Þjóðviljinn - 03.02.1989, Blaðsíða 11

Myndir Jim Smart
„Það má segja að þessi tími og
hugsanaháttur 68 kynslóðarinnar
sé háifgerð forneskja í hugum
unglinga í dag. í dag verða allir
að eiga allt og mötunin er allsráð-
andi í þjóðfélaginu. Á þeim tím-
um sem Hárið gerist skipti engu
máli hvað þú áttir, það nægði að
eiga í næstu pípu,“ sagði Björgvin
Kristinsson, féhirðir nemenda-
mótsnefndar Verslunarskóla Is-
lands, en í gær frumsýndi nem-
endafélagið söngleikinn Hárið á
Hótel ísiandi.
„Með með því að taka Hárið til
sýningar nú erum við að reyna að
fríska upp á nemendur í skólan-
um. Við þekkjum flest tónlistina
og viljum að ungt fólk í dag kynn-
ist hugsanahætti og klæðnaði
þessa tíma; tíma kynlífsbyltingar-
innar, stúdentamótmæla og Ví-
etnamsstríðsins," sagði Björgvin.
Alls taka um 80 manns þátt í
sýningunni. Leikstjóri er banda-
ríski dansahönnuðurinn Tracy
England Jackson og tónlistar-
stjóri Jón Ólafsson. Auk hans
leika flestir meðlimir Bítlavinafé-
lagsins undir sýningunni að við-
bættum fjórum blásurum.
14 einsöngvarar koma fram
auk kórs. Eitt lag úr sýningunni
hefur verið hljóðritað í hljóðveri
en það er lagið Easy to be hard,
sem Alma María syngur. Einnig
hefur verið gert myndband við
lagið.
Sýningin í gær var fyrir nem-
endur í Verslunarskólanum en
kl. 20 á sunnudagskvöld verður
önnur sýning á söngleiknum á
Hótel ísíandi og verður hún opin
almenningi.
Drekktu „diet“
vertu ruglaður
tapaðu minninu
FLÖSKUSKEYTI
Allir kannast við horrenglurn-
ar í sundbolunum, sem koma
hlaupandi eftir sandströndinni í
blóðrauðu sólarlagi og slengja svo
í sig heilli flösku af „diet“drukk.
Samkvæmt rannsóknum eiga þeir
sem svolgra slíka drykki ótæpi-
lega á hættu að tapa minninu,
missa sjón, þjást af alvarlegum
sljóleika og fá hausverk.
Þetta kom fram við rannsókn á
551 einstaklingum sem voru látn-
ir neyta sætuefnisins „aspart-
ame“ sem markaðssett er undir
vörumerkinu „Nutra Sweet“. 157
þátttakendur í rannsókninni
fundu fyrir alvarlegum vanda-
málum.
Tímaritið New scientist skýrði
frá þessum niðurstöðum. Ellefu
misstu sjón á öðru eða báðum
augum, þriðjungur þjáðist af al-
varlegum sljóleika, helmingurtil-
kynnti mikinn höfuðverk. Átján
ára karlmaður, sem drakk nærri 2
lítra af „diet“gosi daglega rataði
stundum ekki heim til sín.
Ef neyslunni var hætt kom í ljós
að áhrifin, sérstaklega minnis-
leysið og ruglið, hvarf. t*á kom í
ljós að konur virtust þrisvar sinn-
um næmari fyrir alvarlegum
áhrifum sætuefnisins.
Matvæla- og lyfjaeftirlitið í
Bandaríkjunum hefur fengið
hundruð kvartana vegna sætunn-
ar frá neytendum en þrátt fyrir
það hefur efnið ekki verið bann-
að.
14 miljóna
mistök
Sovéska flugfélagið Areoflot
hefur sent vestur-þýska Rauða-
Krossinum afsökunarbeiðni
vegna reiknings upp á 14 miljónir
króna sem félagið hafði áður sent
R-Krossinum fyrir flutninga á
hjálpargögnum frá V-Þýskalandi
til jarðskjálftasvæðisins í Armen-
íu. Areoflot segir mistök hafa átt
sér stað, en það hafi aldrei verið
ætlunin að græða á náttúruham-
förunum.
Þjórfé
eða lífið
Þjónn nokkur í Connecticut
var svo óánægður með þjórfé sem
hann fékk hjá feðgum nokkrum
að hann réðst á þá með hníf og
særði þá þegar þeir yfirgáfu
veitingahúsið. Að sögn lögregl-
unnar höfðu feðgarnir skilið eftir
3 dollara í þjórfé en reikningur-
inn hljóðaði upp á 50 dollara eða
2.500 krónur.
Hugsunarlaus
miskunnsemi
Ferðamenn í Kenya urðu vitni
að því að ljón réðst á tólf ára
gamlan dreng og fótbraut hann.
Þeir brugðust fljótt við og fóru
með drenginn á nýtísku sjúkra-
hús í nágrenninu. Nú hefur faðir
drengsins fengið reikning frá
sjúkrahúsinu og hljóðar hann
upp á 200 þúsund krónur. Faðir-
inn, sem á fjórar konur og fjórtán
börn segist alls ekki hafa ráð á að
borga reikninginn.
Skóþjófur
Þjófur nokkur í Genova á ítal-
íu hefur gert konum þar lífið leitt
því hann rænir af þeim skónum.
Þokkapilturinn hendir sér fyrir
fætur kvennanna og klæðir þær úr
skónum án þess þær komi nokkr-
um vörnum við. Áður en þær vita
af er þjófurinn horfinn sjónum en
þær standa eftir berlappaðar.
Þjófurinn virðist bara hafa áhuga
á háhæluðum skóm því þær kon-
ur sem ganga á flatbotna skóm
hafa alveg losnað við kynni af
honum.
Föstudagur 3. febrúar 1989 NÝTT HELGARBLAÐ - SÍÐA 11