leiðinlegast að
gera? Það fer ekki á milli mála að
það er að ryksuga gólf.
Uppáhaldsmatur: Lambakjöt.
Uppáhaldsdrykkur: Ég blanda oft
Ágúst Þorsteinsson.
saman Fanta og Sprite.
Hvaða íþróttamaður
fremstur í dag? Sá sem ég held
mest upp á er Einar Vhhjálmsson
og það var slæmt að hann skyldi
ekld komast á HM í Gautaborg.
Uppáhaldstímarit: Newsweek.
Hver er fallegasta kona sem þú
hefur séð utan maka? Kirstie Alley.
Ertu hlynntur eða andvígur ríkis-
stjórninni? Ég hef ekkert út á hana
að setja, ég er hlutlaus.
Hvaða persónu langar þig mest að
hitta? Ég hefði viljað hitta John
Wayne.
Uppáhaldsleikari: Charles Bron-
son.
Uppáhaldsleikkona: Susan Bla-
kely.
Uppáhaldssöngvari: Peter Cetera.
Uppáhaldsstjórnmálamaður: Ólaf-
ur Ragnar Grímsson.
Uppáhaldsteiknimyndapersóna:
Ferdinand.
Uppáhaldssjónvarpsefni: Dýralífs-
myndir.
Uppáhaldsmatsölustaður: Pizza 67.
Hvaða bók langar þig mest til að
lesa? Á hverfanda hveli.
Hver útvarpsrásanna finnst þér
best? Rás 2.
Uppáhaldsútvarpsmaður: Þor-
steinn G. Gunnarsson.
Hvort horfir þú meira á Sjónvarpið
eða Stöð 2? Ég er ekki með Stöð 2.
Uppáhaldssjónvarpsmaður: David
Letterman.
Uppáhaldsskemmtistaður/krá: Ég
fer mjög sjaldan út að skemmta
mér.
Uppáhaldsfélag í íþróttum: UMSB.
Stefnir þú að einhveiju sérstöku í
framtíðinni? Já, ef ég verð í þessu
starfi áfram, að gera Reykjavíkur-
maraþonið eins mikið og skemmti-
legt og hægt er.
Hvað ætlar þú að gera í sumarfri-
inu? Ætli ég fari ekki eitthvað að
loknu maraþoni með fjölskyldunni.