Dagblaðið Vísir - DV - 25.07.1998, Blaðsíða 48

Pantanir i sima 750 3030
Veðrið á sunnudag
og mánudag:
Bjart fyrir
sunnan
Á morgun og mánudag verð-
ur hæg norðaustlæg eða breyti-
leg átt á landinu. Dálítil súld
verður norðaustanlands en
nokkuð bjart veður sunnan-
lands og vestan. Hiti næstu
daga verður 6 til 10 stig við
norður- og austurströndina en
annars 11 til 18 stig að deginum.
Veðrið í dag er á bls. 49.
FRÉTTASKOTIÐ
SÍMINN SEM ALDREI SEFUR
Hafir þú ábendingu eöa vitneskju um frétt,
hringdu þá í síma 550 5555. Fyrir hvert
fréttaskot, sem birtist eöa er notað í DV,
greiöast 3.000 krónur. Fyrir besta fréttaskotiö
í hverri viku greiðast 7.000. Fullrar nafnleyndar
er gætt. Viö tökum viö fréttaskotum allan
sólarhringinn.
550 5555
Meðalfellsvatn í Kjós:
Dauðaslys
á kajak
Maður fannst látinn í Meðalfells-
vatni í Kjós á áttunda tímanum í
gærkvöld.
Tilkynning barst lögreglu klukk-
an rúmlega hálfsex í gær að maður
á kajak hefði horfið á vatninu. Kaf-
arar, björgunarsveitarmenn og lög-
reglumenn fóru tafarlaust á vett-
vang og leituðu á bátum. Þyrla
Landhelgisgæslunnar var einnig
kölluð út.
Um klukkan 19 fannst kajakinn á
botni vatnsins. Áhöfn þyrlunnar
fann lík mannsins skömmu síðar.
Ekki er unnt að greina frá nafni
hins látna að svo stöddu. -RR
Bætt afkoma
Skagfiröings
DV, Vesturlandi:
Fiskiðjan Skagfirðingur hf., sem
meðal annars starfar í Grundar-
firði, getur státað af mjög batnandi
afkomu fyrstu 8 mánuði rekstrar-
ársins sem hófst 1. september 1997.
Hagnaður á því tímabili er um 61
milljón króna. Þar af er söluhagnað-
ur 5,6 milljónir króna. Fjárfestingar
Skagfirðings á tímabilinu námu
rúmlega 20 milljónum króna og eru
þær mest vegna kaupa á veiðiheim-
ildum. Veiðar og vinnsla í maí
gengu mjög vel og voru tekjur skipa
félagsins í þeim mánuði rúmlega
200 milljónir, þar af um 150 milljón-
ir vegna veiða á úthafskarfa, og út-
litið þykir áfram bjart. -DVÓ
Starfsmenn voru í gær í óðaönn að Ijúka framkvæmdum við Laugaveginn. I
dag verður Laugavegur, á milli Frakkastígs og Barónsstígs, aftur opnaður
umferð bíla og gangandi fólks en eins og flestir Reykvíkingar vita hafa stað-
ið yfir miklar framkvæmdir þar undanfarna mánuði. Kostnaður vegna verks-
ins er um 140 milljónir. Miklar endurbætur hafa verið unnar og Ijóst er að
ásýnd Laugavegarins hefur breyst mikið. DV-mynd Hilmar Þór
Pitsusendill
ók 300 km
„Við ákváðum að láta reyna á
það hvort hægt væri að panta pitsu
þó að 150 km væru á milli okkar og
Pizza 67 á Akranesi. Þau á Pizza 67
tóku vel í þetta. Við gerðum ágætan
samning, við borgum 7 þúsund
krónur fyrir tvær 18 tommu pitsur
og tvær stórar kók. Innifalið er auð-
vitað bensín, enda löng leið fyrir
pitsusendilinn," segir Sindri Reyn-
isson, einn fjögurra starfsmanna
Siglingastofnunar á Snæfellsnesi.
Fjórmenningarnir, sem eru að mála
og lagfæra Malarrifsvita á Snæfells-
nesi, pöntuðu í gærmorgun pitsurn-
ar frá Akranesi. Þær bárust þangað
um sexleytið í gær. Pitsusendillinn
þurfti að aka samtals um 300 km
með pitsurnar.
„Við vorum orðnir svolítið leiðir
á matnum hérna.“ -RR
HEL5T
PIT5AN HEIT?
Norðmaöur selur íslenskar vörur:
Norskar
stelpur óöar í
íslenskt malt
markaður fyrir bjór, malt og vatn
DV, Osló:
„Ég er auðvitað á hverjum degi í
búðunum og sé hvaða fólk það er
sem sýnir íslensku vörunum áhuga.
