Dagblaðið Vísir - DV - 21.05.1996, Blaðsíða 6
6
ÞRIÐJUDAGUR 21. MAÍ 1996
Fréttir
Þing Alþýðusambands íslands hófst í gær:
Ríkisvaldið að setja komandi
kjarasamninga í uppnám
Þing Alþýðusambands íslands var
sett í gær en þetta er 38. þing sam-
bandsins sem varð 80 ára á þessu
ári. Rétt til setu á þinginu eiga 484
fulltrúar en þeir voru ekki allir
mættir til þings í gær. Þingið stend-
ur í fimm dag.
Benedikt Davíðsson, forseti ASÍ,
setti þingið og bauð gesti velkomna.
Hann flutti síðan ræðu og var oft
hvassyrtur út í ríkisstjórnína vegna
skerðingarfrumvarpanna sem hann
kallaði svo. Hann ræddi um þann
efnahagsbata sem orðið hefði og
sagði menn sammála um að nýta
þann bata til að efla atvinnulífið og
bæta kjör þess fólks sem hefur fært
miklar fórnir síðastliðin ár.
„En þá bregður svo við að rikis-
stjórnin sér sig knúna til að veitast
með óskammfeilnari hætti en oftast
hefur þekkst áður að félagslegum
réttindum allra launamanna, hvar í
samtökum sem þeir eru, ekki bara
hinum efnahagsfélagslegú, svo sem
velferðar- og tryggingarmálum, held-
ur og innri félagsréttindamálum
sagði Benedikt Davíðsson, forseti ASÍ, í setningarræðu sinni
launafólks,“ sagði Benedikt meðal
annars í ræðu sinni.
Hann gerði grín að varaformanni
félagsmálanefndar Alþingis sem
sagði opinberlega að gott samstarf
hefði verið við forystu ASÍ um frum-
varpið um stéttarfélög og vinnudeil-
ur. Það hefðu verið landssamböndin
sem hefðu verið á móti. Benedikt
spurði hverjir væru hinir eiginlegu
forystumenn ASÍ ef ekki formenn
landssambanda þess.
Þá ræddi hann nokkuð þau átök
og þær deilur sem urðu innan ASÍ
þegar launanefndin klofnaði í haust
varðandi það hvort segja ætti kjara-
samningunum upp. Hann sagðist
vona að slíkt gerðist ekki aftur.
„Við gerðum öll mistök, mistök
sem við verðum að læra af til þess að
komast hjá svona félagslega erfiðum
ágreiningi í framtíðinni," sagði
Benedikt.
Hann ræddi einnig um þær skipu-
lagsbreytingar og það innra starf
sambandsins sem verða fyrirferðar-
miklir málaflokkar á þinginu. -S.dór
Benedikt Davíðsson, forseti ASI, flytur ræðu sína í upphafi 38. þings ASI í íþróttahúsi Digranesskóla í gær.
Hér er verið að klæða frú Vigdísi Finnbogadóttur, forseta íslands, sérstökum skrúða um leið og hún var gerð að heið-
ursdoktor við Saint Mary’s University í Halifax í Nova Scotia í Kanada. DV-mynd S.dói
Frú Vigdís Finnbogadóttir
sæmd heiðursdoktorsnafnbót
í síðustu viku var frú Vigdís
Finnbogadóttir sæmd heiðursdokt-
orsnafnbót við Saint Maryls Uni-
versity í Halifax í Nova Scotia í
Kanada. Athöfnin var mjög virðuleg
og fjölmenn en hún fór fram í miklu
störhýsi, Metro Center í Halifax.
Frú Vigdís hélt ræðu við þetta
tækifæri og ræddi nokkuð um stöðu
kvenna í nútíð og fortíð. Hún sagði
meðal annars frá Guðríði Þorbjarn-
ardóttur sem er talin hafa verið
fyrsta hvíta móðirin í Ameríku.
Ræða frú Vigdísar vakti verðskul-
daða athygli. -S.dór
Vegir lagðir vegna nýja lónsins
DV, Suðurnesjum:
„Framkvæmdir ganga mjög vel
við nýja veginn. Ég held að það eigi
að setja bundið slitlag á hann í lok
mánaðarins og þá verður hann til-
búinn til notkunnar í júní,“ sagði
Grímur Sæmundsen, framkvæmda-
stjóri Bláa lónsins, i samtali við DV.
Vegurinn liggur frá Grindavíkur-
vegi að byggingarsvæðinu þar sem
nýja lónið verður í framtíðinni 700
metra frá núverandi lóni. Vegurinn
verður 2 kílómetrar með bundnu
slitlagi. Annar vegur, 3 kílómetrar,
verður lagður frá nýja lóninu til
Grindavíkur, skammt frá fjallinu
Þorbirni. Nýi vegurinn frá Grinda-
víkurveginn verður hins vegar not-
aður að núverandi lóni þangað til
nýja lónið kemst í gagnið.
„Það er gott að við getum nýtt
hluta vegarins að núverandi lóni á
meðan verið er að vinna að fram-
kvæmdum við nýja lónið. Við fáum
bundið slitlag sem er ekki fyrir á
núverandi afleggjara að lóninu.
Vegurinn nú er mjög leiðinlegur en
það verður breyting þar á í júní,“
sagði Grímur Sæmundsen. -ÆMK.
Áburöarverksmiöjan:
Hálfs mán-
aðar bið
eftir áburði
Hálfs mánaðar bið er eftir sumum
tegundum af áburði hjá Áburðar-
verksmiðjunni og segja viðskipta-
vinir það koma sér illa á þessum
árstima.
„Við höfum verið að bjóða upp á
áburð í tvenns konar umbúðum,
annars vegar í 600 kflóa sekkjum og
hins vegar í 40 kílóa sekkjum. Við
byrjuðum með 600 kílóa sekkina
fyrir tveimur árum. Eftirspurnin
eftir stærri umbúðunum hefur orð-
ið miklu meiri en við gerðum ráð
fyrir. Við getum því ekki afgreitt
ýmsar tegundir í þessum 600 kilóa
sekkjum fyrr en eftir hálfan mánuð
en við eigum flestar tegundir í 40
kílóa sekkjunum," segir Hákon
Björnsson, framkvæmdastjóri verk-
smiðjunnar.
Hákon tekur það fram að fram-
leiðsluáætlanir miðist við eftir-
spurn fyrri ára. „Það er ákveðinn
vandi, sem við ráðum ekki við, þeg-
ar menn eru að flytja sig milli teg-
unda. Á þessum tíma árs koma
stundum 2 til 3 dagar sem við eigum
ekki sumar tegundir. í vor eru
menn svo einnig miklu fyrr í því að
kaupa áburð en undanfarin ár.“
Innflutningur á áburði er frjáls
en Áburðarverksmiðjan er með all-
an markaðinn, að sögn Hákonar.
„Það er ekki einokun lengur í sjálfu
sér. En vandinn er sá að það þarf að
gera ráðstafanir snemma gagnvart
innflutningi. Hér ætlast menn
kannski til að varan sé til þegar
þeir þurfa á henni að halda og við
reynum að sinna því eins og við get-
um.“
-IBS
Unnið að framkvæmdum nýja vegarins sem mun bæði liggja að núverandi
lóni og framtíðarlóni. Það sést í gröfu.