Dagblaðið Vísir - DV - 30.12.1995, Blaðsíða 31

DV LAUGARDAGUR 30. DESEMBER 1995___ ftCttít'í
Trúa á heimsendi og vilja
deyja í hreinsunareldi
Lögreglumenn á svæðinu í frönsku Ölpunum þar sem 16 lík fundust á Þorláksmessu.
Símamynd Reuter
í kjölfar fjöldasjálfsvíganna eða
morðanna í Frakklandi fyrir viku
gerast þær raddir nú háværari í
Frakklandi og Sviss sem vilja tak-
marka eða banna undarlega sértrú-
arsöfnuði. En stjórnmálamenn
benda á að bann brjóti í bága við lög
um trúfrelsi.
Enginn veit í rauninni hversu
margir meðlimir sértrúarhópsins
Sólarhofsins eru né heldur hvernig
þeir tímasetja brottför sína úr þess-
um heimi í annan betri að þeirra
mati.
Eftir fund líkanna 16 nálægt
Grenoble í frönsku Ölpunum fyrir
viku er fjöldi látinna meðlima kom-
inn í 69 á rúmu ári. í október í fyrra
fann lögreglan í Cheiry í Sviss 23 lík
á bóndabæ sem kveikt hafði verið í.
Þá fundust einnig 25 lík í Les
Granges-sur-Salvan í Sviss. Um
svipað leyti fann lögreglan í Kanada
fimm lík skammt fyrir norðan Mon-
treal.
I kyrtlum og með
plastpoka um höfuðið
Sumir meðlima sértrúarhópsins
sem dóu í Cheiry voru klæddir í
hvíta, rauða, svarta og gyllta kyrtla.
Nokkrir voru með plastpoka um
höfuðið. Flestir voru með skotsár,
sumir voru handjárnaðir með hend-
ur fyrir aftan bak og aðrir virtust
hafa verið sprautaðir með sterkum
lyíjum.
Svissnesk yfirvöld grunaði fyrst
að meðlimirnir hefðu verið myrtir í
samsæri stofnanda sértrúarsafnað-
arins, læknisins Lucs Jourets, og
nánasta samstarfsmanns hans, Jos-
eps di Mambros. Talið var að þeir
vildu koma í veg fyrir að upp kæm-
ist um fjármál safnaðarins. Lögregl-
an gekk meira að segja svo langt að
gefa út handtökuskipanir. Staðan
varð svolítið vandræðaleg þegar
rannsókn leiddi í ljós að leiðtogar
safnaðarins voru meðal hinna
látnu.
Undirbúningur
fyrir annað líf
Óljóst þykir hvort dauðsföllin 53 í
Sviss og Kanada voru morð, fjölda-
sjálfsvíg eða hvorutveggja. Safnað-
armeðlimir virðast trúa því að
dauði í eldsvoða sé eins konar
hreinsun í undirbúningnum fyrir
annað líf.
Líkin sem fundust í frönsku Ölp-
unum voru einnig brunnin. Skógar-
svæði hafði verið rutt og notast var
við eldfima vökva og trjágreinar til
að kveikja í.
Á heimili fjögurra hinna látnu
fundust handskrifaðir miðar þar
sem geflð var í skyn að viðkomandi
óskaði eftir að „sjá annan heim“. Á
einum miðanum stóð: „Dauðinn er
ekki til. Hann er hrein ímyndun."
Sonur ólympíumeistara
meðal hinna látnu
Lögreglan kannar nú einnig yfir-
lýsingar Patricks Vuarnets sem
sendi svissneskum og frönskum
yfirvöldum „síðustu erfðaskrá" Sól-
arhofsins í fyrra. Víst þykir að
Vuarnet, sonur fransks ólympíu-
meistara á skíðum, sé einn hinna
látnu sem fundust í Frakklandi þó
það hafi ekki verið formlega stað-
fest. Vuarnet er sagður hafa lýst því
yfir að atburðirnir í Cheiry og Les
Granges-sur- Salvan hafi verið
ósköp eðlileg atvik. „Þetta fólk var
kallað og þetta var endurnýjun."
Heimsendir væri í nánd og annað líf
væri betra.
Enn er óljóst hvort Vuarnet varð
einhvers konar leiðtogi safnaðarins
eftir daLiða Jouret og di Mambro.
