Þjóðviljinn - 24.11.1989, Blaðsíða 5
FÖSTUDAGSFRÉTTIR
Olíulekinn
Opinber rannsókn á olíuleka
Samgönguráðherra og utanríkisráðherra telja olíulekamálið mjög alvarlegt.
Utanríkisráðherra kallar yfirmann varnarliðs áteppið. Samgönguráðherra fyrirskipar opinbera rannsókn
r
Iutandagskrárumræðu á Al-
þingi I gær um olíulekann úr
olíutönkum hersins á Bolafjalli í
Bolungarvík, kom fram að Jón
Baldvin Hannibalsson utanríkis-
ráðherra hefur kallað yfirmann
hersins á Keflavíkurflugvclli á
sinn fund og lýst ábyrgð á hendur
hernum vegna olíulekans.
Steingrímur J. Sigfússon sam-
gönguráðherra sagði allar reglur
hafa verið brotnar í þessu sam-
bandi og um ólíðandi framferði
Lundúnaþoka
í Reykjavík
Jim Smart, Ijósmyndara blaösins
okkar, brá heldur betur í brún
þegar hann kom út í gærmorgun.
Fyrst hélt hann að hann væri
kominn á heimaslóðir því mjólk-
urhvít þoka lá yfir öllu svo varla
sáust handaskil. En þetta voru
ekki Lundúnir heldur hún Reykja-
vík. Samt sem áður villtist Smart-!
arinn á leið sinni upp á blaðiðl
okkar. Til að förin yrði þó ekki tilí
einskis smellti hann af nokkrum
myndum af umferðinni í bítið og
sjáum við árangurinn hér. Það er
svo af þokunni að frétta að upp úr
hádegi rofaði til og sólin úthellti
geislum sínum yfir strætin. Inn-
anlandsflug hafði raskast um
morguninn vegna þokunnar en
eftir hádegi var fákum loftsins
ekkert að vanbúnaði.
BSRB
Mótmælir
matarskatti
Besta kjarabót
heimilanna að af-
nema hann
Bandalag starfsmanna ríkis og
bæja mótmælir því harðlega að
launafólki í landinu sé ætlað að
bera hæsta virðisaukaskatt í
heimi en um leið leggja þau
áherslu á að stjórnvöld hafi í það
minnsta tvö skattþrep í virðis-
aukaskattinum og að öll innlend
matvæli verði í lægra þrepinu.
Að mati samtakanna gæti það
verið byrjunin á því að afnema
matarskatt. Slíkt myndi greiða
fyrir kjarasamningum sem eru
lausir hjá flestum aðildarfélögum
þess um næstu mánaðamót.
BSRB telur að kaupgjald og
verðlag sé með þeim hætti hér á
landi að mjög varlega þurfi að
fara í óbeinum sköttum á brýn-
ustu nauðsynjavörur. Það er
skoðun samtakanna að ein besta
kjarabót heimilanna væri afnám
matarskattsins.
-grh
Lánskjör
1,08% hækkun
Lánskjaravísitalan hækkar um
1,08% í desember. Það jafngildir
13,7% hækkun á ári.
Síðustu 3 mánuði hefur láns-
kjaravísitalan hækkað um
23,1%. Síðasta hálfa árið um
21,0% og síðustu 12 mánuði um
19,7% Sáf
hefði verið að ræða hjá hernum,
þeim verktökum sem séð hefðu
um byggingu olíutankanna og
þeim sem ættu sök á því hvað
upplýsingar um lekann bárust
seint til réttra aðila. Bjóst sam-
gönguráðherra við að málið
myndi að lokum koma til kasta
rflrissaksóknara og jafnvel
Rannsóknarlögreglu rflrisins.
Það var Sigríður Lillý Baldurs-
dóttir, Kvennalista, sem hóf um-
ræðuna og krafði ráðherra svara.
