Dagblaðið Vísir - DV - 23.11.1995, Blaðsíða 10

10
FIMMTUDAGUR 23. NÓVEMBER 1995
Spurningin
Lesendur
Hvað gerir þú á kvöldin?
Sólveig Fjólmundsdóttir nemi:
Bara læri og geri eitthvað með vin-
um mínum.
Berglind Sveinsdóttir nemi: Það er
misjafnt. Á virkum dögum læri ég,
um helgar fer ég í bíó eða eitthvað.
Ingólfur Guðmundsson nemi: Ég
skemmti mér á kvöldin.
Laufey Skúladóttir nemi: Horfi á
sjónvarpið.
Emilía Gunnarsdóttir nemi: Eg
læri eiginlega öll kvöld.
Berglind Ámadóttir nemi: Fer á
kaffihús og í bíó eða læri.
Menningarborgin
Reykjavík
Tími kominn á miðborgina?
Reykvíkingur skrifar:
Nú hefur okkur íbúum Reykjavík-
ur verið tilkynnt að borgin verði út-
nefnd „menningarborg Evrópu".
Þetta er að sjálfsögðu fagnaðarefni.
Ég er þó sammála þeim sem rök-
styðja viðurkenninguna þeim orð-
um að þessi útnefning hafi komið til
vegna borgarinnar eins og hún er
nú. - Margir láta hins vegar liggja
að þvi að nú þurfi fyrst að fara að
framkvæma. Það er nefnt tónlistar-
hús, nýtt Þjóðminjasafn og ýmislegt
annað. Á þessu höfum við engin efni
eins og málum er háttað nú.
Ég tel því alveg út í hött að tala
um að fara að framkvæma einhver
ósköp vegna þessarar fréttar um
„menningarborgina" Reykjavík árið
2000. Við skattgreiðendur erum bún-
ir að fá meira en nóg af fram-
kvæmdum í bili og það verður ekki
bætt á Brúnku neinum aukapinkl-
um að svo komnu máli.
Annað er, að við gætum, úr því
þessi „menningar“-titill er tilkom-
inn fyrir tilstilli Evrópusambands-
ins (en það er upplýst aö svo sé,
hvort sem mönnum líkar betur eða
verr), rétt eins farið fram á nokkurn
stuðning frá þessu margnefnda sam-
bandi viö að endurskipuleggja
Reykjavíkurborg með teikningum
og „módeli“. Reykjavík er nefnilega
að verða dálítið úrelt, ef ég má nota
það orð. Borgin hefur dregist aftur
úr varðandi nýtískulegar og fagrar
byggingar, einkum í miðborginni.
Reykjavík er dottin í það far að vera
orðin ljótur kumbaldi á meðán aðr-
ar borgir skarta fögrum miðbæjar-
kjarna.
Ég er ekki að segja að nú eigi að
byggja stórt og mikið - og alls ekki
á næstu 3-4 árum. Það þarf einfald-
lega að láta fara fram samkeppni
um fallegan og glæsilegan miðbæ, ef
til vill með nokkrum háhýsum sem
girða af norðangarrann frá sjónum.
Til þess að svo megi verða þarf flug-
völlurinn í Vatnsmýrinni auðvitað
að hverfa og að sjálfsögðu eitthvað
af gamla timburkofadraslinu. En
umfram allt; ekki fara að byggja ein-
hver einstök ný hús til að þjóna
„menningar" titlinum eingöngu.
Skattaumræða í Almannarómi:
Hópsálin söm
Sigurður Gunnarsson skrifar:
í þættinum Almannarómi í síð-
ustu viku á Stöð 2 sem allir tala um
daginn eftir vár rætt eitt mesta efna-
hagsvandamál okkar, skattsvikin.
Mikið var fimbulfambiö á landanum
og allir þóttust vita betur en sá á
undan. Og allir sögðust hneykslaðir
á svartri atvinnustarfsemi og und-
anskotum á skatti vegna hennar.
