Þjóðviljinn - 22.10.1983, Blaðsíða 6

6 SIÐA - ÞJOÐVILJINN Helgin 15.-16. október 1983
UOOVIUINN
Málgagn sósíalisma, verkalýðshreyf-
ingar og þjóðfrelsis
Útgefandi: Útgáfulélag Þjóöviljans.
Fr'amkvæmdastióri: Guörún Guðmundsdóttir.
Ritstjórar: Árni Bergmann, Einar Karl Haraldsson, Kjartan Olafssen.
Umsjónarmaöur Sunnudagsblaðs: Guöjón Friðriksson.
Auglýsingastjori: Sigríöur H. Sigurbjörnsdóttir.
Afgreiðslustjóri: Baldur Jónasson.
Afgreiðsla: Bára Siguröardóttir, Kristin Pétursdóttir.
Blaðamenn: Auður Styrkársdóttir, Álfheiöur Ingadóttir, Helgi Ólafsson,
Lúövik Geirsson, Magnús H. Gíslason, Ólafur Gíslason,
Óskar Guðmundsson, Sigurdór Sigurdórsson, Valþór Hlööversson.
íþróttafréttaritari: Viöir Sigurðsson.
Utlit og hönnun: Guöjón Sveinbjörnsson, Þröstur Haraldsson. i
Ljósmyndir: Einar Karlsson, Magnús Bergmann.
Handrita- og prófarkalestur: Andrea Jónsdóttir, Elias Mar.
Auglýsingar: Áslaug Jóhannesdóttir, Ólafur Þ. Jónsson.
Skrifstofa: Guörún Guðvarðardóttir, Jóhannes Harðarson.
Símavarsla: Sigríður Kristjánsdóttir, Margrét Guömundsd.
Húsmóðir: Bergljót Guöjónsdóttir.
Bílstjóri: Ólöf Siguröardóttir.
Innheimtumenn: Brynjólfur Vilhjálmsson, Gunnar Sigurmundsson.
Ólafur Björnsson.
Pökkun: Anney B. Sveinsdóttir, Halla Pálsdóttir. Karen Jónsdóttir
Útkeyrsla, afgreiðsla og auglýsingar:
Síðumúla 6, Reykjavík, sími 8f333.
Umbrot og setning: Prent.
Prentun: Blaðaprent h.f.
riistjornargrei n
starf «9 kjör
Bardaginn
í Volhöll
í áraraðir voru deilurnar í Sjálfstæðisflokknum út-
skýrðar með tilvísunum í persónulegan metnað Geirs
Hállgrímssonar og Gunnars Thoroddsen. Nú er Gunn-
ar fallinn frá og Geir hafa tilkynnt ákvörðun sína að
hætta formennsku. Samkvæmt gömlu skýringunni um
að orsök átakanna fælist í persónu þessara tveggja
manna ætti allt að vera í lukkunnar velstandi í Sjálf-
stæðisflokknum.
Atburðir síðustu vikna sýna hins vegar að flokkurinn
er margklofinn. Engin samstaða er um formannsefni.
Harðar deilur eru um stjórnarstefnur flokksins. Ráð-
herrar flokksins og sjálfstæðismenn í forystusveit
verkalýðshreyfingarinnar hrópa heiftarorð hver að
öðrum. Jafnvel innan ríkisstjórnarinnar eru einstakir
ráðherrar Sjálfstæðisflokksins önnum kafnir við að
reyna að koma höggi á félaga sína og láta einhvern
annan en sjálfan sig sitja uppi með skömmina af hinum
óvinsælu aðgerðum.
Pessi þróun sýnir að deiiurnar milli Gunnars og Geirs
voru ekki sjúkdómur Sjálfstæðisflokksins heldur ein-
kennið á innvortis umturnun. Hinn heilsteypti flokkur
er að gliðna í sundurleitar fylkingar sem bítast um
völdin. Það er því skiljanlegt að ritstjóri Morgunblaðs-
ins hafi komist að þeirri niðurstöðu um síðustu helgi að
nú sé runnin upp sú tíð að vonlaust verði að reyna að
stjórns Sjálfstæðisflokknum. Þess vegna sé tími hinna
sterku formanna liðinn. í staðinn sé vænlegast fyrir
flokkinn að velja sér fjölmiðlafulltrúa sem leitist við að
dylja ágreininginn innan hinnar sundurleitu hjarðar.
Þrír menn hafa tilkynnt framboð til formanns. Eng-
inn þeirra nýtur víðtæks stuðnings. Formannskjörið
virðist um þessar mundir vera barátta milli mismunandi
veikra minnihlutahópa. Fess vegna íhugar Albert Guð-
mundsson nú hvort ekki sé runnin upp stund hins stóra
marktækifæris. Hann bauð sig fram á móti Geir fyrir
nokkrum árum. Og tapaði. Nú vekja veikleikar Þor-
steins, Birgis og Friðriks upp gamlar freistingar. Hálf-
um mánuði fyrir landsfund eru forystumál Sjálfstæðis-
flokksins í algerri hönk.
