Dagblaðið Vísir - DV - 29.11.1995, Blaðsíða 24

48
MIÐVIKUDAGUR 29. NÓVEMBER 1995
Glæsilegar verðlaunagetraunir og
skemmtileg aukablöð fyrir lesendur
DV í desember!!
Jólagetraun LUl!J
Jólagetraun DV hefur skapað sér fastan sess í hugum landsmanna
og hafa verðlaunin aldrei verið glæsilegri en nú í ár.
Heildarverðmæti vinninga er hvorki meira né minna en
kr. 500.000! Þátttökuseðlarnir birtast í DV daglega frá
þriðjudeginum 28. nóvember til ogmeð mánudeginum 11.
desember.
Verðlaunagetraunir í
BarnalLaÁ!3á laugardögum:
Nú í desembermánuði verða margar skemmtilegar
verðlaunagetraunir fyrir hressa krakka í Bama-DV á
laugardögum! Verðlaunin verða ekki af verri endanum og ber
þar hæst Sony Playstation frá Skífunni, leikfóng frá
Leikfangabúðinni Vedes og fúllt af bíómiðum á jólamynd
Stjörnubíós. Það er því til mikils að vinna að fylgjast með Barna-
DV á laugardögum!
Jólamyndagáta og jólakrossgáta:
Jólamyndagátan og jólakrossgátan birtast í DV fyrir jólin og
eru glæsileg verðlaun í boði.
Aukablöð 1
Þann 6. desember fylgir DV hin geysivinsælajólagjafahandbók.
Þann 12. desember fylgir DV sérstakur blaðauki um hljómföng,
í blaðinu verður meðal annars fjallað um alla nýja tónlistarútgáfu
fyrir jólin.
Þann 13. desember fylgir DV sérstakur blaðauki um bækur
þar sem verður fjallað um allar nýútkomnar bækur.
Aukablöð DV ættu því svo sannarlega að auðvelda þér og fjölskyldu
þinni að velja úr þvi mikla framboði af vöru og þjónustu og hjálpa
til við jólainnkaupin.
í jólaskapi • fyrir þig!
Menning
Atriði úr leikritinu Ævintýri á harða diskinum eftir Ólaf Hauk Símonarson, í flutningi Leikfélags Mosfellssveitar.
DV-mynd TJ
Fastir í netinu
í nútíma ævintýri er vel við hæfi að hetjurnar ferð-
ist um Internet og tölvuheima í stað þess að ganga í
björg og fást þar við tröll og forynjur eins og í þjóð-
sögunum okkar.
Ólafur Haukur Símonarson skrifar unglingaleikrit-
ið Ævintýri á harða diskinum í stíl gömlu sagnanna.
Og þó að umhverfíð sé annað og
öllu nútímalegra þurfa persónurn-
ar eftir sem áður að leysa sínar
Herkúlesarþrautir.
Verkið er á léttu nótunum og
leikendur allir á táningsaldri. Guð-
jón Sigvaldason er leikstjóri og hóp-
urinn stendur sig eins og við er að búast af óreynd-
um ungmennum og jafnvel ögn betur, enda mikið í
sýninguna lagt.
Helst mætti finna að því að framvindan er dálítið
skrykkjótt. Á milli fjölmennra atriða dettur dampur-
inn niður og óþarfa gloppur myndast eins og oft vill
verða, þar sem oft er skipt um svið. Þarna hefði mátt
nýta skjátæknina enn frekar en gert var.
Aðalsöguhetjan er óvenjulegu illa haldið tölvufrík
sem heitir Nonni. Hann forritar sjálfan sig og félaga
sinn, vélmennið Manna, inn í tölvuna til að frelsa
mömmu og pabba Nonna, en þau hafa lokast inni á
harða diskinum fyrir slysni.
Á leið sinni um hulduheima tölvunnar mæta þeim
alls kyns ókennilegar verur og dárar sem reyna að
hefta för. En þá kemur tölvuþekking Nonna að góðum
notum og alltaf sleppa þeir félagar fyrir horn á elleftu
stundu.
í fyrsta atriðinu kynnist áhorfandinn Ijölskyldu
Nonna. Pabbi hans er áhyggjufullur af því að strákur-
inn hangir alltaf yfir tölvunni í stað þess að vera kúl
og eltast við stelpur, reykja sígarettur og drekka bjór
eins og allir almennilegir táningar gera.
Þarna hefur Ólafur skemmtilega hausavíxl á hlut-
unum og Ágúst Bernharðsson, sem
leikur pabbann, nýtur þess greini-
lega að túlka þennan óvenjulega
uppalanda.
Agnar Jónsson leikur Nonna og
Kristófer Jensson Manna, sem mest
koma við sögu, en auk þeirra má
nefna Frímann Sigurðsson, sem lék konunginn með
tilþrifum, og Stefán Jónsson í hlutverki Þönguls.
Það er mikið í uppsetninguna lagt enda er hún lið-
ur í norrænu samstarfsverkefni um leiklist fyrir
unglinga og verður sýnd í Kaupmannahöfn ásamt
öðrum slíkum á næsta ári.
