Dagblaðið Vísir - DV - 10.05.1996, Blaðsíða 4

4
FÖSTUDAGUR 10. MAÍ 1996
Fréttir
Kærur og barsmíðar að verða daglegt brauð í næturlífi Reykjavíkur:
Nektardansinn er svar
við harðnandi samkeppni
- átökin snúast um skiptin á gróðanum af rekstri nektardansstaðanna
„Veitingastaðirnir í Reykjavík
eru orðnir vel á annað hundrað.
Margir þeirra eru að keppa um fólk-
ið sem fer út eftir miðnætti og stóra
trompið í þeim slag er að bjóða upp
á nektarsýningar. Þetta er sama
þróun og alls staðar annars staðar
þar sem gróska er mikil í nætur-
menningunni," segir einn viðmæl-
andi DV sem fylgist náið með næt-
urlífinu í Reykjavík.
Undanfarnar vikur hafa borgar-
búar orðið vitni að „undirheima-
stríði" sem í æsilegustu útgáfunum
gæti minnt á stríð sem fréttist af frá
öðrum löndum milli eigenda nætur-
klúbba. Harkan er greinilega meiri
en verið hefur.
Maður barinn
Ráðist er á Guðjón Sverrisson,
eiganda skemmtistaðarins Bóhem
við Grensásveg, og hann sakar Dan
Morgan, fyrrum framkvæmdastjóra
Vegas, um að standa að baki
árásinni. Dan Morgan svarar með
því að kæra Guðjón fyrir ærumeið-
ingar.
Á Vegas var og allt í háalofti.
Áðurnefndur Dan Morgan lenti upp
á kant við þrjá félaga sína um rekst-
ur staðarins og upp úr sauð um síð-
ustu helgi þegar allt starfsfólkið, 18
manns, gekk út með Dan Morgan.
Félagar Dans voru Haraldur Böð-
varsson, sonur Böðvars Bragasonar
lögreglustjóra í Reykjavík, Jónas
Sigurðsson, bróðir Valgeirs veit-
ingamanns í Lúxemborg og Svíþjóð,
og Friðrik Stefánsson fasteignasali.
Hann á auk þess húsnæði í Mjölnis-
holti en þar hefur lögregla oft ráðist
til inngöngu í vetur vegna gruns um
fíkniefnamisferli.
Fyrrum starfsfólk á Vegas er sak-
að um þjófnað. Starfsfólkið hefur
lagt sín mál fyrir stéttarfélag sitt og
neitar að sjálfsögðu öllum ásökun-
um um afbrot. Það segist eiga inni
stóran hluta launa frá síðasta mán-
uði og viðurkennir Valgeir að laun-
in séu enn ekki að fullu uppgerð.
Bolabrögð?
Dan Morgan er Kanadamaður en
hefur verið hér á landi í nær fimm
ár. Hann hefur staðið fyrir innflutn-
ingi á nektardansmeyjum frá
heimalandi sinu og spennan kring-
um þá starfsemi er orðin slík að
helst minnir á undirheimaátök í er-
lendum stórborgum.
Þátttakendur í deilum þessum
vilja fátt segja um það sem er að
gerast. Áðurnefndur Haraldur
Böðvarsson vildi í gærmorgun ekk-
ert segja um hvort hann ætti í
skemmtistaðnum Vegas en fannst
þó heldur mikið fjallað um málið.
Dan Morgan segir að verið sé að
beita hann bolabrögðum og að und-
irrót alls séu átök um skiptingu á
gróðanum af skemmtanahaldinu.
Allir vilja stærri sneið af kökunni.
Valgeir lýsir sínum hlut svo að
hann hafi viljað koma skikk á rekst-
ur staðarins sem Jónas bróðir hans
hafi fjárfest í. Valgeir hafi reynsl-
una í veitingarekstri en Jónas ekki.
Undirrót allra deilnanna er þó sú
að rekstur á hefðbundnum krám -
pöbbum - gefur ekki eins mikið í
aðra hönd og áður. Staðirnir eru
orðnir of margir og þá þarf að finna
ný ráð til að lokka að fólk. Ráðið er
að bjóða upp á nektardans. -GK
Skemmtistaðurinn Vegas við Frakkastíg:
Reksturinn er í fullum gangi
- segir Valgeir Sigurðsson veitingamaður
„Reksturinn á Vegas er eins og
áður. Við höfum fengið nýtt starfs-
fólk í stað þess sem gekk út. Hér er
enginn í verkfalli enda verður að
boða verkfall fyrst áður en farið er í
það,“ segir Valgeir Sigurðsson, veit-
ingamaður frá Lúxemborg, en hann
hefur látið til sín taka í íslensku
skemmtanalífi undanfarið vegna
næturklúbbsins Vegas.