Bardaginn í Valhöll á næstu dögum er staðfesting á
því að Sjálfstæðisflokkurinn er í reynd láustengt banda-
lag stríðandi fylkinga. í því felst veikleiki en einnig
ákveðnar hættur fyrir andstæðinga flokksins. Fað er því
ekki rétt að fagna sérstaklega þessari þróun.
Framtíðin getur borið í skauti sér óvænta atburði.
Sundurleitur flokkur getur tekið á sig ýmiss gervi. Á
þessari stundu getur enginn spáð því hvaða afleiðingar
rótfastur ágreiningur kann að hafa á framtíð Sjálfstæð-
isflokksins. Eitt er þó víst að slíkar eðlisbreytingar
munu hafa mikil áhrif á þróun íslenskra stjórnmála.
Sérrít um
tölvubyltinguna
I gær gaf Fjóðviljinn út fyrsta sérritið um tölvumál í
röð fylgiblaða sem fjalla um þær miklu þjóðfélagsbreyt-
ingar sem felast í upplýsingabyltingunni.
I þessum blöðum er rætt við sérfræðinga og áhuga-
menn um megineinkenni þróunarinnar. Ahrif örtölvu-
tækninnar á starfshætti, kennslu og lífsstíl eru rakin í
ítarlegum viðtölum og yfirlitsgreinum.
Sérrit Fjóðviljans um tölvubyltinguna veita marg-
þætta fræðslu um hina gífurlegu þjóðfélagsumturnun
sem fylgir í kjölfar hinnar nýju tækni. Á næstu árum
mun stefnumótun á flestum sviðum þjóðlífsins þurfa að
endurskoðast í ljósi þessara tæknibreytinga. Þjóðvilj-
inn hvetur því lesendur sína til að kynna sér vel efni
þessara sérrita. ór.
Fá þýskir togarar að fara inní landhelgi okkar?
Ekki á næstunni
segir í athugasemd
frá Halldóri Ásgrímssyni,
sjávarútvegsráðherra.
Þjóðviljinn birti í gær frétt úr þýska blað-
inu Weser Kurier. Þar segir að Halldór Ás-
grímsson hafi greint frá því á blaðamanna-
fundi í Bremen að til greina kæmi að veita
þýskum úthafstogurum aftur veiðileyfi í ís-
íenskri landhelgi þegar þorskstofninn hefði
náð sér aftur.
Halldór Ásgrímsson, sjávarútvegsráð-
herra, sendi blaðinu í gær athugasemd við
þessa frétt. í athugasemdinni átelur hann
blaðið fyrir að birta þýsku fréttina án þess að
leita til hans. Þjóðviljinn gerði í fyrradag í-
trekaðar tilraunir til að ná í Halldór. Blaða-
maður var sendur niður á Alþingi síðdegis á
fimmtudag og beið þar lengi árangurslaust
eftir ráðherranum. Síðan fór annar starfs-
maður Þjóðviljans, ljósmyndari, upp í ráðu-
neyti til að taka af Halldöri mynd og flytja
honum boð um að hafa samband við Þjóðvilj-
ann vegna fréttar. Starfsmenn ráðuneytisins
tjáðu blaðamanninum að ráðherrann væri
upptekinn og ekki mætti trufla hann. Af-
hentu síðan ljósmynd af ráðherranum.
í athugasemdinni greinir Halldór Ásgríms-
son frá því að annað þýskt blað, Nordsee
Zeitung, hafi haft eftir honum að þýskir tog-
arar geti ekki gert sér vonir um veiðar við
ísland á næstunni. Það eru efnislega svipuð
ummæli og hitt blaðið Weser Kurier hafði
eftir ráðherranum. Þannig virðast bæði blöð-
in - Nordsee Zeitung sem Halldór hampar í
athugasemd sinni og Weser Kurier sem Þjóð-
viljinn birti - greina frá svipuðum kjarna í
yfirlýsingum ráðherrans.
Blaðamaður Þjóðviljans spurði Halldór í
gær hvort honum hefði verið kunnugt um
fréttina sem Þjóðviljinn sagði frá. Ráðherr-
ann kvað já við. Hann var spurður hvort hann
hefði gert athugasemd við hið virta blað Wes-
Þetta er myndin af Halldóri Ásgrímssyni sjávarút-
vegsráðherra sem starfsmenn ráðuneytisins af-
hentu fulltrúa Þjóðviljans um leið og þeir sögðu að
ekki mætti trufla ráðherrann.
er Kurier. Ráðherrann kvaðst ekki hafa gert
það.