Aðeins einn þátttakanda heyrði
ég koma með önnur rök. Það var Ás-
geir Hannes Eiríksson sem færði
fram þau rök að hin svarta atvinnu-
starfsemi væri ekki eins alvond og
af væri látið. Hún skilaði vissulega
fjármunum í áframhaldandi veltu
sem svo aftur myndaði skatttekjur
fyrir hið opinbera. Þetta má auðvit-
að til sanns vegar færa. Peningar
sem verða til í svartri atvinnustarf-
semi hverfa ekki eins og dögg fyrir
sólu. Þeir halda áfram að flæða um
efnahagslífið á einhvern hátt.
Engum dettur í hug að verja neð-
anjarðarhagkerfi og það held ég að
Ásgeir Hannes hafl ekki verið að
gera með þessum óvæntu rökum.
Hann sýndi bara fram á tvískinn-
ungsháttinn í hinum þátttakendun-
um sem mæltu blint af munni fram
hverja bábyljuna af annarri.
við sig
Yfirgnæfandi meirihluti lands-
manna er sér þess meðvitandi að
hér tíðkast skattsvik í stórum stíl og
vill að þau verði upprætt. En að því
verður ríkisvaldið að standa og best
verður það gert með því að lækka
fastaskatta verulega, t.d. tekjuskatt-
inn - eins og í raun stóð til að gera.
Á því heyktist m.a. Sjálfstæðisflokk-
urinn og kenndi um stjómarsam-
starfi við aðra flokka. Hér er mikil
meinloka í gangi og hefur verið öllu
þjóðlífinu til trafala í fortíð og nútíð.
Mál er að linni þeim hráskinnaleik.
Forsetaefni segi af eða á
Birgir Jónsson skrifar:
Ég tel liklegt að senn þyki fólki
nóg komið af tilnefningum til for-
setaframboðs á íslandi voriö 1996.
Hátt á annan tug nafna hefur verið
nefndur til sögunnar, nöfn sem ým-
issa hluta vegna koma ekki flatt upp
á þjóðarsálina þó séu í sviðsljósinu.
Auðvitað geta menn áfram stungið
upp á körlum og konum sem þykja
vænleg til sigurs í komandi forseta-
kjöri en þeir menn og konur sem til
þessa hafa verið til umræðu hafa
fæstir haft fyrir því að segja af eða á
um hvort hægt muni að reiða sig á
framboð þeirra.
Það er því meira en tími til kom-
inn að þessir aðilar láti verða af því
að gefa upp hvort þeir hafi hug á að
verða við óskum um framboð verði
eftir því leitað. Landsmenn bíða
ekki fram á vorið eftir að Helgi Hálf-
danarson gefi upp þá persónu sem
hann og hans hópur telja æskilegt
að gefi kost á sér til forsetaemættis
- „kunnan Reykvíking úr stétt
menntamanna" - eins og Helgi
greindi frá í greinarstúf í Morgun-
blaðinu fyrir svo sem tveimur vik-
um. Nóg er komiö af hugleiðingum
um forsetaefnin og því tímabært að
moða úr þeim nöfnum sem þegar
hafa verið sett fram. Auk þess sem
þessir aðilar hafa hvorki játað né
neitað því að þeir séu tilbúnir í
framboð þegar við þá hefur verið
rætt.
Það er heldur engin- fjarstæða
sem fram hefur komið, m.a. hjá
Helga Hálfdanarsyni í áðurnefndum
pistli, að embætti forseta og biskups
yrðu sameinuð. Það er engin litils-
virðing við forsetaembættið. Það er
því ekki seinna vænna að ganga á
þá aðila sem helst eru tilnefndir og
krefja þá skýrra svara um hug
þeirra til framboðs í forsetaembætt-
iö.