Hópur starfsfólks af Vegas gekk
út um síðustu helgi og hefur ekki
komið til starfa aftur. Segist fólkið
ekki hafa fengið laun greidd.
Valgeir segir að endanlegt upp-
gjör á launum starfsfólksins, sem
var á Vegas, liggi ekki fyrir enda
eigi enn eftir að taka tillit til úttekta
þess á bar og kostnaðar við kaup á
fatnaði sem átti að dragast af laun-
um. -GK
Nektardansmeyjar hafa sett svip sinn á skemmtanalífið í Reykjavík í vetur.
Myndin er af stúlkum sem dansa fyrir gesti Vegas og eru ekki aðilar að þeim
deilum sem staðið hafa. DV-mynd Sveinn
Halldór Kristinsson frá Hagkaupum, til vinstri, afhendir Magnúsi hjólið í versluninni í Kringlunni. DV-mynd GS
Skafmiðaleikur Kjöríss og Lego
Lesendur DV fengu skafmiða frá
Skafmiðaleik Kjöríss og Lego með
blaðinu laugardaginn 27. aprU.
Þar voru verðlaunin ferð tU Lego-
lands, Lego-öskjur, tveir grænir
hlunkar og Pro Style fjallahjól.
Þeim sem fengu vinnig og hafa ekki
þegar vitjað hans er bent á að hafa
samband við Kjörís.
Lego-öskjurnar fást afhentar í
flestum leikfangaverslunum á land-
inu og að sögn Þorleifs V. Stefáns-
sonar, innkaupa-, sölu- og markaðs-
fulltrúa hjá Reykjalundi, sem er
umboðsaðili fyrir Lego, hafa farið
mun fleiri öskjur vegna átaksins
með DV en þeir áttu von á.
Magnús Óskarsson, sem er áskrif-
andi að DV, var einn hinna heppnu
sem fengu vinning á sinn skafmiða,
Pro Style fjallahjól sem Hagkaup
gaf.
Magnús sagðist að vonum ánægð-
ur með þennan óvænta glaðning og
hann kæmi sér mjög vel. -ÞK
Bakteríusápan á sjúkrahúsunum:
Ekki hættuleg
fullfrískum
- segir Karl G. Kristinsson sýklafræðingur
„Þessar bakteríur eru tiltölulega
meinlausar en ef þær berast í opin
sár eða ofan lungu sjúklinga sem
eru með veiklaðar varnir geta þær
valdið sýkingum. Þær eru með öðr-
um orðum ekki hættulegar full-
frísku fólki en eru óæskilegar á
sjúkrahúsum," segir Karl G. Krist-
insson, sýklafræðingur og formaður
sýklavarnanefndar Ríkisspítala, um
handsápuna sem bakteríur fundust
í bæði á Landspítala og Sjúkrahúsi
Reykjavíkur fyrir skömmu.
Karl segir sápuna hafa verið
tekna úr umferð en að það sé fyrst
og fremst fyrirbyggjandi aðgerð
frekar en að hún hafi valdið ein-
hverjum vandræðum.
„Ég á ekki von á að farið verði út
í að skoða sápur eitthvað sérstak-
lega því almennt eru þessar sápur í
lagi. Það sem þarna gerðist var að
menn eru alltaf að reyna að gera
sápurnar mildari fyrir hendur, sér-
staklega á sjúkrahúsum þar sem
fólk þvær sér mikið, en eftir því
sem sápan er mildari fyrir hendur
er hættara við að hún verði um leið
mildari fyrir bakteríurnar. Þessi
umrædda sápa hefur verið orðin
heldur mild og hefur mengast af
þeim sökum.“ Karl segir málinu
lokið af hálfu Landspítalans og að
hann telji það ekki sitt hlutverk að
upplýsa hvaða sápa þarna hafi ver-
ið notuð. Samkvæmt upplýsingum
DV mun hér þó vera um að ræða
sápu sem fæst alla jafna ekki í versl-
unum, svokölluð Alex mjúksápa
sem keypt er tilbúin til landsins og
pakkað hér. -sv
Salmonellusýkingin á Landspítala:
Tveir nú látnir
Annar tveggja sjúklinga á Land-
spítala sem sýktust í salmonellufár-
inu á bolludag og hcifa verið veikir
síðan er nú látinn. Karl G. Kristins-
son, læknir og sérfræðingur í sýkla-
vörnum, staðfestir þetta og segir að
hinn sé enn sjúkur.
Þar með hafa tvö dauðsföll orðið
sem rakin eru til sýkingarinnar
sem barst um Landspítalann í
rjómabollum. Þeir sem létust voru
báðir alvarlega veikir fyrir og þoldu
ekki það viðbótarálag á heilsuna
sem sýkingúnni fylgdi.
Að sögn Karls er ástand þess
sjúklings sem enn er veikur alvar-
legt. -SÁ