Dagblaðið Vísir - DV - 11.12.1995, Blaðsíða 26

26
MÁNUDAGUR 11. DESEMBER 1995
Fréttir
Ekki verði byggt nær álverinu í Straumsvík:
Vorum bara við bygg-
ingum á svæðinu
„Við mælum með því að það
verði ekki byggt á þessu svæði.
Menn eru að byggja hús til 50-70
ára og viðhorfin geta breyst þó að
hávaðinn á þessu svæði sé undir
hávaðamörkum næstu árin. Um-
ferðarþungi verður auðvitað meiri
og þrengt verður að verksmiðj-
unni um ókomna framtíð. Við
mælum með þvi að bærinn haldi
ekki lengra með byggðina þarna
en hvað þeir gera er þeirra mál.
Við erum bara að vara við þessu,“
segir Rannveig Rist, upplýsinga-
fulltrúi ísal.
Forystumenn íslenska álversins
í Straumsvík, ISAL, hafa varað
bréflega við því að byggingafram-
kvæmdir verði hafnar á framtíðar
byggingarsvæði Hafnarfjarðar
sunnan við Hvaleyrarholt. Sam-
kvæmt aðalskipulagi á að rísa þar
íbúðahverfi og var úthlutun lóða
og framkvæmdir fyrirhugaðar
næsta vor. Bæjaryfirvöld hafa lýst
yfir mikilli óánægju með mótmæl-
in og telja ÍSAL hafa afskipti af
málefnum bæjarins.
„Ég skil ekki hvað vakir fyrir
þeim. Bærinn er að vekja athygli á
því að hann er í 100% fullum rétti
að láta byggja á þessu svæði, sam-
kvæmt nýlega gerðu aðalskipulagi
sem ísal gerði engar athugasemdir
við á sínum tíma. Ef menn ætla að
fara að setja kvaðir á’ Hafnarfjörð
utan þess svæðis, sem kveðið er á
um í samningum og umhverfis-
mati, þá er kominn nýr flötur á
málið. Ef menn ætla að gera kröf-
ur um takmörkun á þessu land-
svæði þá verða að koma bætur þar
fyrir,“ segir Tryggvi Harðarson
bæjarfulltrúi.
Forystumenn bæjarins funda
með Christian Roth, forstjóra ísals,
um þetta mál eftir helgi. -GHS
Framkvæmdir vegna stækkunar álversins í Straumsvík eru nú komnar á fullt skrið. Byrjað er að grafa grunn fyrir nýjan kerskála og þegar fyrsta áfanga þess
verks er lokið hefjast byggingaframkvæmdir. Fjarlægja þarf gífurlegt magn af jarðvegi, eða alls um 85 þúsund rúmmetra, og því eins gott að beita öflugum skófl-
um við verkið. Búið er að bjóða út byggingu skálans og eru tilboð í verkið farin að berast. Smíðinni á að vera lokið seinni hluta ársins 1997 og í kjölfarið verð-
ur afkastageta álversins aukin um 60 prósent.
Áfengisvarnaráð:
Flestir mæti jólunum
sem fjölskylduhátíö
Áfengisvarnaráð reynir ávallt
fyrir jól, eins og þáð hefur getu og
fjármagn til, að sögn Ólafs Hauks
Árnasonar áfengisvarnaráðunautar,
að kom því á framfæri í fjölmiðlum
og víðar að jólin séu hátíð allrar
fjölskyldunnar og því sé æskilegt,
sérstaklega barnanna vegna, að
halda áfengi og öðrum vímuefnum
flarri.
Hann telur að drykkjuskapur
sjálfa jóladagana hafi minnkað á
undanfbrnum árum.
Hlutverk Áfengisvarnaráðs er að
vera til ráðuneytis fyrir opinbera
aðila, skóla og félagasamtök. Einnig
að gefa út fræðsluefni. Síðan eru
kjördæmin tekin fyrir og nú í haust
hefur fólk frá ráðinu til dæmis
heimsótt nánast hvern einasta skóla
í Suðurlandskjördæmi.
Áfengisvarnaráð hefur gefið út .
bæklinga með uppskriftum með óá-
fengum drykkjum. Ólafur Haukur
sagðist hafa á tilfinningunni að jóla-
glögg væri ekki lengur í tísku en
engar tölur eru tiltækar að styðjast
við í því efni.
Opinberar sölutölur á áfengi sýna
að áfengisneysla hefur aukist lítil-
lega og neysla hefur aukist hjá ungu
fólki, sérstaklega piltum, ekki bara
á bjór, heldur líka sterkum drykkj-
um að sögn Ólafs. Hann sagði að í
könnunum kæmi fram að fullorðið
fólk hefði ekki breytt sinum venjum
mikið.
-ÞK
Vantar þig
upplýsingar
um krabbamein?
Nýttu þér aukna þjónustu
Krabbameinsfélagsins
S KRABBAMEINS
S RÁÐGJÖFIN
Stríð um nafn á
sólbaðsstofunni
Stjörnuljós
Stefaníu Helgadóttur, sem rekið
hefur sólbaðsstofuna Stjörnuljós í
Mosfellsbæ í tvö ár, brá á dögun-
um þegar hún fékk upphringingu
og henni tjáð að hún skyldi bara
strika nafnið Stjörnuljós út því
aðrir aðilar væru að setja á lagg-
imar sólbaðsstofu við Grafarvog-
inn með sama nafni.
j.Það er skítt þegar komið er
svona aftan að manni. Ég þekki
ekki svona vinnubrögð og mér
finnst þetta lítið hugmyndaflug,“
segir Stefanía.
Þegar hún keypti sólbaðsstof-
una fyrir tveimur árum athugaði
hún ekki hvort fyrirtækið væri
skráð í firmaskrá. „Þetta fólk
hringdi í mig og tilkynnti mér að
það væri að setja upp sólbaðsstofu
og að það væri búið að kaupa
þetta hafn sem sagt taka það af
mér og ég skyldi bara strika allt
út hjá mér. Ég gæti trúað að sól-
baðsstofan hér sé orðin sex ára
gömul. Ég er búin aö auglýsa mik-
ið undir þessu nafni og er með bíl
allan merktan fyrirtækinu. Lög-
fræðingar, sem ég leitaði til,
sögðu að það væri alveg eins lik-
legt að ég myndi vinna málið fyr-
ir dómi.“
„Það eru ekki til neinar skráð-
ar reglur um svona mál. En ef fyr-
irtæki hefur notað nafn um ára-
bil, það er álitamál hversu lengi,
þá vinnst ákveðin markaðshefð á
því. En það verður aldrei leyst
nema fyrir dómi ef ágreiningur
kemur upp,“ segir Þorkell Gísla-
son hjá Firmaskrá.
Stefanía ákvað að láta skrá sína
sólbaðsstofú undir nafhinu Ekta-
Stjömuljós. -IBS
Milljónir eru milljarðar
Svo óheppilega vildi til í DV að
rekstur borgarinnar var sagður
kosta 10,5 milljónir króna. Það er
ekki rétt. Samkvæmt heimildum
DV kostar reksturinn 10,5 milljarða
króna. Þegar blaðamaður hafði sam-
band við Eggert Jónsson borgarhag-
fræðing neitaði hann að gefa blaða-
manni upplýsingar.
-GHS