„Ekki seinna vænna að krefjast skýrra svara frá þeim sem oftast eru tilnefndir," segir m.a. í bréfinu. Nokkur þekkt
andlit úr umræðunni um framboö í forsetaembættið.
I>V
Kostnaður af
varaþing-
mönnum
Benedikt Sigurðsson skrifar:
Ég las frétt í Tímanum sl.
föstudag um að þingkonur
Kvennalistans bæru sjálfar
kostnaðinn af því að láta kalla
inn varaþingmann fyrir sig. í
sömu frétt segir síðan að Samtök
um Kvennalista greiði laun þing-
kvenna sem fara út af þingi á
meðan varaþingkona gegnir
störfum á þingi. Ég botna nú
ekki lengur í þessum hringlanda-
hætti. Hins vegar held ég það sé
jafnt á komið meö Kvennalistan-
um og öðrum flokkum hér að
eina markmiðið með innkomu
varaþingmanns sé að hann öðlist
rétt til eftirlauna. Það er því auk-
in byrði skattborgaranna að fá
sérhvern nýjan varaþingmann.
Danska brúð-
kaupið
Bára hringdi:
Ég, eins og margir aðrir ís-
leridingar, var séi-staklega ánægð
að horfa á brúðkaup hins danska
Jóakims Friðriks og Alexöndru
frá Hong Kong. Þetta er auðvitað
ævintýri líkast að sjá þetta. En
við hefðum vel þegið meira, t.d.
að sjá frá gestunum sjálfum eða
matnum sem borinn var fram og
fleira í þeim dúr. Kannski fáum
við að sjá heildarmynd af þess-
um viðburði fljótlega. Ég vona
þaö að minnska kosti.
Símaklefa
vantar
Sigríður Geirsdóttir skrifar:
Tilfinnanlegt er þjónustuleysi
Pósts og síma hér í borginni, aö
ekki skuli vera til staðar al-
menningssímaklefar eins og t.d. í
miðbænum en ekki síður í íbúð-
arhverfunum. Þar eru þeir bráð-
nauðsynlegir, þar sem ekki
nærri allir hafa eigin síma, t.d.
leigjendur, eða í þeim tilvikum
þegar menn eru læstir úti eða
hafa gleymt lykli að íbúðum sín-
um. Símaklefar eru nauðsynleg
öryggistæki í hverri borg og þar
eru þeir líka. Nema hér í Reykja-
vík.
Vantrú á ný-
skipan hjá ríki
E.S.K. skrifar:
Nýlega var auglýst ráðstefna á
vegum hins opinbera til að
kynna „nýskipan í ríkisrekstri -
markviss skref til framfara".
Þetta er virðingarvert framtak
þess ráðherra sem þama stendur
að baki. Það er bara þessi vantrú
sem landsmenn ávallt hafa á öllu
er frá hinu opinbera kemur sem
verður þess valdandi að svona
ráöstefnur skila litlum árangri.
Bætir ekkert úr skák þótt aðilar
allra stjórnmálaflokka mæti til
leiks eins og auglýst var um of-
annefnda ráðstefnu. Ríkisvaldiö
á ekki traust almennings, því
miður.
Jólaamstrið of
snemma á ferð
Halla skrifar:
Ég fór í bæinn þann 1. nóv. sl.
í einum búðarglugganum var
búið að stilla út jólasveini. Jólin
eru nú ekki fyrr en seint í des-
ember og tæpum tveimur mán-
uðum áður er jólaskraut komið í
gluggana! Mitt jólaskap endist
ekki svona lengi og þegar jólin
koma er jólaskapið horfið. Jólin
skipta okkur miklu máli. Er ekki
fulllangt gengið að byrja jólin í
nóvember án þess að hugsa um
tilfinningar fólks almennt? Ég
vil biðja fólk að taka tillit til til-
finninga annarra. Málið snýst
ekki um peninga. Og jólin eru
ekki fyrr en seinni hluta desem-
ber, ef einhver veit það ekki.