Þjóðviljinn - 23.10.1982, Blaðsíða 20

I3Q»T,
«ei»t

20 SÍÐA — ÞJÓÐVILJINN Helgin 23.-24. október 1982
dægurmál Umsjón: Sif • Jón Viðar • Andrea
leikum á Broadway sl. fimmtu-
dagskvöld. Á næstunni er væntan-
leg fjóröa breiðskífa þeirra sem
kemur út samtímis hér og í Eng-
landi. í tilefni afmælisins og til að
kynna nýju plötuna halda Mezzo-
forte nokkra hljómleika: í kvöld á
Bifröst í Borgarfirði, annað kvöld
(sunnudag) í Sjallanum á Akureyri
og á mánudagskvöld í Félagsstofn-
un stúdenta (Rvk.).
A
Ast á gulli
Er Mark Knopfler að spila
rassinn úr buxunum? Nýjasta
plata Dire Straits, Love Over
Gold, er hreinasta hörmung.
Svo virðist sem Mark
Knopfler eigi erfitt með að
brjóta fjötra fyrstu breiðskífu
hljómsveitarinnar af sér.
Breytingar hafa átt sér stað hjá
hljómsveitinni. Skömmu eftir að
Making Movies, þriðja plata
hljómsveitarinnar, var hljóðrit-
uð, hætti David Knopfler í hljóm-
sveitinni. í hans stað komu gítar-
leikarinn Hal Lindes og hljóm-
borðsleikarinn Alan Clark.
Love Over Goid er fyrsta breið-
skífa sem þessi nýja útgáfa Dire
Straits sendir frá sér. Menn biðu
með nokkurri eftirvæntingu eftir
þessari plötu því þær þrjár fyrstu
voru nokkuð keimlíkar. Ef ein-
hver hefur búist við nýrri Dire
Straits, þá getur sá hinn sami hent
þeim draumi í öskutunnuna. Hér
er á ferðinni gamalt og þreytt efni
í lélegum umbúðum.
Það eina sem er nýtt á þessari
plötu er notkun hljómborðs, en
það er hlutur sem ekki hefur ver-
ið mikið notaður á hljómplötum
Dire Straits til þessa. Sem sagt:
steingelt efni og auðheyrt að
Mark Knopfler á erfitt með að
slíta sig frá „Sultans of Swing“.
Hljóðfæraleikur er allur til
fyrirmyndar og auðheyrt að með-
limir Dire Straits eru engir
aukvisar. Að öðrum ólöstuðum,
þá ber Mark Knopfler nokkuð af,
en hann er mjög góður gítar-
leikari og fáir sem standa honum
á sporði.
Ekki er heldur hægt að kvarta
undan textum Mark Knopflers,
sem eru mjög skemmtilegir og á-
hrifamiklir. Hann er mjög bund-
inn við borgina og þau vandamál
sem henni fylgja. Hann fylgist vel
með því sem er að gerast í þjóð-
málum og hefur sínar meiningar.
Ég er sáróánægður með þessa
plötu; það er eins og allt púður sé
horfið úr Mark Knopfler og hann
kirfilega staðnaður. Það er eins
og hinar miklu vinsældir sem
fylgdu í kjölfarið á fyrstu plötu
hljómsveitarinnar, sem hafði að
geyma lagið „Sultan of Swing“,
hafi orðið sá þröskuldur sem
hann á erfitt með að stíga yfir, og
ástin á gullinu hafi tekið yfir-
höndina.
„Messó ” 5 ára
Messóforte hélt uppá 5 ára af-
mæli sitt með glerfínum hljóm-
Ef í harðbakkann sló
gátum við skýlt okkur
á bak við búningana
Stutt spjall við strákana í Jonee Jonee
Mikið er um að vera hjá
Jonee Jonee þessa dagana.
Ekki alls fyrir löngu sendi
hljómsveitin frá sér
breiðskífuna Svonatorrek
sem er fyrir margra hluta
sakir ein athyglisverðasta
plata ársins. En það er fleira
að gerast hjá þeim sveinum.
Þorvar Hafsteinsson
söngvari hljómsveitarinnar
hefur sagt skilið við hana og
ætlar að hefja nám í
tölvufræðum fyrir vestan
haf.
Tilraun
Blm.: Hvenær var hljómsveitin
stofnuð?