Lítill vafi þykir þó á að hann hafi
tekið virkan þátt í safnaðarstarfinu
ásamt öðrum fjölskyldumeðlimum
og vinum. Móður hans Edith er
saknað og einnig svissneskrar vin-
konu hans og sex ára dóttur hennar
og er talið að þær séu einnig meðal
hinna látnu. Komið hefur í ljós að
fjórtán safnarmeðlimum voru gefin
lyf og þeir síðan skotnir sofandi
með rifíli af tveimur mönnum sem
síðan sviptu sjálfa sig lífi.
Er að missa
vitið af sorg
Faðir Patricks Vuarnet, Jean
Vuarnet, sem hlaut gullverðlaun á
vetrarólympíuleikunum 1960, lýsti
því yfir í blaðaviðtali að hann væri
að missa vitið. „En ég ætla að berj-
ast. Og ef ég græt þá verður þaö
ekki í felum.“ Faðirinn sagði að út-
för konu hans og sonar yrði opinber
og að henni yrði sjónvarpað. „Ég
ætla að sýna öllum þessum ruglu-
döllum sorgina sem bugar fjöl-
skyldu mína vegna þvælunnar í
þeim. Almenningur verður að fá að
vita af þessu, yfirvöld verða að
skilja þetta og setja lög um þetta.“
Lögreglan í Frakklandi ætlar að
rannsaka hvort sértrúarsöfnuður-
inn tengist peningaþvætti og skipu-
lagðri glæpastarfsemi. Orðrómur
hefur verið á kreiki um að söfnuð-
urinn ætti eignir upp á milljónir
dollara. Er talið að mestur hluti
fjárins hafi komið frá auðugum
safnaðarmeðlimum.
Samkvæmt Renaud Marhic, höf-
undi bókar um Sólarhofið, er ein að-
alspurningin nú hvort nýr leiðtogi
safnaðarins hafi verið meðal hinna
látnu. Marhic hefur lýst því yflr að
svissnesk yfirvöld vissu hver leið-
toginn væri. Hann sagði að nýi leið-
toginn neitaði öllum tengslum við
Sólarhoflð. Marhic sjálfur kveðst
ekki vilja láta uppi allt sem hann
veit af ótta um líf sitt.
Jouret er sagður hafa lokkað til
sín fólk með tali um heimsendi og
boðið því líf í samfélagi þar sem
stundað væri frjálst kynlíf og trú-
arathafnir stundaðir sem sóttar
voru bæði til drúida og kristinna.
Söfnuðurinn sökkti sér sömuleiðis
niður í stjörnufræði og töfravísindi.
Vígin skipulögð yfir
kvöldverði á veitingastað
Líkunum í frönsku Ölpunum
hafði verið raðað þannig að þau
mynduðu stjörnu og sneru fætur
þeirra að eldi sem var í miðju. Sér-
fræðingar segja að safnaðarmeðlim-
ir hafi viljað mynda sól er þeir dóu
í hreinsunareldi.
Tómar kampavínsflöskur fundust
hjá líkunum í Granges-sur-Salvan í
fyrra og ýtti það undir orðróm um
að safnaðarmeðlimir hefðu fagnað
brottfór sinni héðan til betri heims.
Að sögn svissnesku lögreglunnar
höfðu sumir dáið með bros á vör.
Leiðtogar safnaðarins voru sagðir
hafa skipulagt athafnirnar í Sviss
yfir kvöldverði á veitingastað í bæn-
um Veytoux.
Átján mánuðum áður en Jouret
lést var hann ákærður í Quebec fyr-
ir að hafa ólögleg skotvopn í fórum
sínum. Söfnuðurinn réttlætti vopna-
birgðirnir með því að nauðsynlegt
væri að vernda meðlimina í öng-
þveitinu á undan heimsendi.
Franskur saksóknari, Jean-Fran-
cois Lorans, óttast fleiri dauðsföll.
Renaud Marhic kveðst nýlega hafa
fengið fregnir um að verið væri að
undirbúa aðra fjöldabrottför.
Nauðsynlegt þykir að gera ná-
kvæma rannsókn á söfnuðinum og
áformum hans tO að mögulegt verði
að koma í veg fyrir fleiri voðaverk.
Sunday Telegraph,
Independent, Reuter
Patrick Vuarnet, sonur Jeans Vuar-
nets ólympíumethafa, var einn
hinna látnu í frönsku Ölpunum.
Stofnandi Sólarhofsins, Luc Jouret.
Frá líkfundinum í Cheiry í Sviss í fyrra. Símamynd Reuter
Bænaherbergi sértrúarsafnaðarins Sólarhofsins.