Þjóðviljinn - 03.02.1989, Blaðsíða 10

LEIÐARI
FYRR
Gróði Kaupþings:
21,3 miljón krónur
Fyrirtækið Kaupþing hf. keypti í gær auglýsingu í
Morgunblaðinu til að segja frá því að árið 1988
græddust fyrirtækinu hvorki meira né minna en 21
miljón króna.
Arið hefur þó ekki verið Kaupþingi hf. neitt sérstakt
veltiár, því að gróðatalan frá 1987 er engu lakari
þegar reiknað er með verðbólgu: 19,5 miljónir.
Nú er um að gera að til dæmis forráðamenn í
sjávarútvegi og atvinnulaust fólk á landsbyggðinni
hugsi hreinar hugsanir og stilli sig. Stjórnendur
Kaupþings ætlast til að landsmenn klappi fyrir dugn-
aði þeirra, og segjast þar að auki hafa gott starfsfólk.
Og staðreyndin er sú að það er út af fyrir sig ekkert
gruggugt við gróða Kaupþings, - 40 miljónir á
tveimur síðustu árum. Þetta er fullkomlega löglegt.
Þessartölur koma ekki einusinni á óvart, þarsem hjá
fyrirtækinu fer það saman að það á sér geysisterka
bakhjarla í helstu stórfyrirtækjum landsins og starfar
við gróðavænlegasta atvinnuveg á landinu síðari ár:
að skiptast á peningum.
Það er hinsvegar meira en lítið gruggugt við þá
samfélagsskipan að undirstöðuatvinnuvegirnir
standa lamaðir meðan peningaverslun er helsta
hagnaðarvonin.
Það er meira en lítið gruggugt við þá landstjórn
undanfarinna missera að vinnutekjur skuli vera
skattlagðar að um það bil 40 prósentum en tekjur
fjármagnseigenda af fjármagni sínu beri engan
skatt, 0 prósent.
Enda er ísland eina ríkið í Vestur-Evrópu þarsem
vaxtatekjur eru ekki skattlagðar, einsog fram kemur í
úttekt Nýs Helgarblaðs Þjóðviljans í dag. Alstaðar
annarstaðar eru borgaðir skattar af vaxtatekjunum,
og víðast er hagnaður af verðbréfaviðskiptum einnig
skattlagður.
Núverandi ríkisstjórn hefur á prjónunum áætlanir
um slíka skatta. Þær áætlanir eiga örugglega eftir að
mæta harðri andspyrnu, sérstaklega ef dæma má af
þeim orrustum um vextina sem háðar hafa verið
síðustu vikur, og gegn slíkri skattlagningu verða
færð ótal rök.
Þeim er kannski best að svara með því dæmi að ef
eigendur Kaupþings kysu að leggja ágóða sinn frá
síðasta ári inná næsta sérkjarareikning mundi ársá-
vöxtunin verða um það bil 3 miljónir. Þetta þættu
mjög góð árslaun tveggja einstaklinga. Af slíkum
launum mundu þessir tveir borga rúmlega 700 þús-
und krónur í staðgreiddan skatt. Kaupþingseigend-
urnir mundu hinsvegar borga 0 krónur í skatt af
miljónunum þremur.
Þetta er ósköp einfaldlega óréttlæti af allra
augljósasta tæi.
Sparnaður er hagkerfinu nauðsynlegur, og þeir
fjölmörgu sem eiga nokkrar krónur og vilja frekar
setja þær á bók en eyða þeim strax eiga vissulega
skilið nokkra ávöxtun síns fjár. Samfélag sem fyrst
og fremst er sniðið utanum gróðapunga einsog þá
sem nú auglýsa 21,3 miljóna hagnað af óhagnýtum
atvinnurekstri, - það samfélag er svo sannarlega á
villigötum.
-m
Að undanförnu höfum við verið á sveimi „um heiðloftin blá“, með Landmælingum íslands. En
nú erum við lent heilu og höldnu og þá er að bregða sér beina leið til hins „hýra Hafnarfjarðar".
Við leggjum leið okkar um Strandgötuna og staðnæmumst við nr. 45. Þetta er íbúðarhús í
hefðbundnum stíl fyrri ára að öðru leyti en því, að kvisturinn erdálítið óvenjulegur. Sumir kölluðu
þetta Hafnarfjarðarkvist. Venjan var yfirleitt sú, að kvisturinn var aðeins öðru hvoru eða beggja
megin á risinu væru þeir tveir, en væru þeir hinsvegar fleiri sömu megin var nokkurt bil á milli
þeirra. Hér nær kvisturinn aftur á móti eftir þvínær endilöngu þakinu, kannski er einskonar
baðstofa innan við glerið? Framan við húsið er snyrtileg rimlagirðing og á grasflöt handan
götunnar, - hið næsta okkur á myndinni, - er líkan af skútu. Afturhluta vörubíls ber í stafn
hússins. Kannski hefur vörubílstjóri búið í þessu snotra húsi um það leyti sem myndin var tekin?
