Dagblaðið Vísir - DV - 28.10.1995, Blaðsíða 47

Dagblaðið Vísir - DV - 28.10.1995, Blaðsíða 47
| LAUGARDAGUR 28. OKTÓBER 1995 ftétth Staða Ólafs Jóhanns Ólafssonar hjá Sony: Honum var ekki vikið úr starf i - segir Jeffrey Fox, blaðafulltrúi Sony í Bandaríkjunum „Þetta eru gamlar fréttir og ekki réttar að því leyti að mér hafi verið vikið úr starfi. Ef Sony vill losa sig við menn þá eru mjög idárar aðferð- ir við það; þeir eru látnir taka hatt sinn og ganga út. Þeir eru ekki settir í stjórnarformennsku," sagði Ólafur Jóhann Ólafsson í samtali við DV vegna frétta í dagblaðinu Wall Street Journal um að honum hafi verið vik- ið úr starfi hjá Sony í haust. Jeffrey Fox, blaðafulltrúi Sony í Bandaríkjurium, staðfesti ummæli Ólafs í samtali við DV. Honum hefði ekki verið vikiö úr starfi. „Ólafur byggði upp þetta fyrirtæki Sony síðustu fjögur ár og tókst mjög vel til með það. Yfirmenn fyrirtækis- ins bera mikla virðingu fyrir honum. Hann hefur tekiö við öðru starfi þar sem hann fer með stjórnarfor- mennsku yfir þróunarvinnu hjá Sony í Bandaríkjunum. Við vonum að fyrirtækið fái áfram að njóta hæfi- leika hans eins og hingað tii," sagði Jeffrey Fox. Ólafur sagði aö Wall Street Journal hefði skrifað mikið á þessu ári um átök milli Sony í Japan og Sony í Bandaríkjunum. „Þar hefur komið fram að átökin hafi verið vegna mannabreytinga í Japan og að ég hafi helst þurft að taka á þeim Bandaríkjamegin. Átök eru alltaf innan stórfyrirtækja og menn hafa ekki samræmdar hug- myndir." Ólafur sagði að það sem satt væri í Wall Street Journal væri að fyrr á þessu ári hefðu verið átök um tilhög- un viðskipta á nýjum vörum Sony, einkum sjónvarpstölvuleiknum PlayStation. Var nálægt því að ganga út „Ég setti það á oddinn að þetta yrði Olafur Jóhann Olafsson. gert öðruvísi, tímarnir hefðu breyst og ekki væri lengur hægt að hagnast eingöngu á græjunum, hagnaðurinn þyrfti að koma af hugbúnaði. Græj- urnar, s.s. sjónvarp, duga í 20 ár og breytast ekkert en hugbúnaðurinn tekur stöðugum breytingum. Þetta er kallað „rakvélamunstrið" því Gil- lette hagnast ekki á rakvélunum heldur rakvélablöðunum. Tillaga mín varð ofan á og það voru margir óánægðir með það. Harðlínumenn- irnir urðu að bakka og þá gerðist það sem ég var búinn að lýsa yfir fyrir löngu, að þegar þetta væri komið á koppinn og fyrirtækið komið með veltu upp á einn milljarð dollara þá myndi ég annaðhvort vilja draga mig úr starfi og fara að skrifa eingöngu eða að fara í stjórnarformennsku. Það síðara 'varð ofan á en ég var nálægt því að ganga út," sagði Olafur Jóhann. -bjb Heilbrigðiseftirlitiö á Suðurlandi: Mengun f rá svína- búi er á við úrgang frá stóru þorpi Heubrigðiseftirlitiö á Suðurlandi hefur gefið Árna Möller, svínabónda á Þórustöðum í Ölfusi, frest fram á næsta vor til að stækka haughús við svínabúið á staðnum. Birgjr Þórðar- son heilbrigðisfulltrúi segir að bónd- inn hafi losað skít í Ölfusá í 10-15 ár eða jafnlengi og hann hefur rekið svínabú á staðnum. Heilbrigðiseftir- litið var með mælingar vegna þessa í sumar og kom þá í ljós að mengun- in slagar hátt upp í mengun frá þorpi á borð við Hellu þó að