Utanríkisráðherra dreifði í þing-
sölum skýrslu þar sem aðdrag-
andi málsins er rakinn frá upp-
hafi. Jón Baldvin sagðist hafa
tjáð yfirmanni hersins þegar
hann kallaði hann á sinn fund, að
Ratsjárstofnun myndi þegar í
stað taka í sínar hendur allt eftir-
lit með byggingu ratsjárstöðva
hersins, þó ekki hefði verið gert
ráð fyrir því að stofnunin tæki yfir
eftirlit fyrr en við afhendingu
stöðvanna. Sú krafa hefði einnig
verið sett fram að herinn kæmi
upp fjareftirlitsbúnaði við tank-
ana.
Steingrímur J. sagði að vegna
afskipta Siglingamálastofnunar
af uppbyggingu olíutanka í
Helguvík, hefði hernum átt að
vera fullkunnugt um þær reglur
sem giltu hér á landi um hlutverk
Siglingamálastofnunar, sem ætti
að samþykkja allar teikningar af
mannvirkjum sem þessum.
Síld
Samið við Rússa
Staðfest kaup á 150 þúsund tunnum afhausskorinni og slógdreginni
saltsíld. Verðmœti samningsins nemur rúmlega einum miljarði króna
Sovésk stjórnvöld staðfestu í
gær samkomulag það sem
Sfldarútvegsnefnd hafði gert við
innkaupafyrirtækið Sovrybflot 4.
nóvember um kaup á 150 þúsund
tunnum af hausskorinni og slóg-
dreginni saltsfld. Verðmæti
samningsins sem staðfestur var
nemur rúmlega einum miljarði
króna.
Samkvæmt samningnum eiga
þessar 150 þúsund tunnur að
koma til afgreiðslu á fyrsta árs-
fjórðungi 1990. Þá er í samningn-
um sérstakt ákvæði um að
kaupandi muni athuga mögu-
leika á 50 þúsund tunna viðbótar-
kaupum og gefa svar þar að lút-
andi eins fljótt og við verður
komið. Söluverð og aðrir skil-
málar eru óbreyttir frá fyrra ári
en samkomulag varð um að veita
kaupendum 3% afslátt til frekari
kynningar á íslenskri saltsfld í
Sovétríkjunum.
Þegar fréttist um samninginn í
gær andaði fólk léttar bæði fyrir
sunnan og austan en drátturinn á
staðfestingu sovéskra stjórnvalda
á samkomulaginu hafði leitt til
fjölda atvinnuleysis í sfldarpláss-
unum. Nærri því helmingur
saltsíldarstöðvanna voru orðnar
stopp út af verkefnaskorti þar
sem þær voru búnar að salta uppí
kvóta sína fyrir Norðurlanda-
markað.
Að sögn Hallgríms Bergssonar
hjá Pólarsfld á Fáskrúðsfirði er
lítið um síld inná fjörðunum fyrir
austan en því meira af henni
sunnan og austan megin við
Hornafjörðinn.
-grh
Atvinnuleysi
Þriðja minnst á íslandi
Afeinstökum aðildarríkjum Evrópuráðsins er atvinnuleysi mestá
Spáni en minnst í Sviss
Af einstökum löndum I Evrópu
er atvinnuleysi mest á Spáni
eða 18,25%, næstmest í Tyrk-
landi 16,75% og því næst á ír-
landi 15,50%. Hins vegar er
atvinnuleysi minnst í Sviss og síð-
an í Svíþjóð og íslandi.
Þessar upplýsingar komu fram
á fundi vinnumálaráðherra Évr-
ópuráðsríkja sem haldinn var í
Kaupmannahöfn fyrir skömmu.
Þar var ma. rætt um ástand
atvinnumála í ríkjunum en talið
er að í þeim séu alls um 20 miljón-
ir manna án atvinnu. Þar af eru 16
miljón manns atvinnulausir í ríkj-
um Efnahagsbandalagsins.
Helmingur þeirra hefur verið
atvinnulaus í meira en eitt ár og
30% í meira en tvö ár. Meðal
þeirra ráða sem gripið hefur verið
til að leysa vandamál þeirra fjöl-
mörgu sem verið hafa án atvinnu
í langan tíma er m.a. starfs-
menntun sem er yfirleitt kostuð
bæði af ríkisvaldi og aðilum
vinnumarkaðarins.