- Hún var stofnuð fyrir rúmu
ári, í tilraunum með ný form. Við
vildum brjóta upp hina hefð-
bundnu hljóðfæraskipan og reyna
eitthvað nýtt. Við notuðum í upp-
hafi gítar í tveimur lögum og saxa-
fón í einu, en fljótlega hurfum við
alfarið að bassa og trommum;
sáum enga ástæðu til að hafa fleiri
hljóðfæri. Alltaf er hægt að bæta
við gítar ef á þarf að halda.
Blm.: Nú vakti klæðnaður ykkar
töluverða athygli þegar þið komuð
fram í fyrsta sinn...
- í upphafi var hugmyndin að
skapa eitthvað nýtt, búa til ímynd
sem ekki hefði sést fyrr. Okkur leið
vel í þessum búingum og þeir gerðu
það að verkum að allir fengu sinn
hlut af athyglinni, og ef í harð-
bakka sló gátum við skýlt okkur
bak við þá.
Blm.: Hvenær komið þið fram í
fyrsta skipti?
- f>að var með Pey í Þjóðleik-
húskjallaranum. Þá vorum við
búnir'að æfa saman í hálfan mán-
uð, og það var fyrir slysni að við
komum þarna fram
Nýr
bassaleikari
Blm.: Hvenær skiptuð þið um
bassaleikara?
- Einar hætti í janúar síðastliðn-
um og höfðum við þá úr tveim að
velja, einum mjög færum bassa-
leikara og öðrum fullkomlega
kunnáttulausum. Við völdum þann
síðarnefnda vegna þess að við
þekktum hann og vissum þaraf -
leiðandi að hverju við gengum. Það
liðu þrír dagar frá því við skiptum
um bassaleikara þangað til við
komum fram á ný. Heimir bassa-
leikari hafði ekki meiri tíma til að
æfa sig í hlutverkið, og fóru fyrstu
tónleikar okkar eftir að hann kom í
hljómsveitina fullkomlega í
vaskinn.
Blm. Krefst þessi einfalda hljóð-
færaskipan ekki meira af hverjum
og einum?
- Jú, vissulega gerir hún það,
það hvílir meiri ábyrgð á hverjum
einstakling. Þetta er að vissu leyti
frelsi undan taktinum sem er hlut-
verk bassa og trommu í venjulegri
hljómsveit. Þar er hægt að fela lé-
legan bassa bak við gítar, en það
gengur ekki þegar hljóðfærin eru
ekki önnur en bassi og trommur.
Alla okkar hunds og kattartíð höf-
um við átt í erfiðleikum með
„soundið”. Við spilum nær aldrei
með okkar græjum og af þeim sök-
um var erfitt að ná fram því soundi
sem við viljum.
Erfiðleikar
við textagerð
Blm.: Af hverju syngið þið svona
mikið um skólann í textum ykkar?
- Viðsemjumekkinemabrotaf
textum okkar sjálfir. Sá sem ber
aðalábyrgð á þessum textum er
strákur sem fór illa út úr kerfinu og
fylltist beiskju í garð skólanna.
Vissulega hljótum við að sam-
þykkja allar þær hugmyndir sem
fram koma í textum sem við syng-
jum. Annað kemur ekki til greina.
Okkur hefur gengið illa að semja
texta og þess vegna eru svona
margir textar eftir aðra í plötu okk-
ar. Sá eini sem hefur getað sett
saman sæmilega texta er Þorvar,
enda á hann fimm texta á plötunni.
Ekki þurfum við að kvarta undan
framboði á textum, því það eru
hinar ólíklegustu persónur sem
senda okkur texta. Við breytum
sumum þeirra lítillega til að fá með
færilegri orðaskiptingu.
Blm.: Nú hljóðrituðuð þið plöt-
una í maí, hvers vegna seinkaði
henni svona mikið?
- í það fyrsta þá fóru prufu-
pressurnar á flakk og hafðist ekki
uppá þeim fyrr en seint og síðar
meir. Plötusala var frekar léleg í
sumar og við ákváðum því að
seinka útgáfunni þangað til betur
stæði á og frestuðum henni.