hún hafi þynnst verulega í lækjum á leiöinni íána. „Úrgangurinn rennur fyrst í skurðum, svo í læk og þaðan í ána þannig að mengunin þynnist töluvert á leiðinni. Þetta er lifrænn úrgangur og lífræn næringarefni aö mestu leyti en í töluvert miklu magni því að svínabúið er það stórt. Úrgangurinn jafngildir mengun frá um það bil 1.000 manna bæjarfélagi að magni til. Úrgangurinn minnkar súrefni í árvatninu og eykur hugsanlega þör- ungagróður. Þetta er ekki jákvætt fyrir fiskinn í ánni," segir Birgir. „Þetta verður gert í vetur. Það er búið að teikna þetta á verkfræðistofu og ég er að byrja á þessu núna. Við klárum þetta þegar frost fer úr jörðu í vor," segir Árni Möller, bóndi á Þórustöðum. Býlið að Þórustöðum er eitt stærsta svínabú á landinu, með 180 gyltur. Úrgangurinn frá búinu er umtals- verður á ári. Hann nemur rúmum 4.000 tonnum á ári miðað við að 800 tonna úrgangur komi frá 30 gyltum á þeim tíma. Verulegt átak hefur staðið innan Ölfushrepps á fráveitumálum og er búið að koma fráveitumálum í Þor- lákshöfn í þokkalegt horf með einni útrás. Birgir segir að mjög vel hafi verið staðið að framkvæmdum þar. -GHS Virkar sprengjur f undust Ægir Már Kárason, DV, Suðumesjum: Fleiri virkar sprengjur fundust á útivistarsvæðinu við Háabjalla og Snorrastaðatjarnir, skammt frá af- leggjaranum til Grindavíkur. Banda- rískir hermenn á Keflavíkurflugvelli fundu sprengjurnar en þeir leituðu á svæðinu að ósk íslenskra stjórn- valda. Sprengjurnar voru gerðar óvirkar þegar í stað enda gamlar og stórhættulegar. Fyrir skömmu fann nemandi við Myllubakkaskóla í Keflavík virka sprengju þegar hann var í skóla- ferðalagi ásamt fjölda nemenda á þesum slóðum. Svæðið var notað til skotæfinga fyrir rúmlega 35 árum og höfðu sprengjurnar fallið í mjúkan jarðveg og ekki sprungið þess vegna. Þetta svæði var fínkembt fyrir nokkrum árum og þá fundust fjöl- margar virkar sprengjur. „Ég hef aldrei flakað keilu áður," sagði Anna Jónasdóttir en hún og Guð- mundur Hjartarson voru að flaka nokkrar keilur í Fiskkaupum. Anna vinnur allan daginn og hefur verið í fiski meira og minna í rúma tvo áratugi. Hún segir að fátt annað sé i boði í bæ eins og Ólafsvík. Guðmundur var lengi landverkamaður á vertið með búskapnum en hefur síðustu ár unnið ein- göngu við fiskvinnslu. DV-mynd RaSi Reykjanes- braut verður endurbætt Ægir Már Kárason, DV, Suöumesjum; Vegagerðin er þessa dagana að huga að ýmsum endurbótum á Reykjanesbraut milli-Hafnarfjarð- ar og Reykjanesbæjar. Tvær hug- myndir eru uppi og er Vegagerðin að bera þær saman. Annar mögu- leikinn er aö tvöfalda brautina frá Hafharfirði til Straumsvíkur, hinn að gera þriðju akreinina frá Straumsvík til Reykjanesbæjar. Sú akgrein verður í báðar áttir og verður lögð þar sem hún myndi nýtast m.a. til framúraksturs. Sú akgrein yrði svipuð og er í Kömb- unum á Hellisheiði og við skíöa- skálann í Hveradölum og segja vegagerðarmenn að þær hafi reynst ágætlega. „Þetta er hvorttveggja í skoðun og verður jafnvel tekin ákvörðun fyrir áramót. Sá verkhluti sem verður fyrir valinu verður boðinn út næsta sumar," sagði Jónas Snæ- björnsson, umdæmisverkfræðing- ur