Halldór sendi Þjóðviljanum hins vegar þá
athugasemd sem birt er orðrétt hér á eftir. Áð
dómi ráðherrans er greinilega í lagi þótt þýskt
blað segi Þjóðverjum að íslenskur ráðherra
hafi opnað á veiðar innan landhelginnar.
Hins vegar sé ekki í lagi að íslenskt blað segi
íslendingum hvað þýsk blöð hafi eftir ráð-
herranum.
óg/ór
Athugasemd sjávarútvegs-
ráðherra við frétt Þjóðviljans
Þjóðviljinn birtir á forsíðu í
gær, stórfurðulega frétt. í frétt-
inni segir að ég hafi opnað mögu-
leika í Þýskalandi fyrir þýska tog-
ara til að koma inn í íslenska
landhelgi.
Það er útaf fyrir sig ámælisvert,
að Þjóðviljinn skuli ekki sjá á-
stæðu til að bera slíka frétt undir
mig áður en hún er birt. Það er
rétt, að þegar ég fór til Bremen-
haven í boði rikisstjórnar Brem-
en fyrir nokkru síðan til að kynna
mér málefni fiskiðnaðarins þar
og skipulag landana í Þýskalandi,
þá ræddi ég við blaðamann að ósk
Þjóðverjanna. Það er ekkert
launungarmál að Þjóðverjar hafa
um margra ára skeið lagt á það
mikla áherslu að fá veiðiheimildir
við ísland. Því hefur að sjálf-
sögðu verið neitað.
Ég sagði Þjóðverjunum, að
sóknin í karfastofninn væri of
mikil og þegar þorskstofninn
næði sér aftur þyrftum við á því
að halda að draga úr sókninni í
karfann. Það eitt gerði það að
verkum að engin von væri til
þess, að við gætum heimilað öðr-
um þjóðum leyfi til veiða innan
íslensku landhelginnar. Frétt sú,
sem Þjóðviljinn hefur eftir, er .
frétt þýska blaðsins Weser Curi-
er, sú frétt er þar birtist er á mis-
skilningi byggð og í aðalatriðum
röng.
Til að leiðrétta þennan mis-
skilning sendi ég hér með fréttir
úr öðrum þýskum blöðum frá
þessum tíma.
í frétt Nordsee Zeitung segir
„Ráðherra ósveigjanlegur, engir
veiðikvótar fyrir Þjóðverja við Is-
land“. f fréttinni segir einnig að
íslenski sjávarútvegsráðherrann
Halldór Ásgrímsson hafi skýrt frá
því í Bremen að þýskir útgerðar-
menn geti engar vonir gert sér um
veiðar við Island á næstunni.
(Undirstrikun Þjóðviljans)
f frétt blaðsins Bremer Nach-
richten segir að „íslenski sjávar-
útvegsráðherann hafi þurft að
neita þeirri ósk þýskra útgerðar
um að fá að veiða karfa við fs-
land“. (í fréttinni sem Þjóðvilj-
inn greindi frá var talað um
þorsk. Ath. Þjóðviljans).
íslendingar sjálfir veiða nú of
mikið af karfa og um leið og
þorskstofninn hefur náð sér þá
munu íslendingar sjálfir minnka
sóknina í karfann.
Viðtölin við Þjóðverjana fóru
fram á ensku og má vel vera, að
viðkomandi blaðamaður hafi
ekki skilið nægilega vel hvað ég
sagði. Það má einnig vera, að
áhugi hans á því að koma þýskum
togurum inn í íslensku landhelg-
ina hafi verið svo mikill í huga
hans að hann hafi ekki hlustað.
Það sama má segja um blaða-
mann Þjóðviljans. Hann virðist
hafa haft meiri áhuga á því að
birta þessi röngu ummæli og
álykta út frá þeim en að gera til-
raun til að komast að hinu sanna.
Ég harma það, að blaðamaður
Þjóðviljans skuli ekki gera til-
raun til að hafa samband við mig
og bera þessi mál undir mig.
Ég var í Alþingi í gær til kl.
15:00 og síðan í ráðuneyti mínu
fram undir kvöldmat og heima
hjá mér í gærkvöldi, þannig að ég
mundi vita um það ef einhver slík
alvarleg tilraun hefði verið gerð.
Hins vegar kom Ijósmyndari
meðan ég var á fundi í ráðuneyt-
inu og sagðist þurfa að taka mynd
af mér. Hann gat ekki beðið og
lagði engin skilaboð.
Þjóðviljinn hefur fallið í þá
gryfju að láta áróðurshugsjónina
.ráða ferðinni í stað þess að leita
að hinu sanna í málinu.