OG NU
„Nei, þessu lýgurðu, þetta getur ekki verið sama húsið,“ sagði kunningi minn þegar ég sýndi
honum myndir af húsinu Strandgötu 45, eins og það var áður og eins og það lítur út nú. Og er það
nema von að efasemdir vakni? Hver þekkir þetta fyrir sama hús, sé aðeins litið á framhliðina?
Þar er kominn einn heljar veggur, að verulegu leyti úr gleri. Þar sem áður var gluggi er nú kominn
inngangur í herlegheitin. Kvistirnir að eilífu horfnir og þar verður aldrei framar neitt baðstofulíf.
Við sjáum ekki einu sinni í mæni hússins nema rétt annan enda hans. En stafninn hefur engum
breytingum tekið og kannski er það framhliðin ein, sem gengið hefur svona rækilega í endurnýj-
un lífdaganna? Bíllinn er auðvitað farinn, enda býr bílstjórinn ekki lengur í húsinu, þar er nú
Brunabótafélag íslands. Skútan er líklega farin, kannski sett í naust því nú hefur snjóað. En hvort
finnst mönnum nú geðþekkara gamla, vinalega íbúðarhúsið eða þessi ópersónulega kassa-
bygging? Því svarar hver fyrir sig. -mhg
Viljid þið ekki, lesendur góðir, vera nú svo vœnir að senda blaðinu gamlar myndir, sem þið kunnið að eiga í fórum
ykkar? Allar 40-50 ára gamlar myndir og ekki síður þaðan af eldri, eru vel þegnar. Myndunum þurfa að fylgja
nauðsynlegar upplýsingar svo sem um aldur ef hann er kunnur o.s.frv. - Myndina skal senda til umsjónarmanns Nýs
Helgarblaðs, Þjóðviljanum, Síðumúla 6, 108 Reykjvík. - Við munum að sjálfsögðu senda myndirnar til baka, ásamt
ókeypis eftirtöku. Leitið þið nú í pokahorninu.
Síðumúla 6-108 Reykjavík
Sími 681333
Kvöldsími 681348
Útgefandi: Útgáfufélag Þjóðviljans.
Rltstjórar: Árni Bergmann, Möröur Árnason, Silja Aðalsteinsdóttir.
Um8jónarmaður Nýs Helgarblaðs: SigurðurÁ. Friðþjófsson.
Fróttastjóri: Lúðvík Geirsson.
Blaðamenn: Dagur Þorleifsson, Guðmundur Rúnar Heiðarsson,
Heimir Már Pétursson, Hjörleifur Sveinbjörnsson, Kristófer
Svavarsson, Magnús H. Gíslason, ólafurGíslason, Páll Hannesson,
Sævar Guðbjömsson, Þorfinnurómarsson (íþr.).
Handrita-og prófarkalestur: ElíasMar, HildurFinnsdóttir.
Ljósmyndarar: Jim Smart, ÞorfinnurÓmarsson.
Utlltateiknarar: Kristján Kristjánsson, KristbergurÓ.Pótursson
Framkvæmdastjóri:HallurPállJónsson.
Skrifstofustjóri: Jóhanna Leópoldsdóttir.
Skrifstofa: Guðrún Geirsdóttir, Kristín Pótursdóttir.
Auglýsingastjóri: Olga Clausen.
Auglýaingar: Guðmunda Kristinsdóttir, Unnur
Ágústsdóttir.
Símavarsla: Sigríður Kristjánsdóttir, ÞorgerðurSigurðardóttir.
Bílstjórl: Jóna Sigurdórsdóttir.
Húsmóðir: Anna Benediktsdóttir
y
Útbreiðslu- og afgreiðslustjóri: Björn Ingi Rafnsson.
Afgreiðsla: Halla Pálsdóttir, Hrefna Magnúsdóttir.
Innheimtumaður: Katrín Bárðardóttir.
Útkeyrsla, afgreiðsla, ritstjórn:
Síðumúla 6, Reykjavík, símar: 681333 & 681663.
Auglýsingar: Síðumúla 6, símar 681331 og 681310.
Umbrotog setning: Prentsmiðja Þjóðviljanshf.
Prentun: Blaðaprent hf.
Verð í lausasölu: 70 kr.
Nýtt helgarblað: 100 kr.
Áskriftarverð á mánuði: 800 kr.
10 SÍÐA - NÝTT HELGARBLAÐ Föstudagur 3. febrúar 1989