Vegagerðarinnar. Búið var að veita 105 milljónir á næsta ári í endurbætur á Reykja- nesbraut. Alþingi hefur boðað nið- urskurð í vegaáætlun og verður einhverjum verkefnum frestað. Al- þingi mun taka ákvörðun og leggja fyrir Vegagerðina hvaða verkefni verður frestað og er af mörgum verkefnum að taka. Þeir sem DV ræddi við sögðu aö tími væri kominn til að gera endur- bætur á Reykjanesbraut og gera þriðju akgreinina frá Straumsvík til Reykjanesbæjar. Þar færu 5 þús- und bílar á sólarhring og myndað- ist oft mikil bílaröð vegna flugsins á Kefiavikurflugvelli, ökumenn væru oft að taka mikla áhættu með framúrakstri. Með nýju akreininni ætti það að vera nánast úr sögunni. Stykkishólmur: Hátíð til heiðurs Áraa Thorlacius Olgc-ir Helgi Ragnarssan, DV, Borgamiai: Samkoma verður haldin í Norska húsinu í Stykkishólmi í dag, fyrsta vetrardag, kl. 15 en 1. nóvember eru liðin 150 ár síðan Arni Thoriacius hóf þar reglulegar veðurathuganir. Þessar veðurskýrslur eru meðal þeirra elstu og vönduðustu á Norður- löndum. Veðurfræðingarnir Trausti Jóns- son og Páll Bergþórsson munu flytja erindi og lesið verður úr ljóðum Sigrðar Breiðfjörðs en Árni var vin- ur hans og velgjörðarmaður. Árni Thorlacius fæddist á Bíldudal árið 1802. Hann fór í menntaskóla til Kaupmannahafnar og til Björgvinjar í sjómannaskóla. Árið 1821 öðlaðist hann skipstjórnarréttindi til að stýra skipum milli landa. Hann var fáein ár í siglingum erlendis. Árið 1825 tók hann við fóðurarfi sínum, meðal annars StykkishólmsJtaupstað. Kona hans var Magdalena Steenbach og bjuggu þau í Stykkishólmi. Þau eign- uðust 9 börn og 5 þeirra komust upp. Árni rak útgerð, verslun og búskap og var umboðsmaður jaröa. Hann keypti frá Noregi tilbúið timburhús, tvílyft, og reisti það í Stykkishólmi og var það á sínum tíma eitt veglegasta íbúðarhús á ís- landi. Húsið, sem nefnt er Norska húsið, hýsir nú byggðasafh. Arni var mjög áhugasamur um ýmis fræði og átti stórt bókasafn. Hann var í bréfasambandi við vís- indamenn í Evrópu og skrifaði grein- ar í erlend tímarit. Hann kenndi sjó- mannafræði og skrifaði kennslubók í þeirri grein. Verðurathuganir hans eru einn stærsti minnisvarði um fræðiiðkanir hans. ARM0RC0AT-0RYGGISFILMAN ER LÍMDINNAN Á VENJULEGT GLER • Breytir rúðunni íöryggisgler (innbrot, fárviðri, jarðskjálftar) • Sólarhiti minnkar um 75% • Upplitun minnkar um 95% • Eldvarnarstuðull F-15 ARMORCOAT SKEMMTILEGT HF. SÍMI587-6777 V BÍLDSHÖFÐA 8 J * Nýtt kvöldverðartiiboð 27/10-2/H Veturer qenqinníqarð Frábærmatur, Ijúfar veitingar, rómantísktumhverfi yndisleqkvöldstund Glæsileqijarétta kvöldverðartilboð Kr.l.995 HaGSTÆD IIÁDEQISVOtDARTILBOD AUA VIKKA DAGA u) GaííniJíminiD^ ^—' l.au?aveíi 178 v ^k Kmi 588 9967 Bílahlutir Hjólkoppar 13"og 14" kr. 450 stk. Bremsuljós í afturglugga Verð frá kr. 760 Kerruljós m/kapli og tengingu. Verð kr. 2.750 Vetrarrúðuþurrkur tvöfaldar þurrkur 2 stk. í pákka 40-45-50 cm Verð frá kr. 860 pakkinn Sætaáklæði á allan bílinn Verðkr. 2.600 Síðumúla 34 - Fellsmúlamegin Sími 588 7332 Opið: mánud- föstud. kl. 9-18 Laugard. kl. 10-16
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.