Valgeir Skagfjörð semur líflega tónlist við verkið
og búningar Helgu Kristrúnar Hjálmarsdóttur eru
sérlega vandaðir, fjölbreyttir og litskrúðugir.
Ævintýri á harða diskinum hefur alla burði til þess
að ná eyrum unglinga og skemmtilegast er auðvitað
að leika sjálfur í svona uppfærslu.
Leikfélag Mosfellssveitar sýnir:
Ævintýri á harða diskinum
eftir Ólaf Hauk Símonarson
Tónlist: Valgeir Skagfjörð
Leikstjóri: Guðjón Sigvaldason
Leikmynd og búningar: Helga Kristrún Hjálmarsdóttir
Lýsing: Alfreð Sturla Böövarsson
Leiklist
Auður Eydal
Nýtt fyrir gítar
A útgáfulistum geislaplötufyrirtækjanna fer ekki
ýkja mikið fyrir nýstárlegri gítartónlist. Þar halda
menn ótrauðir áfram að gefa út upptökur á tónlist
spænskra gítarsnillinga frá 19. öld. Þó er ýmislegt
áhugavert að gerast í heimi gítarsins um þessar
mundir. Til dæmis eru nú komin fram alvarlega
þenkjandi tónskáld sem uppalin eru við rokk og blús
og vilja láta á það reyna hvort ekki megi steypa sam-
an drifkrafti og Jarðbundnum" takti rokksins og fjöl-
þættari og háttbundnari eigindum sígildu tónlistar-
innar. Aukinheldur hefur rafmagnsgítarinn leitt
nokkur yngri tónskáld inn á nýjar brautir rafmagn-
aðrar og tölvutækrar tónlistar.
Að því ég best veit hefur aðeins eitt geislaplötufyr-
irtæki beinlínis lagt sig eftir tilraunatónlist fyrir gít-
ar, nefnilega bandaríska fyrirtækið Bridge, sem inn-
vígðir munu kannast við. Þetta fyrirtæki er af mörg-
um Ameríkönum sagt vera við „cutting edge“ nú-
tímatónlistEuinnar, það er fylgjast betur með henni
en aðrir. Um það votta útgáfulistar fyrirtækisins, sem
hægt er að fá hjá Japis, en á þeim er að fmna nöfn
nokkurra tónskálda af yngri kynslóð sem mest hafa
haft sig í frammi undanfarin ár.
Því nefni ég Bridge-fyrirtækið að það hefur gefið út
nokkrar geislaplötur með leik Dav-
ids Starobins gítarleikara, sém
hvað mest hefur gert af því að láta
framsækin tónskáld semja fyrir sig
verk. Ekki veit ég hvort David
Starobin er þekkt stærð meðal gít-
aráhangenda hér á landi. Sjálfur
hafði ég einungis óljósar spumir af honum áður en
Japis hóf að flytja geislaplötur hans til landsins.
Starobin mun eiga að baki um tuttugu ára feril sem
gítarleikari, bæði sem túlkandi 19. aldar tónlistar á
samtíma hljóðfæri og áhugamaður um spánnýja gít-
artónlist.
Kattarvísur fyrir tölvugítar
Rykti Starobins meðal tónskálda fer hins vegar
ekkert á milli mála. Elliott Carter, Milton Babbitt,
Barbara Kolb og fleiri þekkt tónskáld hafa gert hon-
um verk til flutnings, en auk þess hefur hann hlotið
lof og prís fyrir túlkun sína á verkum eftir Toru
Takemishu,
Hans Werner
Henze og Luigi
Nono.
Á þeim
geislaplötum
með leik Davids
Starobins sem
ég hef verið
með til hlustun-
ar eru tónverk-
in aðallega
tvenns konar.
Annars vegar
eru ljóðræn
verk með eins
konar kammer-
sveitarsniði,
það er samspil
gítars, flautu,
fiðlu, hörpu og söngraddar (gjarnan barítóns). Þar má
nefna verk eftir Humphrey Searle frá 1950 við kattar-
vísur T.S. Eliots og Sunnudagssöngva eftir Stephen
Sondheim úr söngleik hans Spássitúr með Georgi.
Hins vegar eru tilraunir með teng-
ingu gítars og tölvutækni; ýmist
spilar gítarleikarinn „við“ tölvu
sem búið er að mata á tónum eða
hljóðum, eða þá að hann er þátttak-
andi í mun flóknara ferli. Gott
dæmi um slfkt ferli er Bug-Mudra
eftir Tod Machover (1990), þar sem kassagítar, raf-
magnsgítar, hljómborð og segulband eru tengd inn á
hljómkerfi tölvu, sem lætur meðal annars stjórnast af
sérstökum „stjórnglófa" tónskáldsins eftir aðferðum
sem ég kann ekki að skilgreina. En útkoman er mögn-
uð; eins og gítarsóló eftir Hendrix sem búið er að
hluta niður í frumeiningar sínar og setja í nýtt sam-
hengi.
Það er sem sagt „brúarsmíði“ af þessu tæi sem
Bridge-fyrirtækið er þekktast fyrir.
David Starobin - New Music with Guitar, Vols. 1-4
Bridge BCD 9009-9012
Umboð á íslandi: Japis
Hljómplötur
Aðalsteinn Ingólfssnn