Atvinnumál fatlaðra voru
einnig til umræðu á þessum fundi
vinnumálaráðherra ríkja
Evrópuráðsins. í nokkrum að-
ildarlöndum hefur verið komið á
kvóta fyrir fatlaða á almennum
vinnustöðum. Sem dæmi má
nefna að 3% starfa í Frakklandi
skulu ganga til fatlaðra og hækk-
ar hlutfallið þar í landi uppí 6%
árið 1991. í Vestur - Þýskalandi
eru 6% allra starfa ætluð fötl-
uðum hjá þeim fyrirtækjum sem
eru með fleiri en 16 starfsmenn í
vinnu. -grh
Föstudagur 24. nóvember 1989 NÝTT HELGARBLAÐ - SÍÐA 5
Stofnunin hefði hins vegar ekki
haft hugmynd um að tankarnir
hefðu verið byggðir, hvað þá
fylltir af olíu. Sagðist Steingrímur
hafa uppálagt Siglingamálastofn-
un að láta fara fram ítarlega rann-
sókn á öllum þáttum málsins og
komast að því hvaða lög og reglur
hefðu verið brotin.
Hjöleifur Guttormsson, Al-
þýðubandalagi, minnti á að þetta
væri ekki fyrsta mengunarslys af
völdum mannvirkja hersins,
skemmst væri að minnast
sambærilegs olíuleka á Suður-
nesjöum. Til væri eitt ráð til að
koma í veg fyrir að svona nokkuð
endurtæki sig, sem væri að leggja
af umræddar ratsjárstöðvar.
-hmp
Kópavogur
Jarðgöng
undir
Digranes-
háls
Bœjarstjórn vill við-
ræður við borgina um
jarðgöng í stað hrað-
brautar í Fossvogsdal
- Bæjarstjórnin í Kópavogi er
sammála um það að jarðgöng
undir Digraneshálsinn sé vænleg-
asti kosturinn til að leysa umferð-
arvandann á þessu svæði. Jafn-
framt er sú afstaða okkar Ijós að
við höfnum öllum hugmyndum
um hraðbraut í Fossvogsdalnum
hvort sem er ofan- eða neðanjarð-
ar, sagði Heimir Pálsson bæjar-
fulltrúi í Kópavogi en á síðasta
fundi ráðsins var yfirlýsing þessa
efnir samþykkt.
Aðalskipulag fyrir Kópavogs-
kaupstað hefur verið samþykkt í
bæjarsijórninni og óskað hefur
verið eftir staðfestingu frá Skipu-
lagsstjórn ríkisins. Við afgreiðslu
aðalskipulagsins samþykkti
bæjarstjórnin að fresta ákvörðun
um skipulag fyrir svæðin við vest-
ur og austur enda Fossvogsdals-
ins til þess að halda opnum mögu-
leika á Digranesjarðgöngum.
- Þessi hugmynd var upphaf-
lega sett fram af borgarstjóra og
okkur líst mjög vel á hana. Það er
ekkert sem bendir til annars en
tæknilega sé framkvæmdin
möguleg en nákvæmar athuganir
á þó eftir að gera. Út frá um-
ferðatæknilegu sjónarmiði er
þessi kostur síst verri en hrað-
braut í Fossvogsdal og út frá um-
hverfisverndarsjónarmiðum er
hann mun vænlegri, sagði
Heimir.
Aðalskipulag Kópavogs er nú
til meðferðar hjá skipulagsstjórn
ríkisins og er afgreiðslu málsins
að vænta á næsta fundi stjórnar-
innar sem haldinn verður í byrjun
desember. Að sögn Heimis er
bæjarstjórninni ekkert að van-
búnaði að hefja viðræður við
borgaryfirvöld og vænti hann
þess að fundur aðila yrði haldinn
hið fyrsta. -Iþ