Það er merkilegt að sjá að stelpur á
aldrinum 14 til 15 ára eru alveg óðar
í íslenska maltið en bjórinn er tal-
inn drykkur fyrir kröftugri karla,“
segir Norðmaðurinn Gunnar
Ottesen sem fyrir skömmu yfirgaf
starf sitt við fjármálasýslu í norsk-
um banka og byrjaði að flytja inn
drykkjarvörur frá íslandi.
Til þessa hefur Gunnar einbeitt
sér að sölu á Viking-malti og bjór
frá Akureyri og vatni frá KEA. Bjór-
inn og maltið hafa fengið góðar við-
tökur og sagði Gunnar i samtali við
DV að eðlilegt væri að gera ráð fyr-
ir sölu á 250 þúsund lítrum af bjór á
ári. Maltið er meiri nýjung á norsk-
um markaði og þarf meiri kynning-
ar við. Þó segir Gunnar að ungt fólk
hafi uppgötvað þennan drykk sem
sérstaka heilsuvöru og orkudrykk.
Gunnar hefur einbeitt sér að sölu
á drykkjunum innan verslana Jens
Evensens í Ósló. Um er að ræða 30
búðir sem taldar eru til þeirra finni
og dýrari i bænum. íslenska vatnið
er 10 til 20 prósentum dýrara en
norskt vatn og kynnt sem það hrein-
asta í heimi.
„Það er erfiðara að markaðssetja
vatnið en bjórinn og maltið enda
telja Norðmenn sig nú þegar hafa
hreinasta vatn í heimi. Verslunar-
stjóramir hjá Jens Evensen eru
hins vegar mjög spenntir fyrir vatn-
inu og ég varð í gær að panta einn
gám aukalega til að anna eftirspurn-
inni,“ segir Gunnar.
Hann segir að hugmyndin að
flytja inn vörur frá íslandi hafi
kviknað í fyrra þegar hann rakst á
eigin skólaritgerð um ísland úr 8.
bekk barnaskóla. Áhuginn á íslandi
hafi alltaf búið með honum og nú
hafi hann ákveðið að gera viðskipti
milli íslands og Noregs að aðalat-
vinnu sinni.
„Hreinleiki islenska vatnsins er
undirstaðan. Ég kynni allar þessar
vörur sem afurðir úr íslensku vatni
og þetta eru allt vörur sem koma frá
Akureyri. Akureyri nota ég sem
ímynd hreinleika og ferskleika.
Þetta er grundvöllurinn fyrir mark-
aðssetningunni og ég finn að hún
skilar árangri," segir Gunnar.
Hann hefur einnig hafið tilraunir
með að selja súkkulaði frá Nóa-Sír-
íusi í sælgætisverslun i Ósló. Fyrsta
sendingin er uppseld og önnur á
leiðinni. Súkkulaðið segir Gunnar
að hafi komið á óvart enda töluvert
ólíkt norsku súkkulaði. -GK
Musso-bilar
enn á rauðu
þrátt fyrir reglugerðarbreytingu

Nú hafa 15 Musso-bílar, sem
Fjölnir Þorgeirsson og fleiri hugð-
ust flytja til landsins og selja, setið
svo vikum skiptir á tollsvæðinu í
Hafnarfirði. Nýlega var gerð reglu-
gerðarbreyting sem varðar inn-
flutning bila. Talið var að þetta
yrði til þess að bílamir kæmust á
götuna.
„Mér skilst að nú hafi eftirlitsað-
ilar í Evrópu leyfi til að taka út bíl-
ana. Staðfesting hefur hins vegar
ekki komið til okkar. Við höfum
reiknað með staðfestingu að utan í
nokkra daga en hún hefur ekki
komið,“ segir Siggerður Þorvalds-
dóttir, afgreiðslustjóri hjá Skrán-
ingarstofu.
Hjá dómsmálaráðuneyti fengust
þær upplýsingar að nú væru vott-
orð frá sérstökum skoðunaraðilum
víðs vegar um heiminn viður-
kennd. Áður voru vottorð frá fram-
leiðanda skilyrði.
Reglugerðinni hefur hins vegar
ekki verið breytt efnislega. í henni
eru greind skilyrði sem þarf að
uppfylla, hvaða búnaður þarf að
vera í bílum og fleira. Hingað til
hafa engin úrræði verið fyrir
hendi ef framleiðendur hafa ekki
viljað gefa út vottorð. -sf
Fantið í tímai
6
dagar r Þjóðfjátíð
/
/
/
/
/
/
/
/
/
/
FLUGFELAG ISLANDS