En við reyndumst engir spá-
menn í þeim efnum, því plötusalan
er með tregara móti núna. Það
skiptir okkur ekki neinu máli hvað
platan selst mikið, það eina sem við
vonum er það að Grammið beri
ekki skaða af útgáfunni.
Gjörólíkar
persónur
Blm.: Hvernig hefur ykkur geng-
ið að útvega æfingapláss?
- í upphafi vorum við mjög lán-
samir, því bæjarstjórn Garðabæjar
reddaði okkur húsnæði. Síðan var
það tekið undir annað en bæjar-
stjórnin útvegaði okkur þá nýtt
húsnæði. Síðan barst kvörtun úr
næsta húsi, og þá var ekki að sök-
um að spyrja, okkur var kastað á
götuna. Síðan höfum við verið á
hrakhólum.
Blm.: Hvernig verður tónlist
ykkar til?
- Tónlist okkar verður til í rifr-
ildi. Við erum þrjár gjörólíkar per-
sónur sem reyna af alefli að koma
sínum sjónarmiðum að. Við þekkj-
um mörkin, og þegar að þeim kem-
ur reynum við að fara ekki yfir þau,
en það getur verið erfitt að stilla sig
mitt í látunum. Frelsi einstakling-
sins er meira í hljómsveit sem er
lítil. Það segir sig nokkurn veginn
sjálft; því færri einstaklingar þeim
mun meira frá hverjum og einum.
Við tökum allir þátt í starfi hljóm-
sveitarinnar.
Blm.: Er ekki til eitthvert efni
óútgefið með hljómsveitinni?
- Ekki vantar það, til er efni út
um alla bæ, og erum við að spá í að
safna því saman og gefa út bestu
lögin á snældu. Þetta er allt óvíst og
óljóst, en okkur langar til að koma
þessu frá okkur.
Framtíð
Blm. Hvað verður um framtíð
Jonee Jonee þegar Þorvar hættir?
- Ekki er alveg ljóst hvað
skeður. Við munum samt ekki
leggja árar í bát, það hvarflar ekki
að okkur, til þess er áhuginn allt of
mikill. Það er ekki ástæða til að
nefna eftirmann Þorvars að svo
komnu, það kemur í ljós síðar. Bú-
ast má við einhverjum breytingum
á tónlist okkar þegar við förum af
stað á nýjan leik. Það varð mikil
breyting á tónlist okkar þegar Ein-
ar hætti og Heimir kom í hans stað.
Búast má við meiri breytingum
þegar við látum heyra í okkur næst,
en það verður vonandi sem allra
fyrst, en ekki er afráðið undir
hvaða nafni það verður.
- jvs
Tónleikar þeir sem
félagsskapurinn efndi til fyrir
þrem vikur tókust með
ágætum, og vafalaust verða
tónleikarnir um næstu helgi
ekki síðri, því þar mun margt
nýtt bera fyrir augu.
Föstudaginn 29', október munu
eftirtaldar hljómsveitir koma
fram: Vébandið (ættuð úr Kefla-
vík), Q4U, Allsherjarfrík (hljóm-
sveit frá Isafirði sem er að gera
fáheyrða hluti) og Tappi Tík-
arrass.
Laugardaginn 30. október
munu þessar hljómsveitir koma
fram: Magnús í hvalnum, Þór
Eldon (einn af hinum ágætu
kókó-drengjum), Steinar Ex-
press (undir þessu nafni mun Ein-
ar Örn koma fram með nýstárlegt
atriði), Þorri, Vonbrigði (hljóm-
sveitin mun væntanlega leika lög
af nýrri plötu sem ætti að vera
komin í verslanir eftir svona tvær
vikur).
Á tónleikum Upp og ofan mun
margt nýtt og skemmtilegt bera
fyrir augu og eyru og eru allir
hvattir til að mæta.
7j Jonee Jonec. Ljósm. Hafsteinn
Hafsteinsson.
Upp og ofan
Hljómleikar í Félagsstofnun stúdenta
Vonbrigði verður ein þeirra hljómsveita sem munu koma fram
á tónlcikum Upp og ofan.
Um næstu helgi mun standa fyrir hljómleikum í
félagsskapurinn Upp og ofan félagsstofnun stúdenta.
7j Jonee Jonee. LJósm. Hafsteinn
Hafsteinsson
7j Jonee Jonee. Ljósm. Hafstcinn
Hafsteinsson